Delicious Eatery

营业中

休息中

餐廳喺狗狗美容店附近，放低咗佢唔想行太遠，見到這間西式cafe，裝修簡潔、餐牌選擇頗多所以就入去一試，點知後悔莫及。入座時間11:25am，坐低前職員表示早餐時段已經完結，午餐12pm先開始，可以睇定餐牌一陣幫我地落單。未嚟過所以諗住嗌啲比較安全嘅選擇例如意粉，男朋友叫咗「卡邦尼意粉」、熱咖啡，我點咗「白松露油牛肝菌炒意粉」、跟餐飲品加錢轉咗錫蘭紅茶。10分鐘後職員端來錫蘭紅茶，我飲咗啖，已經覺得好疑惑，點解同茶餐廳用茶膽沖、送俾你嗰杯茶（啲人通常用嚟洗餐具）味道咁相似⋯⋯？男朋友飲完表示有一樣感覺。隔咗一陣職員幫我地上主菜，Carbonara賣相非常一般，白汁味道好淡，完全做唔到Carbonara醬汁嘅rich同creamy，火腿亦都食得出非常廉價，超市買嘅即食pasta都出色過佢⋯⋯點知一山還有一山高，松露意粉簡直係災難級。第一眼望落去已經見到好多三色椒，松露（油）本身味道已經唔重，係取其香，放三色椒已經係九唔搭八，而且搶哂松露嘅味道。但見到意粉上面松露醬頗多，即管試吓啦。一食落去，我以為我味蕾失靈，點解完全冇味道？唔止冇松露味，係甜酸苦辣鹹乜嘢味都冇，好似食緊白烚意粉咁⋯⋯食第二

說起來，原來已是半年多以前的事了，當時正是聖誕節，假期裡，其中一個最佳的節目，莫過於吃一頓舒舒服服的悠閒早餐。閒逛來到這間名叫 Delicious Eatery的咖啡店，雖然覺得它的早餐價錢不便宜，性價比應該不太高，但看那環境，似乎挺舒服的，尤其是遠處一幅橫跨兩面牆壁的以粉紅色為主調的樹木風景畫，漂亮極了，便決定入內享受一頓舒適悠閒的早餐。在餐牌中八款早餐選擇中點了 「炒蛋多士配蕃茄湯通粉」（$48），配以一杯「凍奶茶」，稍後片刻，我的早餐便已送到桌上。這早餐，無論食物還是飲品，其實都只是普普通通而已，炒蛋是炒蛋，多士是多士，通粉是通粉，奶茶是奶茶，不可以說它差，可是又實在談不上有何特別好的地方，總而言之，就是不過不失吧了，不過在寧靜的氛圍下，舒適的環境中，懷著愉快的心情，好好享受一頓寧靜悠閒的時光，還是令人滿心愉悅的。只可惜，才不過半年左右光景，今日的香港，與半年前相比，早已截然兩樣，黑白分明，勢不兩立，身為一個土生土長香港市民的我，又怎能真的擁有一個愉快的心情呢！

上網睇到呢度附近都有好多唔錯嘅餐廳，今日專誠嚟呢度諗住食個靚早餐啦，見到呢間個Outlook好似好靚咁，就比佢個outlook呃左入去食啦！早餐嘅選擇其實唔算多，咁我自己嗌咗一個番茄通粉配炒蛋多士。其實呢個價錢我覺得好抵食嘅，仲要包埋杯飲品，但奈何味道實在太強差人意啦，蕃茄通粉冇番茄味，另外多士亦唔覺得有烘過，似係普通白麵包咁。d通粉仲要煮到一舊舊。。。🤮熱香餅整得太乾身，食落會咽頸。朋友表示食麥當勞仲開心。公道啲講句，其實價錢同鋪頭裝修真係唔錯，但係食物質素實在太差啦，如果可以改善，應該會係一間唔錯嘅餐廳。

好多年前日本有隊三人組合叫"Dreams come ture” 而在90年代他們真的"夢想成真" 那些年他們爆紅過, 而我們這晚則是"Nightmare come ture"這是一次錯誤的經驗,  我們的目的地是同街的一間有名氣平民牛扒屋, 但當天胡裡胡塗之間進了這店, 好自然地我們見餐牌上的牛扒餐就只有肉眼跟西冷, 就叫各一試一個吧, 老闆娘重問我們要多熟?! 咁我地都係慣常地要求四成熟, 先來的餐包一般, 餐湯的雜菜湯比一般的多雜菜, 多湯料的話即是味道亦豐富得多了, 食到呢度係完全對板的, 到兩件扒攞埋嚟, 兩件差不多大細只是厚度不一樣, 肉眼扒簿一點, 表面被灑上大量黑椒粉, 汁較少,而另一片西冷厚切一點, 燒汁多d, 我們見先拿來的肉眼扒配菜係薯茸, 咁問下有無薯條啦, 佢話問下廚師, 佢回頭話本應無,不過呢次會另外上少少給我們, anyway都算有呀, 而伴碟薯茸係老老實賁地八成係薯仔肉, 同依家大部份搞花臣的CAFE那類餐廳做的薯茸忌廉大異其趣, 牛扒的肉眼係全熟同西冷係8-9成熟, 太座話同佢以前第一次做(煮)牛扒時一樣, 將件牛扒擺入Oven入面由生焗至熟的肉質一樣,

在九龍要找一家有水準的pasta cafe, 並不容易，要在我們的傳統老式住宅區找到一家，更加令我珍惜！光顧了這間cafe一年多，主要是來吃午餐，我們見證了厨房的功夫很穩定，尤其是做pasta, 可以做到有咬口而不乾，香而不膩。對咖啡很有要求的我們，亦對這裏的美式咖啡及泡沫咖啡很滿意。然而從前的侍應質素的確是有点參差，但自從老板娘也來坐鎮後，情況改善了很多。見到他們努力地經營，雖然現在中午時份經常要等位，但希望所有用心小店，都能妥善地存在。

光顧了這間餐廳許多次(多是早餐、下午茶時段)雖然服務質素時好時壞，但因為環境不錯，還是沒有放棄。不過，經歷昨天的事件，相信那環境已不再吸引我了。昨天，第一次跟兒子在那裏吃午餐，因一位普通話老師朋友剛在附近，我想請她指教小兒一下，而我們午飯時間只有1.5小時，唯有請她過來邊吃邊教。我們三人12:15坐下後，因不想把食物放到滿枱都是，所以先點了飲料給兒子，亦跟侍應們說稍後會點食物。侍應便開始不高興，一會兒後，更開始不斷催促我們點餐，又說餐廳不許補習，更開始給我說話聽。為免大家尷尬，我亦識趣地多點了兩杯飲品，亦強調1:00可以開始點餐，但這樣他們也不滿意，我唯有即時點餐。老師朋友感到非常尷尬，唯有先離開。我們把食物吃完後，1:45 便離開了。全程只1.5 小時，賬單$291 ，我付了$300， 真想知究竟有甚麼令他們不悅呢？吃一頓午餐只是1.5小時，(雖然不是吃快餐趕返工的速度，但絕對是一般與朋友中午飯聚分享所用的時間，不太過份吧！)，人均消費亦不比其他客人低(餐牌上午餐價錢是$88至$98不等）問題在哪裏？吃午餐用上1.5小時是罪嗎？唯一可以解釋的是他們期望所有客人可以速食，令他們可以在短

今日同同事決定試下呢間餐廳，鋪頭裝修唔錯，諗住應該都唔錯！我地個枱叫左三個唔同既意粉，一杯凍朱古力同兩杯熱朱古力！點知落左單半個鐘都仲未上到野飲，我地叫完餐先入黎既個枱客已經開始上緊意粉！我地就叫侍應幫我地跟跟張單，佢用左九秒九咁回應話：宜家好多客，要耐d～杯野飲就沖緊～～遲過我地黎既都上左菜啦轉個頭個侍應禁左兩下個電腦再行埋黎，竟然係再問多我地一次你地叫左咩野，幫我地直接入廚房問，最令人疑惑既係睇完電腦都唔知知客叫左咩，咁樣點睇都似係漏單啦，錯都唔認！完！全！不！能！接！受！結果等左八個字終於上到第一碟意粉！咁都未完，小妹我叫左個羅勒青醬雞肉意粉到最後個個都食完都仲未出現，我叫佢幫我轉外賣，佢反轉問我係咪差羅勒青醬‘海鮮’意粉，我話唔係！佢就話如果係海鮮宜家就有，雞肉既就要等！仲等，你唔好等到晚市先比我！結論：如果大家覺得自己有兩、三個鐘既時間去食一餐飯，咁不妨試下，我覺得味道一般（可能因為變左外賣啦）但比得成舊水既，我唔expect係咁既服務質素囉⋯⋯

路經梭椏道，見到呢間Delicious Eatery, 故名思義是有好嘢食，急忙叫埋同學仔，放棄連鎖咖啡室約會，改來一個窩夫下午茶！窩夫即叫即做，我鍾意！即磨咖啡也做得好，要多D來吃！

同媽媽睇完樓就係附近搵食，上次行經過就決定下一次試，所以今次就帶左媽媽黎兩母女臭味相同叫左set dinner 虎蝦意大利飯不得不提環境同服務都好好，食物都唔錯都略合乎價錢，唯獨虎蝦比幻想嘅細左啲

今日5:20分行經梭亞道就被呢間精緻既玻璃屋吸引，侍應好熱情拎份下午茶餐單給我們看，看一看餐牌就決定在此用餐。我們安排在近窗旁位置坐下，環境美麗，餐廳吧枱很美，餐廳右邊位置有一幅櫻花花牆，各位愛打卡人士可以黎影下相。我們分別點了黑松露炒蛋多士（$58）及公司三文治🥪（$78），由於假日，另收加一服務費。黑松露炒蛋多士，黑松露很香，蛋很滑，一試難忘。公司三文治🥪就正常。餐飲叫了熱咖啡及凍檸茶都很正常，餐飲只包$35的飲品，各位如果叫$35或以上飲品，可以補差額品嘗其他特色飲品。

因為最少要寫80字，難怪大部份的食評都要先看一大篇沒關係的「自我介紹」＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝一行五人姊妹聚會，餐廳首要條件係有無得訂位，既然有訂位加上鄰居推介，所以就揀左呢間。當日天氣陰陰沈沈，坐車途中飄落細雨，有點狼狽。從繁忙的窩打老道維景酒店下車，往回走然後右轉入梳亞道，一時間身在幽靜的住宅區，像在兩個不同的空間。上斜到最高點後，便能遠望到燈火通明的舖面，漆黑中的一點亮光。走到店面前，加上絲絲細雨，感覺特別浪漫。＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝回正題食物方面：雖然鄰居推介呢間餐廳好食，不過我無特別問有咩推介，所以都係從餐牌中隨意點選。所有食物都唔錯，而黑毛豬特別出色，入口溶化；非洲雞酸酸的很開胃，同行姊妹很喜歡不過我本人比較怕食酸野所以有保留，想試的話記得要考慮一下。事後鄰居推介「抹茶紅豆咖啡」，有機會可以再試。服務方面：員工們非常細心，會主動收拾，亦有親切笑容。環境方面：舒適，檯面正常唔係超窄位，向街全部係窗，非常開揚。入口右邊畫上大樹壁畫，繪上粉紅色花海，非常漂亮。

每次帶狗狗到太平道放下他沖涼美容後，我都會來到這餐廳吃早餐。 我愛這餐廳的格局及佈置，有著大大的歐式玻璃窗，內裏的櫻花繪畫牆，用具有田園氣色的木枱木凳，整體很舒服 。 雖然餐廳用了開放式廚房但是沒有油煙味道。今次來到我點了英式早餐。這份餐包括有兩件牛油多士、茄汁豆、豬肉腸、兩塊煙肉、半塊火腿、煎雙蛋及一些牛油炒菇。牛油多士脆但烘得過乾唔夠牛油香，煎雙蛋偏熟，菇香，而煎火腿及煎煙肉都偏油膩。雖然早餐配上半個小蕃茄仔，這未能夠幫助清除吃後的肥膩感。事實上， 數月前我也在這裏吃英式早餐，當時沒有那麼油膩，也用了香脆薯餅代替多士較吸引。 如這份早餐能少點油或加配一些沙律菜給客人清清味蕾就更好了。早餐加配一杯飲品，我點了熱即磨咖啡， 咖啡豆是適中的口味，沒偏酸也不苦澀。除了英式早餐外，還有其他早餐款式選擇。 但留意星期六日餐廳會收加一服務費的。

梭椏道的這個鋪位，先前幾間cafe 都做不長。上手為Squirrel 的地點，現時為Delicious Eatery，裝潢上仍是似一間咖啡館多過似西餐廳。午巿時幫襯，人流未算很多。點了午餐中的海鮮拿破崙意粉。$98 連飲品，不收加一。先上即磨咖啡，加上心型拉花，入口沒有惱人的酸味，咖啡也香，整體來說是不錯。等了差不多15-20分鐘意粉便送上。在趕頭趕命的午巿來說是有點慢，不過也算是值得。意粉新鮮煮起，熱騰騰，已經先拔頭籌。蕃茄味點到即止，未算十分濃郁。好像沒有吃得出Tabasco或芝士的味道...不過像拿破崙意粉這類日式西餐，本身已經是創作料理，又好難說其正宗不正宗吧？青口和蜆肉質素一般，反而蝦肉頗爽口好吃。整道菜來說是不錯，只不過也未至於很驚艷，在附近工作或居住的朋友不妨一試...跨區的朋友嘛，就未必值得山長水遠來了。

除夕夜可以跟一班朋友慶祝，再可以享用到一間水準一流，品質有保證，而物超所值既西式扒餐，再加上店員的誠懇服務態度，店內的壁畫設計，可以置身其中，感覺好正，此店值得推介，大家不妨試試。

食品有酒店的水準👍😋😋😋聽講係前酒店大廚親自操刀及無味精👍😜加上非一般的餐飽😋😋😋主菜唔記得咗影但都好好味真係值得一試！員工態度有水準、價錢合理