euro go go (已結業)

We were not expecting to visit this restaurant during lunch but the restaurants nearby was crowded, we decided to go for somewhere with no time for queue and peaceful. Restaurant setting was similar to local fast food chain but serving typical western food, such as pizza and pasta. Offering variety of food options in a good deal. We asked for a zucchini mushroom spaghetti set and orzo and an ox tongue chunks in tomato soup set. Both sets covered a drink and a slice of garlic bread. Garlic bread

如果想系大埔區優閒地吃早餐，我必定會揀新達廣場的Euro go go。這裡地方大，座位寬敞，早餐種類也算多👍🏻。我通常都係叫牛角酥加蕃茄通心粉早餐配咖啡，今日就飲奶茶。湯通粉系暖上，如果熱上更好，湯有蕃茄和香草味，牛角酥🥐系一整大個，夠香脆！而且附上果醬和牛油，茶上後吃特別好味！餐廳的咖啡系即磨咖啡，味道0 K，大杯裝，估不到奶茶也不比茶記差，有茶香，奶適中，好過很多快餐店的奶茶味道，有驚喜！餐廳通常不會滿座，枱與枱之間距離闊，坐得很舒服，職員亦不會催促客人離開，所以我可以在這處輕鬆舒服地享受一頓豐盛美味早餐。

第一次食唔知跟餐有咩配搭，counter 妹妹好有耐性講解，清晰易明👍🏻問pizza 半個即幾大？有埋1:1 sample 比你睇，專業細心👍🏻前菜沙律🥗汁酸may may 好開胃，pizza 餅底勁脆，好食過「大集團」及「平民價」餐：沙律+半個pizza+熱咖啡 = $58呢個價錢食咁多嘢+好好味，抵🥹

下晝唔想食咁多野，想食少少野就算。去咗叫雞胸沙律🥗，仲有野飲同蒜蓉飽送。如果加$8仲可以叫返杯咖啡，chill 下。食物味道普通但正常。叫完野食就可以坐低等送餐，因為有專人個送過嚟。環境都唔錯，夠少人，唔嘈。

行完山同朋友試食，叫咗青醬鮮蝦菠菜意粉、蜜糖雞翼、千島醬海鮮pizza、甜品試咗香蕉酥，嘢飲係焦糖奶茶，青醬鮮蝦菠菜意粉非常驚喜，味道啱啱好，唔會過鹹，青醬同埋菠菜嘅味道好夾，蜜糖雞翼焗得啱啱好，完全唔會過老，蜜糖嘅甜度同埋份量亦都係啱啱好，值得encore，相反Pizza就顯得較為普通 🙆🏼‍♀️

在好遊閒，又想找個舒適的地方吃個不貴的下午茶，Euro go go是可以選擇之一，约下知已朋友係度傾下計是不錯，因為它無限時的。而又想吃牛角飽加歎coffee，價錢合埋的，我想可以推介這間大眾化的餐廳。芝士吞拿魚牛角飽，飲榛子latte ，再加$10要個番茄通粉是我慣常叫的，因為這兒的牛角飽即時烘出來，即時吃是脆香的，因為在別的地方未必吃到咁脆的牛角飽，有些地方是不脆的;另外在這兒別的coffee一般，不合我口味，但榛子味latte就合我口味，好香，甜度剛剛好，而個通粉是用新鲜蕃茄弄的，只加$10，經濟又胞肚。除此，它還其他可以吃的，例如pizza,意粉、沙律(不錯)、蒜容包(都是值得推介的)，所以大家都可以試下!

前櫃枱員工禮貌有耐性，喜歡枱與枱之間距離適中不太迫，尤其疫情期間不想太多人擠迫的空間食早餐的話，鄰近火車站這裏是不錯的選擇。食物質素如果再提高一點就會更加好，會想再來。

Menu上面牛油果沙律圖片只供參考，真係難食到揾唔到詞語形容😅賣相似廚餘，啲牛油果入面係結冰，吞拿魚又腥到爆。個3塊餅皮唔知要拎嚟做乜？食左2啖覺得唔對路已經冇食，但翻到屋企已經搞肚，好似King Kong係我個肚入面叫緊😅 個沙律重要60幾蚊，我當我比左嚟通便。連鎖嘢嘅蘑菇湯，我已經做好心理準備係用pack好嘅膏開水，但開水都比啲感情開好啲，一大舊膏係底，死咸以後唔會再幫襯，唔知點解裝修咁fancy但嘢食可以咁shitty

Euro go go大概係pizza乜同意粉乜既合成版，黑色既裝修似乎感覺高級少少，但裡頭其實都係一堆港式西餐。隨意揀左鮮茄煙肉香腸蘑菇意粉、芝士火腿牛角包、蜜糖雞翼、熱歐陸咖啡同埋凍蜜桃茶，叫做填飽個肚就算。主食味道尚可，意粉唔會太過腍，好怕煮到糊晒一堆咁，茄汁係現成貨色，談不上鮮茄。牛角包有叮熱番，已是正常可接受水平，蜜糖雞翼就係你同我都整到果種蜜桃茶有蜜桃原來並唔係理想，吊下味都唔錯。咖啡唔太酸唔太苦，正常發揮。

雖然呢間餐廳唔係啲咩打卡餐廳🍴不過佢嘅價錢性價比極高！而家越來越多連鎖店，見到係屋企附近都開左間就試下先😙叫咗一個蕃茄火腿通粉佢會包埋一個牛角包🥐，加咗$10嘅蜜桃紅茶 都只係$52，起碼都食得飽肚，味道又唔差😉

睇醫生前去食個早餐先，原來新達廣場大部份餐廳都有提供早餐。想快食又唔想太多人，就去咗euro go go, 鮮茄湯通係加錢叫嘅，炒蛋好建康，要重味啲，自己落鹽，不過枱上冇提供要叫待應比，啲炒mushroom 就有落胡椒粉，唔錯，個茄通粉都好健康，係鮮茄唔係茄膏。牛角包冇食到，買相唔錯。呢度大約50幾蚊。整體唔錯。起碼坐得舒服啲，食物又少油，健康啲囉🙃

這天晚餐，我到大埔新達的Euro Gogo 吃。那兒人不太多，因此環境方面我十分滿意。店內樓底特高，空間感充足。座位也坐得舒適。人不多的時侯就自己選一張闊落點的枱吧。當你入坐時，店員就很快為你端上餐具了。服務不錯.我點了個磨菇肉醬意粉。這個意粉蕃茄味香濃。肉醬很足料，口感豐厚，所以食落味道很濃郁。喜歡吃肉醬意粉一家喜歡。另外，意粉雖然不是焗的，但溫度仍是熱孚孚的。除了肉醬外，蘑菇亦為意粉加添了輕怡感及清新的感覺。凍荔枝茶荔枝味很香，而且夠凍，在夏日時飲一杯，十分開心

呢間高級連鎖快餐店香港那邊比較少，今日在大埔見到，裝修又唔錯，朋友又話質素唔差，咪試一試囉朱古力泡沫咖啡：泡沫幾滑，合格荔枝茶+汽水：兩樣都平均合格蜜糖雞翼：我覺得可以焗耐一點，平均一點香蒜蜆肉意粉：蒜頭味幾香，意粉夠乾身，而且軟硬適中；蜆肉也算多，不過有少少沙😅超級薄餅：好欣賞佢有半份點，全份會太飽，半份剛剛好。薄餅有黑椒牛肉、辣肉腸、菠蘿和煙肉，夠香口；餅底唔算厚，所以焗完後仲有點脆邊，正煙肉蘑菇薯蓉：呢度嘅薯蓉跟其他餐廳有點分別，薯蓉保持了粒粒薯粒有咬口，加埋嘢味的煙肉好好食，而且分量細，食哂都冇負擔，會過量

今日有時間就黎食呢間餐廳我好鐘意食呢度蕃茄通粉味道足料，濃味每次食都食哂仲加左個包下次試下其他野食評分：4/5（5分滿分）環境：4/5（5分滿分）抵食：4/5（5分滿分）

其實食開呢間野都知道呢間野既野食其實真係唔錯，而且算係平民價錢，特別係下午茶時間，今次我同我個friend 一齊黎食，本身諗住好耐無食佢個蜜糖雞翼，所以就叫左黎食，但真係食咁多次都無試過好似今次咁要等成60mins 先黎，呢點真係有啲預計唔到，個雞翼係就係好食，不過我地本身係預左時間之後做其他嘢，就係因為咁我地要食得勁急，不過要讚既係有個staff 好有禮貌，幫我地入㕑房吹左幾次，希望可以增加人手，等出餐時間可以快少少。