○de▽ 鯛白湯らーめん

营业中

休息中

Yummmm…. I had the Madai Broth Ramen (鯛白湯). A creamy white snapper & shellfish broth ramen that the restaurant made available daily 150 bowls of the rich white broth. The fish & shellfish broth had a creamy, flavourful seafood flavour & it was tasty. Unlike some ramen soup base that could be really too strong and salty sometimes. Noodles tasted great. I loved the yuzu paste on the side of the bowl too, mixing it with the noodles & broth made it more fragrant and tasty. The ingredients that went

天氣涼涼哋就好想食返碗拉麵，平時雞白湯就食得多，鯛白湯好似都係第一次食🐟 呢間鋪長期都要排隊，但平均等15分鐘就入到，因為大家都係食完就走🫡 店內日本主廚會即時係你面前整俾你食，食客亦充滿外國、日本人，好似置身日本🇯🇵💰鯛白湯拉麵 $138湯底以真鯛魚同各種貝類烹煮八小時，口味偏濃郁，面層有滿滿泡沫，可見口感順滑，味道濃郁同時帶有魚湯清甜，層次豐富🤪 湯中每啖都連同甜洋蔥粒同燒鯛魚碎，仲配上薄叉燒，個人覺得就咁飲個湯已回本🍜 碗邊有柚子醬，覺得太重口味嘅人可以用嚟中和湯底，但我覺得唔加仲好食！💰鯛清湯 $138呢碗完全表現到咩叫鮮甜，湯底完全唔腥但帶有魚鮮🦪 配上牡蠣油，可按個人口味加入湯底提鮮，配合完美！炸鯛魚皮比起一般港式炸魚皮更簿更脆，而且擺盤都好有心思，好完美嘅一餐🤍📍○de▽ 鯛白湯らーめん地址︰中環鴨巴甸街13號地舖

📍中環 𝙲𝚎𝚗𝚝𝚛𝚊𝚕 / 天后 𝚃𝚒𝚗 𝙷𝚊𝚞❝人氣鯛白湯拉麵店🍜🎌食過最香濃的鯛白湯😍🐟終於有緣! 遇上不用排隊的分店✌🏻❞人氣鯛白湯拉麵店🎌專心只做好3️⃣款招牌鯛魚拉麵/沾麵🍜每次經過中環本店都大排長龍 小店座位唔多 遲遲都未試😳機緣巧合下週日跑完馬拉松遇見期間限定9am已開門既分店😍不假思索即試🏃🏻‍♀️💨✌🏻(緣份到了自然食到～)🍜鯛白湯 $138 (4.5/5)揀咗湯底更濃稠既呢一款 奶白湯底好濃鯛魚香味 帶泡沫感🫧厚身creamy😍係一個好正既魚湯! 仲有燒鯛魚碎🐟& 白洋蔥粒🧅幼身拉麵夠掛湯 不過口感可更爽口😳配上兩片薄叉燒🐖碗邊既柚子蓉食到一半可加落湯底以增加清新感🍊我個人覺得唔加都好正😍🥢鯛沾麵 $148 (4/5)每日限定‼️會賣曬 咁搶手當然要試～沾麵一上枱既乾冰效果好吸睛🤭沾麵係類似刀削麵咁闊 凍既沾麵口感特別爽口又掛湯😋沾麵湯比拉麵湯更深色濃郁 用左鯛魚&豚肉熬製 當中有魚碎同豚肉粒 熱辣辣(食到一半凍咗可以叫佢加熱🔥)食曬沾麵最後可加清湯飲埋個沾麵湯😆🤟🏻另外試左以下小食～糖心蛋煙燻味好重幾特別!✨🥚櫻木煙燻糖心蛋 $15 🍗日式炸雞 $48꧁꧁ ——𝓂𝑜𝓇𝑒

○de▽ 鯛白湯らーめん (中環)每次喺Soho附近飲完酒，都會過嚟排隊食呢個人氣鯛白湯拉麵。呢度嘅菜單非常簡單，選擇唔多，但總係唔會厭 💕⭐️ 鯛白湯這道拉麵的湯底採用了天然真鯛魚、加上數種貝類，熬煮8小時以上的濃湯，經過濾網去除了魚骨和雜質，呈現出濃郁味道嘅鯛魚風味，既鮮甜又有層次。湯底呈現奶白色澤，讓人一睇就知道係經過精心熬製。拉麵配料方面都好有心思。麵條本身彈牙有嚼勁，口感非常好。上面放有叉燒、燒鯛魚肉碎、竹筍同洋蔥，增添了魚香口感同層次。⭐️ 鯛沾麵呢款湯比白湯更濃厚，加入豚骨雞白湯，配上原創波浪形麵條，係為咗加強掛湯力🤣 雖然個人比較喜歡鯛白湯拉麵，但係沾麵先做到呢個煙霧離漫嘅嘅效果！⭐️ 鯛魚薑飯雖然自己唔屬於大食，但每次都一定會加呢個飯！拉麵食到最後時將鯛魚薑飯倒入魚湯中，就好似茶漬飯一樣，幾乎正過拉麵本身！ ⭐️ 櫻木煙燻糖心蛋因為麵入面本身唔會包蛋，要另加哦。

第一次寫食評訓唔着無聊緊所以寫下，返工食飯時間去左e間食，我食好過幾多間拉麵，但只用鯛魚做店舖就好似少見d所以試下，係門口職員就叫我門口點餐，我鯛沾面，問有冇加面，佢建議加個姜飯，咁我就加，坐低等左一段時間唔算太耐同睇住佢整，上枱，拉面下面有乾冰所以出煙咁，同有一個面汁同青檸加魚碎，佢講可以增加口感，面佢粗曲面，掛汁掛湯不錯，面汁味道夠，幾鲜，係唔夠熱，就係怕不夠熟冇影相，其實上枱果下係一個幾唔錯既打卡位黎，不過冇影即食都差d，，個姜飯原味幾香幾好食，加左三分一清湯做泡飯後都唔錯，食一半再加三分一又幾好清清腸胃結尾不過應該可以再試鯛清湯，鯛白湯個感覺似日本餐立魚湯咁，有機會再試

朋友話中環有間拉麵店好好食，帶咗拉麵控嘅我去食。去到門口，先發現原來係鯛魚湯拉麵專門店。一向因為怕腥味而唔飲魚湯嘅我，費事掃興就頂硬上。舖頭唔大，每次經過基本上都有人排隊，平日lunch time都唔例外，好彩等咗大約15分鐘就入到去。叫咗朋友大推鯛白湯拉麵，拉麵一上，外觀已經非常吸引。戰戰兢兢咁食咗第一啖，又真係唔腥喎。湯底creamy好順口，啲麵偏幼但好掛汁，碗邊嘅柚子蓉好refreshing，整體真係唔錯。朋友仲話，食完拉麵之後一定要叫薑飯，撈埋啲湯一齊食更加滋味。原本已經好飽嘅我半信半疑，但一試就完全唔後悔呢個決定。淨係食薑飯已經好香，不比拉麵遜色，就算好飽都忍唔住不停咁食。撈埋魚湯嘅話就加埋魚湯嘅甜味，各有千秋。能夠令唔飲魚湯嘅我都咁滿足，難怪呢間拉麵店長期有人排隊啦！

店面比較細 只有大概15-16個位 大部分係圍住廚房既bar枱台 可以睇住廚師點煮😆.成日經過都見到要排隊 不過turnover都幾快 好快會有位👍🏻食物質素方面 可能期望太高 食過發現有啲名大過實🥲 覺得不過不失～.｜鯛沾麵 $148上菜既時候配合乾冰噴煙效果 非常打卡同驚艷😙 沾麵湯既鯛魚味非常濃郁 但唔夠熱.. 全餐最可惜就係個沾麵湯係半暖半室溫.. .｜鯛白湯 $138白湯麵係好濃郁 啲湯麵汁好掛麵🍜 湯入面仲有啲小魚粒 幾好食～ 薄叉燒肉質嫩滑 不過薄身就少左啲口感

今日同朋友去咗一間叫✨ode🔻鯛白湯らーめん✨拉麵店食Lunch😋我哋同樣吖咗餐廳嘅主打麵🐠鯛白湯✨我哋被分配到獨立兩人位置，未有睇到拉麵嘅實物，當拉麵上枱就有眼前一亮嘅感覺，因為呢碗拉麵實物靚過上鏡好多，擺盤好靚好有心思🤩🤩🤩👉鯛白湯拉麵🐠拉麵嘅湯底，以鯛魚同貝類熬煮，上到枱就聞到陣陣嘅魚湯味，好似媽媽有時煮嘅魚湯嘅味，湯底更經過打泡，令湯更濃郁，拉麵使用咗鯛魚碎、荀及叉燒等做toppings，當中鯛魚經過煎煮處理，香口又充滿鮮味，拉麵亦加上少許辣粉，混合拉麵及toppings一齊非常惹味，餐廳亦係碗邊塗上柚子醬，當拉麵食到膩口果陣可以加啲柚子醬refresh一下，加入後我覺得為拉麵帶黎另一個味道，清新又鮮味，食得好滿足😌👉日式炸雞🐥小食我地簡咗日式炸雞，因為係餐牌度留意到呢款炸雞係受✨日本唐揚協會認可，質素應該有保證😆炸雞皮脆而多肉汁，沾上咖哩粉，味道更惹味😋👉櫻木煙燻糖芯蛋我哋亦都簡咗糖芯蛋，雞蛋以櫻木煙燻烹調，所以雞蛋帶到陣陣煙熏味，口味新鮮😋

全間舖頭只有一個鯛魚湯頭、三款麵，我個人唔好鯛魚i.e鱲魚，所以唔啱我口味。舖頭座位有14-15個位，感覺有啲逼，食客多數係遊客，感覺香港人唔多。仲有比較少見係落單後即時俾錢。*鯛白湯 $138鯛白湯用真鯛+貝類熬製8個鐘以上，加熱後再用攪拌棒打至起泡。味道十分「魚」，鮮甜到似一整條魚直接變成一啖湯。湯頭冇隔渣，保留魚蓉口感，係幾有趣。附柚子醬可以自行配搭，但柚子味好淡，加乘效果唔係特別強。麵條硬度適中，掛湯又掛魚蓉，魚香、麥香兩者兼備。叉燒軟嫩，但肉味偏淡。

呢間鯛白湯拉麵慕名已久，今期終於有時間過中環，一上大家都讚不絕口的鯛白湯拉麵，好彩今次唔使大排長龍，可以兩位直入😍🐟鯛白湯 ($138)乳白色湯底攪拌起泡，魚香香味撲鼻而來，魚湯飲落順滑有層次，配合拉麵彈牙質地。但如果覺得湯底較膩，可以加柚子蓉，食會更加清新🌿😋🐟鯛沾麵($148)沾麵並不是用拉麵底，而是用刀削麵，湯底魚味重和厚身，可以將每一滴湯底都依附每一條麵條上😍😍可惜是配菜份量比較少，只得竹筍加肉碎，呢度有少少減分😭

嘢食就好高壇數，魚湯有不同層次，唔係啲商場九流拉麵係唔係都成舊水起個啲低層次嘢。係出面隔一條街已聞到魚湯味好好聞又正。炸雞是日本水準，廿年次係旺角食過一次就後食唔返，估唔到呢度食得返，性價比好高。個薑飯就咁食都好好味，想一再回味 。可惜嘅係，待應服務完全唔係個個壇數，一食完就收人啲餐具，大家樂大快活啲呀姐都唔會啦，知道收錯仲諗住求其比返對筷子就算，街坊酒樓待應水準，同埋間舖咁細，請咁多待應做乜，抄咁1-2個請返啲高水準既好過啦。見啲客食完有禮貌拉返埋張凳，個肥大待應定經理仲走去用腳踢埋啲凳兼製造聲響，好似嫌個客慢吞吞阻住翻單咁，真下very no good. 待應服務個grade只係譚仔呀姐水準，同啲嘢食有咁高壇數真係好唔配合。負責淥麵既同胞師傅還會出力表演日本人服務水準。知客就可以慳返，啲嘢咁有水準，唔使呢啲閒人，真係有麝自然香都唔使sell/拉客呢。啲客自然識排隊啦⋯

男朋友推介有間拉麵店郁幾出名，又咁岩係中環，就去試下。我地星期六大約3點幾果時去到，要排一陣，大約15分鐘就入到去食👍🏻好彩唔算排好耐🤭我地叫左一個白湯，一個清湯。雖然叫清湯但其實個鯛魚湯味都好濃厚，白湯就當然更加濃。但我覺得清湯已經好夠味😂 上面仲有兩塊魚皮，比較厚身，所以浸一陣魚湯再食會好d, 但我好中意🥰佢同平時食開嘅炸魚皮口感有點唔同，推介要試下👍🏻👍🏻👍🏻在場係日本師傅煮，好專業，會一樣野都好講究，就連個面放左落碗都要擺靚仔先攞上台。我地坐bar 枱位置睇到哂師傅準備，respect❤️

據說 ○de▽ 鯛白湯らーめん要大排長龍，所以今次就早少少去食，竟然唔洗排隊🙆🏻‍♀️餐廳有鯛白湯、鯛清湯及沾麵三款選擇🤤平時食開豚骨拉麵的我🍜，今次當然要試試最著名的鯛白湯！見住一碗碗拉麵煮出嚟，未食都好肚餓啦🤣終於等到我碗鯛白湯，牛奶般的顏色🥛一入口就有濃郁魚香鮮味，碗入面附着柚子醬，如果覺得個湯太濃可以按個人喜好加入湯底🍜，配上拉麵剛剛好，個人覺得不會太濃，所以吃完拉麵就飲哂個鯛魚湯了🤤🏰 ○de▽ 鯛白湯らーめん 📍中環鴨巴甸街13號地舖

夜晚8點幾去食，排大概15分鐘隊就入得，可惜沾面同白湯賣晒，叫左清湯，湯底湯但依然好濃魚味，拉面掛湯，每淡都食到魚湯鮮味，但面身個人覺得淋左少少。魚皮好脆但有點油。另外加左隻糖心蛋同炸雞，糖心蛋煙燻味恰到好處，好香，稍嫌唔夠流心，但個煙燻味好好食。炸雞唔油好juicy, 而且即叫即炸，非常好食，推薦👍🏻👍🏻

颱風過後 突然想食拉麵發現中環呢間主打鯛白湯嘅排隊名店竟然唔使排隊即刻就決定要一試！ 鯛白湯🍜湯底味道濃郁 食到鯛魚嘅鮮甜同貝類嘅鮮味怕大家食到膩 仲加入咗柚子皮落湯底同柚子蘿蔔醬係碗邊拉麵幼身 煙韌 係我最鍾意嘅質感！ 鯛清湯🐟湯底用烤過嘅鯛魚煮成加入牡蠣油 食得出牡蠣嘅清甜但又唔會過猶不及 而且亦唔會腥我哋兩個一致地都係鍾意鯛清湯多過鯛白湯飲落冇負擔 味道直頭好似平時屋企煲啲魚湯咁清甜 推介😍 日式炸雞好食！ 新鮮炸嘅炸雞係冇得輸！外皮超脆 雞肉仲保留到肉汁三塊大大嘅炸雞 份量好足點埋咖哩黃薑粉一齊食 又幾特別✨ 今次未有機會試到佢哋嘅沾麵但當日所見都有唔少人嗌沾麵用嘅麵條同拉麵唔同 出菜時又相當有架勢 下次一定要試埋☺️