Doodie Cafe Bar (已結業)

荃灣美食多不嬲都知，但從未諗過有bar&美式輕小食餐廳今晚係公司一個同事生日，我地大家打算收工後幫佢慶祝，但又唔想夜媽媽食太多野，怕肥。所以有同事就提議去bar到慶祝。一向冇夜生活的我，都知道酒能傷身，又係可以令人肥。同事知我唔好酒，所以就改去有美式輕小食的bar到慶祝

呢晚行左去路德圍睇下有咩野食, 見到呢間新西餐廳, 裝修同隔離附近好唔同, 特別花過心思.芝士肉醬意粉, 意粉乾身, 唔會太腍幾爽口. 肉醬味道幾濃, 芝士味就稍為淡D, 杰身撈埋意粉食剛剛好. 而且肉碎都幾多, 有咬口.香草雞翼, 外表炸到香口, 帶點脆卜卜, 雞肉保持嫩滑. 香草味道清清地, 唔太咸.食左D香口野要飲番杯凍檸水下下火, 夠晒凍.

朋友話呢度好多不同既手工啤, 另外仲有熱狗小食. 睇落環境好輕鬆, 真係可以慢慢飲, 慢慢傾.坐低左之後店員就介紹有咩野食同飲品, 除左餐牌, 牆上亦有其他介紹.最後我地要左"Around the World Beer Set"$298, 可以有6款唔同既手工啤可以選擇.出去BAR枱揀下要咩口味, 有成10幾款選擇, 店員可以隨你既口味推介, 好細心.揀左6支由淡到濃, 唔同口味, 個樽都好特別.Celis White 5.0% ~ 淡淡既麥味, 帶少少水果的香氣, 入口第一感微酸, 但好快變為甘甜, 簡單易入口.Pacific Ale 4.4% ~ 同樣充滿水果香氣, 微酸但味清爽, 有點蔬菜味.Hoponius Union 4.8% ~ 麥味甘味偏濃, 傳統既德國啤酒.Go to IPA 4.5% ~ 苦澀味較之前3支重, 微苦帶回甘味, 呢款係較多酒花釀造而成, 所以味道較濃郁.Angry Boy Brown Ale 6.8% ~ 麥味重, 味道亦較之前既濃烈, 強烈既回甘味, 鍾意濃味既唔錯.Brugse Zot Bubbel 7.5% ~ 麥味重, 入口微苦, 入喉後回甘,

作為黑松露粉絲, 之前睇完某megazine 網站介紹完已經超想試呢度既blk truffle hotdog 咁岩同事幾日前食過話正, 今日lunch 二話不說拉大隊來試 😋😋 雙重松露熱狗-招牌松露醬上加配滑蛋及免治黑松露醬 $78 (加小食&飲品)Double truffle hotdog w/signature truffle sauce n scrambled egg & minced black truffle sauce on top黑松露醬好香😍😍~♥ 包經過烘完微脆, 再加上炒得香滑既scrambled egg 同埋啖啖肉好juicy 既腸, 香味口感味道都好正🙌🙌 真係好like 呢度既腸, 同出面hotdog 既好唔同,皮更薄,更香更juicy😎Side Dish啤酒薯條配自家製烟熏醬 Beer Soaked Fries W/ homemade smoky sauceBeer Fries 真係好特別, 來到必試😆 Fries 香脆得來有種香味💕, 比起beer 更加似麥味 (可能因為酒都揮發左?)Fries 真係超大份, 食完hotdog 2-3人share

早前經朋友介紹就入左去食野，由於我自己本身就唔肚餓，所以淨係叫左兩三樣野小食咁。咖啡角，即叫即整，上到黎溫度岩岩好，唔會太熱，仲要好脆口。啲料唔會太濃，加埋啲醬汁，就非常惹味。跟住叫埋個雞翼，有香草既調味，令雞翼既味道唔會太過單調但味道又唔會太過清淡，岩岩好呀。邊位仲要有些小脆口，肉身又嫰口。最後，我都叫左我最愛既咖啡~平時飲開Latte今次都照飲不過就淡左啲，如果多番啲咖啡香味就完美啦！

某日, 到 荃灣 富華街 諚製窗簾布 .... 見有新 餐廳/酒吧 開業, 便入內幫襯 ~ 餐廳內, 人旺氣旺, 裝修風格年輕, 氣氛輕鬆 ~ Menu ~到了酒吧, 沒可能不喝酒 .... Dark Lager (pint) $75色澤黑黝, 泡沫細膩綿滑, 入口清爽口感細緻, 味道剛強濃厚, 正 ! Pig-BullFight Hot Dog 豬牛大格鬥熱狗 $88十分有特色的創意熱狗, 餡料是 香草豬肉腸+牛舌, 熱狗包的質地鬆軟, 味道甜香, 張開嘴一啖咬下, 頓感奇妙, 沒想到原來香草豬肉腸拼上牛舌的味道會是這樣合襯, 配上甜甜的蜜糖芥末醬 , 好吃 ~本編完 ~

今晚約左幾個朋友食飯, 見依間餐裝修幾靚, 比起四周既鋪頭特別搶眼, 就入去食下野先.要左<雙重松露熱狗>, 賣相吸引, 麵包軟熟包著足料熱狗腸, 最精髓係個黑松露醬, 松露味夠濃, 夠creamy. 配埋炒蛋夠滑, 成個配搭清新開胃, 口感豐富. 仲要左杯<LATTE>, 傾偈嘆咖啡係享受, 咖啡味濃夠cream, 飲落夠滑口.

今日陪朋去荃灣行街同換電話,之後落天橋係路德圍1陣,見依間餐廳門口幾特別,門前有2個窗口位,感覺幾有外國feel,就入左去試,係裏面有張長吧櫃,裝修以美式為主!我點了牛魔王熱狗,牛肉香味十足,食落未道酸甜,而且好多牛肉粒,再加香草,牛肉味香濃,豬肉腸size就跟出面食開差唔多,小小咸味配合牛肉原來又幾好

約左班舊同學假期聚一聚, 黎左呢間Cafe Bar, 地方雖然唔算大, 但感覺不算太迫, 好輕鬆舒服.有同學鍾意飲啤酒, 所以呢度既手工啤啱晒佢地, 因為種類夠多, 口味亦多選擇.飲得啤酒就要食D香口野, 要左個"芝士牛肉汁薯條"$58, 薯條炸得又脆又香, 熱辣辣, 不覺油膩. 面層既芝士味夠香, 而牛肉肉汁味濃, 亦唔會太咸, 所以跟薯條撈埋黎食剛剛好.香口野又點少得食雞翼, 所以要多個"香草雞翼"$68, 香草稱不上濃, 不過淡淡地唔會太嗆喉, 表皮炸得夠香, 唔會乾柴柴, 雞肉肉質KEEP到嫩滑, JUICY.呢度開到零晨, 所以夜D黎飲酒宵夜都好啱, 輕輕鬆鬆傾下偈.

行街行到攰攰地, 就搵個地方食個下午茶, 見路德圍呢間餐廳裝修幾特別, 紅磚牆木枱凳, 感覺舒服乾淨.餐牌係全日美食, 即係不分日夜都有熱狗小食, 選擇較為輕量簡單.點左小食拼盤 $58, 拼盤有啤酒薯條, 薯條炸得好香口, 外脆內軟, 熱辣辣唔油膩, 而且薯條較粗, 咬感豐富. 仲有香草豬肉腸, 同芝士豬肉腸, 芝士味唔算太濃, 仲有淡淡既香草味, 豬肉腸唔會太肥, 好開胃既小食.雙重松露熱狗 $88, 松露醬好清香, 而且滿滿塗響熱狗腸上面, 仲有炒蛋夠滑. 而個熱狗麵包夠熱, 烘過個面少少脆, 而入面又鬆軟, 兩者配搭一流.

Happy hour @Doodie在荃灣見客後和同事找地方Happy hour ，在富華街見到Doodie門口排滿人，人多的地方必然穩陣 晚上7點左右，Doodie已經滿座。餐廳環境光猛舒適，很英式酒吧裝修，頗有情調。空間感大，令人坐得好舒服近年很流行飲手工啤，這裡也有好幾個品牌的手工啤提供生啤Happy hour買一送一，手工啤酒就大約有＄２０元的折扣不飲酒也有無酒精飲料食物款式頗多的，有主食的飯和意粉，熱狗，漢堡和炸物等生啤ＭＡＣ’ｓ　＄７８味道偏淡的白啤酒，夠凍很爽～店員推介的手工啤，來自法國紅莓口味的ST LOUIS，酒精濃度低，甜甜的很易入口松露醬熱狗，入面吱了很多的的松露醬，松露味充斥口腔，很滑口，而那條香腸煎得很香脆，一咬爆汁，那包很香軟，一下子就ＫＯ了肉醬意粉，很淡，那汁沒有味道，意粉口感很硬，是煮不腍的那種～ poutine薯條，很大份，薯條很香脆而且炸得很好，沒有油淋淋的感覺～不過芝士不太夠，只有一小角，拉不出絲的～而gravy汁也很淡，就是肉醬意粉的那個汁 ！淡淡的沒有蕃茄也沒有肉味，如果那汁味道和芝士份量加強一倍就差不多了！

和朋友來到這裡，要咗1杯好耐無飲嘅懷舊“snow ball”，有淡淡香甜酒味，但又唔會太甜，味道啱啱好。而香草芝士肉醬意粉，有濃郁嘅芝士及香草味，唔會太膩，配搭鮮甜嘅蜆肉，感覺非常和味！再點了一碟”素食炸春卷“，皮炸至金黃脆口，包著軟棉棉嘅薯蓉及清甜嘅甘筍絲，雖然配備了酸甜汁，但不用酸甜準，原味已經好好食！

操完拳, 做完Gym, 约咗個師弟去露德圍飲番杯；一心諗住基本動作啤啤佢, 食小小嘢。原来呢到主打係手工啤, 都好！手工啤当然係比利時嘅最好, 聽店長介绍就試咗呢隻Celis White, 果然相當唔錯, 有晒手工啤特質🍻👍👍麥香味足, 一入口即覺甜甜哋, 口感有啲Creamy feel!小食就係我自细鍾意食嘅香草燒雞翼与及我好少食炸青口😜😜皮脆中帶香草味, 一入口已覺係水準之作了, 再咬深D即覺肉嫩有口感👍👍青口也是面脆內有鮮味, 做完運動又唔想太油腻嘅首選！飲完杯手工啤仍然想再飲D酒, 見酒牌有Homemade Spirits, 一於試試佢！嘅然想試酒, 當然係加soda 算啦😄 幽香嘅peach 味, 加入soda, 嗰種感觉直情要以飲红酒方式, 先聞聞, 然然再飲，味道complicate 得嚟又夠直接, 正👍👍👍

夜已深人在荃灣，又到左收工happy hour時間。呢間有德國村莊feel嘅cafe bar, 一早已經吸引左我好耐，今次仲唔俾我食一次？!睇一睇門面，個紅燈牌係幾有feel，而且好eye catching, 行過都會望兩眼。入面環境同個門面都好一致，尤其中意佢道牆，特別入型入格。有外國feel...今次試左兩隻手工啤。冇錯，係手工啤。其實本身想叫 Hoggardan rosee, 但原來呢間冇，反而介紹左我飲呢隻，係hoggarden個原創人所創嘅另一個品牌嘅white beer,叫celis white, 個人都好喜歡佢嘅味道，淡淡地有麥香，同少少果香，啤酒黎講易入口，唔會好苦，啱女仔飲。另一隻所試嘅係呢隻日本嘅Angry boy, 同頭先嗰隻比好唔同，呢隻係有好濃嘅焦糖味，同麥味都好重，味較苦，但我都幾中意嘢食方面叫左個炸蝦小食同埋熱狗。炸蝦外酥脆內軟，加上佢個沙律應該唔係普通沙律，應該落左d嘢，同埋有dd酸酸尾尾咁，加落蝦剛好可以中和返d炸蝦嘅油膩感。配搭不錯。至於熱狗方面，亦有地道感覺，配牛舌都係等一次試，啖啖肉，腸仔又大條，又唔會太咸，加上佢隻特別製嘅沙律，感覺幾新鮮!

和朋友於荃湾吃過下午茶，逛了一會又未肚餓，想找個地方歇脚，行經富華街一帶，見有間Doodie Cafe Bar,有点意外，也許很久没有到這片曾经老化的地方，不知何時開始有這些型格的食肆進駐,見餐牌有手工啤洒供應，我們決定試下。被安排入內廰一角，寧静又舒適，正合我意。红磚牆上像內藏油畫，設計獨特，座位不多但挺舒服的。點了兩份小食，香草雞翼和香煎牛舌，一支Celis White比利時白啤洒，洒精度較低，口感清爽帶点香料氣味，頗合女仕們享用，一支Hoponius Union Veg Beer來自美國麻省，洒精度較高，麥芽味重帶点微澀。手工啤酒屬自主醸造而成，每支都有獨特本土食材，而且比大量生產的大廠出品更新鲜。當啤酒遇上美食，誰會說不是絶配。