Dodam Chicken (利舞臺廣場)

营业中

休息中

千層酥薄餅一層層好濃厚的芝士，鋪滿在薄餅表面，淹蓋了下面的餡料，有泡菜、蘑菇、煙肉，薄餅皮係酥皮又焗得恰到好處，口感豐富泡菜酸辣好開胃，一道好fusion菜式，估唔到幾好味有驚喜，鐘意食泡菜一定唔可以錯過。蜂蜜牛油香蒜烤雞 惹味有肉汁的香蒜烤雞，外皮烤得好香脆，一咬落去出哂煙，肉質嫩滑有肉汁，完全唔會焗到乾哂，再沾上蜂蜜牛油好正，蒜香味好出，附有酸味的蘿蔔做前菜，一邊吃烤雞一邊吃蘿蔔，就不會太油膩。

這間韓國菜已經好多年，仍能保持到水準，真的不錯，之前在觀塘分店吃，今次在銅鑼灣分店吃，仍然沒有令我們失望。🚩海鮮泡菜餅 $155泡菜餅有兩款選擇，一是海鮮，一是煙肉，通常我們吃韓國菜都是海鮮泡菜餅，所以亦沒有多想，就叫了海鮮泡菜餅。泡菜餅煎得很趣，而且海鮮的份量也不少，可以清楚看見，夾着泡菜的味道，非常開胃可口。🚩蜂蜜牛油香蒜脆雞(半份) $152半份的炸雞是非常大份的，兩個人吃完已經非常飽，不過蜜糖及蒜香的味道非常濃郁，所以可以吃不停口。這店的炸雞不會令人失望。

突然炸雞癮發作，喺網上search到銅鑼灣有間炸雞店好唔錯，就上去試吓。我地有選擇囷難症，所以叫咗雙重滋味，可以任選2款口味，我地就叫咗以下2款炸雞，上枱時份量都幾多，幾大碟。原味脆雞，炸得個脆槳都幾薄，唔算厚，食落都好香脆，外脆內嫩，佢仲跟埋2種醬汁可以點黎食，分別有蜜糖芥末醬以及辣醬，雖然係原味，但味道一d都唔寡。香蒜醬油脆雞，佢都係炸到外皮脆脆嘅，但外面多咗層醬汁，食落又係另一種滋味，個醬汁味道咸咸地嘅醬油味加上好香嘅蒜味，好有韓式風味。芝士年糕拉麵，係用鐵板上，佢用芝士墊底，所以令到芝士有拉絲嘅感覺，同埋d韓式拉麵一齊食，勁match,而d年糕都勁煙韌，加埋佢甜甜辣辣嘅醬油，非常好食，仲有配埋魚糕，食到停唔到口。

今日午飯到銅鑼灣利舞臺的Dodam Chickern，這裡的午餐是非常受歡迎的，人潮很多，可見這家餐廳有一定的水準。我點了他們的招牌小食，炸雞，口感鮮嫩濕潤，入味十足，但午餐後還要上班，不能喝酒。唔緊要，我選了，黑糖薑母茶，也非常滋潤，和炸雞非常匹配。除了炸雞，我也點了他們的卡邦尼意粉，原來是一道『西、韓 fusion菜』，非常特別。這道菜除了卡邦尼意粉的味道，還加了韓式樣年糕和椰菜，非常新穎，配搭得很好。卡邦尼意粉用上松露醬汁，香味十足，和意粉的口感好配合。年糕的質感和口感也非常不錯，和其他配料搭配得很好，讓整道菜更加豐富多彩。除了主菜，小食，韓式炒粉絲也非常美味，口感細緻豐富，蔬菜和蔥的配搭也非常協調。泡菜，質地剛剛軟身又有爽口感，味道酸甜適中，很開胃的前菜。最後，我要特別稱讚他們的服務。儘管店內工作很忙碌，店長和店員都非常有禮貌，對待客人非常親切。👍🏼👍🏼👍🏼

同朋友食飯👭🏼咁啱又想食韓國嘢🇰🇷佢地就推介試下呢間我都未食過 估唔到都幾多人食食得炸雞🍗當然要配返杯啤酒啦🍻——————————————————🍴香辣脆雞(半份$148)食炸雞 我比較鍾意食甜辣味成日覺得食原味會好dry😂呢到有個好處 就係可以叫半份就2 3個人嚟食 都食得晒😎食落肉質唔會炸到好乾👍🏻醬汁都好夠味鍾意食無骨既朋友 都可以轉無骨㗎——————————————————🍴蜂蜜牛油香蒜焗烤雞($208)炸雞之外 呢到仲有烤雞食🤭每舊雞都有滿滿既蜜糖雞皮仲烤到脆脆的想健康少少呢個都係唔錯既選擇而且唔係太多韓國餐廳都有烤雞 值得一試~——————————————————🍴芝士年糕拉麵($175)呢個年糕拉麵用鐵板上襯住啲芝士仲熱♨️記住快啲食啊唔係芝士就會凍晒乾晒🙈食落都偏辣㗎 怕辣人士要注意⚠️芝士🧀不論配年糕定拉麵都係絕配而且仲辣辣地 真係會唔覺唔覺就食晒😆——————————————————🍴韓式海鮮煎餅($155)呢個煎餅比起其他就遜色少少雖然厚就唔係好厚 但都煎得幾脆但因為之前係Bingo & Cook食過既煎餅實在太有驚喜😂所以無比較無傷害 建議可以試吓其他野

在這個充滿異國風情的韓國菜餐廳，我們品嚐到了兩道令人難忘的美食：蟹子紫菜手抓飯和蜂蜜牛油香蒜焗烤雞。這些具有地道韓國風味的佳肴，不僅帶給了我們視覺上的享受，更讓我們的味蕾得到了極致的滿足蟹子紫菜手抓飯蟹子和紫菜的完美組合，使得這道菜在口感上層次豐富，讓人回味無窮。蟹子的鮮美滲透到了每一粒米飯中，與紫菜的鹹香相互輝映，形成了一道令人陶醉的美食。每一口都讓人感受到大海的味道，仿佛置身於浪漫的海濱蜂蜜牛油香蒜焗烤雞雞肉經過鮮嫩多汁的烹調，表面金黃酥脆，散發出令人陶醉的香氣。蜂蜜與牛油的完美結合，讓雞肉的口感變得更加豐富。咬一口，雞肉散發出蜂蜜的甜美與牛油的濃郁口感，為味蕾帶來了前所未有的享受。而香蒜的加入，則為這道菜增添了一絲清新的味道。在濃郁的口感中，這絲清新恰到好處，讓人無法抵擋

想食韓國菜❤️，搵到呢間有齊好多唔同種類既韓國食物🥘，今次就簡左食脆口野😍餐廳環境都好舒服，餐廳風格幾靚，木色為主，又有幾個電視都播住韓文歌，好有feel蜂蜜牛油香蒜脆雞（半份）$152一上枱就聞到好香甜，件數雖然唔多，但每一舊炸雞既肉身都好厚肉，咬落滿足到啖啖肉既口感，非常嫩滑juicy，蜂蜜既甜香配上香蒜既咸香，非常好食😋吉岡左拉芝士薄餅🍕 $135餅底非常薄脆，食落係鹹甜鹹甜咁，味道好濃厚好食🤤，份量都好大下，幾抵食

今日去銅鑼灣行街，午餐都唔知食乜好，見到利舞台廣場有好多食肆，立即過去睇睇有什麼啱食。俾我見到Dodam chicken 呢間韓國餐廳，立即勾起我想食韓國🇰🇷菜，尤其是人蔘雞湯，所以唔再諗咁多，立即衝入去食啦。🤭餐廳很大很闊落。GINSENG Chicken Soup 人蔘雞湯 $175個人蔘雞湯，除了人蔘和雞之外，還有冬菇紅棗、金菇菜、大葱等等…個湯好清甜之外，最喜歡人蔘回甘的味道。😋Cold Noodle 冷湯麵$125冷湯麵的配料有青瓜絲、紅蘿蔔絲，白蘿蔔和雞蛋…個麵底煙煙韌韌，個湯酸酸地，加咗芝麻嘅香味，超級醒胃。Coke 可樂 $22餐廳嘅食物真係多不勝數，真係搞到我心大心細，兩個人食午餐，食唔到咁多嘢，唯有下次再嚟試多幾樣嘢食啦。

餐廳：Dodam Chicken地點：銅鑼灣利舞臺廣場菜式：韓國炸雞專門店餐牌：烤焗雞，炸雞，炒雞，韓式食品，年糕，小食，薄餅，沙律，麵飯，其他菜式韓式辣焗烤雞 $202 另加一韓式辣焗烤雞大大份，應該有全隻雞，有雞脾兩隻，雞全翼兩隻，好多雞件，包括雞胸肉同骨都有，都有好多肉食，應該夠四個人食。焗烤雞熱辣辣上枱，雞皮少脆，黑色燶皮味特別好食，肉都好嫩。可選兩種不同程度辣度，我揀左無咁辣，我覺得都好惹味，又辣又甜咁。面頭灑上香脆杏仁片同好多蒜蓉，，仲有香草，味道更好。另配紅色蘿蔔漬物粒可解膩。跟有兩對膠手套同一個兜放骨，方便衛生。黑松露薯條 $78 另加一黑松露薯條大大兜，一上枱就聞到好香黑松露味。原來有原味同蕃薯條兩種，係粗身，炸得外脆內淋，啖啖澱粉質，仲另上一細兜茄汁比你點薯條食。餐廳座位闊落，呢餐都食得舒服。

星期日放假，同朋友約咗去銅鑼灣行街。呢排睇得多韓劇成日都好想食韓國嘢🤣於是就嚟咗呢間利舞臺嘅韓國嘢。我哋一開門就去到，所以未算好多人，後尾食吓食吓都差不多八成滿☺️兩個人唔可以叫太多嘢食，所以嗌咗個芝士年糕拉麵。一開頭見到佢嘅顏色都驚佢太辣，好彩同平時嘅辛辣麵差唔多，個底有滿滿嘅芝士，好輕易就做到拉絲嘅效果。年糕煙煙韌韌點個辣汁好好食😋嚟到韓國餐廳，當然要食炸雞，佢呢度嘅炸雞標榜係烤焗，會冇咁油膩。兩個人嗌咗個蒜香蜂蜜醬油炸雞半份，個炸雞上面有蒜片，食落好香口，都有蜜糖味。個人食炸雞都係鍾意識偏甜嘅口味多少少🥰唔覺意食吓食吓就勁快食晒😛因為一開始驚好辣，所以我哋嗌咗兩個嘢飲。一個係士多啤梨乳酪沙冰，一個係柚子乳酪沙冰。柚子乳酪沙冰係好濃郁嘅柚子茶味，配埋乳酪好清新啱啱好😋

雙重滋味（韓式辣焗烤雞/蜂蜜豉油香蒜焗烤雞 ）$ 248 可自由揀兩種口味嘅焗雞，啲雞超多醬好入味，一拎起啲醬會滴曬落嚟🤤啱曬我呢啲重口味人士，烤雞得有骨款，咬落去啲勁嫩滑，之前食過好多間啲雞都比較鞋，呢間整體上唔錯，價錢又唔算貴～芝士年糕拉麵 $ 175全部都係澱粉😈炒年糕煙煙韌韌，拉麵勁掛汁，一叉起勁多芝士拉絲，除咗甜辣醬味外仲多咗陣芝士咸香味，仲有啲魚糕同獅子狗添韓式手抓飯 $ 78蟹柳、紫菜同飛魚子，再加埋沙律醬，真係好難唔好食😏係會令你忍唔住一啖接一啖食Mango yogurt smoothie $58甜度適中，見佢即場手打都幾好味

同友人到銅鑼灣利舞臺行完街去了這間頗有名氣的韓式炸雞店。提提大家這家每碟的份量非常大，建議多找幾位朋友一起來😆🌱三重芝士脆雞：三重芝士分別有Mozzarella 芝士做基底。中間麵包入面是熱溶 Cream Cheese，而最上面就Cheddar芝士。建議先把炸雞件浸到中間的芝士，可以一次過吃到三款不同芝士，非常滿足。 而中間的麵包是用提子包造成的，味道甜甜地，可以食埋🌱海鮮泡菜煎餅：滿滿一碟煎餅熱辣辣上枱。除咗基本海鮮煎餅有的配料之外，另外再加配泡菜。小小辣之外，每啖都食到唔同配料，有蝦、菜甫、蠔仔、蔥等等。 我就另外再拎咗啲酸辣醬汁，味道不會太鹹，反而剛好提升煎餅鮮味。

相約咗闊別香港多年嘅朋友食Lunch，梗係要帶佢食好嘢。香港美食實在太多選擇，朋友喺外國生活多年，少食亞洲菜，今次一於食韓國嘢！喺銅鑼灣利舞台嘅 Dodam Chicken，主要食韓式炸雞，餐廳都幾闊落幾好坐，Lunch 仲好抵食添～佢哋嘅炸雞同烤雞都有好多款式，我哋今次揀咗蜂蜜牛油香蒜脆雞，要無骨嘅。店員一拎到埋嚟真心有啲嚇親，咁大碟！兩個人，食唔食得晒㗎？😂😂蜂蜜牛油汁真係好香口，無骨脆雞又啖啖肉，好正呀～我哋冇估到碟炸雞咁大碟，仲叫咗個韓式炸醬烏冬，呢碟都唔弱，炸醬好似我以前喺韓國食嗰啲味道，雜菜同其他配料都好多，足料呀！午餐時段仲有自助取韓式粉絲&泡菜，任添～仲包埋飲品，好抵食，真係要推薦俾朋友🤗🤗

因為朋友極力推介，出開香港島，便來一試。因為訂咗六點，未有人，但係一路食，越來越多人，頗熱鬧的。一打開Menu，超多炸雞，焗雞的選擇，眼花撩亂，因為炸雞比較韓式，最終揀了炸雞。幫正在苦惱於那一款雞，傳分定本分，我哋邊請教店員，有什麼好推介。店員非常珍惜老實，佢話兩個女仔，本分已經好夠，同埋推介香脆炸雞。果然半份有六舊，每人三嚿，剛剛好，如果全份一定飽到冇朋友。炸雞雖然外表炸，裏便鬆軟嫩滑，有雞味，連韓國通的朋友都讚不絕口！配上兩種醬汁，以及酸酸的蘿蔔，推介！另外叫咗個牛肉年糕粉絲煲，嚟嘅時候唔夠熱，當通知店員，佢哋立刻加熱，熱辣辣非常好味。整個煲非常入味，料非常充足，一個煲可以又食到年糕，又食到粉絲，的確大滿足。另外叫咗兩個可樂，配合炸雞，非常有韓國地道味度。所以今餐食嘅，有新式與舊式的韓式菜。另外裝修亦非常新潮，空間感好好，仲有電視不停播K Pop！

放工後同T先生去利舞臺既<Dodam Chicken>食韓式炸雞。📍香脆炸雞(半份)有點over-fried，乾身和鞋，冇想像中juicy，反而佢既醬汁味道唔錯，蜜糖芥辣醬，韓式辣醬，加埋酸蘿蔔乾，味道幾好。炸雞我地配埋啤酒一齊食既⋯📍韓式牛肋骨湯有4大舊牛肋條，啖啖肉而且有牛味，唔錯唔錯。配菜有粉絲，金菇，冬菇，葱，都幾豐富。以正價黎講，食物某程度上有over-price, 炸雞非預期之內。至於餐廳環境較暗，但播放住k-pop音樂，還好少少，但氣氛還是好一般。服務黎講，不過不失，所以對我和T先生黎講，試過就算啦。