Dazzling Cafe (皇室堡) (已結業)

今日同同事二人同行去試試位於銅鑼灣皇室堡嘅Dazzling Cafe。前菜/小食：松露薯條 ($48.-)松露味道幾濃，平均分佈於薯條上。薯條幼身，尚算香脆，不是太多鹽太咸。主菜：辣味雞肉義大利麵 ($89.-)辣味適中，橄欖油味道香濃，整體不太咸。義大利麵口感扎實，不會太「林」或太「硬」。甜品：提拉米蘇丹麥吐司 ($108.-)吐司用上丹麥麵包製成，有酥軟、正常或酥脆口感供選擇。我地揀咗正常。口感有丹麥麵包應有嘅香酥之外，再加上製成吐司後嘅香脆，一流！配上Haagen-Dazs 嘅Tiramisu 雪糕及香甜蛋黃醬，配搭得宜。可以自己選擇是否加上蜜糖。飲品：拿鐵咖啡-香濃 ($42.-)本身咖啡味香濃(另有香滑可供選擇)，奶泡打得厚身又幼滑，沒有加糖但配上一塊肉桂餅，一口餅乾一口咖啡，超讚。飲品：調味拿鐵-榛果 ($45.-)同樣的拿鐵咖啡加上榛子味，不會太甜亦不失濃香咖啡香味。

Dazzling Cafe 開左咁耐，都未試過，咁岩星期五準時收工，就去銅鑼灣的DAZZLING CAFE碰碰運氣，睇下洗唔洗排隊~ 18:30 餐廳都仲有好多位，唔洗排隊，不過19:00 之後要開始有人龍了。由於台灣的餐廳的關係，侍應係講普通話既，每個侍應講野都好溫柔，我地真係要學下囉~!每人最低消息係飲料乙杯 (就算你叫好多食物甜品，都要叫杯飲品)，用餐時限90mins。環境好闊落 (非常Spacious)，有好多梳化位，而且有d櫈係有兔仔耳，好可愛呢!!! 坐窗邊既更好，可以望到遼闊街景，環境絕對是舒服。熱葷唔多，主要係義大利麵，有小食跟pizza。  佛羅倫斯花枝干貝麵　（$98)個名超有氣派的~!我十分愛橄欖油煮意粉，所以就點這個。可惜依個意大利麵比較乾，橄欖油味唔夠，如果可以再多d欖油就易入口。干貝有兩大隻，仲有一Ｄ魷魚，味道淡淡的，好似缺少左調味。份量不算大，一個人食都係謹謹夠，整體一般。  檸檬青醬雞腿義大利麵 ($95)雞腿肉唔夠嫩，有d嚡，檸檬青醬唔係我杯茶，味道有Ｄ怪! 飲品係必需點的，飲得又睇得，其實都幾開心既~! 玫瑰拿鐡 ($48)玫瑰拿鐡好香，唔需要糖

Blueberry Danish Honey Toast | 藍色莓樂蒂丹麥吐司以前分別在台灣和TST吃過吐司盒和窩夫 味道非常一般 也沒有要再來的想法 但朋友說很想試 也就來了 對這丹麥吐司沒什麼期望 但一上枱就不同了想法 微熱的丹麥吐司的牛油香濃得很 外層酥脆 內裏鬆軟層層分明 配上雪糕有冷熱交替的效果Spaghetti with Black Truffle Cream Sauce | 黑松露意大利麵一上枱已經聞到非常濃郁的松露香氣 吃下醬汁果然是很濃很好食 松露份量多 意大利麵都煮得al dente 但份量略小 性價比低Scallop and Cuttlefish with Herb Olive Oil | 佛羅倫斯花枝干貝麵. 這款較普通 整體較乾 帶子算大而且煎得剛剛好 份量都是少 不建議點 還是點黑松露那款吧!

家姐一直都話要試呢間台式餐廳，由尖沙咀開張起都未試，只係知道經常大排長龍，聽講銅鑼灣冇咁多人，盡管陪下家姐去食！明太子意粉好creamy，明太子好香，意粉質地偏硬，不過都幾好食！難怪是必點菜式！家姐係窩夫控，所以點咗一個朱古力藍莓窩夫，我地加咗麻糬，窩夫略嫌唔夠外脆，加了麻糬很Q很煙un，我地對cream都有d抗拒，如果有冇cream版就好！另外，提醒大家，這類型台式cafe都是規定每人要叫一杯飲品！

在尖沙咀的那家 Dazzling Cafe 現在在銅鑼灣開了分店喔完全不知道吃什麼才好的情況下，反正很久沒吃過就決定吃這家好了！！這店讓人的感覺有點像溫室~但也是走簡約風格，店內放了不少植物作為裝飾而且選用的是白色與大地色為主 (･∀･)等了大約11分鐘 >___< 細看下發現那張候位單的日期出錯了呢...明明是19號沒想到2人卻被安排在四人座位...但可惜椅子都是沒有兔耳這裡的食物選擇比尖沙咀多一點～聽說好像有些是銅鑼灣店限定的喔我家那位點的是 Garden 特調冰茶 ($45)我的那杯則是 白巧克力抹茶拿鐵 ($50/熱) 跟平時一樣配一塊餅乾微苦之中帶點甜味~白巧克力味道較重，有淡淡的抹茶味道松露薯條 ($48)松露味很香~不過吃下去就略遜了 (ﾟﾛ ﾟﾉ)ﾉ 始終還是配松露醬會惹味點不過勝在薯條夠香脆～中間還吃到少少的薯蓉黃金烏魚子蒜香義大利麵 ($108)義大利麵的份量滿多～烏魚子磨成碎與蒜混合在一起。蒜香味可能太過濃厚！所以完全沒有吃到烏魚子的腥味~不過蒜味有點重就是了巧達起司丹麥吐司 ($88)是一款鹹甜混合在一起的吐司～跟平時吃開的稍微不一樣丹麥吐司的外

上星期同fd去左呢間cafe，發現環境同食物都好正，值得一試！首先因為係台灣人開既cafe,無論係門口接待到入面既所有waiters 都係講普通話，好有去左台灣cafe feel!入到去發現地方闊絡，一啲都冇香港餐廳既擠迫感，而且某啲椅子仲有兔仔耳朵，好適合鍾意可愛風既女仔去影下相！下面介紹一下重點食物喇 呢杯熱朱古力味道香濃，仲拉埋個超卡娃兒既熊公仔配埋塊餅乾，等main course之前可以暖暖胃先，好有心思，抵讚我點左呢杯紅桑子蘋果茶，好好飲丫！係之前未試過既味道，酸酸甜甜咁，鍾意清新又有少少甜既水果味既話一定要試下！上面呢款係芝士薄餅， 芝士味濃郁，好岩鍾意食芝士既我！配埋旁邊既吞拿魚醬一流丫！鍾意冇咁濃既就可以點另外既番茄醬，酸酸甜甜好開胃！ 呢個係辣雞意粉，開頭驚啲雞肉好老，但入口後發現啲雞肉好嫩滑，唔算好辣，配埋啲汁真係好好味！而且雞既份量都唔少！正最後到重點甜品我地點左朱古力窩夫，裡面我地額外加左麻薯，好特別好好味，配埋個朱古力雪糕又凍又熱咁口感一流！值得一試既甜品整體黎講無論環境服務到食物味道都唔錯，值得推薦既餐廳！

今曰朋友帶我去左銅鑼灣既Dazzling cafe high tea, 未入座朋友已不停講依度的鬆餅點好食，令我好心急想試等左十幾分鐘已有位，cafe環境舒服，椅背有一對好得意既長長兔耳朵，牆上面有好多吸引甜品相，一睇餐牌大部分都係飲品其次係甜品而主菜唔算好多，經朋友極力推介下點了（她講必食的草苺繽紛冰淇淋鬆餅）、檸檬青醬雞腿麵及仲夏熱帶水果茶，等左十幾分鐘左右，水果茶及麵陸續到，茶壺放低未飲已經聞到好香果甜味而且果肉足料，飲落去茶味仲濃而且好清甜無酸味，不得不讚個青醬雞腿麵，雞皮脆肉嫩滑，個汁杰杰地索晒入每條麵，酸酸甜甜好開胃，麵又唔會好腍有咬口，夾埋的果仁片脆食一流，侍應來鬆餅既時間亦啱啱好，落單果時鬆餅可揀正常或者酥脆，我揀左酥脆同加$15升級麻糬，鬆餅都幾大塊，有雪糕同3款醬伴碟，有草莓、練奶同蜜糖，鬆餅外層勁脆但裏面非常QQ彈牙，加埋士多啤梨雪糕草莓醬同cream一齊食無得頂，外冷內熱勁好食，加練奶食本人覺得麻麻地，加蜜糖食都好食好香甜，而且蜜糖唔算太甜。

其實Dazzling Cafe在尖沙咀已經開了一段時間，但都沒有機會試過，最近得悉它在銅像開了分店，作為港島一分子的Si當然要試試啦！Cafe下午2:30開店，但Si在2:45到達，等了一個小時才可入座呢店內沒有最低收費，但限定一人要點一杯飲品Si點了熱的秋煥葡萄果香茶，有葡萄和蘋果在杯內，茶帶少許甜味，很有果香，不錯的。另一杯是金莎榛果可可冰，有榛子味而且感覺奶味頗重的，但金莎味就比想像中淡了些然後就到經典巧克力鬆餅啦！其實就是窩夫啦Si選了酥脆口感，窩夫的口感不軟不硬，而且外軟內脆，霜上楓糖漿及巧克力雪糕，很好吃呢！！另一樣是抹茶蜜紅豆蜜糖吐司，選擇的是酥軟口感，抹茶味是滿濃的，不過就甜了點，而且忌廉也真的很多，忌廉下面是抹茶雪糕，然後下面就是切開了一粒粒的吐司。雖然Si很喜歡抹茶味，但都是覺得經典巧克力鬆餅好吃點。最後上的反而是咸點，是墨西哥辣椒豬肉薄餅。其實已經催促過幾次，店員都說正在烘培。薄餅十分新鮮熱辣，餅皮香脆，餡料帶有微辣，不過的時候辣油會滴出來。兩個人吃份量頗多，味道是不錯的。食物和環境都不錯，但如果食物次序可先上咸點才到甜點就更好啦，有機會都會再試

台灣過江龍 Dazzling Cafe 於皇室堡剛剛開了分店，今天與生意夥伴來睇鋪，於是便和他在這靚裝cafe和他大談生意經。一室灰白精緻裝修，配以搞鬼的兔仔耳椅子設計，開揚舒適，不會太girly!靠窗位置景色不錯，有大量疏化座位，非常寛濶舒服。兔仔耳為Dazzling Cafe添上一絲絲甜蜜可愛的感覺。點了一客招牌蜜糖吐司，份量看似十分大，有成磚多士及一個大雪糕球。這多士的賣相不錯，售$68，價錢合理。這多士其實只吃中間那四件，店家準備了一個小拑讓食客取出多士。多士焗得不算脆，放涼了就更腍。那些在麵包上的吉士超甜的，亦令麵包更濕。用vanilla雪糕伴多士都可算是不錯的配搭，比用蜜糖更好吃。我的生果茶，第一啖味道不算太天然，但飲落都ok，不會太甜。西班牙朋友說這single espresso不錯，很驚喜能在香港喝到他喜歡的咖啡名牌。服務方面，每位服務生都是台灣人，大部分都聽不懂廣東話。更奇怪的是，這𥚃的menu都是以自選方式給客人在心儀的菜式前加上剔號，以為將menu交給服務生便能下單? 錯了....他們仍堅持要聽客人親自點餐，而且menu亦不會收走....Dazzling Cafe

好耐之前就已然想試食啦!今次終於唔使排隊去食左。同朋友兩個人食左巧克力鬆餅，烏魚子蒜香意粉，再試左大馬士革玫瑰茶(因為餐牌介紹寫住係頂級玫瑰花之香，所以心動想試)巧克力鬆餅，仲未開始食已經好開心，因為個餅好似一朵朵花，好靚。鬆餅一咬入口，感覺個餅黏韌香脆，再加朱古力雪糕，多左一層味道，如果鐘意食朱古力可以一試。烏魚子蒜香意粉本身鐘意食烏魚子同蒜就可以試下，因為尼個意粉係喊味，幾有新鮮感，但蒜味濃，食完難免有蒜香留係口入面。意粉同平時食既有少少唔同，鐘意食尼種意粉，煮得乾身，爽口。下次可以再試下其他款色。大馬士革玫瑰茶玫瑰味不錯，配有奶及糖粒，喜歡飲奶茶就可以自製一杯，甜味可自控，調出岩自己既甜味。飲完一壺後，可以要求加水，再浸茶包，慢慢飲慢慢嘆。

睇返openrice history, 原來小妹已寫咗1年食評，對先前20間餐廳發表感想。大概每次出發前都會先睇吓他人comment, so far 都未有揀錯食肆俾劣評，今次都唔例外早就聽聞Dazzling cafe大名，躍躍欲試，點知由台灣到對面海，越開越近，而家終於連港島都有，仲要冇尖咀排咁耐隊，當然要相約友人一試啦！開揚嘅設計，備有影相專用嘅兔仔耳椅背，再加埋女僕裝侍應生嬌嗲地招待，相信男、女生都會樂於光臨。此行我哋order d冷門嘢。首先係dazzling拼盤: 雞翼，炸魚薯條同洋蔥圈係就係熱氣啲，但真係香脆惹味，尤其蘸埋伴碟嘅檻欖油香草番茄碎/沙律醬，美味非常睇食評好多人都讚明太子意粉，奈何冇肉落肚真係驚唔夠飽，所以我哋嗌咗較少人點嘅檸檬青醬雞腿麵~ 外型青bb, 唔講仲以為係菠菜意粉，其實係青檸味醬汁。。食落感覺清新，微微酸唔過份，仲令人更開胃添。至於雞脾肉真係好大份，香嫩唔嚡口，兩個人share絕對足以果腹。嚟得dazzling真係要留肚食甜品。。我都知港島店有新品出，但對於第一次光臨嘅我哋嚟講，食招牌菜才是皇道呢個"就愛草莓多士"唔駛多講，真係賣相吸引亦味道甜美，真

係dazzling cafe fb公布左銅鑼灣既分店試業，所以左去試試，來自台灣的dazzling cafe前年登陸香港時，掛隊食既人龍多到要等半日，極其誇張。果時唔係朋友同我排埋隊，真係睬佢都有味！但試左之後又幾好味喎！所以見佢開分店就翻啅下先！去到皇室堡對面，已經見到大大個dazzling cafe 廣告牌，上到去舖頭都幾驚訝，大把位，無人排隊 即刻可以入座，店員安排我們坐係個望維園景既落地玻璃果面，唔知係咪無乜人知試業呢！得幾檯客，而且銅鑼灣呢間同尖沙咀個格調好大對比，尖咀果間好閃令令，銅鑼灣呢間相反色調較沉，很有情調！ 經店員介紹下原來有D餐點同尖沙咀都唔一樣，所以點左店員介紹既新餐點試試。1.主廚濃湯-露筍忌廉湯2.墨西哥辣椒豬肉薄餅3.蕃茄明蝦意大利麵4.提拉米蘇丹麥吐司5.金莎榛果可可唔知係咪人小關係，得幾檯客，D 野都好快到-金莎榛果可可唔記得影相....只能說店員叫我唔好攪勻先飲一口再攪勻飲，未攪勻飲個一口，嘩！同金莎一樣味架，好正！攪勻後味道就無咁似，因為底層既榛子醬同D 奶泡攪勻後淡左，有D美中不足。主廚濃湯-露筍忌廉湯呢個係我朋點，偷飲左幾啖，好cream