Doughman

营业中

休息中

比高，法包，朱古力香蕉蛋糕 個D都好食 但丹麥酥類既包都好油…聞落係香既，但一食落口就好似食左淡油落口咁…， 就算帶番屋企焗多次番熱， 都係好油。 如果要食丹麥酥類，會選擇去第二度食。價錢上：比較中等，可接受範圍環境上：鋪頭比較細，人多既時間會排曬長龍 。 地方乾淨整潔。設計走歐洲風。服務上： 放麵包托盤有提供埋隔油紙，夠貼心👍🏻 唔洗成手都係油。 面包種類：都好多下， 連比較少見既酸麵包，玉佳卷 都有。 個人覺得需要改善地方：丹麥酥類要少油

入到去見到每件澱粉質都好吸引😍有Bagel /Danish/Muffin/Croissant…隻隻都想試～當我拎起個鉗,鉗落牛角包時就已經感受到佢鬆脆程度🤩就決定今次先試酥皮系列～果然無揀錯!!每一隻入邊蜂巢紋都咁靚,層次分明,每隻都咁脆!Bacon Onion Danish 🥓🥐每口都食到煙肉油香加上甜甜地嘅洋蔥,好夾! 而且炒過加上調味,非常濃郁~另外Rum Raisin甜度適中一樣脆口,襯咖啡真係啱晒～2隻都好好味👍🏻不過就細件D反而普通牛角包牛油味未去到好香濃唔知係咪因為我地食咗有味包先呢～😅下次要試埋佢其他系列先~Doughman (長沙灣)長沙灣長義街10號昌隆工業大廈地下

行過見新開張諗住試下，係呢區賣呢個價位既面包，諗住都應該有啲質素，點知..買左個廿幾蚊既藍莓Bagel, 個包又薄又靭，好難咬，然後裏面空洞到… 得極少餡，仲要味道唔好食食物嘅質素完全唔值呢個價錢

見新開想試下，lunch time 同同事買牛角包做第二日早餐，lunch time 時間都緊張諗住快手買，大家都拿拿臨夾揀好去櫃台講要咩埋單。但店員居然hea 我地一邊自己係到傾偈，撞聾甘問我：唔好意思要咩呀？仲要唔係問一個；係4個人買時都甘，你唔好人地講要咩轉頭同後面傾偈唔記得又再問得唔得？見鋪頭員工都好後生，估年輕人創業 stress free 啦， 所以佢地傾偈大過天。牛角包都二十幾蚊個；屬於中價位；但服務差過10蚊個包果d。唔會有下次。

之前食過一次Almond Croissant，覺得幾好食，所以就算今早遲到，都行過去再買，點知個收銀和另一個工作人員掛住傾計，比錢嗰陣要我講2次要買邊款麵包，攞嗰陣又要我講2次，個Almond Croissant 仲要收我20幾蚊，delifrance都係差唔多價，個Almond Croissant仲要大過佢好多，仲要講1次就買到個包。點解我唔食delifrance？或者食番企樓下或者公司樓下間麵包舖？同樣價錢食得無咁嬲或者食多幾餐。