Dodam Chicken (利舞臺廣場)

营业中

休息中

相關食物：蜂蜜牛油香蒜焗烤雞$208，牛排骨湯$208我覺得個蜂蜜牛油香蒜焗烤雞味道可以，唔算特別突出，但我比較鍾意嘅係佢除咗有炸雞仲有烤雞選擇不過美中不足係呢款係無得叫半份，炸雞就有，如果少人食就變咗無得試多幾款食物，因為食完個雞都已經幾飽個牛排湯就比較失望，性價比低，無咩料同味，粉絲得一兩啖，比起我食過嘅其他韓國餐廳份量算少，唔推薦整體我覺得食物味道係合格，環境正常，但性價比就唔算高，如果想食韓國嘢又諗唔到去邊間都可以試吓

疫情已過，但喜好韓國炸雞的我，未能親身去韓國🇰🇷享受地道滋味，但好彩係香港都比我搵到一間正宗做韓國炸雞的餐廳！但最估唔到概係，焗雞都做得非常出色，香濃多汁，啖啖好滋味！當晩用餐我和朋友－行二人獲按排卡位，位置寛敞舒適，店內裝飾充滿韓國風，還有電視不停播放韓星表現及韓國歌曲，連餐紙都有韓中對應，可以邊食邊聴及邊學韓文🤩真係－舉四得！我和朋友都怕太熱氣，就毅然放棄炸雞，轉移食焗雞，仲可以選擇兩款口味，我們就選了芝士及蜂蜜味，兩款都十分juicy,雖然焗沒有炸的香口，但焗雞的皮都帶有香脆口感，好似BBQ,名符其實，皮脆肉嫩，芝士味焗雞有白雪雪的芝士粉，喊喊香香，蜂蜜味就甜甜地十分惹味，不會過甜除了焗🐔，我們還點了獨特新菜單中的蕃茄卡邦尼炒年糕！𥚃面除了有煙韌年糕，仲有魚糕和意想不到粗粉絲，可能加左蕃茄，食完都唔覺滯，仲更見開胃-清碟🍽️飲品方面我們沒有配啤酒，就點了一罐肥仔水及ice lemon honey tea,杯裝飲品都大杯！食到最後仲見到餐廳（應該係韓國人-老版）用英語和客人言談甚歡！下次一定再去吃炸雞，還有火山麻辣牛煱！

在銅鑼灣鬧市食午飯真不容易，周圍都是人，地舖食肆也難找位置。朋友話，利舞台廣場，有很多食肆，適合我們年青人和喜歡韓風的人去食。我揀吓揀吓見到18樓的DoDam Chicken，就入去食lunch。首先，DoDam Chicken的裝修非常有韓國風格，讓人感到非常舒適。而且，K-Pop不停播放，好聽的音樂和精彩的MTV讓人感到非常愉悅和放鬆。我點了招牌海鮮炒飯。廚師速度非常快，5分鐘左右就能上菜。招牌海鮮炒飯上加炸圈，非常好的點綴。炒飯味道不錯，還帶點微辣，非常正。而且，海鮮炒飯的份量非常足，有蝦也有帶子，讓人吃得滿足。飯炒炒得非常細緻，飯真是一粒一粒都很分明，讓人感到非常有口感。調味適中，讓人吃得不能停口。

首先係用七五折好抵，跟住我打電話俾員工問佢點樣訂，員工很有心機解答，去到取餐，我帶咗保溫袋員工很有心機，把東西放入去保溫袋，而且仲要兩個人走埋嚟幫手，叫咗margarIta 薄餅同埋原味脆雞兩樣都好好食，呢間店舖簡直就係我心中嘅第一位價錢又抵我揀咗有骨嘅脆雞，我覺得有骨嘅係啲味濃好多話好多，之前食過冇骨，我覺得較似普通炸雞扒。但佢嘅薄餅真係好正，係得來啲芝士仲好濃。七五折，之後120幾蚊有八大件真係好鬼抵

中午同事farewell去左食炸雞, lunch set 好抵食 選擇都好多, 我點左signature既烤雞 分量好夠, 味道都唔錯, 有埋手套同醬汁俾你食 仲有自助飲品, 每人一杯

成日都好鐘意去位於利舞臺廣場既Dodam chicken, 因為店舖位置方便。一來自己好鐘意食韓國野同炸雞，餐廳又會播著潮流嘅K-Pop，充滿氣氛。食物方面，色香味俱全和大大份咁上碟，所以好值得推介。就咁睇Menu已經有好多菜式，多款炸雞嘅味道和唔同整法，韓式食品，飲品等。同朋友一行2人，雖然只係叫左兩個單點，但已經非常飽肚。芝士雞蛋卷 $135雞蛋卷整得非常滑，加上好多醬同埋蟹籽，令到食落味道層次豐富。另外雞蛋卷整得十分之厚，都唔係好數到有摺左幾多層，但食嘅時候每啖都勁大舊。招牌甜辣芝士無骨烤雞$205因為唔想太熱氣食炸雞，咁就不如試下烤雞，加上見到相有滿滿嘅芝士一齊焗，所以決定試下。份量超級大盤，除咗雞柳同芝士，配菜方便都好豐富，有年糕同蔬菜等。烤雞焗得好外乾身但同時裡面夠juicy，芝士量好多，每舊雞都可以包夠足夠芝士先食，十分滿足。

整體感覺俾人覺得好差，落單員工態度好唔得😓之後黎左啲炸雞，有一件咬開又仲係紅紅地既，唔熟，反映左件雞唔熟，只係話幫我換過件道歉都無、之後又好輕挑咁同另一個女員工講你整啲雞又唔熟，感覺唔似第一次俾啲唔熟既雞人食。一路食就一路聽住啲員工大聲講野，可能基於唔多人食，傾計唔係問題，但就太大聲。感覺真係麻麻地，如果係其他客人嘈住晒都可以接受，但相反係員工就接受唔到，真係唔會再幫襯食物味正常但唔熟環境一般…

Cold Noodle 冷湯麵 $125個湯冷麵麵質煙煙韌韌，加埋啲配料紅蘿蔔、青瓜、酸白蘿蔔、雞蛋…個湯底酸酸地，加埋啲芝麻吊起個香味，好好味之餘，仲好醒胃😋GINSENG Chicken Soup 鮑魚人蔘雞湯 $175鮑魚人蔘雞湯，材料有鮑魚、人蔘、雞、仲有菇菌、金菇、大蔥，同埋紅棗，湯的味道很清甜，淡淡滲出人蔘嘅味道，雞肉肉質不錯，其他配料的味道也夾得很好，我最喜歡人蔘回甘味道，我這個上班族沒時間煲湯飲，這個真的很不錯👍🏻幾大隻冬菇和雞髀😊Coke $22餐廳位於銅鑼灣利舞臺廣場18樓，真的非常方便，喺銅鑼灣行街，想搵嘢食，呢度真係非常方便。餐廳都好闊落，坐得好舒服，就算多人一同進餐也不是問題👍🏻食物嘅款式都很多樣，真係唔知叫乜嘢食好，樣樣都想食。

在社交平台看見朋友到韓國旅行，haha，立即想吃韓式午飯🤣朋友說銅鑼灣利舞台有一間韓式炸雞裝修很有韓風，所以就試一試啦。地方很寬敞，播著韓國男團及女團的mv。5點已經感到肚餓，所以比較早入場。鮑魚人參雞湯$175有冬菇、雞髀菇、大雞髀、一條小人蔘、鮑魚等蜂蜜牛油芒果無骨脆雞 $208這道菜我很推薦👍如果不吃辣的，可考慮這炸雞。甜甜酸酸的味道，我覺得芒果應該是用呂宋芒。芒果的甜度比起一些甜品舖還要好味。當然主角是炸雞，是一口雞的大小，方便進食。炸得剛剛好，雞肉還有肉汁。份量十足餐牌很有趣的餐紙，下面寫著韓文加上廣東話拼音。可以跟朋友試試啊！

呢間韓國炸雞鋪喺銅鑼灣，係一間好正嘅餐廳。我今次去嗰陣，點咗兩款炸雞，分別係蜂蜜牛油芒果無骨脆雞同芝士雞蛋卷。先講環境同服務，服務員態度好好，就算人多都唔會黑口黑面，自動幫你refill水。環境廣闊，枱之間唔會好逼，重有好多卡位。大堆人都冇問題。蜂蜜牛油芒果無骨脆雞唔止係好食，仲好特別。佢哋將芒果同牛油融合喺醬汁入面，勞埋落去炸好既雞上面，啲酸甜嘅滋味同埋脆身多汁嘅雞肉融合喺一齊。個人特別鍾意佢嘅醬汁，唔會太甜，而且有淡淡嘅牛油香味，芒果味好出，唔多餐廳有，特別得黎好好食。至於芝士雞蛋卷，佢哋嘅芝士真係好濃郁，而且好夾。佢哋用嘅雞蛋都好新鮮，煎至香脆，啲食落去好滑好嫩，芝士既夾心一切就漏出黎。如果你鍾意芝士同雞蛋嘅味道，呢款菜式一定唔可以錯過啦。整體黎講，呢間韓國炸雞鋪嘅炸雞真係好正，醬汁同埋佢哋嘅芝士雞蛋卷都好好食。

喺銅鑼灣利舞台嘅Dodam Chicken係一間韓國炸雞店，餐廳都幾大，環境非常舒適同乾淨。menu都幾多野揀，可惜焗雞唔可以叫半份。今日公眾假期午餐同朋友黎，我叫咗佢嘅原味焗雞同埋水冷麵。首先講返「原味焗雞」，佢用韓國傳統嘅焗烤方法，外皮酥脆，肉質鮮嫩多汁，味道香濃。雞肉本身已經好好味，再加上啲調味同香料，令味道更加豐富。如果嫌唔夠味，佢都配左蜜糖芥末同辣椒醬。而且d雞份量都十分足夠，2個人食都已經飽哂。水冷麵份量都幾多，麵條清爽可口，係夏天食就最好😌😌 麵條彈牙有口感，醬汁都幾開胃，上面仲配咗半隻蛋、雪梨、青瓜等配料，味道更加豐富。總括黎講，都好適合一大班人黎食可以叫唔同款嘅雞試下，坐得舒服，2個人都有卡位坐😋😋

I love Korean fried chicken and I'm always on the hunt for authentic and delicious restaurants in Hong Kong. We visited this restaurant for an early dinner on a weekend and it was bustling with customers. Despite the crowds, we ordered two courses, both of which were generously sized! I highly recommend the triple cheese chicken - the small pieces of crunchy, boneless chicken were filled with melted cheese and tasted amazing when dipped into the rich and creamy cheese sauce! The kimchi fried ric

放假經過你舞台第一次試呢間炸雞店！呢間炸雞店喺度都幾耐，咁啱冇咩人就入咗去試吓！食完即刻去睇戲！餐廳地方都好闊落！嘢食種類都幾多可以揀！芝士雞蛋卷超多芝士！每人食一嚿，個個都可以拉𢇁😍😍！ 最簡單嘅口味最好食！順帶一提，最好一次過食晒！我哋食埋雞再返轉頭之後，中間啲芝士一嚿嚿咁，冇熱嗰陣咁好食～雙重芝士麵包辣烤雞芒士控表示：這個不得了👍🏻！好大兜，三四個人一齊食，絕對冇問題！麵包入邊全部都係超正嘅芝士汁！ 成盤嘢都好抵食，烤雞，年糕，魚蛋，芝士，泡菜～ 因為有個鐵板底盤，所以啲芝士相對冇雞蛋卷凍得咁快～ 但係勝在佢有個芝士汁😻😻！飲品方便冇太多，特別嘢就唔講啦～

今日趁着放假去銅鑼灣同朋友行街，行到去利舞臺shopping之後就見到18樓有呢一間韓式炸雞！朋友就話想去試吓，順便食個下午茶坐下再去血拼 上到去轉左就見到餐廳！下午茶時間都比預期中多人，一坐低店員就為我哋送上兩杯清水，再同我哋介紹餐牌我哋就揀咗一份韓式甜豉油炸雞再加一個韓式水冷麵 韓式水冷麵就首先到，店員好細心，幫我哋剪開4份，方便我哋進食水冷麵，配上泡菜酸蘿蔔青瓜蛋配菜，令到口感更加提升 冷麵，亦都非常有咬口，有好煙韌嘅感覺，再配埋佢個汁，酸酸地嘅感覺非常之開胃韓式甜豉油炸雞就比我哋想像中大份，店員亦都好貼心咁拎左膠手套，方便我哋直接用食 呢個位值得加分 炸雞熱辣辣香噴噴，再配以甜豉油嘅味道，非常突出 炸雞亦都唔會有過熟 咬唔開嘅情況，火候控制得啱啱好 每一件都非常香脆，值得一讚嘅係佢嘅外層炸粉亦都唔會太厚，做得非常好 我哋嗰份都至少有12件鷄，份量相當十足最後埋單，大概每人$160，非常滿足，鍾意食炸雞嘅朋友，絕對要試吓

聽過好多同事食韓式炸雞要食呢間真係超級超級好味😏終於俾我搵到佢 今日一試真係唔錯🥰🥰除咗炸雞 韓國薄餅都好有水準👍👍加埋一個蛋炒飯 都沒有失望😊牛骨粉絲湯 入邊仲有啲粥 好特別呢一間係唔會再回頭光顧嘅韓式店😍下次再同一班朋友一齊嚟 可以試多啲菜式😚