euro go go (已結業)

一向都覺得euro go go係連鎖式快餐店，叫做高級d。想食平野又不失尷尬，就試下成十年都未食過嘅餐廳。1.肉醬薯蓉薯蓉算軟滑，肉醬汁也有足夠酸味，令到食落口唔會太飽滯，肉醬幾惹味。2.白汁香腸蘑菇意粉味道適中，意粉質感軟硬都唔錯，易入口。白汁都唔會太漿。3.煙肉焗忌廉西蘭花煙肉鹹香，西蘭花同忌廉汁都係麻麻地焗得唔混和。西蘭花明顯較硬。4.香蒜芝士藍青口青口好細隻，不過味道又卻唔錯，仲勁多焗過嘅芝士，好啱口味。5.凍蜜桃茶甜甜地，少少茶味，又幾解熱解渴。當日咁啱想食濃味少少，所以幾啱胃口呢。價錢算抵啦。不過真係冇人手得好緊要，我比錢買野過程個店員又要去顧其他客人問野同排隊，都真係令我勁無奈。

今日同朋友趕時間想食個early dinner, 係新達廣場求其搵一間餐廳食，其實都知道新達無乜好野食，於是揀一間睇落唔伏既eurogogo,入去都無乜人，多空位，心諗可以即刻有得食啦。點知點左一個白汁海鮮意粉，同一個法式麵包布甸，個意粉等左成廿幾分鐘先到，個布甸等左七個字先到，全程我地催左兩次都要等，完全唔知佢地搞乜，見住佢地係甘做foodpanda同deliveroo既單同外賣單，堂食既就等半個鐘都無，真係激鬼氣。個意粉一上我地就食，都唔記得咗影相，個魚柳係未焗熱的，我地趕時間就唔嘈了。個麵包布甸反而唔錯，但都只係唔錯。下次趕時間唔會再黎食。

我到底做錯咩？出事架嘛，個腎吖！中飛不嬲食開佢雞奕，香辣同蜜糖味都食過今日難得堂食，食下半份至尊，辣雞同焗田螺雞奕鹹到我要整走d紅汁，平常我係多汁先食的pizza正常，反而係個焗田螺個底的芝士加薯蓉有驚喜唔知係pizza同雞奕令到我覺得薯蓉係成餐飯之最

喺新達睇完醫生，原本諗住去街市嗰邊食個早餐就去三門仔行，點知行經 Euro go go 就轉咗軚 😅😅睇吓餐牌又揀到，咁就費事周圍行啦，叫咗 2 個餐，一個喺芝士吞拿魚法包跟茄通，另一個係火腿番腸茄通加牛角包。芝士吞拿魚法包新鮮烘製，但敗筆在於就鮮熱辣烘起放喺冰冷嘅碟上，一冷一熱出水氣件包索返就會變淋變靱，好彩我快手墊返塊餐紙索，咁就隔陣食都仲脆卜卜。2 個蕃茄通都係同一個湯底，第一啖食啲通粉喺未煮透，要浸多陣先淋返啲。牛角包好食。另一失敗作喺咖啡唔夠香濃，講真 7 仔嗰杯比佢更優勝！

下午茶叫左肉醬薯蓉，手掌咁大既份量，索價$38，似乎overpriced不過薯蓉味道好味，大大粒薯仔肉有口感雖然份量唔理想，但製作有誠意環境都相當闊落，適合朋友傾計，加分

每次去大埔行山都會係新達廣場食完早餐先出發，早餐首選一定會揀euro go go👍👍👍第一食物種類選擇多，價廉物美，第二又坐得舒服😊👍 枱與枱之間唔會太迫，對於顧客嚟講疫情之下係一個好好嘅保障，餐廳嘅牛角包真係無得頂，熱辣辣上枱，夠鬆化，牛油味濃，size剛剛好做早餐，再加埋杯泡沫咖啡真係無敵，杯咖啡既咖啡豆夠香濃，飲到最尾有少少回甘，再加埋杯頂濃厚既泡沫，一啖咖啡已經有唔同既層次 。美好既一天由早餐開始😊

細細個覺得euro gogo幾好食，依家好似越黎越唔好食咁，見佢個menu都唔算好吸引，就叫左個最平既白汁腸仔意粉，朋友就叫左卡邦尼，本身都有認過叫，但係差$10😂冇叫，我冇加湯，朋友就加左，好似要加$10，佢話勁鹹，好彩冇叫，飲左一啖，然後冇再飲。佢個lunch set 有蒜蓉包送，但個意粉到左，蒜蓉包都未到😂仲叫左熱咖啡。個白汁腸仔意粉好似係茶餐廳食個啲咁，個汁完全勁hea，加埋啲廚師腸。咖啡係即磨咖啡，$56，好彩咩都冇加。

大埔新達廣場，大間呀坐坐下，兩點，原來有下午茶有最愛的蕃茄通粉，湯底好飲，我次次早餐飲埋薯蓉的真薯仔，唔係開粉，好味。用新鮮的磨菇，好味，也是我至愛連飲品是＄48滿足的午餐

食落真係好好笑，請聽我娓娓道來。諗住夜媽媽唔多選擇，是但入一間，見環境OK，上年開到現在都未試過可以一戰。點左兩樣食物先1. 芝士海鮮意粉2. 香蒜芝士青口先唔評論食物，淨係收銀台點餐竟然只收現金，連八達通都無，可以當我自己係食緊街坊粉麵店嗎？請問係點市場定位間餐廳？等左一陣先有員工返收銀台點餐，都見到佢忙緊，明顯員工不足，都唔會怪佢，係管理問題，食物價錢仲要相對同類餐廳唔平，如果有返相等質素服務就當然無問題，但估唔到食物質數先係最大賣點！1. 香蒜芝士青口食落真係好好笑，令我諗起一句成語，“骨肉分離”，即係青口同芝士係一齊烹調，但係青口完同芝士係完全分開，青口係無芝士味，你需要分開兩匙羹將佢地放入你個口先食到兩樣食材稍為小小融合左嘅味道。2. 芝士海鮮意粉又係近乎”骨肉分離”嘅境界，意粉上嘅芝士因為焗完嘅關係會痴埋一舊係正常，係嘅時候通常會撈一撈埋先，但好明顯係撈唔埋，因為意粉係好乾，芝士又焗完痴埋一舊，撈埋一齊放落口都一樣感覺到兩樣野融合唔到。如果想食環境？又唔覺環境有幾好，都係普通裝修，唯一係餐台之間都隔得幾疏。食完都覺得自己點解咁低能會去試呢間。我真係就算去 薩利x 食同樣食物

有時候唔知食乜好 只好求其入間餐廳搵嘢食 而euro go go喺我心中一直係咁樣嘅存在 唔會特登去食euro go go 但總有食嘅時候 唔知點解 就好像寫下呢篇好似幾無聊嘅食評😯所有食物都係普通 正常地好食 冇乜特別 但基本上一定唔會伏 而且質素穩定 穩定地令人滿意價錢略貴 但其實份量亦好大 但作為午餐/ 下午茶 可能太多了 一個人食唔曬 可能唔算輕食 pizza set同pasta set都算正餐 今次食咗卡邦尼意粉 跟餐有配蒜蓉包同嘢飲 蒜蓉包幾好食 好脆 裡面麵包亦夠軟 味道不錯 餐飲揀咗凍檸水 正常 卡邦尼意粉 份量多 一開始食幾好味 但繼續食可能有少少膩同悶 但都好食嘅

有日咁岩經過新達，想食得冇咁頹於是就入左eurogogo盛惠70蚊因為自己大頭蝦冇為意原來個法包餐係跟埋通粉所以加左20蚊芒果乳酪其實剩係食通粉+法包都夠飽味道正常好多人都話唔值咁貴但去過幾次都坐左唔少人點解呢？可能好多人都寧願比多十蚊八蚊但可以坐得舒服d食得舒服d可改善地方：唔收卡唔緊要，至起碼收發達窿⋯⋯⋯⋯

2020年02月17日同同事們食晏，因為同事話好耐冇食過euro gogo. 咁岩新達開左間。我地就約左四隻腳去食。雖然黎到都成2點。但都唔算少人。係唔洗等位。冇餐牌要企係度睇有啲麻煩。跟住落單個姐姐又勁慢。等左好耐。落單又落左好耐😅之後勁長人龍。好彩唔係正常食飯時間。叫得黎都遲到。凍蜜桃茶最好飲，不過有啲太甜。熱嘅蜜桃茶熱嘅齋啡。熱嘅cappuccino之前食佢個雞翼明明好好食，今次食又普通。普通。好似未熟咁。幾好有啲咸。以午餐講，佢都算偏貴。

以前上學的時候，資金不多，偶爾能光顧一下Euro Go Go已很滿足這麼多年了，終於在家附近開了一家分店！店面算廣，但座位不會排得太迫平日的8pm來吃晚餐，不算太多人等位好快就有位了！點了芝士白汁海鮮意粉及半份千島海鮮pizza芝士白汁海鮮意粉，配料有魷魚﹑蜆肉及魚柳配料份量尚算足夠，意粉夠多！芝士面層焗得香脆，白汁份量夠，但味道不夠濃郁～整體味道偏淡，要加芝士粉吃才夠味！千島海鮮pizza (半份)，配料有魷魚﹑蜆肉﹑蝦仁及菠蘿但配料好少！！批底夠鬆脆同樣地，醬汁味不夠香濃，千島醬的味道淡了一些～～雖然味道比預期之中遜色了一點點但作為快餐式的西餐，人均消費$60，跟一般快餐店的價位差不多勉強可以接受吧～～

平日想食個簡單西餐快餐又想坐得舒適大埔呢一間euro gogo就係一個不二之選首先，餐廳佔地面積龐大坐枱之間距離舒適不會有狹窄嘅感覺其次因為係新裝修嘅緣故令人感覺眼前一亮食物方面，這裏都是出名焗類食品例如薯蓉及一些簡單的沙律，意粉系列質素方面當然冇正統西餐好食味道簡單直接做到一般嘅水準對佢沒有期望的則一定接受到芝士份量好足食物份量適中而且價錢好合理性價比高假若跟小朋友去食分量更可以就得啱啱好1個主食+1個小食

this eurogogo is quiet spacious when comparing with the other branches. the seats are comfortable and we could easily find a table to dine. we ordered garlic bread, my favourite risotto and half set of pizza with a hot peach tea. all of them were very nice. love the garlic bread very much. The garlic bread was really crispy. I guess it was freshly made after they got my food order. The risotto had black truffle sauce which nicely enhanced the fragance!! The pizza was crispy as well with a lot of