Doux (已結業)

最近看到朋友去了這間餐廳，無論環境和食物看似都不錯，就相約弟婦一齊去吃。餐廳門面簡約，放着各款的手工啤酒樽做擺設。點了幾道菜和飲料，首先來的是沙律。《Allgauer Helles Weissbie, German Wheat Beer》這款啤酒採用最高級的蒸漏方法，味道溫和輕身，清爽怡人，加上略帶果香味。《DOUX 水果茶》這款茶有冷熱兩種選擇，朋友說天氣熱所以想要喝冷的。《輕煎北海道帶子甘藍沙律》嘩~見到有羽衣甘藍一定要點，超級食物，對身體好的東西，還有車厘茄，蜜瓜，提子紅莓乾和兩顆煎到外面金黃內裏軟軟的帶子。不少得就是沙律醋，甜酸度適中，吃過後格外醒胃。《鵝肝法蔥意大利飯》這道菜賣相不錯，鵝肝煎得很好，表面金黃香脆，鵝肝味濃，意大利飯配半溶的芝士，加上特製醬汁，令這個飯的層次更多。《烤伊比利亞黑毛豬鞍配意式黑醋蜜糖汁》厚切豬鞍，切開後微微逞粉紅色，店員說上等的黑毛豬才會這樣。肉質鬆軟有咬口，一點都不靭，配黑醋蜜糖汁，甜甜酸酸的，很喜歡這個醬汁。另外還有不同蔬菜，有蕃茄仔，秋葵，粟米芯，紫薯和黃薯，烤得很香。《Ruby Peach》是日甜品，賣相相當吸引，顏色上的配搭也很搶眼。外面

Doux 法文是指甜，睇下個 afternoon tea set~賣相果然不錯，整體味道都幾好😋都算抵食呢個下午茶主要系甜點為主，我比較喜歡吃macaroons 不過如果怕熱嘅朋友，就唔好坐窗口位啦，真系會曬到太陽落山😆喜歡薰衣草嘅朋友可以試下呢個，奶味比較重，但都有一陣陣嘅薰衣草香，個人都幾鍾意玫瑰咖啡除左睇得，仲幾好飲呢個外型似士多啤梨，但裡面系普通軟嘅 cheese cake, 份量比較少，所以唔算抵食

同女友人補足生日飯選了地點方便而且環境浪漫的DOUX訂位時特別預留了窗口位可一覽旺角日落時美景帶子甘籃沙律帶子煎得不是全熟所以可以保持帶子嫩滑香醋配以superfood 羽衣甘籃健康又美味鵝肝意大利飯鵝肝煎香 食落口感creamy 白汁意大利飯飯粒軟硬適中另灑上芝士同香蔥增添了整個飯香味雜錦小食拼盤有芝士條 炸雞 芝士薯條 炸蝦棒炸物同芝士配搭可以拉絲芝士條 咬下可以拉長長長芝士絲好食又好玩炸薯條上淋上半溶芝士非常滋味炸雞同炸蝦棒都夠香脆熱辣辣呢度既甜品亦非常出色每一款都好精美吸引最後揀左店員推薦皇牌甜品Ruby peach外型似水蜜桃切開見到入面酸酸甜甜流心Jam外層mouse 係好清新既水蜜桃味女友人對這餐飯亦十分滿足

假期前一個黃昏晚上去旺角辦点事,又剛啱遇着太太可以早收工,大家去吃個晚餐先！两個人吃西餐比較容易分亨食物,我地去咗旺角726号上了18楼ROUX餐廳！726号這座大厦差不多層層都是餐廳！ 近門口是reception和玄關的佈置！地方不算大但很雅緻！可能尚早, waitress安排到我俩坐窗口位置,天色還很光亮,可以欣賞到大厦的景色,稍後遲來的客人也未必安排坐到window side table,我地好彩呀！我地叫了幾欵食物 share 共享！這個是帶子羽衣甘藍沙律 -很清新健康的一個沙律前菜,有煎香的帶子,羽衣甘藍的爽口,配上蜜味合桃,車厘茄...調上餐廳的黑醋真的很可口！份量十足的雙層漢堡burger 配上薯條！喜歡吃 burger的我,很是满足, 超好味的漢堡牛肉,肉汁混和軟軟的芝士, 好味！藍青口意粉 -青口和意粉煑出來的熟成度剛好,這個意粉配上香檳忌廉汁,吃來啖啖的滋味！最後來個Peach Mousse Dessert賣相討好,橙紅色的外型,破開是桃味的mousse, 還有精緻點綴的decoration 有食得有睇得！咁又享受了一個滿足的晚上！

Doux不是我第一次光顧的餐廳，能讓我三番四次地回來，都是因為這裡的環境真的特別適合談心、說說悄悄話。走進來的瞬間實在讓人喜悅，已經有段時間沒看到這種型格浪漫西餐廳搭配的裝潢風格。整個餐廳邊邊以落地玻璃隔著外面的世界，前方有設置一個小吧檯讓某些客人可以享受到互動的氛圍。 【紐西蘭鮮肉眼16oz】($368)▼我是個嗜好牛肉的人，基本上西餐不知道點什麼的時候，我都是會點牛扒。個人覺得好的牛扒建議落在Medium即可！每次看到香煎牛扒外表那焦糖色的光澤，就讓人不禁的興奮。而伴碟的蔬菜顏色鮮豔，特別以烤蕃薯和紫薯為妙，軟糯又香甜。看看這肉有一定厚度，廚師簡單以黑胡椒調味，Medium的牛肉保留了肉的嫩度及肉汁，沒有生肉的噁心感，咬下去只有滿滿的牛肉香。廚師還附上燒汁可以點牛肉，但我個人喜好而言，還是覺得什麼都不沾的牛肉最原汁原味。 【黑松露蝴蝶粉】($108)▼白汁蘑菇意粉應該是西餐的入門料理，要做的好吃不難，要做得出色就很難。Doux的醬汁裡的Cream的香濃奶味跟黑松露的森林風味非常搭配。微微蒜香令蘑菇味道更鮮，唯一不足之處是調味不

和朋友聚會 在openrice看到這間餐廳 以為好大好氣氛 原來並不是 地方很窄 食品貴而且一般 服務人員也不友善 食物要煮很久才上 訂6:30 8點要走 如果要傾計的 建議不要去 食物最少30分鐘以上才能上 不會再去劣

同呢班中學同學識咗好多年，呢幾年每年都有一次聚會，但第一次嚟到旺角食上網睇到呢間餐廳都幾多好評，就嚟試吓果然，星期五晚食飯都比較多人，好彩上網book左位，不過我哋發現餐廳嘅菜式選擇好少，幾乎一眼睇晒，又無set dinner，係我地始料不及最後我哋四個人叫咗一個意大利飯，一個意粉，黑松露薯條，同埋兩個甜品，仲有兩杯花茶同埋芒果冰茶味道全部都係一般，不過不失，份量都係正常，唔算好大碟，整體來講，試一次就夠

幾年前朋友帶過我來這裡吃生日甜品，今日再黎味道依然，還發現正餐也很好吃！餐廳位於726大廈的18樓，一上到去已經可以看到美麗的旺角夜景。和朋友來到這裡食晚餐，當然要先食主餐，後食甜品!輕煎北海道帶子甘藍沙律($128)，帶子稍稍煎過個面，內裡還是刺身般的帶子，咬落鬆軟鮮甜。沙律菜除了有羽衣甘藍外，還有普通沙律雜菜，還伴有黑桑莓、蜜瓜、核桃及車厘茄，加上橄欖油和黑醋，份外開胃健康!鵝肝法蔥意大利飯($178)，意大利飯煮得幾creamy但偏淡，但再夾埋鵝肝一齊食的話味道便剛剛好，鵝肝不算好油，唔錯!紐西蘭鮮肉眼16oz ($368)，呢份牛排上菜時已經切好，幾方便。牛肉點了5成熟，沒有煎到過火，牛肉味都幾濃，附有燒汁和芥末可以點，個人覺得燒汁令牛肉味幾突出。伴碟還有不少蔬菜如甜番薯、秋葵、車厘茄等!Ruby Peach($98)，店員推薦我們吃這款甜品，話係好受歡迎的。呢款甜品外形似桃，內裡是慕絲、蛋糕和桃味的jam，酸酸甜甜，可以解去剛剛吃正餐滯的感覺!總括黎講，餐廳燈光柔和，播著輕音樂，唔會好噪吵，好岩情侶或者朋友食飯。

成日去到旺角都好多選擇 今次就去左726nathon road 見到佢成棟好多餐廳 就隨意揀左呢間食西餐既 又冇揀錯咼☺️呢度一入去燈光係偏暗 但係有氣氛 而唔會唔舒服 因為我同朋友都算早到 所以一入去就有位 但過多一陣就坐滿曬人 走個時重有人等位添😯我地兩個人 所以點左個沙律 小食 意粉同甜品 兩個人份量剛好💁🏻‍♀️沙律係帶子沙律 一定要讚佢既帶子 大大隻 煎得岩岩好 唔會太熟搞到好un 所以食落好香又好鮮甜😋小食拼盤有好多款 每款都至少有三件 雖然熱氣 但熱辣辣咁食真係正好多 其中有個係炸芝士 有啲溶溶地既感覺就最岩岩好🤤意粉就揀左青口香檳忌廉汁意粉 份量好多 兩個人都好夠食 啲汁好creamy 但又唔好好膩 青口都處理得好細心 好容易夾離個殻 唔怕食得麻煩👍最後叫返個甜品做結尾 佢有好多款都好吸引 全部都係生果咁既樣我地揀左Ruby Peach 切開一半有果醬係中間 食落佢既桃味好濃 好清新 好似真係食緊個桃咁😋

鬧市中有不少樓上餐廳，呢間位於18樓既西餐廳環境不錯，落地玻璃飽覽旺角夜景，裝修簡潔，昏黃既燈光暖暖的，蠻有情調DOUX水果茶好大陣仗上壺裝載薰衣草及紅棗，點火後下壺既茶沿吸管直通上壺，泡浸過後再慢慢回留，好amazing！淡淡帶果香既玄米茶味感覺好健康！鵝肝法蔥意大利飯：厚切鵝肝好肥美經過煎調，外脆內軟，入口即溶，煙靱飯粒配搭芝士醬汁，味道濃郁紐西蘭肉眼扒肉7成熟，上檯前已細心切開，色澤粉嫩，肉汁豐富，配菜也烹調過且種類多甜品款款都好吸引其中Ruby Peach既擺設似藝術般，別具心思外表薄薄一片既脆脆，內裡軟腍腍的mousse，一切開，蜜桃果醬一湧而出，味道少酸甜美，充滿蜜桃香味，外內兼備。

今日約好左3個人一齊食野，想搵個好地方一路傾計一路食野，最後尼左e到，環境暗暗地幾有氣氛，不過都係覺得適合情侶尼，環境好岩情侶，現場又多情侶，真係有D尷尬!!!!我地叫左唔係太多野食，好似大約四五樣野，點知D野勁細碟，一個普通食量的人都可食自己食兩碟，所以我地最後去左食糖水安格斯冷眼係真心好味，唔韌，夠香，不過係比較貴芝士薯條ok，有3種芝士口味，都幾香幾重芝士味，不過如果芝士份量可以再多d就好另外仲叫左黑松露什菌蝴蝶粉，份量真係好少，一個人可能都唔夠

這間餐廳一直都想來試試，因為見到甜品好吸引加上之前聽過朋友介紹餐廳提供甜品畫，所以順便吃個晚餐加甜品。我和朋友一行2人被安排坐在窗邊位置，餐廳位於大廈高層，所以可以飽覽旺角的景色。餐廳地理位置極佳，大約7時半左右就已經滿座。店內走的是簡約路線，而重點當然在食物之上。由朋友食量不大，選2道菜加1份甜品就好足夠了。法國活藍青口香檳忌廉汁意粉單論意粉來說青口一共8隻，份量已經很足夠。藍青口肉質比較鮮嫩，亦夠大隻。可能用上香檳原故，忌廉汁入口竟然不覺油膩，配上意粉後增添幾分食慾。紐西蘭鮮肉眼16oz/安格斯肉眼牛肉非常大份而且肉很厚！這次點了7成熟，牛肉非常容易就能切開，切開後可以看到牛肉內裡粉嫩。肉質極為軟嫩，而肉汁量亦非常多，旁邊芥末亦是我至愛的醬料之一，沾上芥末能更加突顯牛肉味。Ruby Peach🍑 外形真的好像桃！外層由桃味mousse製成，內裡有桃啫喱，加上旁邊有脆脆的麥碎，口感又軟又脆。餐廳感覺十分舒適，適合跟三五知己慢慢品嚐美食的好地方。

原本一心諗住嚟食個甜品嘅我之前一路都留意緊佢啲甜品五花八門又有分子料理嗰啲成日都心思思想試吓今日約咗朋友一齊上去try try 首先我哋叫咗個午餐先，因為乜都未食過就出咗去貝殼粉呢啲應該都唔會難食得去邊不過稍為啲侍應做嘢好似有啲怠慢十問九唔應咁樣，唔知係唔夠人返工啊定係本身都好忙因為見佢成個場都係得一個侍應走來走去，所以落單嘅時候都叫咗三四次都仲未過嚟最後就叫咗個甜品，賣相同埋味道都很不錯用嚟影相都係一流！不過佢個落地玻璃係中午時份就陽光猛烈食完我哋都好快走了。。。

2019.04.03 😊【吃得到藝術滋味】食在旺角乘坐電梯來到彌敦道一座商業大廈的18樓意想不到位於車水馬龍的旺角中心地帶有一間裝潢簡潔 充滿藝術氛圍的餐廳牆上掛上抽象油畫 配合上的燈光效果 吸引不少情侶到來慶祝👫早有聽聞小店主打由零開始創作的甜品雖然當晚不是即時創作 亦有一嚐他們家的小型「藝術作品」輕煎北海道帶子沙律 $128近期吃太多 是時候要還😂於是浪漫又優美的晚上 就由一道健康的沙律開始吧的確 上菜時已經被眼前的兩顆帶子吸引了不單是外表煎得金黃 而且又大又厚放入口中 口感不絕還有羽衣甘藍、車厘茄、黑橄欖、提子乾、藜麥、太陽花籽、椰菜等沙律🥗加上黑醋 酸酸甜甜是道不錯的開胃菜法國活青口香檳忌廉汁意粉 $138近期愛上青口 雖然外表丑丑的不像生蠔受歡迎 小妹卻被佢吸引青口數量算多 差不多有八隻🍝肉質厚而肥美 海水味鮮甜濃郁而忌廉汁濃稠度適中 意粉口感屬彈牙 值得一讚紐西蘭肉眼 $368不過整頓晚餐 最令人滿意不可不數肉眼的份要用出奇地高質來形容首先肉的肥瘦度適中 經過煎煮後油脂滲出 入口溶化其次廚師巧妙地用上「Rest」的動作進行「二次烹煮」🥩唯一可改善是上桌的木板過熱讓扒的表層些

又發掘到一間旺角高質西餐！呢座大廈黎過幾次食飯，但都冇留意呢間DOUX，今次想搵一間有情調又好味嘅西餐就俾我見到佢，加上有同事食過都大贊，更加有信心唔會中伏。餐廳係18樓，入去第一眼就留意到落地大玻璃，夜幕低垂望唔清窗外景色，但依然見到璀燦燈光，高樓底加上落地玻璃令空間感覺更開揚。裝修擺設以簡潔的深色調為主，有情調但唔會過於昏暗。餐牌選擇未算好多，不過頗精緻，一早睇定食評，冇咩考慮就點好。沙津份量幾大，夠兩個人Share。北海道帶子好厚肉，鮮甜軟滑。黑醋係成個沙津點精之處，減輕羽衣甘藍自帶的微微苦澀味同時令沙律味道更豐富，好開胃。貝殼粉 一入口已經覺得有驚喜！醬汁Creamy但唔油膩，貝殼粉彈牙，加上黑松露提香同雜菌增加口感，好味！今次又同「牛魔王」食飯所以點左紐西蘭鮮肉眼，5成熟的肉眼帶淡淡嘅粉紅，中間部位稍為過生但可以接受。牛扒肉汁豐盈，冇過多調味所以突顯到牛肉本身嘅香。牛肉汁味道帶甜，同牛肉味道幾夾。真心要讚一讚配菜，大家都將Focus放係牛扒嘅時候餐廳完全冇忽略配菜，蕃茄仔烤完後唔只好甜仲爆汁；栗米仔都細心烹調過，帶蒜香；紅薯同蕃薯一入口竟然帶微微薑汁味，好驚喜！呢度其中一樣主