DINELAND

营业中

休息中

今晚同爸爸提早慶祝父親節，揾左呢間隱世小店一試～餐廳環境比較細，我地5個人安排坐在最後嘅枱，亦都冇多餘位置可以放自己嘅物品，空間感一般～食物方面，套聲性價比高，平均$188-388一個Set Dinner~套餐跟嘅黑糖包熱辣辣好軟熟，好味～煙三文魚沙律：正正常常嘅沙律菜+煙三文魚～南瓜湯：呢個好好飲！好甜好Creamy~套餐加配嘅生蠔：呢個生蠔超抵食，價錢雖平但質素唔錯，幾大隻而且都新鮮同鮮甜～三文魚籽帶子忌廉蟹肉意粉：個汁好Creamy同好濃芝士味，帶子煎得啱啱好，意粉好Al dente~西班牙黑豚豬鞍：呢個我只係試咗少少，質素唔錯！厚切令到口感好好，肉質亦都唔會鞋，邊位煎得夠香～脆皮德國鹹豬手：呢個係咁多個主菜之中最好食！鹹豬手個皮非常之香脆，肉質幾嫩，呢個真係整得好好食～🤤蜜糖黑椒汁都幾夾👍之前睇咗好多食評片都係推介呢個，食完都真係真心推介值得來試吓佢嘅鹹豬手～～👍安格斯肉眼扒：呢塊扒份量夠大，但肉質偏林，牛味唔夠濃，脂肪位太多（比起平時嘅肉眼扒位置嘅肥膏位多咗），叫咗medium rare,不過來到就似係medium～整體只屬一般質素～反而配菜嘅炸薯角就好好食～甜品方面叫晒三個

門面好似韓國新沙洞嘅餐廳，落地玻璃窗+高樓底，水準仲要唔錯，我哋試了「手打安格斯牛大啡菇漢堡」、「香草忌廉大蝦菠菜闊條麵」，難怪有朋友話，呢度係附近居民的優質飯堂了！

第3次幫襯今次仲要落勁大雨……為咗食好嘢濕晒鞋都抵嘅，1年內3次都係午餐水準保持到，今次餐湯都好有特色大蒜薯仔湯，入口濃滑微微大蒜香味，黑糖餐包好味，香煎咸牛脷咸香吸引每次必食，老公食忌廉蟹肉意粉醬汁濃而不膩，而且意粉掛汁度高入口香滑，榴槤蛋糕比較甜，榴槤味香濃而且入口順滑心機之作，之前食過心太軟都值得推介，有時都會就咁買返屋企食，服務亦好貼心有禮貌，價錢一般中價，但相比起附近貴d嗰間，我寧願幫襯呢間，至少好好禮貌已令人食得舒服，搵次試食晚市再寫

23/5/20224人食，3百幾蚊lunch 漢堡包超好食 係脆的有雙層肉好多汁黑糖包內軟外小脆，都好正好想打包佢個包另外食左菠菜大蝦闊條麵，大蝦好鮮 唔梅闊條麵好大咬口不過食得多會覺得有啲鹹味，可能太多忌廉？

兩星期前預約終於等到，我跟先生一齊叫了兩份烤豬仔骨跟餐，餐前有餐飽、沙津和餐湯，餐飽很好食，期待的豬仔骨等了約20mins 終於上枱，賣相很吸引，但用叉子拮時，不須用力已經解體，跟一舊煲湯骨沒有分別，肉質（鞋）又散，不知所謂，根本沒有燒烤味，餐後的奶茶完全冇茶味，茶餐廳比佢好飲得多，絕不再幫襯！！！

今晚是結婚十周年，隨意找到這家餐廳。感覺不錯，估計跟在市中心的食店會有分別。 早起的鳥兒有蟲吃！因為我們早到達，其他客人還未到，服務員有時間很用心地介紹生蠔，教我如何品嚐。太開心了！食物新鮮，烹調很好，環境有金鐘feel. 如果外面圍欄掛埋燈仔，咁就超超正！ 要讚吓兩個妹妹仔，雖然經驗不足，但感覺她們仍很願意改進，提升自己的服務能力。希望繼續加油

環境幽秘，岀品認真，服務殷勤看相片～特意駕車來，探索這間靜中帶旺的餐廳，竅探他們的食物質素。這個晚餐，幾好玩，幾好味，多謝介紹我來的電訊界別朋友，阿christ。

呢間西餐廳大約有30個坐位，午市冇得預約book枱。我地個日提前15分鐘去排隊，都可進內用餐。餐廳的落地大玻璃可引入自然光，加上特高的樓頂，所以坐位比較集中，都不會應到壓逼。附送嘅餐湯周打打蜆湯，食落就不覺得有蜆的鮮味，似普通的忌廉湯。但材料十足， 紅蘿蔔、洋蔥、薯仔每樣都切得大大粒，有口感。今次叫了安格斯牛肉大啡菇漢堡漢堡值的讚的是烤得很香又多汁的大啡菇，反而牛肉的質感偏淋，沒有焦香味，較為失色。漢堡有一層芥末醬，不過略嫌太多，令到包的味道太複雜。脆皮德國咸豬手配蜜糖黑椒汁豬手預先請店員幫我地切好，食的時候不用那麼狼狽。豬手的皮真係整得超脆，內裡的肉質也不會太乾，不用點汁也夠味。基本試食完豬手已經十分飽，我連晚餐都skip埋。餐飲咖啡不錯，但凍檸檬茶則似凍檸水，沒有什麼茶味。呢個價錢，呢個環境，算是超值。下次會再黎試埋意粉。

二訪終於有影相，留低美食、回憶一刻。我叫咗核桃南瓜雜菌意大利飯。我覺得自己都係個飯桶，鍾意食飯多個意粉。套餐有餐湯或者沙律選擇，睇嚟今日都唔係Lucky day，是日餐湯都係冇蘑菇湯，得雜菜湯。除咗湯仲有黑糖麵包，一如既往，黑糖麵包有淡淡黑糖味，好味過Outback嘅餐包。嚟到主菜，一上菜BFF就讚好靚。核桃南瓜雜菌意大利飯睇得又食得。南瓜汁包住晒每一粒飯，極creamy。有時仲有少少拉絲效果，因為面頭有好多芝士。最鍾意係核桃，喺細微位度心思，放嘅唔係一粒未經處理嘅核桃，而係用糖裹住嘅核桃，為意大利飯帶來甜絲絲嘅味道，味道即刻昇華咗。BFF點左手打安格斯牛肉大啡菇漢堡配薯菜，分量大到佢食唔晒，又有菇又有漢堡好豐富。由於大家食得太飽，係好需要甜品嘅日子都冇叫到Tiramisui。不過係返工嘅日子可以一齊食飯都已經係小確幸。

閨蜜又再慶祝我生日 又請我食大餐今次係屯門今晚呢一晚風大雨大！🌨🌪 仲要係deadline嗰陣搭的士趕過去 好彩講多切😅店內都坐滿晒人 三個人叫咗以下呢幾樣嘢食：🔆薯條冇錯！又係薯條！最鍾意食薯條😌 仲要係我最鍾意食呢一款嘅薯條！配黑松露醬 又熱辣辣 我覺得佢份量都幾多👍🏼👍🏼👍🏼👍🏼🔆牛扒哇呢個份量都幾大三個人食不過都啱啱好正常操作🔆黑松露pizza薄批、料多 睇個樣都知好食👍🏼🔆卡邦尼意粉軟硬度適中 🔆唔記得咗叫咩唔好意思 蜆？😂😂朋友鍾意食🔆雞翼正常操作總括嚟講呢間野 食物質素中上同埋份量超大！我見隔離枱嘅斧頭扒超級無敵大！（唔好意思啊 有時見到個食評形容得偏短 因為隔咗一段時間先記得寫🤭）但係整體環境都食得開心嘅 多謝大家🍻🍻🍻🍻

趁著年廿九的日子，和好友來個短聚。大家都是屯門友，決定來這間「Dineland」用午膳。當天餐湯是雜菜湯，盛載著頗多菜蔬，非常足料。但整體味道略嫌有點偏淡。香氣濃郁的青醬，入口感受到羅勒、蒜香等味道，和雞肉搭配起上來非常match，朋友的心更是被它俘虜了。貓耳朵意粉煮至帶煙韌感，而且更是非常掛汁。以這個價錢吃到原隻脆皮咸豬手，也算是頗為抵食。豬手皮非常香脆，肉質腍而惹味。不過由於原隻上碟，切起來費勁又有點狼狽（後來和另一位曾到訪餐廳的朋友提起，才得知可以要求餐廳代切，建議店員可以主動問客人有否此需要。）。豬手蘸上蜜糖黑椒汁，甜鹹味道夠特別，令味道層次更豐富。餐飲是普通一杯熱檸茶，沒什麼特別。

呢間🔸Dineland🔸開張以嚟一直人氣高企, 無book 位之下去碰碰運氣, 結果幸運地唔使等位就可以入去喇。餐廳樓底好高, 半間餐廳都以落地玻璃包圍, 所以感覺好開揚, 周圍佈滿綠色植物, 有少少離開咗香港嘅感覺。座位舒適, 與隔離座位亦有適當距離。🍽 慢煮西班牙豬鞍扒配蜜糖芥末籽汁賣相精緻, 豬鞍香氣四溢, 充滿油香, 肉質嫩滑好 Juicy。薯角炸得香脆, 側邊嘅沙律菜可以解膩。🍽 脆皮德國鹹豬手配蜜糖黑椒汁豬手原隻上碟, 一d 都唔難切。豬手皮炸得好酥脆, 肉質軟腍。不得不提個蜜糖黑椒汁, 令豬手味道層次提高咗, Yum!🍽 香辣蕃茄大蝦兩頭尖手捲通粉上碟發現唔係兩頭尖手捲通粉而係普通長通粉, 有少少失望, 而我實在太低估香辣呢2 粒字, 個長通粉實在太辣喇! 所以真係欣賞唔到當中嘅味道...🍽 帕爾馬火腿薄餅呢個薄餅相對其他食物嚟講比較普通, 而味道亦中規中矩。🍽 配是日餐湯-忌廉磨菇湯磨菇湯好香濃, 好多磨菇碎喺湯裡面, 口感豐富而且 Creamy。🍽 另加-精選生蠔2 隻生蠔肥美亦好新鮮。💭 整體食物同環境都好好呀, 好舒適, 好值得再去。

係有圖有真相嘅世界上，唔知回復初心嘅純文字食評有冇人睇呢？冇影相，只因細味品味餐桌上及下嘅一切。黑糖麵包暖笠笠，放少少牛油，牛油好快已經俾佢嘅溫度溶化。麵包入口超鬆軟。一咬慢慢滲透出黑糖味，甜味剛剛好。連平時唔會食餐包嘅我都食曬。認真，就係喺呢啲細微位度睇得出。跟餐有餐湯。同事大推蘑菇湯，話好rich ，好creamy，果然食家藏於民間。可惜今日例湯係羅宋湯，不過都好足料。兩款主食分別係熱帶風情夏威夷薄餅同埋慢煮西班牙豬鞍扒配蜜糖芥花籽汁。慢煮西班牙豬鞍扒絕對係驚喜之作！目測有吋半厚，好難得咁好厚，可以完全唔嚡。外層有略略煎過香脆，切落已經見到肉汁慢慢滲出來，入面仲有粉嫩色。唔使點蜜糖芥花籽汁，單純品味豬肉肉汁已經好足夠。咁嫩滑嘅豬鞍值得encore。夏威夷薄餅係薄批，唔會太heavy。面頭有微微芝士拉絲，配料係簡單嘅菠蘿火腿，share食岩岩好。慶祝收爐加配左心太軟。其實最想食Tiramisui ，可惜已經賣曬。心太軟暖入心頭，配埋latte就Perfect。

17.01.2022 星期一Dineland今日下午放假，偷得浮生半日閒。屯門豐連Dineland很受歡迎，午餐比較多人，所以四時前提早來食晚飯，特意來試試。別人說這裡比較隔涉，其實餐廳接近建生邨、盈豐商場，卻又沒有那區餐廳那麼密集，所以隱世得來又不是那麼遙遠。一到門口，被門外大大棵類似松樹吸引著，進入餐廳內bar枱掛若一排長長的青草，餐廳另一側是落地玻璃，採光十足，而且窗外剛好是街外一排大樹，所以坐下來令人感到很舒適，最適合放假休閑坐坐。午餐餐牌好豐富，有十六款那麼多，各式各樣，有輕盈餐的沙律、惹味的薄餅/意粉/手捲通粉/貓耳朶，牛也有幾款選擇例如牛面頰/牛脷/西冷扒/肉眼扒，其他有比目魚/豬胺/咸豬手/羊鞍。午餐還可另加白/紅酒、生蠔、鵝肝多士、水牛城雞中翼、甜品等。生蠔每個餐另加$20可以有一份兩隻生蠔，起初先叫一份試試，新鮮鮮甜，於是再多加一份，實在好吃抵食。黑色圍著金邊小碟、金色小碗盛著茄汁加金色小叉，高格調的餐具，猶如到了五星級酒店享受美食。黑糖麵包像生蠔一樣，黑金邊盤子，金色牛油刀，加上美味的黑糖麵包，原來麵包還可以添加，實在太吸引了。粟米湯/沙律、餐包湯或沙律，我選擇了

午市套餐有餐包、主菜、湯/沙律，飲品，仲可以加錢加小食或甜品，價錢都算公道，食物質素不過不失，喺附近住嘅朋友可以試吓😆個黑糖餐包都幾鬆軟，烘熱左加牛油食幾好味。是日餐湯係南瓜湯，味道正常，無咩特別。🔸慢煮西班牙豬鞍扒配蜜糖芥末籽汁$148🐖豬鞍扒都幾厚身，肉質鮮嫩，配上蜜糖芥末汁，甜甜地幾好食！🔸香煎格棱蘭比目魚配香草忌廉汁🐟呢個煎比目魚稍為遜色啲🥲落得太多香料喺面頭，香料味太重，完全蓋過咗魚味🙈🔸水牛城雞翼2隻$18🐥🔸精選生蠔2隻+$20🦪$10一隻來講都唔係好高要求🤣