Deli and Wine (已結業)

第二次到訪，不過今次純粹想黎食~簡單的一個常餐，就已經好滿足從來，身邊的食伴就已經好足夠超香脆的多士，仲有濃郁既牛油個炒蛋幾值得一讚，好厚好rich叉燒同意粉都好硬，有d 失望完全唔ok還是澳牛的好服務態度幾好環境舒服又好好坐我地都spend 左d 時間傾計呢~

是日要辦點事，一早到達尖沙咀，當然要先吃個豐富的早餐啦~在腦海中浮現出DELI AND WINE的名字，上次與友人與下午茶時段光顧，客人不多，我們在此閒談一句鐘，享受美味食物，快樂時光過得特別快!今次適逢時間配合，可以再來DELI AND WINE用餐，實在快樂!第一次來吃早餐，早市時段客量不多，只有三、數枱客，舒適至極~我們點了同一款早餐，炸魚柳、煎蛋、扒蕃茄配餐飲($30).不到3分鐘，食物到齊了，效率真快!早餐包括2片熱烘多士、配上牛油就是簡單又美味的食物，至於煎蛋也是即煎的，非常熱辣，個人極愛燶邊蛋，而且還有2隻，雖然蛋的SIZE比較少，但即煎也很有誠意; 炸魚也是即炸的，雖然份量較少，但魚的肉質超滑，很美味; 至於烤蕃茄則微暖，早餐吃件蕃茄也幾健康~熱奶茶: 茶及奶的分量剛剛好，呷一口有茶香亦喝到奶味，甘香濃滑，愛喝奶茶的你可以一試呀!熱咖啡: 友人表示熱咖啡味道也不錯，質數令人滿意~個人認為餐廳的早餐只售$30，配合地段及優雅的裝潢，實屬超值!

去尖咀睇鴨鴨, 想食個快餐, 但尼頭點都要有番咁上下價錢啦~ 朋友推介左嚟尼度食~確實不錯wo, 分量足, 價錢合理, 唯一唔好係..... 真係快餐式經營: 排隊叫餐、食得快 & 嘈~不過我覺得好多野都係各取所需o既, SO, 尼間我都會KEEP 住嚟 如果再TST 的話~

最近來了兩次，發現Timing真的很重要。第一次來是大概下午6時，人不算很多，坐得比較舒服。點了常餐一份：叉燒湯意粉拼火腿炒蛋多士。炒蛋依舊的嫩滑，微微煎過的火腿也比茶記的出品更有誠意。不要少看那片多士，厚厚的，而且由放即烘的關係，熱呼呼特別脆特別好吃。意粉煮得有少許腍，但鬆化並帶少許燶的叉燒為意粉挽回不少分數。這次的食物質素和環境都令人很滿意，為夜晚的evening class叉足電。然而，第二次來的時候卻感覺退步了，或許是因為午飯時間，人比較多，加上人手不足，令質素下降了。這次點了魚柳漢堡和Latte，漢堡包面佈滿燕麥等健康食材，可以減少進食高卡路里的罪惡感！魚柳炸得頗鬆脆，炸粉不會很厚，但醬汁很少，整個漢堡吃起來很乾。而薯條配上辣粉後很惹味，但不算很熱，只是微溫，大打折扣了。唯一不變的是那杯Latte，依舊香滑。看得出店員於午飯時間比較忙碌，但不代表可以板起臉放下食物便走開，與之前見到親切的笑容有很大的出入呢。再來的話，記得要挑對時間！

位於文化中心旁邊的小角落 去過文化中心幾次總係見唔到佢 點解點解點解 唔通呢d就係叫「真眼大睇過籠」光顧當日是平日一點半 都幾FULL 要等位所以我同朋友過多十五分鐘先再入去 畢竟唔太慣企起CAFE入面等位 一入去 環境唔差喎 感覺係一間CAFE的半快餐店即係枱凳似CAFE 但買野食係要自己去收銀處直接買買完拎個號碼牌 過一陣會有人送餐過黎半自助模式 但又無收你加一 絶對可接受兩個人叫了兩個餐 不過送餐有D 亂第一次送左第二個餐黎 我地又唔為意 仲係咁影相 哈哈就係以下呢碟 都幾靚呀到第二個侍應再放低一碟 咦! 意粉我地叫左一碟咋喎即刻同侍應講 第一碟唔係我地既 但係個侍應就有D粗聲粗氣跟住我地想share 食 問個侍應有冇細碟 佢應我地:「有~~」但係就無拎過隻細碟比我地 結果我地要自己出去拎 怪!呢個真係我地叫既大蝦意粉 幾好味蝦爽得黎無咩雪味 唔錯龍蝦汁焗石斑意粉 好大塊魚 大件! 但係個汁似白汁多過龍蝦汁多d環境都幾好坐 唔使等位都係一個唔錯既選擇!

今天要到紅館看演唱會,收工後當然要先吃飯,由於我由灣仔搭船前來,所以選擇的地點有限,近碼頭,同時又要近火車站,由於我請朋友看演唱會(正確來說不是請,因為我的票也是免費的),朋友要請我吃飯,但正因為如此,我亦不想吃太貴的,這裡很好,地點合我心意,又見多好評,又不是太貴。這裡的形式有點像euro gogo,自己搵位,自己買野食,不過會有人奉餐的。我點了這個好多人讚的茄汁蝦意粉,聽說是混合了cream,感覺果然很特別,很滑,亦帶有蕃茄的鮮味,意粉亦很有咬感,蝦亦很爽口,數量亦好多，朱古力很濃,不是那些溝很多水似的,但嫌不夠滑身。最後坐了一會,望見窗外的燈在閃,原來幻彩詠香江的光線射在文化中心的外牆,原來現時已經八點,我們紅館的show 八點三,oh no 遲到添朋友的焗飯,,唔記得問佢好唔好食haha

其實今次已經係一個月內第2次食了今晚7點左右到 唔需要搵好耐位海鮮喇沙玻璃麵同薯條友人叫左乜已經忘記了海鮮喇沙玻璃麵有帶子x1,魚塊x2 蝦x2 青口x1,豆卜x2料真係唔算少 又爽口 唔會林玻璃麵就好似d "舉弱"麵咁配埋唔算好辣既喇沙 好味道 !!! (唔重椰汁味,我喜歡)薯條 $28薯條都夠粗,同埋d辣粉好惹味!食完一客再encore多1客service都ok既買完野食,會俾個牌你之後d 哥哥仔 就會送上黎

一直都想試Deli and Wine，其實中環大會堂也有這一間店，比TST的分店開得更早，不過那間店的裝修很平凡，如同一般的快餐店，不似文化中心的分店裝修那麼有心思及格調。是日下午約了2年沒見的朋友相聚，想到一間舒適悠閒的CAFÉ吃點輕食，第一時間就想起這間富有文化氣息的餐廳了。早前2次晚飯時間到來見到人太多，過門而不入，是日閒日便最適合不過了。我們隨意的找到一張四人餐桌，讓我們可以在舒服的環境下進餐。下午茶時段茶餐的款式也多，我選了雞肉喇沙($38)及凍朱古力，跟餐加$8，友人則選了主餐牌的鮮蘆筍煙肉忌廉汁扁意粉($62)，餐飲熱奶茶另加$8.雞肉喇沙: 這個喇沙的賣相很對辦，湯底富有椰汁及咖喱味，辣辣的味道很惹味，內裡的雞肉撕得一絲絲，而且份量也多，唯一挑剔是麵底用上雪吞麵的幼麵，如果用上米線會更吸汁，畢竟吃喇沙當然最想吃那些汁的啦~鮮蘆筍煙肉忌廉汁扁意粉: 這個意粉意粉友人說挺美味的，下次我也要點這款試下~凍朱古力: 賣相美美的，朱古力上的忌廉如同一坐小雪山般，朱古力味道很濃郁，亦不會過甜，而且朱古力還杰杰的，不是很流質很水的感覺，個人很喜愛這杯飲品，己經決定下次來也要再點，雖然

一個週六的早上，來到了尖沙咀，剛下了天星小輪便走到文化中心這裡吃個早餐才開始這天的活動。Deli and Wine這裡是美心集團的食肆，所以早餐方面跟美心MX的差不多，這天我選了一份香煎雞扒加煎雙蛋及炒雜菇的早餐，而餐飲則加了四元轉成latte。付款過後便可以拿著號碼牌找個位坐下，當早餐準備好的時候便會由服務員送上。這天我坐了在像玻璃屋的一角，陽光透過天花的玻璃照下來，令到這一部份比餐廳的其他位置明亮一點。這裡有一個書架放著一些書籍，食客可以在用餐的同時隨意翻閱這裡的書籍，而在我的檯邊則有一支吉他，是裝飾還是真的可以用來演奏一曲呢？不久我的早餐便送上，賣相的確和美心MX的分別不大，那件雞扒和那個汁是十分熟識的樣貌，當然味道也都是一樣的。不過值得一提的是這塊雞扒是當算皮脆肉嫩的，至少比美心MX煎得的乾乾雞扒好得多。配上的炒雜菇算是比起快餐店有點不同的地方，這個雜菇是清新的，只是味道比較淡一點和送上來時是室溫的。最後的一片多士烘得夠香脆，塗上點牛油來吃也不錯。轉配的latte沖調的不錯，加上了一個拉花，espresso的味道跟奶味平衡得不錯，只是奶泡有點粗。

上星期花老嘢出差唔係香港，我當然要趁機出軌喇。。。約咗兩個傻婆一齊去試呢間餐廳。其實一直都想試，因為好多comment都係讚，以美心集團實屬難得，但老嘢話喎。。。去咁隔涉嘅地方食快餐！？死都唔肯同我去！ 講咗果晚，我哋三個大鄉里大約6：30到，自助式搵位，因為時間尚早，好多位等我哋去寵幸佢。坐好，開始揀嘢食〜〜 我見隔離枱塊toast好似好好味，加上好耐冇食叉燒，就決定揀常餐。有選擇困難症嘅傻婆T迷罔於蘆筍忌廉汁煙肉意粉定茄汁鮮蝦扁意粉好，傻婆K就話佢都要食，所以好快就決定咗食咩。出去Cashier落完order就會有個牌仔等人拎過唻。唔使1分鐘嘢飲先上，嘢食5分鐘內上齊，勁！ 常餐：多士鬆軟，炒蛋仲有蛋汁，叉燒唔肥，ok!不過以$46唻講，我會選擇去食澳牛。 蘆筍忌廉汁煙肉意粉：好creamy,意粉texture幾好，不過要快食，如果唔係會變得好杰茄汁鮮蝦扁意粉：個茄味幾濃，不過可能有d滯，我見傻婆K食唔晒總括唻講，再encore只會食pasta。。。哈哈

說過好多次要試這裡了黎到梗係實踐下「願望」先唔係好餓既時候叫左個常餐簡單的似是茶餐廳常餐沒兩樣湯底好濃且厚幾片叉燒但已經好夠略嫌意粉太硬身薄身的火腿煎得比較油膩大大片多士，上面塗上好厚既牛油反而喜愛呢度既炒蛋，炒得好滑漏靚靚舒服環境，好岩傾計hea 返一陣仲有杯熱辣辣飲品為外邊轉冷既天氣暖了一下身~好抵食le~~

尖沙咀文化中心食野, 總係比到人一種好似有如係SOHO區食既HIGH CLASS餐廳既感覺 - 貴 , 不過其實貴有時候都有佢既道理.情人節當日, 本牛同牛女去睇安迪。華荷既展覽, 點知原來星期四唔開摸門釘, 所以本牛就先去搵食, 等夠時間就去睇全天域電影, 唔係太想行太遠, 所以本牛就去文化中心搵食, 於是就搵到呢間 , DELI & WINE.未入到去, 個FEEL已經好吸引本牛了, 好現代歐7餐廳FEEL, 以收銀台做分界, 左面範圍大D既室內地區以黑色做主題, 右邊有一個地方起到好似一個小溫室咁以白色做主題, 本牛見幾得意所以今次就係小溫室既地方食. 本牛選左最近窗既2人檯.貪佢有自然光呢度唔係有WAITER SERVE你既, 而係要係CASHIER度買單, 之後佢地會見牌送菜, 原本本牛係叫龍蝦汁龍利柳焗飯, 不過牛女以為本牛食龍蝦汁會敏感, 出於好意既關心幫本牛轉左一份焗豬扒飯, 本牛即刻心想, OH!! 來到靚餐廳竟然食焗豬 , 不過過一陣就覺得, 以試一下比較既心態去食都唔錯丫~以本牛既食量, 真的有點小! 看起來沒有什麼特別的焗豬扒飯. 兩塊豬扒上面放了一塊原片蕃茄,

年初四約了朋友吃午飯，因為其中一人接著要在尖沙咀看戲，所以選擇了文化中心的deli and wine!之前已經來過兩次，對餐廳的裝修格調都挺喜歡，很休閒！當中的桌椅是不同款式，放在一起並沒有突兀的感覺。在下午茶時候來，會遇到不少人在這裏享受小食。我們一行四人，點了魚柳漢堡、常餐和焗飯。本人很欣賞漢堡，魚柳外脆內滑，伴隨的香辣薯條也不錯，新鮮炸起，很香口！常餐就如其名，平平常常，叉燒意粉味道很淡。焗飯是朋友叫的，沒有試，所以不知水準如何，憑賣相來看，就是一般。會再次光顧來吃魚柳及享受休閒時刻！

我很喜歡Deli and Wine，選擇多元化..環境也不錯這天特地早一點就過來食東西..不用人擠人,,可以食得很舒服這回我們選擇坐在窗邊的位置，悠然自得點餐後會有專人奉上早上十一點..餐廳裡沒幾個人，完全舒服呀我真的很喜歡店裡的環境，少少的擺設也覺得很溫暖了小朋友來也不會覺得悶...有很多書可以拿來看喔田園的格調餐廳掛了一些相架和書架，黃色的燈光感覺光猛又溫暖。地方很大又有很多梳化位，令整間餐廳給人一個很輕鬆的感覺我點了「常餐」炒滑蛋火腿多士拼叉燒湯意多士,烤得很香口很脆.炒蛋是完全的好食...屬上佳作品叉燒是一大塊一大塊被放在意外中間...味道真的蠻不錯的但我本人本身就不太愛湯的意大利粉..所以意大利粉我就覺得還好啦表妹點的炸魚柳飽配辣薯條很飽足的魚柳，咬感十足薯條新鮮熱辣，再加上調味的辣粉，完全好食最後來杯熱檸檬茶..很讚啦簡單的美好人生,吃得開心已很足夠

一入到去 室內環境唔錯 我幾鍾意入到就叫左個咖哩海鮮飯 味道幾好 夠咖哩味係份量少左d 但有時有d野係少吃多滋味然後仲飲左杯凍檸茶 檸檬茶夠多檸檬, 茶味也夠濃糖漿都可以自己加 幾好飲下次lunch time 經過 又想平平地 都一定會再來