euro go go (已結業)

真係貪方便，先去外賣，排隊order, 之前2位全部想俾card， 但只收現金，諗住好彩有一千蚊紙，點知又唔收，係商場入面，要㩒錢又要落番地鐵站，頂！放完工，攞住note book, 行嚟行去！想話而家乜嘢時代，唔收credit card, 真係等摺！

到新達快快趣搵間餐廳有位，叫咗個蜆肉意粉，蒜蓉包，肉醬意粉同法式蝸牛，兩個人真係食唔晒，呢餐都要成日百幾，真係都幾貴下。蒜蓉包真係好香好脆，但好多牛油。朋友食蜆肉意粉，味道喎錯，勝在又夠熱。肉醬意粉好多料，真係好填肚蝸牛冇咩味，但熱辣辣，加埋薯蓉，都可以。係冷氣一般，同旁邊坐咗個B，佢爸媽完全唔係好理佢，佢不斷叫，佢地一走，即刻靜晒。食物唔錯，但快餐環境格局水準，收到好似收到高級餐廳價錢，有些唔值。

點講好呢，今日朋友約咗出嚟但臨時因為屋企有事，咁我就變咗一個孤獨嘅人，就唯有自己去食下午茶下午茶餐，蘑菇肉醬意粉 (細) 跟餐飲一杯 $39就以價錢嚟講都算抵食，但係睇返嗰個size, 其實係好細碟，嚴格嚟講真係只可以攝牙罅，係一啲都唔會飽， 我相信就係小學生都唔會夠飽。呢個肉醬意粉個意粉 sauce 啲蕃茄味唔夠濃郁，甜酸度又唔平均，蘑菇得個幾片，肉醬又唔夠肉味，意粉又唔夠 al Dente,問過侍應可唔可以叫廚房落啲橄欖油落意粉度，佢又話冇呢個服務。唔好食，真失望。

今次黎到大埔Euro Gogo 食lunch，一入去店舖好大，裝修好靚！點餐後可以坐低慢慢等侍應拎比你食。我叫左個白汁香腸意粉同一杯芒果冰冰！個沙律好好食，好fresh 嘅感覺！個意粉如果多啲汁，我自己覺得會更好食！個汁白汁味夠，好食！芒果冰冰，係汽水加芒果🥭

今日瞓唔著晨咁早就起身，一於吃個靚早餐啦，上新達廣場見到有新開分店，好闊落，裝修唔錯，地方大過以前好多，仲可以用Alipay，方便好多，以前只收現金好麻煩。👍朝早都有唔少人吃早餐，座位坐得比以前舒服好多，感覺都比較乾淨，唔似有些分店用即棄餐具，環保好多。食物質素保持到，以後早餐又多一個選擇。

同男朋友🧒🏻打完牌之後就去附近嘅商場搵野食, 見好耐都無食euro gogo, 就入去食下先😆😆 我地唔係好餓所以叫左少少野食就算啦😊荔枝紅茶🍹, 味道唔錯, 有少少甜, 仲有好幾粒荔枝果肉, 解渴一流👍🏻鮮茄煙肉香腸磨菇意粉🍅🥓🍄🍝, 味道唔錯, 醬汁幾多, 蕃茄酸酸甜甜幾醒胃😊夏威夷簿餅🍍🥩🍕, pizza熱辣辣, 配料多, 唔算大份, 但兩個人輕食嘅話岩岩好☺️法式薯蓉焗田螺🇫🇷🥔🐚, 田螺爽口唔韌, 薯蓉夠熱, 味道幾好, 加埋濃郁芝士🧀 極之邪惡😈🤤😋😋

新達商場終於開番d食肆，呢間鋪頭開咗都一段時間，之前日日都好多人，過左一排小人左好多，但係野食都還可以，價錢又唔算貴，最好係佢叫個下午茶餐可以加8蚊要多個通粉，唔驚唔飽。佢餐牌一至五同星期六日有d唔同嫁，我影既係一至五下午茶餐牌，星期六日既餐牌係無肉醬意粉㗎。不過有一個問題佢既抹枱布係超臭 ，佢抹完張枱係有陣味，要一段時間先散我就自己有帶濕紙巾抹左就好d希望佢地會洗下d毛巾啦順便一提，我飲過佢地既凍檸茶，我覺得唔好飲，可能我飲開茶餐廳的，佢地沖法有d唔同

嗌左個香辣雞中翼餐，配凍檸茶加$5 雞翼一碟有五隻色水好靚佢嘅香辣醬汁都幾濃味下，雞翼算大隻，本身應該有醃過下，再配埋啲辣汁有少少重味邊位幾脆，入面好juicy嘆埋凍檸茶，享受下午

知道新開，就過嚟食吓下午茶☺️ 以前喺大埔墟火車站附近開左好耐下，自從執咗之後都冇食過。難得開返就試吓嗌咗個蘑菇肉醬意粉茶餐，配熱檸水，$39幼幼地嘅意粉煮得唔錯呀～ 好彈牙👍🏼肉醬份量都好多，味道濃淡適中仲有幾舊蘑菇喺入面～ 作為一個下午茶，佢嘅份量係足夠嘅

屋企附近開左間新野，所以就同媽媽、老公走左去試下，結果係好滿意！其實euro go go早係我中學年代就係大埔火車站開過，果時讀wscss好近，行3分鐘到火車站所以成日同同學食，最令我懷念嘅係白汁吞拿魚意粉，果種咸香味充滿我整個中學回憶所以今次都叫左個白汁吞拿魚意粉，不過比起10年前，通漲左好多，舊時賣$4x一個pasta set(當時一個茶記學生飯$28）都算貴，但依家要$7x一個set，唔知係唔係人大左有錢，覺得其實都唔算太貴🤦🏻‍♀️味道方面同10年前一樣咁好味！好juicy 嘅蕃茄pizza，勁好味！蒜香超強！

妹妹從美國返來，一家人去食晚餐。剛巧呢間食肆分店開張第二日，一於去試下。從電子餐牌觀察，似乎食品選擇唔多。店內顧客人數唔算多，座位大約有80個，但全部係2至4人枱。我們這一家6個人要坐得好迫。似乎不適合大夥兒來幫襯。我地order咗兩個沙律，薯皮拼盤，兩個意粉，一個薄餅同埋焗田螺。薯皮拼盤卡邦尼意粉意式青瓜蘑菇鮮茄意粉千島海鮮薄餅(全份)法式薯蓉焗田螺最後order咗飲品現場所見，職員人數嚴重不足，佢地忙到不得了。由清理枱面，放置餐具及上菜時都有甩漏。整體滿意，會再來幫襯。