Doux (已結業)

book左枱同舊同事聚一聚😁當日晚上店員再打黎強調準時黎（咁細心既同埋不禁諗好爆架？）一路搭𨋢層層都好嘈好爆🙈遲左5分鐘都好驚，點知735得三枱。咁都好可以有開揚𥦬口位仲靜靜地傾下計。因為仲有個同事未到，我地兩個吹住水先，竟然無人催促我地叫野食，真心好。靚女係遲啲，黎到即叫野食，因爲有男仕都係叫飽肚野唔好爲難佢肚仔。叫左個泡菜帶子意大利飯，飯軟身帶子鮮只係煎熟個面保持口感。羊架🤤賣飛佛之一，叫左7成，男同事都預佢會熟，上菜又唔算老喎啱啱好，個汁就普通左啲。燒雞就係望到隔離枱爸爸食得好滋味咁就跟啦，燒雞真係幾好味又大隻，汁就少左啲，但雞都有肉汁唔乾。呢間餐廳啲配菜幾多，擺盤都幾靚。情調好，價合理，夜景，溝女一流😂香港地耳根清靜既一餐👍🏻

今天和表妹到旺角做體格檢查，完成後她便帶我來到附近位處彌敦道726號18樓的Doux 。想不到這裏有一列落地大窗非常開揚，而附近 大廈天台都是很整潔的，感覺舒服。餐廳內的裝修也頗有格調，很是驚喜 。 一位熱誠的女侍應為我們 推介了法國春雞和黑毛豬午餐 。鴨胸沙律鴨胸比較稔滑。沙律菜新鮮，感覺如果可以多一點水份會更好。南瓜湯不濃不稠，也帶著淡淡的南瓜香。皇家芥末楓糖烤法國春雞 $88/set 這份午餐賣相的確實令人垂涎欲滴。 春雞不但被烤至色香味俱全，而肉質嫩滑之餘又能保持水份。 炸薯條外脆內軟， 薯味香濃。西班牙黑毛豬配薯條沙律 $108/set上桌是一塊黑毛豬扒 ，切開時要用一點力,但入口不但豬味香濃又沒有渣。 蜜桃冰茶，十分冰凍及比較甜。這供應多款手工啤的。

朋友介紹，就去試下，點知……三文魚意粉……好咸呀，啖啖都好咸……食到忍唔住要同侍應反應一下，竟然得到既答案只係一個字：哦。哇，真係答得好（苦笑）真係無下次，食物已經失準，服務都失埋準……

星期日同屋企人打算去旺角搵個地方飲下午茶，朗豪坊已經去到悶！上OpenRice 睇下有乜嘢好西！睇來睇去見到呢間樓上餐廳，睇見食評同相片中的食品都非常吸引，決定試一試！估唔到唔需要等位，可能因為成幢大廈全部都係樓上餐廳，啱晒我哋唔鍾意等位嘅人！下午茶選擇都幾多有意粉丶漢堡包丶三文治丶沙律等等都係幾十蚊有交易！仲有個好精緻嘅下午茶set for Two 都只係三百零蚊, 帶女朋友來佢一定鍾意！今次試咗三文魚三文治，牛肉漢堡同三重芝士三文治。三文治伴碟有新鮮油醋蔬菜沙律，同新鮮薯仔炸成嘅薯條，味道拍得住中區嘅西餐廳！漢堡包都真材實料多汁嘅牛肉加芝士配合非常鬆脆嘅麵包，我決定暫時忘記減磅計劃！由於全部食品係即叫即製但係等候時間都係大約15至20分鐘，有咁嘅質素值得等待！據聞甜品同晚餐亦非常出色我同屋企人已經計劃好下次再次來幫襯！

係我生日嘅月份就有好多朋友約我去食生日飯今次朋友就揀咗呢一間多國菜餐廳來慶祝我嘅生日上到去嘅時候，我問佢點解要揀呢一間餐廳呢？然後佢就話:食完飯你就知架啦咁樣令我超級期待食完飯之後嘅甜品本身我哋係坐係近窗面嘅矮枱然後我朋友邀請我去到bar嗰度坐望真啲原來張枱好唔同嘅Errrr特別凍侍應拎咗一塊膠片係我哋面前，原來係而家好興嘅甜品畫畫即時話waiter 係膠片上，係我面前用不同醬汁畫畫 好似一幅藝術品咁樣 甜品方面上面有一個粉紅色波波 波碎咗入邊有一啲蛋糕超好味呀

今日約了朋友去旺角行街，熟悉旺角的她帶左我去一間叫DOUX既Cafe tea一tea。朋友稱DOUX佢返工lunch time食過好唔錯。一上到去，感覺DOUX裝潢設計很modern時尚，且帶點復古味，大玻璃望街景，鬧市中卻可享受點平靜。我自己個人很喜歡那個環境。我地大約3點上到去，人不多,很relax。場地其實頗大，搞party個人認為都很不錯。由於我同友人並不餓，只係想休息傾下計，所以我地只係點了兩個甜品。honey comb （$98）ruby peach （$88）如果肚餓既話都可以點其他比較飽肚既選擇。甜品一上枱，我同友即刻相機食先！因為賣相實在太靚！我呢個honey comb中間個部分係蜜糖檸檬芝士mousse，旁邊貌似蜜糖出煙既𣲙味道似檸檬茶，酸酸甜甜，好有趣。小蜜蜂則係朱古力。又得意好好食朋友點既ruby peach賣相好優雅，一切開裡面是流心果jam。外面則是海棉蛋糕，口感入口即溶，帶女朋友嚟食一定中意！

位置在工業貿易署附近很就腳而且位處18樓感覺開揚今日試了下午茶set原本是烤雞南瓜沙律 $88但沒有雞供應所以改了三文魚份量不是太多大概只有三片三文魚另外點了卡邦尼意粉 $88這個味道不錯原本想點窩夫 窩夫機又剛剛壞掉用餐靠窗位置坐位較窄洗手間亦只有一格 地面好濕滑胖一點都不能華麗轉身呢⋯⋯

呢晚我地一行三人來個Girl’s talk，揾左間位於旺角一棟食廈內，一間以出色甜品出招徠既Doux！因為事先有訂枱，雖然被安排到門後面既位置，不過餐廳環境昏暗幾有情調，景觀開揚，配有落地大玻璃，早知訂枱時要求坐窗邊位置，應該會更好。整體環境舒服，無論三兩知己談心或者一大班人聚會都適合。三個人點左：鹹點x3，甜品x2，飲品1. 黑毛豬安鞍配法式黑醋蜜糖汁 - 豬鞍分量十足，肉質juicy，連碟邊配菜都有煎過，配上酸酸甜甜既黑醋蜜糖汁，特別開胃！2. 鵝肝法蔥意大利飯 - 鵝肝外層煎得外脆內嫩，配上外邊少有的香甜法蔥，意大利飯既軟熟度剛剛好，不錯！3. 香煎北海道帶子大蝦意粉配香草蕃茄醬 – 採用北海道帶子，味道鮮甜；意粉唔差，不過相對另外兩款主食，呢款就變得有少少比下去既感覺。4. Ruby Peach – 大愛！甜品外形就似一個大蜜桃，就連伴碟既食用裝飾都好靚；切開蜜桃後會有大量蜜桃醬流出，內裡係酸酸甜甜既蜜桃味慕斯，極為吸引，完全係呃like之選！5. Honey Comb－呢個係蜜糖檸檬芝士慕斯甜品，裝飾既小蜜蜂係白朱古力，慕斯口感軟滑，唔會太甜，都幾特別。6. Green Te

午餐來了個驚喜的地方，這裡頗舒服，叫了個set lunch, 吃到抵的午餐，份量不少，又沒有加一服務費，午餐可以吃到晚餐的食物，不禁要告訴大家是日餐湯是碗薯仔豆湯，青綠色的豆湯，飲的時候嚐到青豆的豆蓉味道和囗感，同時也有薯仔味道和口感，入口層次豐富，亦有多一層的味道，我個人很喜歡這種豆香配鴨胸沙律幾新鮮，沙律菜翠綠新鮮，配合醋味的醬汁，令成個沙律清新了，還有幾片幾厚身的鴨胸肉，吃的時候覺得好鮮嫩，十分開胃午餐選了烤法國春雞，春雞烤得剛剛好，雞皮又薄，皮下脂肪不多，所以吃得不油膩，雞肉又白又滑，入口好林，烤的火喉十分好，醬汁點了更突出了雞肉的鮮味。薯條炸得香脆，薯條充滿薯仔味道，真材實料的味道另外叫了澳洲牛扒，牛扒七成熟，入口多肉汁又軟林，牛味都算濃郁，配合沙律及秋葵，好清新的配搭，加了好creamy 的薯蓉，肚子飽飽了餐茶的蜜桃冰茶有好濃厚的桃味道，茶味剛好不會苦澀，又不會蓋過桃的香味，味道特別。而凍檸茶就平均水準，茶味夠又有檸檬酸味，解渴十足

鄰近nathan road 都幾多野食，係樓下接到傳單，見SET都幾多野食,就上黎幫親下。兩個人lunch time 叫左~法式紅酒牛臉頰配野米飯$98紅米飯配超多既牛腩，炆過既關係，肉質好林，味道唔錯，帶少少酒味，仲有d 配菜。照燒鰻魚意大利飯$98第一次食日式x 西式菜，鰻魚汁x 忌廉汁原來都幾夾。意大利飯好濕潤，雖然份量較少，但鰻魚都幾多。所有套餐都包括沙律，是日餐湯，飲品好似咖啡或茶的，免加一都好貼心。忌廉粟米湯口感好滑，非常creamy, 仲有粟米粒。沙律加左Olive oil, 仲有鴨胸配菜。埋單每人都係$98，算抵食。

近排返工無咩精神,可能係好耐無食過甜品,要幫自己補返下...又近又唔貴又要靚又要好味,我淨係念起DOUX閒日9:00後walk in 都仲有位有一點浪漫感覺感覺優雅RELAX餐牌轉左,呢款之前未試過實物同圖一樣,朱古力波好大粒DARK CHOCOLATE真係好味,唔甜,微甘雪芭係自家製佛手甘,清甜帶微酸,小小甘甜同朱古力絕配,食完想再食朱古力波內滿滿MOUSESS好满足招牌澳血桃MOUESS CAKE外表已經滿分配以桃酒啫喱,蛋白味道好似食緊桃一樣,甜甜的好香桃味MOUSESS 柔軟糼滑食完之後成個人心情勁好,食甜品真係會令人有一種幸福感覺為左自己有動力繼續返工唯有奬勵一下自己,哈哈~~

賣相好好，但個份量就真係好少好少好少碟意粉108 長通粉得面一層同低一層 幾塊雜菌同少少松露醬 甘就108 5分鐘就食曬 味道又真係幾好味既 忌廉吾會太膩 個羊架都幾好味 個汁先最正 酸酸甜甜 中間啲肉仲係粉紅色既 好嫩 見到有3條骨 以為有3舊 點知得两舊半好失望 個汁好味都冇用 冇肉點尼間嘢 賣相味道都100分 價錢中算等 但份量同價錢係不成正比 因為真係好少好少好少可以試一次 影下相 試下味 但要飽肚就可能要叫多幾份 而且選擇吾算太多 主打甜品 餐廳環境都可以 望到少少大角咀樓景而服務都係一般般 舉手舉到攰都冇人理 仲要黑口黑面甘

位於旺角的DOUX，是一間賣相特別的甜品店。今天放假，有空和媽媽來旺角吃午餐，順便就到同一大廈吃甜點吧。Chestnut$98我和媽媽都喜歡吃栗子，就選這個嚐嚐吧。一大球栗子，賣相很像小丸子的同學永澤的頭呢。外層是硬身脆黑朱古力，內裡包著栗子慕斯，酸櫻桃夾心，紅酒等。栗子朱古力皮的可可濃度高，不太甜，有點微苦。慕斯雪得夠凍，入囗軟滑，有點咖啡的味道，配以雪糕和伴碟的脆脆，味道不俗Ruby Peach$88另一個甜點，是由甜品姐姐推介的桃味波波。外形像大蜜桃，其實是一個蜜桃味的慕斯波波。切開波波，大量蜜桃漿流出，酸酸甜甜，是較清新之選。配以薄荷黑麥金寶，蛋的餅等，增加囗感哦

A cozy and quiet restaurant in busy Mong Kok.---First of all I would rate five star for the dining environment here.Clean, tidy, quiet and comfy.The food is superb.Grilled Scallops and veggie from the salad are fresh and yummy.The sirloin steak from Oz is juicy and tender.I find the Foie gras risotto is a bit too creamy an watery but my dinner buddy thought it was really good.

同老公慶祝結婚週年, 搵左好耐餐廳, 最後黎旺角呢間試吓! 餐廳環境簡約MODERN, 訂左窗口位, 都幾舒服, 我地叫左鴨胸沙律, 羊架, 鵝肝漢堡薯條, 鵝肝比較小, 其他份量都夠  而且味道唔錯, 沙律新鮮, 羊架叫左五成, 煮得剛剛好, 有羊味唔蘚, 比我想像中好,  食完主食之後, 我地叫左兩個甜品, 一個叫CHESTNUT, 一個叫RUBY PEACH,  兩個賣相都好靚, 唔會太甜, 個人鍾意後者多D, 訂枱時同餐廳要求加上慶祝朱古力牌仔, 餐廳都樂意提供.最後唯一要俾意見係餐廳看來有點人手不足, 舉手多次才有WAITER過來招呼, 而且當詢問甜品的味道同材料, WAITER都不太清楚未能道出, 作為一間特色甜品餐廳, 這項是非常重要呢!