Dodam Chicken (利舞臺廣場)

营业中

休息中

有冇人睇韓劇或者韓綜都會睇到勁想食韓國菜，今晚就同朋友去咗銅鑼灣食返夠皮🤣！🍴Rapokki on Cheese $175拉麵加韓國年糕無敵組合！除咗呢兩樣主菜，仲有一啲蔬菜、魚糕、芝士獅子狗、雞蛋做配菜，鐵板底部全部都係芝士🧀，最啱芝士控‼️🍴Salted Egg Yolk Boneless Fried Chicken $152🐓鹹蛋黃香味幾出眾，勁邪惡，不過下次應該會揀返有骨嘅雞，無骨的確好方便進食😀🍹Chocolate Milkshake $48超大杯，升級版嘅朱古力牛奶🍫🍹Strawberry Milkshake $48同樣都係分量滿滿，有一股士多啤梨牛奶珍寶珠嘅味道🍓

2023年7月16日 星期日今晚帶咗屋企人出銅鑼灣食飯，選擇咗利舞臺廣場嘅呢一間韓國餐廳，因為屋企人好掛住韓國嘅野食，而且網上面評價好似唔錯一出lift轉一個彎就見到，好容易搵，加上離遠已經見到招牌好明亮由餐廳門口直到入座都見到有好多唔同嘅餐牌，食物有好多選擇，唔係剩係得炸雞同部隊鍋，仲見到餐廳有推出新菜單用辣忌廉製成嘅菜式，不過由於屋企人唔太食得辣，所以凈係點左份炸雞同韓式魚片湯，但其他食物既價錢睇落都唔算太貴，銅鑼灣地段黎講叫幾合理食物等左一陣間就一次過出晒黎，睇落份量都唔少，而且熱辣辣首先呢個炸雞其實係用左植物肉整成，既環保又健康，而且味道同真既雞肉分別不大，外皮炸得好香脆，炸漿唔算太厚，裡面都充滿水份，肉質同嫩滑既雞一樣，我哋要左原味都好夠味，至於薯角就好厚身，炸完之後再係上面撒上左紫菜碎，味道更加惹味呢一個韓式魚片湯就有好多配料，除咗韓式魚片之外，仲要大蔥、蘿蔔、竹輪卷等等，魚片同竹輪卷都好彈牙，魚片幾有魚味，而最驚訝既係蘿蔔，因為佢吸收晒成個湯既精華，味道好濃郁，仲好鮮甜添

‼️❤️ 記得CLICK我PROFILE關注我呀 ❤️‼️.🐔 Yᑌᗰ Yᑌᗰ KOᖇᗴᗩᑎ ᑕᕼIᑕKᗴᑎ @ 🌟 Dodam Chicken《👽食神大媽DAP韓雞》.💁‍♀️ 圖片展示美食為：Sweet & Spicy Chicken x Honey Soy Garlic Chicken HKD 248Rose Spicy Topokki HKD 155.🌞 咁熱辣辣嘅天氣，食嘢坐得舒服最緊要。你間餐廳空間感好大，座位好舒服，喺度同朋友仔一齊嘆美食就最開心。🐔打開餐牌發現有好多款美食選擇，尤其是主打韓式焗烤雞，而唔係普通炸雞，就當然要試吓啦！選擇困難症，所以揀咗雙拼，試左甜辣拼蜂蜜豉油香蒜味！烤雞 好多件，個甜辣比較甜，唔係好辣，豉油香蒜味就好多汁。.🌹 見到主要餐牌以外有一個推薦餐牌，上面推介「辣卡邦尼ROSE炒年糕」，所以叫黎試吓。好大碟呀，份量好粥，玫瑰醬本身就係比較濃郁，少少辣但好惹味。再加上啲年糕好彈牙，好好咬口，所以非常之滿足。.👽 呢間餐廳位置好方便，最正係仲要無落場時間，好方便約朋友仔一齊食嘢聚會。.📍 銅鑼灣波斯富街99號利舞臺廣場18樓A號舖📲 +(852)2333-83

今晚收工去呢間試下，因為都方便既，前一晚訂位都仲有位，位置都坐得幾闊洛，野食都幾好，我地四個女仔食四樣野，都飽哂😉😉烤雞：佢比起之前食過既烤雞利講，唔鞋都算幾嫩滑，味道同芝士年糕拉面個汁底差唔多，唔辣，偏甜，但又唔會覺得太濃味，都係有d菜係入面。芝士年糕拉面：中間有隻蛋既，味道同烤雞似，拉面係好好食。芝士雞蛋卷：中間係芝士，蛋都幾滑，加埋上面既汁，岩岩好。手抓飯：呢個同出面食既拳頭飯差唔多，不過佢會比手套我地自己包，我地自己包會鬆散🤣但都好好味。

朋友想食韓國野好耐好耐，今次一行3人就去左我韓國飯堂食炸雞! 呢一間我應該都去左起碼5-6次，一想食炸雞就諗起佢! 而且佢既芝士雞蛋卷都真係好難忘! 但係服務態度真係有進步空間~我地一早係openrice book左位，而且係book 6:30p.m. 所以其實都無咩人係餐廳。門口 reception係冇人架，職員都係集中係出餐處。我地今次3個人坐係卡位，坐得好舒服~一如既往Menu款式選擇多，炸雞、烤雞都有，仲有share既小食好似拉麵、年糕、韓式pizza、拌飯、意粉都有!!今次我地叫左3碟，留肚去食甜品✿《半半炸雞 $ 248》(★4.6/5)食炸雞係必須既! 而且一定要叫有骨! 我試過無骨同有骨，無骨相當係無咁juicy，而且有骨食落都有感覺D!!! 今次我地半半炸雞，食左佢甜辣口味同醬油蒜味炸雞新鮮炸起的炸雞，一上枱我地就迫不及待戴手套食，點知! 熱到拎唔起 XD炸雞炸得相當好，夠乾身夠脆，而且唔會有過多炸粉。而咬落去，肉汁爆發，肉質好又嫩滑，名副其實外脆內嫩!甜辣口味大概係5少辣既感覺我個人中意食甜辣口味多D，因為醬油蒜味炸雞，食得多幾件，開始有D咸✿《芝士雞蛋卷 $ 14

咁啱同朋友心靈相通想食韓國菜，就決定嚟呢間餐廳食炸雞🥳🥳 餐廳位於銅鑼灣利舞臺，我哋放工過嚟都好方便🙌🏼呢度有好多款唔同嘅炸雞/烤雞，我地款款都想試🤤🤤 最後選擇咗佢哋既招牌甜辣芝士無骨烤雞🍗 佢唔算好辣，反而醬汁酸酸甜甜幾好食！芝士當然係有拉絲嘅效果，打卡一流，雖然係有啲肥膩，但最緊要食得開心🤤 另外仲叫咗一碟年糕炒拉麵，其實大家嘅醬汁都差唔多haha 一樣咁滋味！我哋發現佢樣樣菜式都係大份量的😂 我哋仲加咗一個韓式海鮮煎餅！煎餅煎得好香口，加埋個醬汁，好有風味呢🥳 本身想叫嘢飲，但價錢好似偏貴，所以就冇試了😗我覺得餐廳適合起碼4人以上嚟食，大家share可以試多d唔同野食！慶生、聚會都適合😎😎

𝕂𝕠𝕣𝕖𝕒𝕟 𝕗𝕣𝕚𝕖𝕕 𝕔𝕙𝕚𝕔𝕜𝕖𝕟 at ℂ𝕒𝕦𝕤𝕖𝕨𝕒𝕪 𝔹𝕒𝕪🍗🇰🇷Craving for some Korean fried chicken and toppoki and thought of my all time favourite restaurant conveniently located at Causeway near Times Sq. @dodamchickenhk is always very packed because of its chilled vibes and yummy food so be sure to book in advance for a table😉ʀᴀᴘᴘᴋᴋɪ ᴏɴ ᴄʜᴇᴇꜱᴇ ($175) highly recommending the best seller. Rice cake and noodles with lots of cheese in Korean spicy sauce. Mildly🌶️ super cheesy 🧀 Great to fill your tummy with evil delici

利舞臺廣場逐漸轉型成1座好多食肆的地標，去銅鑼灣唔知食咩好，可以去果到覓食😜今次我地就去左18樓的dodam chicken，未到期8點已經全場爆滿，座無虛席，好不誇張。餐廳提供多款不同類型的主菜，包括pizza，炸雞，韓國小食及特色飲品等，在場人士以女士偏多(約80％) ，睇黎大家都鍾意係呢到一邊聚餐一邊談笑風生Gathering👀招牌蘋果pizza份量好大塊，蘋果肉經過烤焗有種像糖衣的口感，和pizza的味道相映成趣，肉鬆成浸鋪係面，加埋芝士底，岩晒happy share😍香脆雞 (無骨 半份) 太多款炸雞選擇了！仲可以自己按需要揀有骨無骨，懶人當然是無⻣啖啖肉🤗 上枱時仲出緊煙，皮唔會好趕粉，雞肉個口感亦都可以接受，絕對好過一般炸雞店的炸雞。個環境都比較chill，搞到我係現場睇住韓文mv，想即刻叫埋燒酒/啤酒，變成oppa食炸雞添(FF mode) 食飽飽出嘅時候，仲有人等位！

今日自己一個人去食飯，好耐冇食過韓國菜就想去食下。呢間餐廳喺銅鑼灣利舞臺商場入面，方便就腳，假日午市時段都幾多人。本身都想食下炸雞嘅，但一個人真係食唔到咁多，而且又唔想食咁肥，就點咗一個都有推介嘅牛排骨湯 ($208)一上菜已經聞到好香嘅牛肉湯味。牛骨嘅份量都多，起碼有四五舊。肉質亦都唔硬，連帶有少少肥膏，牛味濃郁。入面都有好多配菜，例如係冬菇同埋金針菇。金針菇本來睇落有少少生，但浸一浸個熱湯基本上已經熟晒。湯入邊嘅綠洋蔥亦都可以吊起個味道。湯入邊仲有少少粉絲，吸收晒湯嘅味道。唔夠食嘅話可以再加多碗白飯。見到佢有落到紅棗同栗子等材料，好養生。個湯亦都好清淡，忍唔住飲多咗幾啖。下次再嚟食炸雞！

好掛住韓國炸雞，利舞臺呢間炸雞好耐之前已經好想嚟，之前成日都冇機會嚟，今日終於都試到！又真係幾好食，都好味呀！韓式甜豉油脆雞食炸雞，我最鍾意食有骨嘅炸雞，韓式豉油好香好惹味，雞炸到外脆內軟，雞肉夠晒鮮嫩，仲有蒜片，好香口。韓式海鮮湯麵韓國湯麵，有好多海鮮，有魷魚、青口……加埋個韓式公仔麵煲，最鍾意！其實仲有其他嘢食，我見到好多人食pizza，本來都好想試吓，但係一份炸雞已經好大份，下次再來一定要試吓食pizza同埋韓式年糕！

間中lunch都會去呢間韓國餐廳食飯，因為係呢區CP值幾高嘅韓國菜！🍭炸雞🍗CP值都幾高，有烤焗雞、炸雞配上唔同味道選擇，堂食/order到會都係唔錯選擇（外賣仲有折扣！）🍭午市時間外面係前菜自助、有kimchi、麻油粉絲等🍗蜂蜜牛油香蒜脆雞（半份）$152- 個人幾鍾意外層烤到好香口嘅蜂蜜牛油，加蒜粒粒幾有層次感，入面肉質軟嫩🍜韓國海鮮湯麵$98- 賣相唔算好精緻，但味道係唔錯！麵質彈口，微辣，配上上面蛋好香口，仲有煙韌年糕、青口、八爪魚腳等，配料豐富，水準幾好👍🏼🍕千層酥薄餅$88- 上面有辣kimchi，配上芝士，味道幾balance下次再來order炸雞食！

睇IG見到個個都去旅行勁開心，我都要滿足下去旅行嘅慾望，今日見到個朋友出post食炸雞，搞到我心郁郁都想食吓韓國炸雞，我朋友介紹喺銅鑼灣利舞臺有間食炸雞嘅都好正宗，即刻打俾老公叫佢一齊去食，我哋兩個人叫咗半份炸雞同埋部份韓式辣雞，估唔到味道真係唔錯，肉質勁嫩滑，唔會好乾，然後辣嘅汁甜甜地又辣辣地越食越開胃，之後我哋再叫咗個韓式牛骨湯，估唔到每人都可以飲到2碗🤗🤗見到隔籬枱叫左個韓式年糕，超吸引，不過我哋太飽，唯有下次先再試吓😊

🧀️Double Cheese Fondue Chicken $218炸雞可以選擇有骨/無骨 呢款就預設咗無骨每粒雞塊都肥嘟嘟好有肉感聽聞餐廳選用咗​​高達450°C嘅熱力 令雞塊均勻受熱之餘可以逼出雞隻多餘嘅脂肪好欣賞嘅細節位係有附上膠手套 可以好方便食用 唔使不停抹手🤣烤雞雞皮好脆 雖然嗌嘅原味無特別醬汁 但感覺都好蜜潤入面嘅雞肉嫩滑細膩 仲鎖住哂啲肉汁 超級juicy炸雞底面都俾芝士緊緊包裹著 令整體更濕潤中間仲放咗個農夫包 焗到焦黃色好脆口 中間裝著滿滿嘅芝士趁熱辣辣食果然拉到長長嘅絲 將炸雞點落去又係另一番風味！午市時段亦有自助bar可以攞前菜配搭酸酸甜甜嘅醃蘿蔔完全唔會過於油膩

好想食炸雞、飲米酒，朋友提議黎呢間好耐冇黎過既韓國餐廳😳睇下有冇退步先！芝士雞蛋卷非常有厚度😆爆多芝士，加上三文魚籽、茄汁、蛋黃醬等調味，啖啖都好滿足。芝士麵包薯條除左薯條仲有蕃薯條架😳唔會炸過龍，保持外脆內軟，薯條最高境界😋點埋提子麥包裡面既滿滿芝士，好芝味💛半份蜂蜜牛油脆雞炸雞香脆，再配上一層香甜嘅蜂蜜同埋濃郁嘅牛油，味道好夾。桃味米酒（makgeolli）以前喺韓國自己飲曬一支都唔醉，非常容易入口既米酒😋甜甜地同主菜好夾。

突然心血來潮想食韓國菜，咁就揀咗DODAM CHICKEN🇰🇷貪佢位置闊落又無限時! 不過次次嚟都係食炸雞🍗今次點都要試下其他款式先😆🍕Kimchi Pizza ( Hkd$165)帶有韓式風味的Pizza，用Tortilla餅底烤至硬脆質地，泡菜再配上芝土、香腸、煙肉、蘑菇和洋蔥，頗有特色🍟🍞 芝士麵包薯條 (Hkd$115)牛油香麵包夾著Homemade的熱熔岩芝士，質感外脆內軟，香脆薯條更混有三種款式(All prices are subject to 10% service charge)份量俾預期中飽肚，本身諗住點埋個部隊鍋....但又怕食唔晒，唯有下次先啦😁📍DODAM CHICKEN (利舞臺廣場)銅鑼灣波斯富街99號利舞臺廣場18樓A號舖