Delicious Eatery

营业中

休息中

晚餐諗唔到去邊喥食嘢，朋友話不如問搵小店食，我第一時間諗起呢喥。呢間鋪喺區內都好多年，雖然唔會成日嚟幫襯(因為外出食飯主要去商場嘅餐廳)，但佢哋食物一直都好有水準，我帶親嚟食嘢嘅人都話鍾意。尋日叫咗是日餐湯，ribs同pizza。Pepperoni pizza個面鋪滿濃厚嘅芝士，啱嗮我呢個芝士愛好者。咬落去就有好豐富嘅辣肉腸，口感非常好。個ribs亦都好正，味道好之餘，肉感亦好軟。同朋友一邊食一邊傾偈，坐坐下店內其他客都走嗮，但店員完全無俾任何壓力我哋。當我哋想走嘅時候，外面正落大雨，我哋同店員講想等細雨少少先走，店哥哥好有禮貌好nice，話梗係無問題，叫我哋慢慢坐，最後我哋又坐咗15分鐘先走。如果想喺何文田區搵間食物同服務都嘅西餐廳，Delicious Eatery絕對係好選擇。

早晨😊真心推介位於梭椏道的cafe🥰很有田園feel，環境舒服。位置在街角，90度的落地窗，陽光直接照射入店👍🏻一進入店的店員叔叔（可能係老闆🤣）就親切地迎接我。呢個早晨全餐真係好豐富，絕對材料十足：煎蛋x2，火腿x2，煙肉x2，茄汁豆，蕃茄，香腸，牛油蒜蓉包，沙律菜及粟米。焦糖牛奶咖啡，唔甜，合我味道。店內環境寧靜，適合朋友chill吓，睇吓書。那幅粉紅色樹牆很立體，如身在其中，打咭一流

之前睇食評見佢咁多劣評有啲驚。但由於係附近工作見都唔小人食。即管博一博。點知一食就有驚喜。又幾好食喎。價錢都唔算貴。人均一百蚊跟埋杯咖啡。以佢既質素黎講就好高性價比。依個係白酒蜆肉意粉，佢用既意粉偏幼，但夠彈牙、剛剛好、唔會淋哂，保持到口感。有小小酒味。個味調得幾好，料又夠。另外食左個蒜片雞肉意，平時食果啲蒜片意粉都係冇色，佢紅紅地。唔知係咪落左茄膏呢。但又唔覺佢係茄汁意粉。個味幾好。賣相又靚。所以有時都唔可以比啲劣評嚇親。依間野值得番食。

其實已經唔係第一次黎食了有試過外賣 有堂食食lunch 有食過晚餐set dinner🍽️ 今日係OpenRice搵下附近食咩好 見到依間餐廳本身食評有好多相似既劣評 心想E~唔同差左 本住依個心態 今日晚上再黎食一次先！！😆Spaghetti set 有湯同飲品🍽️洋蔥湯今日係上洋蔥湯 有一塊蒜蓉包 由於我真係麻麻地洋蔥湯 我都係飲左一半左右 🍽️三文魚菠菜意粉個意粉質地好彈口 又掛到cream sauce 真係唔錯🍽️white coffee 跟餐既~都可以啊🍽️夏威夷pizza係薄身脆pizza 片片上面既菠蘿大大粒好juicy 要趁熱食 芝士拉絲 好美味🍽️雪糕waffle 係一大亮點！ 本身都飽 但都忍唔住要叫睇個擺盤就知好有心機 個窩夫蛋味重 係偏向脆口既 加埋朱古力醬 yum yum最後兩位服務員都好禮貌造就了今晚愉快的晚餐 thank you

朋友說，這間近排換左個廚師，食物質素提高左不少。今日終於有時間食晚餐，真係好ok，不單坐得舒服，食物又高質而價錢合理。我們一行8人去食，試了多款美食同甜品，食物方面，有黑松露薯條，薯條已有黑松露味，配埋特製黑松露醬，食到停唔到口。到主菜，我們點了風乾火腿pizza, 法式焗bb豬，豬肋條骨，每樣都超超超好吃呀，全部食物即叫即整，超juicy 超入味。。無得頂。另外，甜品又係好吃，擺設又靚。。配合牆上既打咭wallpaper.. 全部都好完美。。下次出開旺角一定再來。。好完美 ❤️❤️😋😋

話你知，我今日行過一間唔起眼嘅餐廳，心諗試下新野唄！店內裝潢係咁簡約，坐落街角，啱晒想靜靜咁享受食物嘅我。我點咗個卡邦尼意粉，意粉夾帶咗啲鬆軟又QQ嘅口感，醬汁啱嘴到我差啲想直接舔盤！🤤 另一邊門，我跟手又有個拿破崙海鮮意粉，每啖嗰啲海鮮呀，新鮮到彈彈哋，配上嗰啲蕃茄醬，鮮味直撲鼻尖嚟。只係嗰份量小少少，呢方面就有少少嘢要諗吓。至於環境，店內舒服得黎，無話特別突出，但對於想慢慢品嚐嘅人嚟講，簡直正啦！🥳 總括下嚟，食物同環境都算係抵讚，只係下次可能會希望個碟可以有多啲，令人食到滿足啲！無論如何，呢次經驗算係個幾滿意嘅探險，值得同大家分享吓。

何文田🇭🇰 歐陸風cafe☕️.好近旺角東站嘅cafe，lunch menu都算多選擇 有意粉/飯/pizza🍕 都幾好食😋 去過旺角想避開人群就可以黎呢邊試下😆 但價錢就唔算平 lunch set都要around $100 up🤔 如果比同樣價錢我覺得有更加多好啲嘅選擇～.🔸南瓜汁雞肉燴飯 $𝟗𝟖南瓜汁🎃好味！好多汁 但雞肉份量較少 建議同朋友share 因為一個人食應該有啲膩～.🔸羅勒青醬海鮮意粉 $𝟏𝟎𝟖見到枱枱都有order呢碟意粉🍝 真係唔錯😎 青醬掛滿晒全部意粉 蝦肉同菇都幾足料.📍Delicious Eatery🗺️何文田梭椏道8號地舖..#mytaste_旺角 #mytaste_何文田#mytaste_西餐

今日同朋友見到呢間野裝修幾靚，就入咗去食，我嗌咗個三文魚dinner set一開頭嘅三文魚他他一般，不過不失之後嘅餐包同蕃茄忌廉湯都唔錯，令我開始期待主菜點知主菜嘅三文魚扒一上就出晒事我未見過三文魚扒可以煎到咁燶食落去係韌，完全唔係果回事退而求其次諗住食配菜頂下胃得幾嚿冇味嘅西蘭花同嚿毫無誠意嘅烚薯仔同勁酸嘅蕃茄仔越食越谷氣食過一次唔會再食亦都強烈不建議朋友同有緣睇到呢篇野嘅你去食同價位嘅選擇有好多唔需要俾呢個價錢食垃圾

侍應服務態度好差，第一個就落錯單，落漏咗兩杯嘢飲，過左好耐搵第二個過嚟話我哋唔夠最低消費要我哋叫多樣野，我哋都覺怪因為明明夠數（1個鬆餅，3杯飲品），點知等左勁耐唔對路，問下先知原來漏落單😅，同佢講返我哋夠最低消費又唔明，叫佢取消返佢要我哋叫黎補差額個樣食野，又黑口黑面🌚食物更加災難級，流心鬆餅個流心係燶黑色硬既，再換都係唔好食；花茶無味，Rose latte 變咗普通茶記咖啡味，仲要係茶記既茶水咖啡都好飲過佢🌚

同朋友去食Farewell晚餐叫咗葡式非洲雞 BBQ美國豬肋骨 美國肉眼扒(12OZ)三種肉都好好食另外再叫咗夏威夷薄餅 同埋意粉 (大推南瓜汁香煎帶子意粉!!!!)至於小食就試咗三文魚莎莎 黑松露炸薯條配自家製黑松露醬同埋蒜香雞中翼 估唔到同樣出色作為配菜嘅黑松露雜菌忌廉湯配小法包都好好食(掛住食唔記得影相😂)最後再叫埋甜品 揀咗心太軟配雲糕 雪糕窩夫盒唔會太甜太漏 😋👍🏻店員全部都好nice會留意到我哋食嘢速度😂主動換碟加分!!!!😋👍🏻無論食物定係環境 都值得再去!!!!👍🏻👍🏻👍🏻

帶狗狗去獸醫診所經過見到呢度環境唔錯就決定試下，當時係中午時間，平日午餐都幾多人，我哋就睇完醫生，大約2點入去食。狗狗放入袋就可以入，店員比我哋坐左一個有窗台既位，方便安置小狗，好nice☺️到點餐，店員介紹左新推出既意粉，蒜香鴨肉意粉😳出黎原來有一隻完整既鴨腿，好驚喜🤯鴨肉唔會榎，意粉軟硬適中。我朋友叫左個自家製青醬雞肉意粉，個醬好香羅勒味。我地加左$10叫左Mocha同Rose Latte，甜度適中，打卡able😄食到最後，見到隔離枱小朋友叫左窩夫，聞到好香，忍唔住都叫左個，好食，皮夠脆入面鬆軟。整體都唔錯，下次會再黎試其他野。

昨晚周日到訪位於何文田梭椏道的西餐廳，由於該地區人流不多，進店時餐廳只有少量食客。小店面積不大，店內光線充足，店員態度有善，入座後有為我和同伴推介菜式，並非網評所說的態度惡劣。🐔 自家制青醬雞肉意粉 $138自家制青醬意粉調味適中，有羅勒香味，沒有過多油分而導致碟面一堆綠油，雞肉質感屬普通。* 套餐連餐湯、餐包及飲品🦑 西班牙海鮮飯 $148海鮮飯微酸有蕃茄香十分開胃，拌入翠玉瓜粒添加少許清新感，海鮮無雪藏味，蝦肉爽口。👍🏻* 套餐連餐湯、餐包及飲品🥖 餐湯 & 餐包是日餐湯為青豆忌廉湯，內有香草、青豆、甘筍碎等調味，味道佳。餐包有少許煙韌質感👍🏻🍰 心太軟整體口感屬一般，內裡的朱古力只有少許流心。拌碟的蘋果片減低了朱古力的肥膩感，建議沾上少許朱古力品嚐☕ 玫瑰拿鐵 （跟餐 +$17）有淡淡玫瑰香而非化學香精味，咖啡容易入口☕ 綠茶拿鐵 （跟餐 +$10）濃郁抹茶味，但有許多粉抹未能溶化，口感較差🥺🗒️ 總結主菜及餐湯美味，但飲品有改善空間，適合喜歡人少寧靜的食客。✏️ 另收加一服務費

有日下午經過見餐廳裝修尚可人流亦唔太多，所以入去諗住叫杯咖啡+下午茶（意粉), 但待應生態度惡劣而且餐廳衛生情況亦唔好，枱面無人抹地上亦見到有垃圾...至於食物同價錢絕對成反比，貴但難食難飲。諗住可以輕鬆有個休閑下午hea 下，但帶來係惡劣嘅experience.唔怪之得餐廳無乜人，因為應該好多食客賴過嘢。但奇怪之處，餐廳人流唔多但服務態度奇差食物質素亦差，睇嚟老闆亦唔自在餐廳有冇生意。所以各位食客，入去之前請三思，無謂食完一肚氣！

Weekend breakfast with poor quality and serviceThe full breakfast cost hk98 with additional hkd10 for latte. The presentation is below cafe standard and I would prefer a u labeler which is just opposite to restaurant with similar price but better standard. The service is also below standard. When arrive restaurant no one come to serve you despite several reminder。 The most rude service is in the middle of meal, someone ask you to move seat which there are no one waiting and many vacant seat. I w

疫情期間，平日早上人唔多，所以就揀啲舒舒服服嘅餐廳，喺門口望唔係太多人，啲枱有分得好開，於是就入咗去試吓。睇吓個menu，原來食物都有English breadfast、多士、奄列，口味都啱我，而且份量十足，午餐都唔駛食🤭🤭⋯⋯另外跟餐+$35 有杯飲品☕️ 咖啡有拉花，仲有玫瑰拿鐵☕️