○de▽ 鯛白湯らーめん

营业中

休息中

最近某國際品牌在港島區有宣傳活動，所以特登過海睇。加上上一次嚟附近已經有留意到呢間拉麵店，就趁今次試吓佢。下午1點半喺PMQ睇完壁畫行落嚟，門口已經好多人排隊。等咗一陣，店員拎個餐牌出嚟俾我哋睇。店員會先幫我哋落單同收錢。注意佢地只係收電子貨幣。餐廳座位唔多，大概得16個左右。所以繁忙時間真係要等耐少少。我同男友都係oder咗鯛白湯。入坐大概5分鐘，麵就上枱啦~魚湯嘅香味令人流晒口水~舖頭用咗天然真鯛、幾種貝類同水熬製8小時而成。先試一啖湯，魚味濃郁而不腥，唔算好咸，仲帶有少少貝類嘅甜味。另外，碗邊上附有柚子醬，客人可以按自己口味加落湯度。我加咗之後再試，個湯多咗柚子香味，變得清新咗~因為本人好鍾意食魚，食完麵之後連個湯都飲晒~好味!拉麵除咗個湯之外，麵質都好重要。拉麵軟硬度適中，無鹼水味~至於湯料方面，有鯛魚肉碎、一塊叉燒、兩塊筍片、蔥絲、同洋蔥粒。鯛魚肉碎係有燒過嘅，所以好香~連湯一齊食，味道更豐富。叉燒係薄切，成塊都係肉，唔係好肥嗰種，我鍾意。食到咁上下，日式炸雞上枱啦~一碟有3大件炸雞，配上咖喱香料粉。平時炸雞主要都係男友鍾意食，而對炸雞無太大興趣嘅我，通常都淨係會食少少。但呢

Finally trying the last ramen place of Zagin family. For Next Shikaku and Zagin Soba, Next Shikaku won my heart with their crazy oyster broth. Let’s see if Maru de Sankaku wins a place. There’s a queue as usual. Luckily I got be seated at the counter after 15-20 mins. Whole ordering process is very efficient. Staff will place your orders in the queue. And they will charge you once you be seated. They don’t accept cash tho. I ordered Madai Tsukemen and karaage. Love the dramatic entrance of the t

Today I was quite early for dinner so decided to finally line up for fish ramen at Ode Marudesankaku on Aberdeen Street. Needed to check this one off my list for the three ramen shops in this chain around Gough Street. A quick wait since I was alone.The verdict: okay.. but not worth anything more than. 5min wait max.I had the white soup fish ramen and chicken karaage. Soup was both too salty and fishy, and chicken karaage nothing special. And they ran out of beer! What?? If you like seafood rame

一早已經聽聞過呢一間嘅魚湯拉麵好出色，寫食評當下查先知原來佢係大阪過江龍，每次路過都見到大排長龍，當日11:36到訪已經係第二枱，12:00已經要開始排隊，果然係人氣拉麵店🍜同朋友一人一碗鯛白湯拉麵($138，一上菜個時店員提醒如果覺得個魚湯太鹹，可以加柚子醬更加清新～自己覺得佢哋個魚湯好濃郁，加咗柚子醬之後個味道好特別🤣拉麵本身軟硬適中，特別鍾意佢哋個筍真係好軟熟，而且索晒啲湯勁好食🥰塊叉燒都唔錯，但係嫌一塊唔係好夠喉～不過話說店家係將每一個水壺擺喺枱面比客人自己浸，但係飲到第三杯水個時發現入邊有隻5cm咁長嘅蜈蚣類物體😨店員都係講聲唔好意思就換過第二杯水俾我，但係見到佢哋拎咗壺水去open kitchen後都係擺係到，冇即時將個壺contaminated嘅水倒咗佢，我自己都唔係好敢再飲🥹希望店家可以注意一下衛生🤭

之前見到網上評論話呢間係好受歡迎嘅大阪過江龍拉麵店，於是一直都想試下。當日一放工直接去到，好彩唔洗等位，直入有得坐，仲好清楚睇到廚師點樣預備一碗拉麵添！😋🍜鯛白湯揀咗呢款最普通的鯛白湯試下，賣相都唔錯！湯底用咗日本真鯛魚熬製，竟然一啲都唔會太腥，已經有驚喜！但拉麵嘅份量就偏少，食晒成碗都唔覺得飽😂另外有一抹柚子醬係碗邊，沾唔沾黎食都無乜分別，感覺普通。

之前食過佢姐妹店座銀既雞白湯拉麵覺得質素唔錯，呢間鯛白湯都bookmark左要去試下😋🔸鯛白湯🔸奶白色既湯底用上日本真鯛魚熬製而成，魚味濃而不腥，冇咩味精，飲完都唔會口渴🤤拉麵就偏幼身，唔算好掛湯🍜碗邊附上柚子醬，試完原味後可以加入湯底令湯味更清新👍🔸鯛清湯🔸鯛清湯湯頭望落好清澈冇乜油，食落質地輕身，雖然有鹹鮮味，不過魚味就冇白湯咁濃，但好鍾意佢配上既自家浸牡蠣油，蠔味好出，加落湯度鮮味層次多左😋清湯呢款仲會有塊炸魚皮，又薄又鬆脆～好好食✨兩款鯛魚湯都好味😋不過同座銀一樣都係白湯部分比較出色，如果要二揀一既我會揀鯛白湯😍以後除左豬骨湯底，雞同魚湯都係個唔錯既選擇✨

中環原店座位好少成日要排隊，最近怡和大廈開左超型格food court，晚餐時間大把位揀，應該係全港坐得最舒服的food court & 拉麵店💯鯛清湯拉麵 $138😋😋😋😋個湯好清甜魚味🐟麵質清爽彈牙👄叉燒又滑又唔肥👅最正係有2塊魚皮，浸少少湯食，微脆口感配上湯頭甜味，每塊都分開好幾啖食，因為唔捨得食🤣比唔到5分係因為食完飲曬啲湯之後好口渴😂 但其實味道係值5分😊#感動出品❤️櫻花木煙熏溏心蛋 (+$15)😋😋😋😋😋溏心程度要拿揑到剛好呢個要求已經太low😆呢隻蛋🆙左我以後對溏心蛋的期望💟食入口有種濃郁得來不over的煙熏味，為平庸的蛋香增加左層次🥰

每次去條隊都長到我放棄🥹今日6:30pm都已經有人排緊😳但今次我係唔會放棄㗎😤鍾意魚湯嘅我真心覺得好好味🙆🏻‍♀️.三種麵都叫晒同屋企人開心share1️⃣鯛魚清湯🍜 $1382️⃣鯛魚白湯🍜 $1383️⃣鯛魚沾麵🍜(限定） $148 .三款各有千秋1️⃣湯底清甜，麵係幼麵，亮點✨會俾碟用油爆香過嘅蠔仔🦪撈埋落去好香😍，仲會配上炸魚皮.2️⃣湯底較濃郁，麵同1️⃣一樣，亮點✨係配上柚子，有啲酸有啲苦澀，但撈落去個麵到食可以解膩😍.3️⃣湯底最濃郁，麵係薄薄嘅刀削麵，最掛汁，每一口湯（嚴格上嚟講係汁），亮點✨係放左乾冰係麵嘅底部，打卡一流📸.1️⃣2️⃣3️⃣都會有鯛魚肉碎同筍片，不過只有1️⃣2️⃣會有塊叉燒，叉燒我冇咩印象，普普通通。.服務好好👍🏻餐廳運作好有條理，上菜好有效率👍🏻會想再去食🥳.🏠 ○de▽ 鯛白湯らーめん (中環)📍中環鴨巴甸街13號地舖📞23463889

被同事拉去『鯛白湯らーめん、まるで さんかく』吃拉麵，我話最怕排隊，他說早一點去不會等太久，於是就來了。小妹非甚麼「拉麵達人」，對「精品拉麵」也無甚研究，只是因為朋友喜歡，每次去日本「被逼」吃拉麵不少，由屋台到很精緻的，也許甚至 gimmicky 的拉麵都試過。只是深刻印象的，唯有一家。稍後再說，先略談這裡的拉麵。同事吃【 鯛白湯 】，吃完說不會再來。他說，其實味道不錯，但是沒有驚為天人的大 Wow。沒有吃，小妹對白湯麵不予置評啦。小妹叫了【 鯛清湯 】，no doubt 麵是用了心去做的，只是每一個部份 —— 叉燒、筍、魚、玉蔥、魚皮、鯛魚湯    —— 各自表述，猶如樂團中每一個樂手自己傾力演奏出自己認為最好的音樂，沒有兼顧樂曲的一致與和諧。叉燒和拉麵永恒配搭，不會出錯，叉燒薄切，肉身粉紅，當然也嫩滑。魚皮襯魚湯還是可以的。最奇怪就是那些魚片碎，吃起來像罐頭沙甸魚一般的口感和氣味。玉蔥（洋蔥）跟其他並不太咬弦喔。小皿牡蠣油（蠔油）是好味的，唯似路過一樣，似乎未有跟碗麵「打個招呼」，顯得格格不入呢。那正是標題「味道眾多，不知放在那裡好」的意思了。麵條質素不差既，個人口味，略嫌煮得略過

睇開YouTube 衛食攻略見到衞詩雅介紹呢間拉麵店講到咁好食，忍唔住平日黎開中上環區域專程拜訪試吓有幾正😋呢度主打三款招牌拉麵（鯛魚白湯拉麵、鯛魚清湯拉麵、鯛魚沾麵)，由於當日我中午兩點幾先去到，所以只剩返鯛魚清湯拉麵呢個選擇，如果想一次過同朋友試幾款拉麵可能就要早小小去喇🤗❥ 鯛魚清湯拉麵 HK$138價錢黎講可能相對其他傳統日本拉麵店比較高，但食完之後真係覺得非常值得。呢個拉麵既湯底採用由日本鯛魚熬製而成既清湯，既入味又清甜鮮香，我同姐姐都飲到一滴湯都無剩🤣 個湯底入面仲有食到小小鯛魚肉，而麵邊既炸魚皮香口又爽脆，麵入面既竹筍仲好有心思製作成店名包含既 〇▽形狀，拉麵軟硬度岩岩好，真係超級正👍🏻未食之前我係覺得賣相看似很普通，但食過之後真係翻尋味。總括來說，味道同環境都十分好，員工亦相當有禮貌，用料新鮮十足，已經決定下次要再試埋另外兩款濃味小小既拉麵🤣 推薦無食過既朋友都一定要黎食下❤️

翻兜中環本店幾次🍜🐠天后新店重未去.不過基本款式都試過晒🤤頭三張相分別係鯛白湯拉麵😍.鯛清湯同非常掛湯嘅鯛沾麵.炸鯛魚皮都好正.不過價錢比較進取.食過幾次都好難將帶有乾冰既沾麵影靚靚🥲唔知大家影唔影到🤣順便話我知你哋最鍾意食係邊一款🍜..➿日式炸雞 ʜᴋᴅ 𝟺𝟾➿炸鯛魚皮 ʜᴋᴅ 𝟺𝟾➿鯛白湯拉麵 ʜᴋᴅ 𝟷𝟹𝟾➿鯛清湯 ʜᴋᴅ 𝟷𝟹𝟾➿鯛沾麵 ʜᴋᴅ 𝟷𝟺𝟾..(.❛ ᴗ ❛.) foodiepoison 👩‍🍳  整體味道: 8/10  💸  性價比: 8/10  📸  打卡指數: 8/10  🤵🏼  環境服務: 8/10   🤔  推薦指數: 8/10

天寒地凍🥶，即刻好想好想排隊食碗熱辣辣又好食嘅拉麵🍜，中環歌賦街頭有幾間日本🇯🇵過江龍，各有特色，揀嚟揀去最後揀邊間都無所謂，因為原來全部都係同一個集團經營，包無走雞🤭———————————————————————————🥢鯛清湯💬第一次試好想試試個清湯，用慢火提煉出真鯛嘅鮮味，濃度十足，配上嘅係幼拉麵，蘸上牡蠣🦪油更加鮮味，畫龍點睛嘅炸鯛魚皮先至係重點，非常回味☺️.🥢鯛沾麵💬用上嘅係鯛白湯，鯛魚加上雞比較濃郁，用嘅係類似刀削麵容易掛湯汁，不過冬天真心唔應該叫沾麵，麵變冷時湯亦變凍，減低進食胃口🤔.🥢日式炸雞🍗💬「日本唐揚協會」認可，好似好猛料咁，肉嫩多汁唔油膩，不過一件起兩件止，實在小吃多滋味☺️

📍○de▽ 鯛白湯らーめん中環鴨巴甸街13號地舖從Youtube得知呢間拉麵店，所以慕名而來試一試。店舖不太大，坐位只得十幾個，但相當光猛，而且讓人有一種好乾淨嘅感覺。店員會先在你進入店內就坐前讓你在店外點餐，並先結賬。🍜點了鯛魚湯拉麵($138-HKD)，湯很清甜，完全不膩口。伴上脆魚皮，一塊薄切豚肉，看似份量少，但食落又啱啱好。🍜另一碗點了鯛白湯拉麵($138-HKD)，奶白色嘅濃湯底好美味，相對清湯是較濃的，但各有各的味道。碗邊伴上柚子醬，讓你調較湯味無咁濃。另外亦點了一份櫻木煙熏糖芯蛋🥚($48-HKD)同一份日式炸雞🍗($48-HKD)。糖芯蛋無乜特別。而日式炸雞肉汁非常多，食落口啖啖肉而不靱。

上一次食白湯，好濃鮮甜的魚湯。令人一試難忘，有5粒星🌟。係門口排隊已聞到好濃魚香。今次去白湯賣晒，試清湯都有魚湯香味，但都係白湯好味好多。叉燒份量如果多少少就好。上次有叫炸魚皮，係必食小食。因為魚皮賣晒，叫左炸雞，唔錯。叫左支柚子氣水，好貴$7x.

2022好多人都過得唔容易，慶幸年末之際終於迎來一點曙光，但願來年會更好。-本年最後一頓午餐，決定來一碗靚麵。這間小小店無論任何時段都有人排隊，今日竟然唔算太多人，lucky。-🔸鯛清湯（$138）🔸可惜無哂白湯，唯有叫清湯，嫌佢太清，無乜調味，麵條也不算特別，有一堆燒烤鯛魚碎，聊勝於無。配搭嘅牡蠣🦪油好香好鮮味，有啲驚喜。另外塊鯛魚魚皮脆口唔油，都幾正。-🔸鯛沾麵($148)🔸𠵱碗就似樣啦🎶濃厚而不肥膩，惹味鮮香，帶些許魚的甜味，配上闊闊的麵條🍝，真係絕配。🔺日式炸雞（$48）🍗🔺有啲失望，外皮油膩感重，入面無乜肉汁，比較乾柴，唯一係夠熱 加返少少分。🔹櫻木煙燻糖芯蛋（ $15 ）🔹𠵱個係大驚喜！真係食得出煙燻嘅香氣，嫩滑有彈性嘅蛋白，配合濃郁蛋香嘅溏心，真係perfect 💯🔆