○de▽ 鯛白湯らーめん

营业中

休息中

呢間人氣拉麵店成日都要排隊，而且佢座位亦都唔多，所以lunch time 早d去食，12:00去到未洗排隊☺️係門口揀好食咩先入座。叫左鯛白湯拉麵試，個湯底非常清甜🤤差唔多成碗湯飲哂。碗麵有d魚碎，幾特別。平時唔鐘意食筍既我都覺得塊筍好好食，非常爽口！個碗邊仲有柚子醬，配埋黎食幾清新🤣麵係比較幼個種，我喜愛👍👍👍另外仲叫左個炸雞，新鮮炸起熱辣辣，側邊仲有咖喱粉可以配埋嚟食。員工服務態度都好好，整體黎講呢間拉麵店幾出色，唔怪之得成日排長龍😊

想試好耐呢間拉麵🤩呢間以鯛魚拉麵定位嘅專門店淨係提供3款拉麵，採用咗天然新鮮嘅日本真鯛魚而熬成湯底☺️鍾意魚湯嘅你哋一定要試🐟🤤1️⃣ 鯛白湯拉麵 $138湯底用咗真鯛同埋唔同貝類熬煮超過8個鐘好鮮甜！🐟🐟師傅上菜前仲會用高速攪拌器攪到湯底起泡，真係creamy㗎！同普通嘅鯛清湯唔同，呢個鯛白湯底係奶白色嘅～食到中段如果覺得太濃，仲可以溝埋碗邊嘅柚子醬，中和返個湯底，食落冇咁膩，而且更加有層次感同埋一個湯底食到2個味😆🫶🏻2️⃣ 鯛沾麵 $148更濃厚嘅鯛白湯，熬製鯛魚同豚骨雞白湯，配上咗原創波浪麵條，唔係用湯個種條拉麵，口感彈牙，掛湯力更強💖

之前喺Basehall分店得返鯛清湯拉麵，今次就去返本店試埋鯛白湯拉麵～～▪️鯛白湯拉麵🐟🍜湯底creamy，而且充滿住鯛魚肉碎，魚味濃郁。碗邊有柚子蓉可以自己加落湯度，味道幾清新，又可以解膩，仲增加咗層次感。不過，鯛白湯就冇炸鯛魚皮，得一塊叉燒同少少鯛魚肉，感覺配料比較單調▪️鯛清湯拉麵🐟🍜湯底好清澈好鮮甜，配埋牡蠣油，就更加提升咗鮮味。配料除咗叉燒同鯛魚肉，仲有兩塊炸鯛魚皮，炸到好香脆，又唔會油，係成碗麵嘅亮點，一定要襯熱食！下次要試埋鯛沾麵🙋🏻‍♀️○de▽ 鯛白湯らーめん📍中環鴨巴甸街13號地舖

每次有事要過海 都會食呢間鯛白湯拉麵🍜連之前去旅行兩個禮拜都心心念念🥹仲記得第一次食既時候有少少驚為天人既感覺🥲平時食開雞白湯鯛魚湯底個種濃厚真係好難忘個日好多人排隊 天氣亦非常熱但店員好好 每個排隊既人都派左杯凍水💙排隊既時候會比餐牌你揀好左 比埋錢先入去坐上次食左沾麵 味道都非常不錯今次就一於試下佢既鯛白湯拉麵啦飲第一啖湯既時候有種感動既感覺🥹好濃厚、好香、唔會太杰身🥹拉麵係普通幼身既 無乜特別佢塊豬肉簿得黎又好淋 連埋啲湯底一齊食好夾💘另外佢既蔥（？）細細條咁 我自己幾鍾意

之前經過幾次，呢間拉麵店出面都有一條龍，到底係咪咁好食？有🐷隊友知道🐷鍾意食蠔，試完話俾🐷知鯛清湯好食，所以今日就試下🤔 店舖由日本廚師主理🇯🇵星期五夜晚黎食，前面大約有7枱🥵排到差唔多嘅時候，店員會問我地食咩，之後收埋錢，縮短客人入到餐廳等上餐嘅時間👍🏻湯底即叫即整，客人坐低果陣，拉麵已經差唔多整好🤩 🐟🦪鯛清湯 $138牡蠣油味道香濃🦪魚湯鮮甜，加左牡蠣油落湯之後主要得返魚味，牡蠣味略嫌不足。拉麵加左魚粒🐟、洋蔥🧅、筍，加強整體鮮香味，拉麵硬度適中。 🐟🍊鯛白湯 $138湯底比鯛清湯香濃，碗上有柚子蓉🍊加落湯度令湯底更鮮甜，味道清新。筍嘅形狀都切成標誌圖形○▽，又幾有心思。 🍗日式炸雞 $48外脆內軟，肉質鮮嫩juicy，加埋咖啡粉會更惹味，唔算太辣🌶 🥚櫻木煙燻糖芯蛋 $15比出面嘅糖芯蛋多左一陣煙燻味，幾好食👍🏻 總括黎講，係幾好食，比其他拉麵少油，所以食完都唔會有滯嘅感覺，但又未好食到條隊排到咁長🤔推薦俾鍾意魚湯嘅朋友，冇咁鍾意魚湯嘅可能會覺得有啲腥。座位較少，大部分都係吧枱，4人枱仲要得一張，所以坐得冇咁舒服🤔

呢間位於斜路嘅小店平時都相當多人排隊嗰晚見到有位就衝入去沾麵就賣晒冇機會試叫咗個清湯同埋白湯清湯嗰個真係相當唔錯本身個味已經好好加埋啲蠔汁真係可以提鮮味出嚟喎白湯嗰個本人覺得都唔差不過同清湯比就輸咗

呢一間鯛魚湯拉麵的專門店，主打三款招牌拉麵，包括鯛魚白湯拉麵、鯛魚清湯拉麵及鯛魚沾麵，進店前先在門外落單和付款。鯛白湯拉麵 $138奶白色的湯底是以真鯛魚及各種貝類熬製8小時而成，再把湯底攪拌至起泡，味道濃郁鮮甜，質感十分順滑，湯底更有鯛魚碎粒，每一口都品嚐到鮮甜鯛魚香。我們先嚐原味，之後可按個人口味加入碗邊的柚子醬，加左柚子醬之後嘅味道更帶出清甜，仲可以解膩。鯛青湯拉麵 $138湯底以慢火焗過的真鯛魚骨熬成，配上牡蠣油激發香氣及味道，味道同樣鮮甜，果兩塊炸魚皮非常好吃，蘸牡蠣油伴食更添滋味；而拉麵麵質彈牙有嚼勁，而且掛湯能力強，軟硬適中！日式炸雞 $48炸雞炸得剛好，肉質保持嫰滑，仲好juicy。

之前去大阪無食到 見到中環呢間難得唔係好多人排隊 就去朝下聖😆呢間鯛魚拉麵專門店 標榜採用新鮮既日本真鯛魚🐟 拉麵款式唔多 只有三款 分別係：鯛清湯、鯛白湯、鯛沾麵🥢 🍴鯛清湯拉麵 ($138)鯛清湯由慢火烤製既真鯛魚骨熬成 湯底清澈鮮甜 毫無腥味👍🏻拉麵配有一塊叉燒同埋鯛魚肉碎叉燒薄薄一片 肉質嫩滑 微微燒過既鯛魚肉碎亦都幾香 可惜份量略嫌有點少 女仔都未必夠飽😂旬既造型係店名嘅圓形同三角形 辨識度高📸炸鯛魚皮好香脆 皮下仲有留有少少膠質如果想增加鯛清湯既鮮味 可以嘗試加入牡蠣油🦪🍴鯛白湯拉麵 ($138)鯛白湯採用天然真鯛加上數種貝類 熬製8小時以上而成 當日被安排坐喺吧枱位置 見到師傅會喺上菜前用高速攪拌令湯底起泡😳 湯底的確幾順滑 而且同鯛清湯唔同 鯛白湯湯底呈奶白色 十分creamy濃稠😌不過可能因為湯底太濃 我飲哂d湯之後都幾口渴😂如果覺得太濃 可以加入碗邊既柚子醬 中和濃度 我覺得加左柚子醬之後 湯底的確無咁膩同埋更有層次感😌

舖頭外面有格售賣機店員會要求你先落單俾錢，然後先入去我叫咗香濃嗰隻鯛魚湯拉麵再加一隻糖心蛋係鄧麵嘅時間，飲咗啖餐廳提供嘅水非常之冰凍加分👍🏻碗麵非常之吸睛😋飲啖個湯～非常之香濃又夠滑又夠熱👍🏻👍🏻👍🏻拉麵🍜好煙靭，不過最令我驚喜嘅係嗰隻糖心蛋以為係普通流心蛋？原來係煙熏味。真係好香又入味👍🏻👍🏻👍🏻超級滿足😋可惜店內冇廁所，同埋服務員唔係好理你亦都唔會主動加水

去過大阪就對鯛魚料理念念不忘，呢間嚟自大阪嘅鯛魚湯拉麵每次經過都見到大排長龍，今日終於忍唔住去試咗。我係lunch time去食，都排咗九個字先入到去。店入面唔係好大，有吧枱位同埋幾張二人枱，但係木系嘅日式裝修比到人舒適嘅感覺😌🌖 鯛清湯拉麵佢成個Menu剩係得三款面，今次試咗清湯，佢個湯底係將鯛魚用慢火熬製，慢慢提煉出釣魚嘅清甜鮮味，仲配左一碟仔牡蠣油嚟誘發成個湯嘅香味，想講呢碟牡蠣油真係好好食，如果佢可以買一樽返屋企，我一定日日攞嚟撈飯🤤碗麵有兩大塊炸到脆卜卜嘅鯛魚皮、魚肉同日式叉燒，整體味道好鮮好好食，下次嚟再試埋另外兩款👍🏻📍 ○de▽ 鯛白湯らーめん中環鴨巴甸街13號地舖🧧人均消費$140

這次來試一試這聞名已久的鯛白湯拉麵店。在平日開門前半小時排隊，第一輪已可入座。吃湯麵必先呷一啖湯，湯底魚味濃郁，不帶魚腥味。炸鯛魚皮是全碗麵的亮點，它保留了魚皮下充滿膠質的組織，所以較平常粉麵舖的魚皮厚，入口香脆之餘，還能享受到微微的煙韌感。叉燒和筍正常。可惜拉麵的麵質偏軟，在熱湯浸泡下，吃到最後，麵就更軟了，若能縮短些煮麵的時間會更好。糖心蛋要另加$15，味道不錯。整體來說是一碗好吃的魚湯拉麵，但除了鯛魚皮外，無論是魚湯還是拉麵都是正常發揮，加上它的定價較高又要排隊的話，試一次就足夠了。

一間Bookmark已久的日本拉麵店，加上剛看到藝人佘詩曼也在她自己的Instagram 推薦這裡的拉麵，決定今晚冒雨一試。店舖比較特別是先付後品嚐，店員聲稱假如今天不是雨天，客人需要在進店前先付款才可入內進食，此乃仿效日本總店之規矩。有興趣到訪的朋友需留意店舖只收Visa, Master或八達通。Menu選擇不多，只有3款拉麵可選：鯛白湯、鲷清湯及沾麵。小食只有流心蛋，炸雞及鯛魚薑飯。結果我們點了一碗鯛白湯，一碗鯛清湯。鯛白湯湯底creamy, 加上柚子醬，口感清新，魚味濃郁。鯛清湯湯底則較清淡，配以醬，令層次再昇華。魚鮮湯入味，值得一試。

This is not my first time being in this restaurant, but I’ll definitely recommend this to everyone It was at around 630 when I got there on a Sunday, and the queue was not that long luckily. We only waited for 5 minutes. This time we ordered 清湯拉麵 and 沾麵The former one was nice, but I like the 白湯one I’ve tried before The 沾麵was very nice as well, 掛湯掛得好好 The environment of the resto was chill and nice. The chefs would discuss with customers about their shop’s history and ingredients of the soup. Ove

鯛魚貝殼湯底同溏心蛋都出色😋 平時麻麻哋鯛魚湯但係呢個只有鮮味😍 湯底我估同soba一樣有用攪拌機打 所以好綿😋 溏心蛋係煙燻溏心蛋 煙燻味好出 我仲覺得食到芝士味添🤣 但配料我我覺得佢既朋友soba雞白湯既炸牛蒡正好多 呢個只有好多洋蔥😗 柚子醬我覺得特別 濃濃既柚子皮味 但我未識欣賞呢個配搭~ 面係幼麵 我覺得麻麻😗 1zhuzhu. 如果個麵更有韌度就好了🤨 🕰平日夜晚去等咗around半個鐘 係喺門口俾錢先再入去食 職員都好Nice有同我哋介紹吓各款食品nice👍🏻

嚟到座銀集團第二彈！今次係食鯛魚湯，估唔到都一樣有驚喜(๑´ω`๑)🍽食物👍🏻鯛清湯 $138 8/10湯頭清甜好鮮，睇相都feel到個湯底好清澈，店家仲加入牡蠣油吊出鯛魚鮮味，完全冇腥味～ 至於佢係幼麵，麵質彈牙帶啲小麥香～ 湯底比較清爽冇咁膩，食完麵可以飲晒啲湯都冇咁口渴😝✨鯛白湯 $138 8.5/10鯛白湯比清湯就更加濃郁，因為師傅會打碎魚肉加入湯底，每飲一啖湯都會食到肉碎～ 除左鯛魚，仲加左唔同貝類，令湯頭嘅鮮味更加有層次同濃稠！碗邊仲有柚子蓉，食到有啲膩嘅時候可以根據喜好加入湯底，令湯底多一份柚子清香，更加多變化！對比咁出色嘅湯底，叉燒就好似隱左形咁🤣其實叉燒都好軟淋，肥瘦適中，不過就係薄薄地一片～⛩環境👍🏻鋪頭細細得十幾個位，不過每個位置尚算闊落，唔會太迫，坐吧枱位仲可以欣賞師傅炮製過程💁🏼‍♀️服務👍🏻店員服務態度好好，客人離開個時師傳仲會同客人say byebye📝總評 8.5/10好彩當日排隊人龍唔算太長，等左大約10分鐘就入得，其實清湯同白湯都各有千秋，可以根據自己嘅愛好，2款我都好中意🧡當日鯛魚薑飯已經賣晒，好想試吓係咪一樣咁出色😝👛人均消費 ~$138 (冇加一