Dodam Chicken (利舞臺廣場)

营业中

休息中

銅鑼灣呢間炸雞店同朋友食過好多次 呢一間食韓國炸雞嘅餐廳 見到星期一至五都好多人嚟食 我就特登同朋友早啲去排隊攞位 嗰日我哋嗌左半份甜辣炸雞 仲要可以揀有骨定無骨 點知一上到菜嘅時候份量超級多 嚇親我哋 啲雞都比較細粒 所以佢一啖放入口 而且辣度唔會話好辣 之後我哋仲嗌左個部隊鍋 部隊鍋入邊嘅食材非常豐富 食極都食唔晒 包括左午餐肉香腸等等 而且佢入面嘅麵條都好彈牙食炸雞就梗係要飲埋酒啦 我就嗌左一杯水果酒 都幾大杯㗎 而且打卡一流

來第二次試埋佢其他嘢食 上次試過蘋果Pizza 今次試吓其他炸雞嘅味道 -甜豉油炸雞 🍗建議選擇有骨比較好食 肉質比較嫩 Juice一點味道偏鹹 算係幾濃味嘅一個選擇比較重口味嘅你可以一試 -鹹蛋黃炸雞 🍗鹹蛋黃味唔重 得表皮有味入邊冇咩味 食入口只有淡淡嘅鹹蛋黃味表現平庸 佢價錢比普通其他味嘅炸雞貴少少 個人認為唔需要選擇佢 但係肉質一樣係好嘅 -韓式炒粗粉絲 呢個真心鹹 尤其是食到底佢啲醬汁吸晒落個粉絲度都幾鹹下 呢個可以唔使選擇 -招牌沙律🥗味道唔錯嘅 但係值唔值呢個價錢就自己衡量鍾唔鍾意食沙律啦 我覺得可以接受嘅 加上我叫咗嘅嘢食都比我想像中濃味 可以話個沙律平衡返成餐飯三個人食夠飽 亦都清晒枱上面嘅嘢 另外提一提服務方面 上次我嘅食評有提到服務的確唔算特別好但係唔會好反感 今次嚟到明顯服務有改善 有問題提出都以好好嘅態度去回應 呢方面值得讚一讚

餐廳係正銅鑼灣，a出口，行一分鐘就到，交通便利， 4點食完下午餐，又約左同朋友一齊食個輕便晚餐， 餐廳環境寬敞舒服，好岩同朋友吹水1到2個鍾都唔會嘈，叫左pizza一份，部部鍋，餐廳用既kimchi係自家特製的，輕便食個light dinner.千層酥薄餅 88hkdkimchi, mushroom,bacon,cheesePizza幾脆口，可以當小食咁食，咬落有食拿破崙既口感，鬆軟，kimchi味重，有少少辣味，食落似薄餅。少少薄餅becon煙燻味，加一後大約100蚊。部隊鍋182hkdhomemade spicy stew with sausages, luncheon meat,rice cake, noodle, cheese and vegetables特濃泡菜湯底， 可以連湯底咁， 帶點熱氣，最好配埋沙冰食，溶溶芝士，大量午餐肉，珍寶腸， 大概有十種材料左右，賣相A+， 韓式風格公仔面，一人份量。 食既時候，成個過程，保持住泡菜湯底溫度， 寒冬不在寒冷。 整體都係辣，hot and spicy， 食得到辣先好叫。

⭐️Dodam Chicken(銅鑼灣利舞台）⭐️位於銅鑼灣嘅Dodam Chicken, 見OPENRICE大受好評，今日專誠尼試試。 ⭐️三重奏芝士炸雞（$208）⭐️係OPENRICE差唔多有五星，唔叫對唔住自己。 個外型同名都夠哂氣勢， 三重芝士指底下層Mozzarella, 提子粒麵包裡面係Cream Cheese,炸雞上再淋上車打芝士醬，成碟菜都好重好重既芝士味道。果然一試，熱辣辣，脆卜卜食，點香濃既cream Cheese,芝士味道充斥口腔，味蕾，芝士粉絲唔好錯過。 但係食到最後覺得好膩，食剩好多，覺得有啲膩。 如果多啲人一齊share就會好啲。❤️❤️❤️❤️⭐️韓式海鮮煎餅（$108）⭐️我掛住影相，搞到個煎餅凍晒，但係依然脆卜卜，超足料，好多魷魚。而且分量又十足。 ❤️❤️❤️❤️⭐️ 朱古力沙冰（$50）⭐️個朱古力沙冰好難飲，冇朱古力味，好甜，好似飲緊糖水咁。仲要咁鬼貴，真心嬲。食物：7.5/10環境：8/10價錢：7/10服務：7/10

一個人的冬日蔘雞湯～～～大舊是晚加班，所以我就一個人去咗銅鑼灣行街，之後就順道喺銅鑼灣附近覓食。😆～～～最近天氣涼咗唔少，令人想食返個人蔘雞，再叫番個暖嘅嘢飲暖暖身子同個胃。～～～餐廳裝修幾韓式，又有播放住k pop嘅電視📺，一個人食飯都唔覺得悶。～～～簡簡單單咁叫咗碗鮑魚人蔘雞湯再加多杯熱洋甘菊茶。～～～等咗五至10分鐘左右我嘅鮑魚人蔘雞湯就送到。鮑魚厚身彈牙，人蔘雞用咗雞髀位，肉質幾嫩，同平時嘅原隻雞有啲唔同，原隻雞雖然望落靚仔啲，但係啲肉就冇雞髀咁彈。～～～人蔘香氣濃濃，幾啱冬天食，另外佢哋同一般嘅人蔘雞湯，雞嘅中間冇糯米，而係係湯底加入左韓國粉絲同埋冬菇。韓國粉絲吸左雞湯嘅精華，非常入味，冬菇亦都厚身鮮。～～～最後再飲番杯熱嘅洋甘菊做收尾，感覺溫暖又peaceful，不錯

同朋友兩個人嚟食晚餐，叫咗全份嘅炸雞、年糕湯、同埋兩杯飲品。鋪頭環境舒適，適合放工嚟放鬆下，同朋友傾下計！晚市就記得要早少少嚟，去到七點左右就開始要等位架喇！蜂蜜牛油香蒜脆雞（全份）（$208）🍯🧈🧄🍗非常值得比五星嘅炸雞！牛油同蒜味好香，面頭已經見到有大大粒嘅蒜粒。熱辣辣嘅炸雞食落非常脆，牛油蒜香加上蜂蜜真係最邪惡😈最吸引嘅組合，而且同朋友每人食咗本碟之後都唔太覺滯。雞皮炸完之後唔會太肥，而雞肉亦都非常嫩！韓式餃子年糕湯（$118）🥣因為想食返啲冇咁熱氣嘅嘢就叫咗年糕湯，但始終唔係餐廳主打嘅食物所以的確冇炸雞咁有驚喜。餃子偏冧，好容易就散，不過餃子皮唔厚，餡料亦足。而年糕都煮得岩岩好，有咬口，不過湯嘅調味就一般，整體嚟講不過不失。Honey Yuja Tea （$38）🍹冇乜特別嘅柚子茶，味道有啲似係平時自己沖出來嘅柚子茶，不過勝在夠大杯，啱晒用嚟送炸雞。Strawberry yoghurt Smoothie ($58)🥤好滑嘅smoothie，乳酪同士多啤梨嘅味道好夾！份量亦好多，一個人飲嘅話會覺得有少少飽🙈 唯一可惜就係面頭嘅沙冰好快溶曬🥲 要影相就趁早影跟住快啲食幾啖先！總括嚟

Dodam Chicken 地址: 銅鑼灣波斯富街99號利舞臺廣場18樓A號舖==================上校炸雞size 越來越細，上一次外賣3件雞上髀仲細隻過雞翼，又炸到又黑又乾，自此發誓唔再貪方便食佢。比多小小食韓國炸雞，lunch $70數起，包飲品同任拎kimchi 同炒炒絲，炒粉絲我一向怕油膩唔會食，但kimchi 是自家醃製，食一大碟。飲品在飲品櫃拎，跟餐一人一包叫了$70原味炸雞同$65 margarita pizza ,炸雞好味唔洗講啦，有半份size 剛剛好。pizza 應該是10inch ，已芝士加蕃茄醬，係意大利傳統架pizza,餅底夠薄身。

柚子年糕腸仔無骨炸雞，酸甜系列炸雞，食落酸酸甜甜❤十分解膩，可以讓你對自己喜愛的炸雞更加胃口大開。🍊柚子果醬，甜酸可口，吃起來有濃濃的柚子清香，果肉的顆粒感特別強，🍋能吃到一粒粒的果肉！🥢年糕芳香四溢，炸雞油而不膩，🐤肉質鬆軟香脆可口。炸薯角好香口，🥔表皮食落好軟糯，而且因為係用原隻薯仔，切割之後再炸，🔥所以比薯條更加有口感，😚面頭仲有香料，食落去味道好香，搭配埋炸雞一齊食，超野味好食滿足！🥰

上星期四晚就同朋友去咗銅鑼灣呢間好出名食炸雞嘅韓式料理食晚餐，去到嘅時間八點幾九點，但係仍然都人頭湧湧，大家都好似第二日唔使返工咁，我見間餐廳真係好受歡迎。睇睇個餐牌，選擇非常之多，有好多新式嘅韓國料理，仲有薄餅添，但係我同朋友嚟之前已經心意已決，目標就係炸雞，所以即使選擇好多都冇阻我哋決定叫炸雞嘅決心。最後我同朋友叫咗兩隻味嘅炸雞：香蒜醬油炸雞同香辣脆雞，仲叫咗人蔘雞，堅全部都係雞。嘢飲方面我哋都叫咗酒。味道都相當唔錯，易入口，份量大。話咁快炸雞已經送到，熱辣辣，明顯係即叫即炸。經典嘅韓式炸雞，醬汁包住成隻雞，雞肉唔硬，好食！ 人蔘雞嘅雞肉比起炸雞嘅雞肉質感更加軟滑，不過我又反而鍾意炸雞嗰種紮實咁同埋醬汁嘅配搭，但都好食呀～豐盛滿足嘅一餐！

星期三3點鐘食個late lunch 好抵，openrice book 位有7折，又靜靜地無咩人，睇下kpop music video 都幾好環境氣氛。叫左原味烤雞，雖然比較goobne 好似係差d 比較乾身，但味道都可以嘅。 蛋捲味道吾錯，蛋滑吾乾加埋醬汁都開胃。 魚糕湯係最讚，太耐無去韓國，呢個街邊必食嘅好懷念，湯好飲有大蒽冬菇蛋，魚糕魚丸分量吾夠多囉，但好好味。另外叫左個炒飯，一般般咁，飲品都ok 但價錢就真係偏貴，鮮果汁要58蚊，好在都吾太細杯。吾記得影相添。

餐廳環境好韓風 聽住K-POP食韓式炸雞好有feel蜂蜜牛油脆雞 $138炸雞炸得好香脆 外皮又吸收哂啲蜂蜜每一啖都食得好滋味份雞雖然炸得脆 但入面一啲都唔乾柴反而仲鎖住左好多肉汁Overall真係我喺香港食過數一數二好食嘅韓式炸雞 絕對會再推介朋友嚟👍🏼韓式粉絲卷 配 年糕粉絲 $168年糕煲辣度適中 而且都幾多配料 有魚糕、年糕、寬粉、獅子狗等等年糕煙煙韌韌 軟硬度岩岩好又幾有咬口韓式粉絲卷淨係炸過 本身冇咩特別調味所以用嚟點年糕煲個辣汁就啱啱好不過個人覺得係到食炸雞既性價比更高🙈Chocolate Milkshake $48食炸雞配奶昔好似冇咁熱氣😌😌所以叫左杯朱古力奶昔 味道如果再濃郁啲就更加好

🥄Dodam Chicken 銅鑼灣波斯富街99號利舞臺🔍廣場18樓A號舖-----冬天就是中意食高熱量嘅野😛。🧀芝士年糕拉麵 $158🇰🇷韓國魚糕、鹹香芝士，黏糯年糕，加上彈牙拉麵🍜，混合韓式辣醬🌶️，基本上係一個穩陣唔會輸嘅組合，整體味道不錯，份量都多。🐥蜂蜜牛油香蒜焗烤雞 $188烤雞頗嫩，蜂蜜牛油蒜香調得頗濃厚，香香甜甜，加上有片片杏仁片點綴，貌相也吸引。-----👶🏻B仔整體評價：7.5/10個👍🏻👶🏻B仔抵食程度：7/10個👍🏻👶🏻B仔環境評分：7.5/10個👍🏻 👶🏻B仔味道評分：7/10個👍🏻👶🏻B仔回頭機會：7/10個👍🏻

-蘋果Pizza 講真有少少似蘋果批 但係佢比蘋果批嘅味道豐富好多 有芝士味 另外仲有少少提子乾 食到尾個脆皮似搽咗蜜糖 甜甜地 十分香脆 Overall好食嘅 清新的味道 係未試過嘅Pizza😋 -辣炸雞 我哋叫咗無骨半份 份量都幾多 味道唔算太辣 甜甜地嘅 表現中規中矩 正常預計嘅味道 -手抓飯 叫呢個純粹滿足我自己🤣 成日睇韓劇見到啲屋企媽媽會帶個手套喺個碗度抓啲飯 好想試吓 個人應為個飯要落少少鹽會更好食 好香麻油味如果你本來就鍾意食韓式紙菜包飯 你都會鍾意 因為依個直情係嗰隻味 見到好多留言話服務唔好 的而且確服務係冇特別好 侍應講嘢都冇乜尾音 比較冷淡 但係冇令我特別有好差嘅感覺 所以對我來講唔太影響

最近炸雞癮又出現，好掛住韓國! 之前都食過呢間，覺得真係好唔錯先再訪! 今次又可以試其他味既炸雞，個人黎講最鐘意半半炸雞，因為可以一次過食2個味。今次就食香辣炸雞同埋香蒜醬油炸雞。鐘意既話可以簡無骨雞架~ 2款都炸得好脆，又做到掛汁，雞皮好脆，雞肉又好嫩，真係令我諗起係韓國食炸雞宵夜既日子。食炸雞又點少得啤酒，叫左杯hoegaarden rosee，解解膩。呢日真係好凍，即刻叫左個人參雞湯黎暖下，入面仲有鮑魚，粉絲，都幾足料架! 個湯飲落岩岩好，唔會好似味精湯咁死咸，感覺都好補身! 有2個雞腿肉，好入味，好易甩肉。今晚真係好滿足!

食左幾次，都覺得呢間餐廳真心唔錯。門口裝修得幾靚，大大塊玻璃可以望到裏面。而且右邊嘅座位自成一角，朋友多嘅話，可以坐嗰度，咁就好似係一間房。地方夠大，好多座位，所以次次去都唔使等太耐就有得入座，座位又坐得舒服。因為今晚好夜食飯，餐廳嘅客人已經走得7788餐廳牆壁上面仲有大大張海報，同大家介紹一下美食推介。餐具方面，有個夾，其實我諗應該係用嚟夾雞件😂冇去深入研究今晚叫咗個芝士熔岩三色薯條。中間個芝士麵包就唔使講啦，夠晒邪惡。至於三色薯條，就係普通薯條、蕃薯條、同埋薯角。揸得好乾身好好食。基本上薯條個份量都唔細。主食方面，叫咗個芝士熔岩泡菜炒飯，建議大家趁早食，因為芝士好快會凍。成碟撈埋一齊食最好食😋有子年糕烤雞都好好食，唔會太甜，亦唔會太熱氣。整體而言，麥質素非常之好，而且份量好大，兩個人食嘅話，建議一份雞，一個主食就已經好足夠。