Espuma (H8) (已易手) 新餐厅

和師姐一齊完成手頭的工作便去午餐，師姐忽然大叫‘ngjohn ’ 莫非工作有什麼遺漏！她說： 我哋去試吓新Menu😅 。因為已經係下午二時多，所以過了人家繁忙的午飯時段，我哋可以好好享受這裏的環境和美味的食物。Espuma一向是我哋上班一族覓食好地方，他的西班牙菜式好吸引，還時常轉換新菜款。其實我好鍾情於他們的海鮮西班牙飯 但今日又想吃點牛肉類，於是選了Paella de Ossobucco 小牛膝西班牙飯，肥肥黃色的米粒充滿了香料及番紅花的顏色和味道，還有熟洋蔥粒、黃燈籠椒的甜，臘腸的鹹香。牛膝燜得好入味、腍滑，啱晒喜歡食肉的我。今日有點熱 飲杯清涼飲料 Signature Fruit Esp 好正，超正，好大杯，飲到最後仍然好濃，乾杯🍻Sweet Talkin Lava Diva (Limited supply daily) 流心軟芝士麻糬厚鬆餅 每日限量供應 因為是新鮮爐製 要大約30分鐘。 的確好食，一切開有流心芝士，餅身鬆軟富蛋香，還有麻糬糯糯的質感，我相信男女生都鍾意👍🏻

這間位於尖沙咀H8樓上的＂Espuma＂想試很久了，下午兩點上去吃午餐還是人山人海座無虛席，幸好朋友仔有訂檯否則就要在門口排隊了😏白酒忌廉煮藍青口配蒜蓉多士＄118濃濃的白酒忌廉汁，奶味濃郁味道層次豐富，又香又滑，藍青口嫩滑鮮甜，點上蒜蓉多士一滴汁也不會浪費😋香煎帶子配牛油果醬及香芒莎莎＄118除了芒果還有新鮮的蕃茄洋蔥粒味道清新又帶點微辛辣刺激味蕾的口味，帶子微微焦香加了少許木魚在面，增添鹹鮮味👍🏻小牛膝西班牙飯 （一人份)＄118西班牙炒飯較乾身，有多種香料味道,牛膝煮得入味有筋位很黏口，骨中間還有牛骨髓很鮮味👏🏻流心軟芝士麻糬厚鬆餅＄108這個流心芝士厚鬆餅，香噴噴很軟熟，𠝹開少少馬上流出奶芝士汁，不但吸睛更好食到停唔到口😛

espuma 換左新裝修， 感覺開揚左， 不過啲枱擺密左🙈 換咗新裝修之後， 餐牌都有所改變！叫咗一個西班牙海鮮炒飯，好足料，味道唔錯，炒飯唔會太乾太硬！ 如果有多啲飯就好啦 另外叫咗個薄餅， 芝士四重奏！ 聽個名都知道係芝士控必食啦！ 芝士味極濃， 不過當中嘅blue cheese 唔太啱我口味， 而且個味太突出， 所以我覺得一般啫。 但個餅皮出奇地好食，哈哈小食就叫咗個單骨雞翼， 都係一樣咁好味， 不過買上就有啲求其 飲品嘅選擇明顯比以前少咗， 普通花茶嗰啲都有嘅

Espuma係一間之前我同朋友都有食過嘅Cafe，不過對上一次係同幾個女仔嚟食，可以坐好耐講一個下午。今次只係同朋友途經此處，有少少餓就搵咗啲嘢食。我哋二話不說叫咗呢一度嘅特別推薦珍珠奶茶窩夫配雪糕、香煎帶子配牛油果醬及芒果莎莎、黑松露醬炒鮮野菌闊條麵，另外仲叫咗一杯熱嘅比利時Coffee，裏邊仲含有少少酒精成份。芒果莎莎到咗，賣相已經覺得佢色彩繽紛，有紅色嘅蕃茄粒粒、黃色的芒果、綠色的牛油果和煎得金黃色的帶子，一共有六粒。將帶子點上芒果莎莎醬，整件事很新鮮且香口非常，帶有水果的清甜和芬芳。隨後吃了闊條麵，闊條麵是我由細到大最鍾意吃嘅食品，貪佢夠大條可以將更多嘅醬汁送進口中。單從氣味判斷，已非常香濃，芝士磨成粉和黑松露互相輝影，加上稍為硬身的闊條麵，整個口腔也受到衝擊。因為特別的是他的珍珠奶茶窩夫雪糕，窩夫裏面真的放有豐富的珍珠，窩夫弄得很鬆化，配上珍珠彈牙的口感，非常有趣，另外配上香草雪糕，冷熱交融。最後學了一口熱咖啡，有着比利時酒的味道，香酒和咖啡完全沒有衝突，令人齒頰留香。

今日我哋兩個放假，陪Honey 去金馬倫道整頭髮，估唔到由三點幾，等到六點幾，真係又悶又肚餓。好彩，Honey 話請我食飯補償番。轉個彎入到去厚福街，唔慌無嘢食。遠望見到 Espuma，一於上去搵食。六點半上到來，無咩人，唔使等位，good!這裡主打西班牙菜和意大利菜，所以必然選了一個Tapas、一個海鮮西班牙飯、一個Pasta，再加杯 signature coffee。【蟹鉗西班牙奄列 $78】這個 Tapas 實物跟 menu 上的相好唔同，有點surprise。原來奄列可以造成一個大蛋糕咁，估計有一磅重。將佢切開，就知道，佢嘅製法是非常複雜。原來是先將奄列煎好，再將炸好的蟹肉薯蓉球釀入去，之後封好，再焗。完成後，再放大量紫菜碎在上面。真是誠意之作。【Espuma Signature Coffee $40】香濃泡沫咖啡之上，灑上黃糖粒，再燒焦。多了一重糖焦味的泡沫咖啡，係好飲好多。【海鮮西班牙飯 $138】有水準，用小鑊來上。飯底造到金黃色，番茄蓉、魷魚仔、香腸混在其中，味道好正!鮮蝦香煎後，剝埋殼，好體貼。【蟹肉白酒青胡椒天使麵 $118】賣相吸引，將天使麵砌成小山丘。山丘頂有好

一直好想試Espuma，因為上網見餐廳裝飾好有feel😍，食物又好吸引。終於卑我等到今日呢個好機會黎試啦！餐廳好大，環境果然同上網見一樣好舒服好靚，因為lunch時間過黎，即時被安排入座，仲可以坐窗口位😃。海鮮西班牙飯🥘難得黎到Espuma，當然叫招牌西班牙飯，呢個仲有另一個至尊款，大分d! 兩個女仔叫一人份已經好足夠。有蝦、青口、臘肉腸，青口大大隻，飯大大粒，好足料！食完好滿足😊另外再叫左：蟹鉗西班牙奄列🍳起初以為小食，好細份。點知咁大！成個半磅蛋糕既size!有四大隻蟹鉗！🦀蟹鉗炸到好脆好熱！咬落蟹肉味十足！奄列有別於港式做法。🍳似蛋批咁。咬落好厚實。。再加上沙律醬及紫菜係上面，更多口感。味道似食緊大阪燒咁。食哂成個真係超飽！招牌鮮雜果麻糬窩夫配雪榚：綠茶味🍦(Half) 另一招牌之選💯！ 由於半分關係，搭唔到menu全分個樣，但廚師依然花心思整到好靚我地影相📸 窩夫頭部分好脆口，尾部分加左麻糬，好煙韌😋 。底部有好多吉士&雜果配搭，色彩繽紛，又好味🤤，味道好甜美。

人氣餐廳終於有機會一試。Lunch 時間光臨，都已經有三成客人入座，好在被安排坐窗口位，間中有太陽入射，感覺幾舒服。兩個人order兩款主菜食：一人分海鮮西班牙飯 ($138)呢款係餐廳招牌菜式，有另一個至尊款for兩人份，但個人覺得一人份已經好足夠for兩個人食。味道方面麻麻地，海洋中規中矩，但個飯太鹹，飯粒好似浸過鹹水咁，都食唔落👎🏻豬肋骨配薯條($188)豬肋骨反而意外好味，肋骨有少少肥膏，配上蒜蓉醬，好香口，薯條熱辣辣，新鮮炸，仲配有少量黑醋火箭菜，完全中和肉&炸物油膩💯另外叫左杯凍mocha($40)，味道好味，如果有層cream在面會更perfact。餐廳服務不錯，店員/經理不時為食客添水，見佢地會為食甜品的客人換餐具，幾細心

Espuma 港女熱門之選🧚🏻‍♀️ 環境幾靚，主要用pastel色牆身，影相絕對一流，餐廳位於厚福街H8二樓，地鐵行去五分鐘左右好方便。Fish and fries 🐟🍟 $98第一次食炸魚薯條d炸魚大條到好似油炸鬼咁🤨 仲要有兩大碌🤷🏻‍♀️ 上枱時賣相好吸引😍 魚炸得好脆，粉醬偏厚，魚肉都唔薄，所以食落口感還好唔會只係食到粉。炸得好夠脆又唔會成口油，魚肉都算滑唔會炸到好乾，唔佔沙律醬既話味道會偏咸少少。薯條係粗薯條，味道還可以。蟹鉗西班牙蛋餅🦀🍳 $78 蛋餅一共有4隻蟹鉗係上面，餅底有洋蔥蟹肉等等配上面既紫菜絲同中間既奶油醬，味道配合得幾好，不過由於成個都係蛋同粉，會比較膩，建議4個人share最適合。西班牙海鮮飯 (一人份)🍚🦑🦐 $138🍚份量唔大，真係一人份，不過兩個人share加d其他野都差唔多。有青口、蝦、魷魚等海鮮，飯底撈左好多紅黃椒，食落口感有d似risotto，佢伴左檸檬係側邊比你撈落飯到，個人認為唔加檸汁食味道較好。對海鮮質素期望不要太大，但飯底調味係做得幾好既。Baileys Coffee ☕️ $58Baileys 同 coffee 都係我既至愛，見到又點可以唔

温泉旦泡菜卡邦尼意大利面98大大碟的份量有驚喜，添上了芝士粉跟芝士，調味要好，意粉好有咬口，泡菜味濃郁，加入洋蔥煙肉泡菜和温泉旦，挺豐富，口味比下面的重不少，提議二人分享才可，因為泡菜掩得蠻咸的。黑松露醬炒鮮雜菌寬條麵118手工做的寬面條，把濃縮了的汁醬充分鎖緊，配上炒香了的菇菌，均勻舖在意粉上，看似簡單，但加入味道要好的黑松露醬和芝士後，食味倍感提升☺️雲石流心抹茶戚風旦糕98美美的樣子，抹茶海綿旦糕外面淋上綿花糖漿，一切下，入面爆流心如熔岩，原來是冰凍的如雪糕口感，特別的新嚐試。唯面層的糖層如果淋薄些會更吸引，少許啫喱層個人不太喜歡，幸好味不太甜呢！凍招牌水果茶48味道很不錯，果味濃郁，冰塊不多☺️熱抹茶豆奶咖啡38咖啡味好強，抹茶味有後勁，賣相還真不錯。食後感：地方寬落，我們坐的位置很舒服，環境開揚不壓迫，全程感覺好輕鬆，不會有急著要賣單的上菜速度。

生日飯吃到今天還沒吃完要胖是沒難度的tea set 幾抵食200幾蚊一半是鹹點，一半是甜點怕唔夠飽點多咗個西班牙海鮮炒飯個飯夠咬口，但係有啲過喊鬆餅同嘢飲都係跟個T set嘅不過我想點嘅瑪奇朵冇晒，唯有點咖啡

一直都好想食呢間西餐，今日終於都搵到機會嚟喇！見個個都嗌呢份薯條，我都唔差在嗌埋一份😳 薯條份量非常多，四個人分黎食都綽綽有餘～黑松露醬非常濃郁，將熱辣辣嘅薯條點嚟食 味道非常夾😍 但係啲芝士略嫌太少，唔係好食得出芝士嘅味道😟見呢款意粉係餐牌上貼左個手指公，有選擇困難症嘅我就點左佢嚟食喇～ 個賣相非常吸睛，塊酥皮有我兩隻手咁大😱 切開入面有啲三色椒同埋意粉，味道唔算好辣，但食落就有啲油，無咩特別，同屋企煮嗰啲差唔多🧐喺餐牌見到呢個組合嘅pizza幾得意，鰻魚加墨汁。但上檯後賣相明顯同張相有出入🧐，pizza上面得好少鰻魚同埋墨汁，雖然食落味道幾好又幾夾，但希望配料可以多返啲，食落都滿足啲！呢間餐廳都有幾多食物選擇，若果想食西餐又多人嘅話其實呢間都唔差，至少鋪面闊落，同埋質素都有返咁上下保證～

lunch時段本來想在同一棟大廈吃其他餐廳 但真係要排好久😭 唯有吃Espuma🤓👍🏻1點左右 餐廳只坐5枱客人 但被lunch menu 吸引而進來！自助沙律吧 - 有不同的沙律前菜 可以自由配搭！ 今天是綠茶批 一口份量 好食！ 不夠還可以再encore餐湯 - 我最愛的南瓜湯！ 好creamy好濃 滿滿南瓜蓉！ 煙三文魚蟹籽忌廉意大利飯 $88睇相可能覺得份量很少 但是吃起來很大份！ 本來以為很少煙三文魚 因為都切成小塊 所以吃的時候是啖啖煙三文魚！ 我不太喜歡燈籠椒 但是切成小塊的是okay的！ 好香口！ 不過忌廉意大利飯是的好膩 飽到上心口餐飲 - 有咖啡奶茶檸茶檸水 糖漿是分開上的服務態度很好！🤓

今日同家姐去做岩盤浴，岀了一身汗，當然要去食番餐補補！行去厚福街盡頭，被二樓間餐廳吸引住！坐低後，時間剛好兩點零五分，有午餐或下午茶供應……當然我地揀左午餐，因為套餐包餐湯，沙律，主菜同飲品！我地叫了三個套餐：有薄餅，意大利飯同牛排……因為我叫埋我蝦子餅一齊食吖！另外套餐加二十蚊就可以試埋個小食，當然我都唔放過啦！好喇…講下啲食物先南瓜忌廉湯夠熱夠creamy意大利飯煮得剛剛好，有少少咬口，味道恰到好處，我建議同人 share 食就最好，因為份量多而且一個人 KO 怕漏！牛排五成熟，但有啲 over 同有少少根，切細件啲食就無問題！小食一流，如果食得到，真係要加吖！最後加十五蚊試特色飲品當甜品！

中同外國回來，大家想選間好食又好坐的餐廳。見這個多好評就選這個。 不過大家食完一致認為試過一次就夠...這裡的格調是不錯既，連張濕紙巾都靚過人（右上碟） 薯條我只能說是熱，和稍微高級過金拱門薯條少少🤦🏻‍♀️ 但個醬汁不錯，有黑松露香。青口只得一半是有肉🤦🏻‍♀️🤦🏻‍♀️🤦🏻‍♀️吉殻居多。麵包是外脆內軟，但半點蒜香都沒有。咁就收$120簡直是不可思議。西班牙飯份量好迷你，大家只分到一口都食不到咩味。但我果一啖係okay既。最好食是豬手。肉質和筋都易入口。我比較喜歡不點醬這個紅菜頭又是除了色彩奪目外，沒有任何味道。鴨胸肉嚼不到的地方多過食到的。我點的這杯Roca凍朱古力大概就是飲雪成冰的朱古力奶。佢到我們食晒所有晚餐連甜品，都溶不到幾多我吸入口😂甜品個樣幾得意既，兩個殼大小剛好可以併在一起。佢環境同格調係靚既。但食物真心麻麻，又唔算飽🤦🏻‍♀️ 五個人每人除開都$200🤦🏻‍♀️ 真的超級唔抵...我覺得有點對不起外國回港的朋友食這些又貴又不好吃...要不是個環境幾好，我應該會俾劣評..

與友人很久不見，想找一個氣氛環境較好的地方，與朋友聊聊天。我們選了Espuma作聚會地點，聽聞這裹的環境別緻，且食物質素不錯。Espuma的環境的確不錯，裝潢漂亮，對女生而言，是一個影相打卡的好地方。水果茶造型漂亮，喝下有甜甜的果香，茶壺內還有新鮮的水果，感覺清新。墨魚汁鰻魚薄餅($108)這是比較少見的配搭，一般Pizza都是用番茄醬作㡳，但這個則使用了墨魚汁，很有新鮮感。Pizza是十分薄身，很脆口，不像一般Pizza批㡳般厚實，故吃完也不會很膩。而Pizza上配料是鰻魚，幾香。海鮮西班牙炒飯($98)來到主打西班牙菜的餐廳，當然要一試西班牙炒飯。炒飯份量不多，飯偏軟身，海鮮亦不算新鮮，除了大蝦彈牙爽口外，其他海鮮，如青口、帶子略嫌無味。黑松露薯條($68)薯條幼長，上面有芝士碎，但是次的主角是旁邊的黑松露醬。醬汁份量很多，非常香，推介。烤蝦蕃茄豆瓣醬意大利麵($118)擺盤凌亂，味道普通。Espuma有點名過於實，食物質素不算十分出色，但環境的確很舒適及輕鬆。