Dilliwale

营业中

休息中

9 0 後 的 味 蕾…………………………………………………………印度人開嘅純正印度餐廳，lunch menu幾抵食，10個套餐由$85-$138，重點係份量好多，其實一個餐都夠兩個普通食量嘅女仔食，有素食、雞、牛 豬、羊、魚，選擇類別豐富。✧如果平時食開港式食品食到悶，可以去呢一間傳統印度餐廳體驗，lunch set CP值高，包你食到飽。✧🪄Dilliwale Special Thali $138成個lunch Menu最豐富既set，可以選擇牛油雞/咖喱雞，一set有9樣食品，完全俾你感受到印度地道風味：-📎紅蘿蔔青瓜洋蔥沙律：醃製成酸甜甜好味-📎炸春卷：脆口、唔太油膩-📎芝士菠菜：菠菜磨成醬 配搭用牛奶製成嘅印度Gouda Cheese，口感有啲似凍豆腐，整體味道甜甜地-📎咖喱蕃茄配蔬菜粒：甜甜嘅蕃茄醬配搭微辣嘅咖喱醬，加埋青豆蘿蔔粒，幾特別！ -📎瑪沙拉咖喱烤雞：甜辣嘅咖喱醬，加埋切好嘅雞粒，配飯一流-📎印度米飯：同傳統中國米飯唔同，爽身唔黏，一粒粒有啲空氣感，食落去好鬆軟-📎印度薄餅：拉開餅味幾香，乾身唔係酥皮嗰種，唔會太油太肥-📎芒果乳酪：smoothie好滑，芒果味偏酸

📍銅鑼灣有水準印度菜‼️• 惹味咖喱配煙韌naan🤤 -- Dilliwale •Follow @pigfoodiexhk for more food!🐷💛#pigfoodiexhk_銅鑼灣#pigfoodiexhk_印度菜========================間唔中就會好想食下啲重口味嘅嘢😋上星期就同@neverfullhk 嚟咗銅鑼灣呢間印度菜餐廳😆lunchtime有多款set lunch 供應🤤------------------------------⭐️嚐味拼盤B $138 (4.5/5)呢個拼盤完全滿足咗三心兩意嘅我哋😂😂有masala curry chicken,芝士菠菜,印度烤餅,小食,飯😆咖哩雞帶微辣，肉質腍身，加埋煙韌嘅naan一齊食好夾😛芝士菠菜好creamy，入面仲有好多芝士粒😋小食係咖哩角，外皮炸得非常香脆，入面嘅豆蓉好惹味😆------------------------------⭐️德利咖哩魚套餐 $100 (4.4/5)魚塊肉質嫩滑，而且個咖哩醬汁都幾辣下！😛小編都要配返啲飯嚟食😛------------------------------⭐️Ma

🇮🇳自己一路都好鍾意食印度菜，去親印度嘅餐廳，Butter Chicken就一定唔少得。🥘印度唔同區域嘅做法都會有少少唔同，分別就係有啲地方甜啲；有啲地方辣啲，我自己就鍾意食甜啲嘅，而呢一度我都覺得個味道係非常好。👍餐廳位於9樓，地方係佔據左一層嘅位置，所以都比較闊落，而且坐近窗邊，亦可以望到外面嘅景色。餐廳嘅擺設亦都好正規，坐得亦都幾舒服，同時亦都播住一啲好印度式嘅歌，鍾意呢一種風味嘅話，應該會幾開心。我點選了是一個Lunch Set，內裏有齊唔同款式的拼盤：分別是Butter Chicken; Paneer Butter Masala; Dry veg，整體而言，我覺得味道是偏甜的。特別鍾意佢呢個拼盤嘅份量，每一樣野都係細細碗，咁就唔會令人食得好飽，而且一啖咖喱，一啖飯咁樣食，係幾好嘅。咖喱亦都非常濃郁。這裏的印度薄餅Naan新鮮烤製，非常不錯。到最後，在餐飲方面，我另外加咗$20 ，把原本的餐飲升級做芒果乳酪，這一個也是我經常在印度餐廳所點的，酸酸甜甜，用嚟化解食咖喱當中的油膩其實就非常好。

本身自己都幾鍾意食印度嘢，朋友知道我鍾意所以有時都會介紹啲好食嘅印度餐廳俾我去試下😙朋友話呢間餐廳多數食客都係印度人，所以算係好正宗嘅印度菜我地中午黎到都已經有幾枱客喇，同朋友所講一樣全部都係印度人😆Lunch Set嚐味拼盤$ 138呢個套餐內都有兩個選擇a. 牛油雞，奶油咖哩芝士，炒素菜，印度香米，烤餅，小食牛油雞：都幾香濃，雞肉嫩滑軟腍奶油咖哩芝士：好特別，我地食嘅時候以為係豆腐，但原來係芝士😂炒素菜：有少少似雜菜咖喱，有薯仔紅蘿蔔及青豆烤餅：少乾，可點咖喱食就正喇小食：炸春卷，炸得好酥脆，饀料係雜菜饀咖哩雞肉炒飯$ 90上枱時有跟一碟乳酪醬，staff話呢個炒飯可加埋乳酪一齊食，感覺幾新鮮，未食過呢種食法，其實個炒飯本身都夠味又夠辣，最鍾意呢個炒飯😋芒果乳酪+ $ 20套餐會包一罐汽水，不過可加$10~20轉其他飲品，但我每次食印度野都會飲芒果乳酪😋飲落都幾足料嘅感覺，好有芒果味，唔會稀朋友無介紹錯，食物好味又正宗，會再encore 🤩👍🏻

其實我好少食印度野，因為次次食完個肚都會有奇怪嘅感覺，今次食呢間係因為有朋友介紹真心好食，所以我先的起心肝黎試吓😌12pm嚟到啱啱開門，已經坐咗兩枱客，之後陸陸續續有好多客人入咗，仲要全部都係印度人，得我同朋友兩個係local，證明一定係好正宗既印度菜啦😚我哋揀咗兩個lunch set.嚐味拼盤 $138呢個嚐味拼盤我見好多人都有嗌，所以我都試吓。佢有兩個組合嘅，我揀左A: 牛油雞，奶油咖哩芝士，炒素菜，印度香米，烤餅，小食牛油雞真係幾buttery，啲雞肉又嫩，可以撈埋粒粒分明嘅印度香米一齊食。奶油咖哩芝士食落竟然有少少豆腐嘅感覺😛幾得意下。炒素菜有薯仔紅蘿蔔四季豆。烤餅係比較乾身唔會油淋淋，點咖喱食一流😋小食係炸春卷，脆卜卜咖哩雞肉炒飯 $90印度人食呢個炒飯會加埋乳酪一齊食，我都係第一次試，個炒飯本身好夠味，又辣辣地，我同朋友都好鍾意😋芒果乳酪 +$20食印度野好多時都會食呢個芒果乳酪，由芒果，水，香料同乳酪製成，飲落除咗有芒果味之外仲酸酸地總括黎講所有嘢食都係好味嘅仲要價錢好實惠，真係好難得，一定會再嚟幫襯😋👍🏻

朋友話銅鑼灣依間餐廳嘅咖喱好好味～所以就帶左我黎食啦～ 我地2個人一人一個套餐再share 食～ 一個羊肉套餐+三款咖喱既套餐～ 飲品我地都要芒果酸奶( Mango Lassi) 😆因為食得咖喱一定要飲Mango Lassi 開心下～ 羊肉套餐係有2個烘到好脆既麵包自己夾上洋蔥同埋羊肉碎一齊食～ 羊肉碎香口好味，都唔會有羊臊味，怕臊味都真係可以食～ 碟內還有2個可愛的炸小薯仔係前菜🥔香脆香脆三款咖喱既套餐真心係抵食既，有成3款咖喱去配埋飯同埋印度薄餅（Naan)～ 套餐都會有炸小薯仔片做前菜，咖喱有Chicken Tikka Masala，芝士菠菜同埋雜豆咖喱～ 三款都好好味😋 特別中意食Chicken Tikka Masala 咖喱，真心好香滑～ Naan都烤得好香脆飲品Mango Lassi 非常正宗美味，酸奶味好足❣️

I’ve heard good things about this restaurant from a friend so I finally went around trying it myself! We had their Butter Chicken and Palak Paneer lunch set and upgraded our drinks for a masala chai and mango lassi. The sets are definitely worth it as it comes with the curry, 4 pieces of naan, a bowl of rice and 2 spring rolls. It’s impossible to still be hungry afterwards 😂 The mango lassi was quite dense and was taste of the yoghurt was strong. On the other hand, the masala chai was milder whi

每隔一排就會口痕想食印度嘢，於是又拉埋我嘅印度嘢buddy去開餐。𖦹 嚐味拼盤 B $138 🉐三心兩意唔知食咩好，why not all?  一個set試有唔同款嘅咖哩，又有飯有naan，貼心！瑪莎拉咖喱烤雞煮至軟腍，香料味非常突出，唔太辣；我最愛嘅芝士菠菜creamy，芝士味極濃郁，略顯菠菜味不足；咖哩炒素菜正常，有三色豆加幾舊薯仔；不得不提係咖哩角！新鮮熱辣辣，脆口得黎完全唔油膩，裡面嘅豆蓉非常惹味，我好喜歡呢個。𖦹 德利咖哩魚 $100好少食咖哩魚，呢個炸魚柳魚肉嫩滑， 咖哩味比雞更濃更辣，用黎撈飯或點煙韌嘅naan同樣一流。 𖦹 mango lassi 芒果奶昔 +$20 呢杯lassi偏酸，似果汁texture亦飲到果肉，面頭仲有nuts作裝飾。𖦹 masalai chai 印度奶茶 +$10 一上台已飄來陣陣奶茶香，奶味特重，入口帶淡淡薄荷味。

呢間新開兩個月既印度餐廳好靚，裝修好有特色，性價比都好高，好適合想試吓印度菜既大家🥢🥘嚐味拼盤 $138呢個岩晒樣樣都想試啲 揀唔到食咩既人 一Set有晒人氣既菜式 仲分左AB 2個配撘 我自己就揀左Set A分別有牛油雞 奶油咖喱芝士同炒素菜 呢3款都係咖喱汁黎 自己最鍾意係牛油雞 咖喱係唔算辣嗰種 而且好Creamy 雞夠嫩滑 唔會乾爭爭 🧀其次係咖喱芝士 呢度夠晒特別 好少見出面有呢個選擇 開初以為係熱溶芝士 點知係一舊舊既酒店自助餐嗰啲芝士 好特別 配上咖喱汁好夾 又無完全蓋過芝士既味道 🌽最後素菜就失色左少少 主要係因為自己唔鍾意食三色豆 但呢度菜係三色豆為主再加幾舊薯仔 大部分既咖喱選項都有配到烤餅 夠晒鬆脆 配咖喱一流 🍡小甜品: 甜丸子 入面係奶黃 好似食緊奶黃包咁🍛咖喱雞炒飯 $90呢個係另一Set黎 呢度既飯係真係印度會食到嗰種比較長身既米 而且粒粒分明 再加上咖喱汁炒都夠乾身 嗰口感幾唔錯 仲配上一碗乳酪既汁 係比你配埋個炒飯食 食落有種冷熱交溶既感覺 會好有層次感 不過如果唔鍾意飲乳酪既人就最好唔好加 層乳酪味都好大 酸酸甜甜🧋最後仲加左10蚊轉左杯印度奶茶 但

Finding a place for lunch at Causeway Bay, we entered into Kyoto Plaza and looked at the floor directory for restaurant. It has been quite awhile since we have Indian food and decided to try Dilliwale. It was located couple of minutes walk from Causeway Bay MTR.For their lunch menu, they offered several choices, ranging from $85 to $138. For their lunch set, it came with soft drinks. We topped up additional $20 for each glass of mango lassi. It was milky and smooth, with strong mango taste and w

🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-間唔時係social media都會見到呢間新開印度菜嘅Weekend Brunch Buffet廣告，今次Lunch Time經過發現佢啲Lunch Set喺銅鑼灣嚟講都幾抵食🤣🥢 Dilliwale Special Thali 嚐味拼盤 $138 + $10 轉Masalai Chai 印度奶茶 🆗拼盤有兩款可以揀，內容都係差不多，3個咖哩+Naan+小食+白飯+甜品+汽水。咖喱方面我就揀咗Set B嘅Chicken Tikka Masala（瑪莎拉咖喱烤雞）、Palak Paneer（芝士菠菜）同Dry Vegetables（炒素菜）。3兜都幾辣下🥵，好彩跟咗白飯同Naan，夾住一齊食中和下🤣。跟餐嘅甜品係Gulab Jamun（玫瑰甜丸子），表皮扎實，咬落軟綿濕潤，甜到牙都甩埋，風味十足🍡。Masala Chai淨係可以揀熱飲，飲落辣辣地都幾得意🍵～🥢 Jama Masjid Keema Pav 羊肉包套餐 $110 + $20 轉Mango Lassi 芒果乳酪 🆗套餐包咗兩個烘過嘅餐包、小食、洋蔥、免治羊肉咖喱同埋汽水。羊肉咖喱都係相當之

成日都好想食印度烤餅今日呢就有同事介紹我嚟呢間銅鑼灣印度餐廳, 一上到去已經畀佢嘅裝修同埋印度音樂吸引住晏晝有出面嘅陽光曬入嚟, 呢啲陽光配住啲印度音樂好鬼正佢lunch呢有好多個sets, 全部都好大份😍男仔呢都包飽呀！！咁我哋就叫咗個印度咖哩魚配烤餅佢入面呢係有炸咗嘅魚柳啦， 啲魚肉好嫩滑， 咖哩好濃呀好香香料味， 跟住佢個烤餅好大塊啦，即叫即做，又熱又脆，帶點煙韌超級滿足另一個，我哋就叫咗牛油雞配咖哩芝士，有素菜， 咁初初一食落呢呢個咖哩嘅味道同咖哩魚嘅味道又唔同， 呢一個嘅後勁比較犀利， 如果你係重口味嘅人士呢呢個啱曬你喺呢度我第一次食到印度嘅白飯， 佢哋嘅白飯索曬啲咖哩汁原來都幾好食咁最後啦佢啲同事，全部都係印度人，好熱情好有禮貌，同埋會成日幫你斟水㗎！

2022.01.03銅鑼灣京都廣場出名美食多今日黎左呢間開左三個幾月既印度🇮🇳餐廳食個lunch buffet 🍽Lunch Buffet 係每個星期日12:00-14:30 供應，每位只需$180 （另加一收費）就可以任食十多款印度美食、烤餅、甜品、沙律+一罐soft drink +前菜！好抵食💁🏻‍♀️今日前菜係印度脆米球首先要用餐刀輕輕整一個窿之後放入秘製既餡料，有洋蔥🧅薯仔🥔之後加上附設既醬汁！香辣脆口好開胃😉而主菜就係可以去自助餐區拎野食囉！有十樣熱食，有唔同既咖喱雞、芝士咖喱、豆咖喱、燒雞、印度米⋯⋯，仲有沙律🥗同新鮮生果同兩種自家製既甜品：而今日甜奶球係印度好出名既甜品之一！每一樣熱食熱度都好足夠，而大多既野食辣得黎係可以接受的👌🏻所以當第一輪每樣食完少少，再拎第二輪既時候就可揀自己較鍾意既就唔怕做成浪費喔❤️而烤餅係跟店員order的，今日揀左蒜蓉烤餅！一份四塊金黃色的，蒜蓉香味足夠，不過亦可沾上咖喱汁食用，別有一番風味！而soft drink 就大路既可樂、雪碧、芬達都有，如果唔岩飲都可以加錢轉其他飲品喔！

超正宗印度菜！由印度老板主理，長期爆booking 、成間餐廳都係印度人咁濟，你就知佢真係正宗先有咁多印度人黎食。前菜：涼伴。用印度餅加上蕃茄、青瓜、乳酪等，味道酸酸甜甜，食完超開胃。主菜：牛油咖哩雞加芝士&大蒜薄餅！個雞加左牛油、比平時出面食的Creamy ，雞用又嫩滑，撈埋薄餅食一流！甜品：甜多士，印度特色甜品之一！炸多士加上印度甜醬，第一次食呢個味。餐飲要左杯芒果乳酪，feel 到係用新鮮芒果去整，飲落好Fresh!

小妹最近發掘到一間新開高質印度菜🇮🇳一出升降機🛗 就見到充滿印度風情嘅裝飾印度脆米球 $68可以自己喜歡嘅醬汁🤤 分別有甜酸汁同薄荷汁再配上洋蔥薯蓉加入脆球🤤 味道特別又惹味係一個幾開胃嘅前菜🥰🥰瑪莎拉咖喱烤雞 $128呢個咖喱十分之欣賞 同以往食到嘅咖喱有啲唔同 唔算味道好重好容易入口 一啲都唔辣☺️烤雞好嫩滑🐔 仲保持到juicy 食咖哩一定係配上烤餅😚芝士烤餅 $30, 薯仔餡餅 $30即叫即烤熱辣辣🔥🔥 好好好軟熟就算唔配咖喱食 就咁食都係咁好味😎😎印度雪糕配水果 $78第一次試印度菜嘅甜品🥰 印度雪糕就好似雪條咁 雪得較硬 又唔會好甜味道比平時食嘅雪糕味道更濃 再加入杏仁配上水果包括有蘋果 芒果 同石榴🥭🍎口感特別又豐富😚Punjabi Mango Lassi $48食印度菜必飲一定係芒果酸奶🥭好足料嘅芒果酸奶 飲落好豐富🙋🏻‍♀️又唔會特別甜 酸酸甜甜好開胃