Doux (已結業)

講左好既先，佢個環境係唔差既，高層落地玻璃觀賞旺角樓景，店員服務態度都唔差，但除左個甜品，其餘主食真係唔係好掂，環境一流，食物只係連鎖店貨色，意樂同佢不相伯仲。今日同我女人一齊黎食飯，叫左個意粉，肉眼扒同蜜桃甜品。不得不提佢既制作時間，分別係半個鐘同埋一個鐘，甜品就係就咁係雪櫃拎出黎。首先係個青口忌廉意粉，青口質質數量還算貼得上個價，但意粉量真係好少，質素都只係一般。而個費時一小時既肉眼扒真係唔掂，等一個鐘都算，仲要偏韌Outback 都好過佢。甜品就真係唔差既，係一個流心蜜桃味慕絲。

今天與男朋友在旺角購買家庭用品時, 十分之肚餓便到了Openrice看一看有什麼好吃這一段時間比較愛吃西餐所以在努力尋找下,尋找到這一間Doux西餐廳,位於18/F店內望下去位置可為閣落,比較適合朋友或情人坐下來談天餐牌上的選擇都比較多,但是就沒有任何Set Menu法國活青口香檳忌廉汁意粉 ($138)味道不錯,口感較煙韌青口外表青青藍藍,肉質本身比較粗嚡,不過配上忌廉汁作滋潤，令其肉更嫩滑紐西蘭鮮肉眼扒16oz ($368)肉味濃又香醇,但偏偏口感韌Ruby Prach ($98)外脆的蜜桃糖漿, 內裹配上香濃流心的蜜桃內果醬不過本人覺得比味道比較甜此西餐廳是不錯,不過上菜速度可為緩慢,等了大約30分鍾至45分鐘才上菜如果喜愛談天的朋友,可以去嘗試一下 

Book左八點半去到等多10分鐘就有得入。一出電梯全層都係佢嘅餐廳。電梯門口好熱。出晒汗。到左餐廳都叫有啲冷氣涼涼地。食物等左好耐。等到啲食物都唔夠熱先俾我哋。感覺真係麻麻地。嘢飲方面都OK

旺角B1出口附近,經過天橋就到,好容易搵,餐廳環境昏暗有落地玻璃,氣氛很有情調,食物種類多,有burger,意粉,沙律,薯條,牛扒,甜品,已來過DOUX很多次,食物味道永遠無失望,白汁法國青口意粉,很多白汁,每一條意粉沾滿了濃厚的白汁,青口脤卜卜鮮甜美味,黑毛豬燒得很香,粉紅色肉質很嫩一點也不硬,味道juicy,配上黑醋蜜糖另豬肉味提升,配菜的紫薯,蕃薯很甜很大舊,粟米芯爽口,有我最販的秋葵味道一點也不馬虎!RUBY PEACH呃like甜品不是只有外表,裡面更厲害!切開後有粉紅色的汁流出,濕潤的蛋糕造到跟桃很像,十分認真,味道酸酸地完全沒有罪惡感~女店員服務細心,有禮貌又靚女, 不停為我們斟水, 收碟, 送上濕紙巾值得一讚

眾所周知，香港既星期六係災難片拍攝場地，周圍都係人人人同人..是日小妹想食西餐做午餐，就搵下屋企附近有冇，openrice search到呢間野既午餐set好似唔錯，就即刻訂位，試試佢。唔知係咪時間問題，我地兩點去到餐廳已經冇咩人，得兩三圍檯有人。我地坐左係靠窗位置，仲有大大既高樓景睇~~午餐set介乎$68至$108，包一杯野飲，如果特飲就要另外加錢。我地分別嗌左個經典牛肉漢堡配薯條同慢烤BB豬肋排 (沙律及薯條)，配凍桃茶。Lunch Set有得揀餐湯或者沙律，我地都揀左餐湯。是日係粟米忌廉湯~味道不過不失。經典牛肉漢堡配薯條: 漢堡入面有芝士、菜同埋類似千島醬既汁。咬左朋友個漢堡幾啖，塊漢堡好厚身同多汁，相對其他漢堡黎講，呢個漢堡既味比較淡，所以食得到少少牛既味道，唔會俾D汁既味搶左，幾特別既清新味道。不足既係，薯條凍左少少..慢烤BB豬肋排 (沙律及薯條): 呢個先係我既~個豬肋條一黎果陣，我見佢個樣好似乾爭爭咁，以為會好乾柴啦，點知切落去熟度岩岩好，肉質軟腍，又充滿BBQ醬既味，呢個價錢黎講，出乎意料之外既好食。見唔見到樓景呀~~沙律係柚子醋撈既，開胃又好味~不過都係果句,

約咗兩個朋友，係OpenRice見到呢間餐廳都俾佢嘅環境所吸引，所以就決定咗我哋嘅晚餐。呢間餐廳好full，上網預約理想嘅時間已經full左。不過唔緊要因為原來佢八點半入座不設時限， 所以好適合口水多過茶嘅朋友一齊嚟呢度食。

朋友生日每次要搵餐廳最頭痕係要坐得耐又坐得舒服之餘又唔會催人走但又可以切埋蛋糕，今日就黎到doux喇。以上提到嘅要求呢到都有，而且仲有手工啤飲，同朋友啤啤佢係最happy，吹下水講下舊事幾開心：ｐ食物算ｏｋ，份量足夠，薯條唔小心encore了三次哈哈朋友們都好喜歡薯條，一條接一條，停唔到口。不過呢到最唔好就係。。油煙味好重，食完成身都係油煙味，返到屋企都仲有，希望餐廳可以改善一下通風啦！

尋晚放工同姐姐去咗旺角行街街買嘢晚餐嚟咗呢間餐廳食飯因為之前嚟過呢度幾次食飯覺得好好食所以帶姐姐來試試門口放滿咗手工啤酒嘅樽都幾有特色叫咗個卡邦尼意大利粉份量非常足忌廉醬汁好香滑濃郁！加咗d芝士片咸香味十足但唔會過咸啱啱好黑椒味都好突出個意粉亦都煮得啱啱好唔會過淋有d咬口兩姊妹都係食肉獸所以叫咗個16安士嘅紐西蘭肉眼扒五成熟剛剛好！切開睇粉紅色好靚肉汁豐富肉味香濃！加埋佢地自家製甜甜地嘅牛肉汁食味道好夾我最期待嘅畫面出現了呢度嘅甜品真係好靚！唔叫點對得住自己先！？重點係d甜品又靚又好食！満足視角之餘仲満足埋味覺而且仲好啱我呢個港女打卡叫咗呢個叫Ruby peach嘅甜品！我最鍾意食日本桃！因為桃味濃又夠甜！佢呢個甜品味道就係好似日本白桃咁切開中間仲有d酸酸甜甜嘅桃汁外層個「桃皮」係白朱古力、「果肉」係好香滑嘅慕士、底層仲有香軟嘅海棉蛋糕整體感覺好清新好好味好想再encore

鵝肝意大利飯十分推薦，鵝肝一切下去已聽到脆脆的聲音，火喉剛好保留到彈牙的質感，多汁，味道濃郁，加了甜味的醬汁真是絕配。意大利飯軟硬適中，可以吃到粒粒飯，芝士下得一點都不手軟，香濃好吃。黑毛豬連骨很厚一塊，初時還擔心會不會很乾硬，吃下是多汁而且一點都不硬，帶一點咬口感，外層煎的很香。伴菜好看得像藝術品，而且也好吃，玉米筍爽口清甜。紫薯和黃薯都很香甜，我跟朋友把整盤吃得很乾淨。甜點點了桃造型的，外形夢幻，適合港女打卡，裡面的桃醬是用新鮮桃打出來，味道和人工調味料就是不一樣，更加清甜。

接觸法式甜品會被其香香甜甜溫和帶點浪慢的口感所欺騙，當知道吃多的時候就太遲了，低估了甜品的魔力，眼前景物耳中音樂皆美好，法式甜品去煩憂。是晚Doux挺享受的。同朋友想約訴訴苦...就選擇了位於旺角鬧市的Doux，因為它是一間空間感十足又就腳既高級餐廳，可以淨淨吐吐苦水。餐廳位於彌敦道638號18樓。最大吸引就是是窗口全是落地玻璃雖然晚上最難感受落地玻璃的威力，早上或黃昏應該好舒服但坐在落地玻璃旁心情也不錯。餐廳內裝修簡約,燈光暗暗地，以黑色為主題，設有bar枱和鄰近窗邊的梳化係幾有時尚感。最好的是開放式廚房沒有令餐廳充滿油煙味！抽風系統真不錯!!店內播放著歌曲，情調不錯，是晚客人都幾多，慢慢就熱鬧起來了。送上菜牌慢慢睇睇有咩岩食。餐廳以西餐為主，由前菜，小食，主菜，甜品到飲品的選擇亦不少。由於是一間高級甜品餐廳，所以都見到如圖畫般美麗的華麗甜品。好想快點開心地吃下甜品師的「設計」呢。🔹首先來一個北海道輕煎帶子泡菜蜆肉意大利飯 $138有泡菜就能打開一下胃口啦⋯一放下呢個飯陣陣傳來韓式香氣⋯成餐飯最驚喜我都估唔到係呢一個飯⋯入面材料有「泡菜、蜆肉、八爪魚，意大利飯」整個充斥著泡菜味，可能

今日放工諗住近近地搵間西餐同朋友食下飯，好中意去哩幢大廈搵食，夠方便夠多元化，今次試哩間西餐。餐廳勁黑，唔係好影到相，加番d燭光可能好d食物款式多，多到唔知點揀好先叫左個帶子沙津開下胃口，珍寶帶子超大粒，沙津菜都算新鮮炸物拼盤最好幾個人share,芝士醬加芝士粉薯條好邪惡，炸蝦無乜味，炸雞都好香脆，炸芝士硬左食我地覺得麻麻地龍蝦意粉並唔係龍蝦汁底，係番茄底，醬汁偏甜，龍蝦足一隻，多肉，店家已經開哂殼漢堡包好juicy,塊肉偏咸，但配埋包食係岩岩好ruby peach賣相好得，十分賞心悅目，可惜味道較甜，桃味濃d會更好食到好飽每人都係2百幾蚊，收貨喇！

我地今次係食晚飯。一入啲擺設同感覺都可以，唯獨入到去餐枱前半部份地下痴粒粒，入啲先冇咁痴粒粒。入到去近窗位置可以望到對面大廈燈飾夜景，可上燈光整體氣氛唔錯。食物方面，頭盤是蜜糖脆核桃生菜沙拉配意大利黑醋，甜甜地加上有核桃，個人很喜歡。主菜一，鵝肝意大利飯，個鵝肝煎得好香脆，外脆內軟，但其實我喜歡啲飯淋啲，不喜歡半熟。主菜二，黑毛豬扒伴左橙色番茄仔、香烤紫薯紅薯塊、秋葵同粟花，令到菜式豐富，味道同口感都可以，但可以我要求高，本人覺得唔夠滑。最令人心花怒放的，當然係女士最愛的甜品，只係造型都顯得好有心思。用朱古力威化餅碎做扮地壞，食用得小生菜、花同糖霜做花點綴出一個富春天氣息的甜點，主角是粉紅色糖霜包住微甜的吉士蛋糕，正！

今夜身在DOUX坐近窗旁邊，從18樓俯瞰旺角夜景繁華璀璨。店內播放著歌曲，情調浪漫，剛剛坐下客人不多，但坐多一會慢慢就熱鬧起來！待應有禮招待，送上菜牌，讓我慢慢選擇，终於選定今晚晚餐， 法國活藍青口香檳忌廉汁意粉，紐西蘭鮮肉眼16oz及甜品Ruby peach。紐西蘭鮮肉眼16oz， 七成熟，份量十足， 牛味濃郁，保持肉嫩，鎖住肉汁，點芥末醬及醬汁食，更能味道提升，伴碟蔬菜有红薯，南瓜，秋葵，茄子及粟米芯。法國活藍青口香檳忌廉汁意粉，青口大隻肉厚味道佳，意粉軟硬度適中。Ruby peach， 賣相彷如藝術品一樣，切開peach， 流心餡傾瀉而出， 外層薄薄的甜皮，內鬆軟蛋糕， 入口有水蜜桃清香。

家姐之前同朋友食過呢間話唔錯，所以就介紹左我同阿媽黎食lunch。一入到餐廳就見倒落地大玻璃，好光猛，不過因為當日係下雨天，所以景觀就無咁靚。望出去可以見倒彌敦道兩旁既樓景。近窗邊既多係二人位，我諗夜晚同另一半黎都好浪漫裝修以黑白為主，好型格。午餐附送餐湯、沙律同飲品，主菜都有好多種類附送既餐湯同沙律都絕不馬虎！是日餐湯係甘荀湯，飲落係淡淡既甘荀味，而且咬落有好似甘荀既一絲絲口感！店員話是日餐湯會經常更換款式添沙律係煙鴨胸沙律，醬汁酸酸地好開胃！飲品方面我要左白桃冰茶，桃味同茶味平衡得十分好，又唔會太甜。媽咪要左泰式奶茶，茶味香濃，煉奶味突出，估唔倒一間西式餐廳都整倒咁正宗既泰式奶茶！和牛芝士漢堡配薯條，個漢堡好大個！舊肉都好厚！咬落好juicy加埋千島醬好惹味薯條熱辣辣好脆！不過建議兩個人食一個漢堡因爲好飽😂皇家芥末楓糖烤法國春雞，呢個要等20-25分鐘因爲係即叫即燒！黎到都見倒出哂煙！雞肉好嫩滑，雞皮燒得好香脆。本身媽咪仲驚有芥末會辣，好彩芥末咪唔太濃而且有楓糖中和番，食落甜甜地。好抵食！最後食唔哂仲要打包

輕煎北海道帶子甘藍沙津($128)，賣相好靚好有心思，帶子煎得保持嫩滑，用左羽衣甘藍做代替平時成日食既沙津菜，幾特色，仲加左烘脆左既焦糖核桃，食落有多重口感。鵝肝法蔥意大利飯($178)，意大利飯煮得好入味好creamy，旁邊既燒汁同忌廉汁亦配搭得當，鵝肝做到外脆內軟，香而不油膩。烤伊比利亞黑毛豬鞍配法式黑醋蜜糖汁($268)，平時多數食牛，其實黑毛豬都係一個唔錯既選擇，每次食都會反轉我對豬扒既慨念，原來豬肉都可以食落咁嫩滑，仲有烤配菜如甜薯都做得出色。Matches($98) ，外表玩味十足，小狗火柴盒既造型係橙味慕絲蛋糕，火柴同樣係橙味既牛油曲奇酥餅，加上咖啡味朱古力碎，效果幾特別。桂花烏龍茶奶蓋($58)，呢度嘅奶蓋做得幾幼滑又香奶味，比飲品店更出色，同清香嘅烏龍茶好夾。