Dazzling Cafe (皇室堡) (已結業)

原來銅鑼灣都有分店，裝修有點華麗公主feel的dazzling cafe，waitress都是台灣妹妹，在場有不少男士想試試其他飲品，又忍不住再叫了上次嗰杯果茶，太好味了不過是一個茶包加幾粒葡萄，喜歡就是喜歡！注意，你要用普通話叫餐！在下呢杯叫加勒比海xxxxxxxxxxxxxxxx沒有叫招牌甜品，反而試了小吃炸薯條，非常脆，有新鮮薯仔味！

今日早上係銅鑼灣有野做，做完野辛苦完之後最好就係食返一個豐富既下午茶，想食個吐司，去邊度食好？之前係尖沙咀幾出名下既Dazzling cafe，係銅鑼灣既分店都開左一段時間。之前都試過一次呢間，就係比佢既吐司吸引左，忍唔住要食多次，好好慰勞下自己。講返黎食野之前，等位既情況先，一如以往，呢度食好野要等位是常識吧！就算係比較少人食野既4點零時段，呢度都係要等位，為左食好野，等下又有乜所謂，門口有禮貌既台灣店員，係門口派飛仔既我地，見到前面約有6個客人左右，等左三四個字，都唔算耐既。入到去環境舒適，幾Grand既裝修設計，一班侍應著住女僕服裝，都幾特別既感覺，主要係佢地服務態度，的確係好好。講到食物，我地叫左一個就愛草莓蜜糖吐司($98)都有啲貴，但係味道就攞滿分！點解叫就愛草莓？我相信士多啤梨控都會鍾意食，原因在於佢用左好幾樣士多啤梨既食材去處理，包括士多啤梨粒、果JAM同埋一啲果茸，都係同士多啤梨有關的。外觀上都好吸引，我諗好多女仔都會鍾意，其實第一次食既朋友都唔使太擔心，因為侍應會好樂意為你去講解點樣去切同食，佢會先幫你落刀，大致切開幾份，係吐司既裏頭，係一細塊一細塊已經切好既小吐司

今日去到銅鑼灣，啱啱就比我見到呢間台灣來嘅餐廳，想試好耐，上次去台灣冇機會去，入去睇吓係食啲乜嘢先!門口望入去裝修好靚，建議坐入面近窗嘅位置，劃分咗一個區域，模擬喺後花園咁，有啲雀籠同埋樹，有啲凳背有白兔耳仔豎起，營造夢幻花園嘅氣氛。全餐廳職員都係用國語（扮臺灣嘛）。入門口前職員說明每人必須點一杯飲品（食物除外）。晚飯時間沒有坐滿，枱同枱之間亦唔係密質質，環境舒適。

前兩年台灣嘅cafe攻冚香港，無論係咖啡弄，茶木定係Dazzling Cafe都一定要排成個鐘先有得食。不過雖然最近熱潮減退，但我同友人嘅少女心卻常在，所以是夜就揀咗黎走少女風嘅Dazzling Cafe晚餐。銅羅灣嘅Dazzling Cafe係皇室堡，人流冇the one咁多，呢日排左大約10分鐘就有得入去。而走少女風嘅Dazzling Cafe裝橫簡約，以雲石為主，再配上粉嫩色係嘅餐牌，簡直係為女生影相打卡而設。溫馨提示，呢度規定每人只少要點一杯飲品！ 我和友人分別點了秋煥葡萄果香茶 (左) 同埋樂活蜜桃冰茶 (右)。熱飲秋煥葡萄果香茶有聞落有清甜嘅葡萄果味，但飲落又卻係淡淡的酸甜果荼味，泡耐咗都唔會太濃烈。至於樂活蜜桃冰茶雖然都有水蜜桃嘅果香味，但味道就偏甜了。小食： 水牛城辣雞翅呢款去骨嘅水牛城辣雞翼完全體現咗台灣人嘅細心，令女仔食雞翼都唔怕有失斯文。 至於味道方面雞翼酸酸甜甜辣辣，味道好有層次同埋會令人愈食愈開胃；另外配上的藍芝士羊奶味偏重，唔鍾意“so”嘅人未必鍾意。主菜：檸檬青醬雞腿麵之前係台灣嘅Dazzling Cafe都食過，味道一流！至於香港版呢，青醬有微酸嘅檸檬味

之前上網見到人地post野食相，見d相幾靚以黎試試，點知...中伏！可能唔係假期，唔洗等位就有位，入到去璟境幾好，點左個明太子意粉，併盤，黑色幽默吐司，明明唔係好多人，但都等左好耐，差唔多四五個字，併盤，洋蔥圈同薯份量好少，用來盛載的牛油紙上闊下窄，感覺被騙了，而且是冷的，好似擺左好耐咁，魚柳炸到好黑，唔敢食，明太子意粉太乾，味道很淡，失敗，最後食吐司，外觀ok，但一切，又係凍，不如賣壽司啦，凍之餘，又係燶的，個幾粒紅莓又酸又難食，好重藥水味，成碟野得個雪糕食得，仲要話限坐90分鐘，我60分鐘就走左，以後都唔會再黎

Service was horrible from the start. Took the waitresses a long time to notice us and then they insisted that we order a drink with our food as they explained that this was the restaurant's policy. We didn't believe that a restaurant would insiste we order a drink or nothing!!!!!!! So, we walked out and left the pretentious aire behind. The strange bunny ears on the chairs should have warned me to not enter. we found solace in a nearby ramen restaurant across the way.

依家餐廳又係食過好幾次，我覺得係值得推薦嘅餐廳第一要推介嘅係佢嘅黑松露意粉，我係一食就愛上，成日好想返去食。而佢嗰個甜品我就通常嗌朱古力窩夫加麻薯，我覺得嘢飲方面 冰茶個類都好飲 反而凍朱古力，榛子朱古力太甜飲完好撐胃

今天這個時間難得不用排隊，就試一下Dazzling Cafe。自己先點了一個Latte及Waffle。環境跟尖沙嘴的分店一樣。服務都很有台灣的感覺，都是講好有台灣感覺的普通話。

整體 因為迫人點野飲令價錢偏貴(飲品偏甜)。夜晚7點45分左右去，完全唔洗排隊。一入去 服務員就千叮萬囑我地要一人點一杯野飲同埋90min就要交枱。打開餐牌 每杯都要差不多50蚊。由於本人太夜飲咖啡/茶會瞓唔到 點左杯橙汁都要48蚊。好啦。結果食物等了又等 ，催第一次只係得到一句"還在弄"，催第二次 等足45min先嚟。果時其他人嗌既熱飲已經放涼晒都未有食物。最後服務員拿張新單過嚟解釋廚房d單亂左所以出菜有delay.唔好意思。跟手打左個9折俾我地。最後 hkd6xx 埋單。

記得剛剛在尖沙咀開呢間cafe時，好多人為左佢排隊排上多於一小時以上,包括自己，排左兩個半小時，諗番起都好傻，嗰次之後都冇再踏足Dazzling cafe, 知道佢地在皇室堡有一分店，而且食評話甚少人排隊喎，既然係咁，我同友人就決定去食啦！星期六12:30左右到達，即時入坐，有時間限制，好似係1.5小時。我們叫左檸檬青檸雞腿麵，熱拿鐡咖啡，香濃嗰隻，再要多個就愛䓍苺蜜糖吐司意粉酸酸地皆因青檸既味道，幾特別，有兩大舊雞腿，上面灑滿芝士，賣相好好。意粉青青綠綠，好Fresh, 而且煮得不淋，至於拿鐵好香，奶味重，泡沫幼滑，加上一塊小餅，中和latte的輕微苦味，不錯！主角吐司出場，捒草苺因為佢好似不會太膩，粉紅的又靚，草苺好香甜，吐司要左香脆，有雪糕的冷，吐司的暖，蜜糖帶有適當的甜，又脆脆地咁，好正環境又咁好，是個不錯的地方

今日跟好友到銅鑼灣揾食，發現<Dazzling Cafe>在皇室堡開了分店，店面很寬敞，格調居英式小鎮風，女僕打扮的接待員，用普通話禮貌地問我們幾位，喚醒我們熾熱的少女心入內光顧。餐廳環境寬闊，除了舒適的皮具沙發，兔子耳朵的坐椅超級可愛，夢幻感洋溢。露台部份的佈置像森林，放滿綠色植物和鳥籠掛飾，透過玻璃窗眺望維園景色，十分愜意，適合在這裡偷閒半天。看看餐牌，有A、B的午間套餐，分別為$95和$120。由於B餐的飲品精選較為吸引，我跟友人點選了<黃金烏魚子蒜香意大利麵>及<蕃茄明蝦意大利麵>。不得不提的是套餐加點98元以下甜品，可享有$20折扣優惠。我倆也大頭蝦看不到，否則也受不住甜鬆餅的魅惑。等了約15分鐘，充滿少女氣息的飲品終於上枱了。<仲夏熱帶水果茶>的賣相非常吸引，色彩鮮艷的水果放滿在高貴的玻璃杯子內，聞到陣陣水果清香。店員更貼心的幫忙倒出果茶，提醒我們小心別燙著。果茶入口鮮甜，果味濃郁，先是橙味的清新生津，其後草莓香甜怡人，吃了草莓後，發現有很多蘋果粒粒，美味迫人。連茶壺內的果茶，大概為3杯份量，真的喝過過癮!&#

來自台灣主打蜜糖吐司的Dazzling Café ，一直都是當地的排隊人氣店一開始登陸在香港尖沙咀The One時，不少香港人和旅客都前往朝聖呢！人龍至今仍然不斷最誇張的是一開業時，聽說要由中午12點開門前排隊攞籌，一派就派埋夜晚的籌號，要等一整天才可吃得到後來分店落戶在銅鑼灣皇室堡商場，雖然不知有沒有再引起另一波排隊熱潮但有晚經過銅鑼灣分店，我就見到沒有人在排隊難得見到無人排隊，好奇的我就打算試試看，試下係咪真係咁好食先😏店裡設計風格優雅，有不少盆栽和小樹作為擺設，椅子上還有兔耳朵呢，營造出小花園的感覺店內裝潢優美，難怪咁多食客會爭先恐後地來朝聖啦！🤔為營造台式咖啡店的氣氛，所有店員還特地穿上一身女僕服飾，並一律以普通話對答（好像有些店員真的是台灣人呢）不過我普通話不好，所以一直都是說廣東話的，但店員都會聽得懂，真是太好了！😂而且每張枱都有專門服務的店員，這種感覺更親切的服務我是挺受落的，說到底這類型的Cafe還是賣的就是氣氛呢！不過不知是不是開業有一段日子，所以店裏的餐牌都有很多污積，感覺不太衛生呢😟餐牌食物款式有小食、薄餅、義大利麵，當然少不了Dazzling Café主打的蜜糖

有朋友試過呢間所謂waffle 甜品店，以為好正啦，經常都想試吓。今日啱啱公眾假期，有朋友問去下午茶，想起這間剛在附近，碰一碰運氣。見到有一條人龍，心想：「真係咁多人嚟食？」等咗五分鐘左右便有位，心想發達了。但接待的 receptionist 原來是講國語的，仲要好似唔識廣東話咁，我又聽得唔清楚佢 up 乜。Anyway, 坐低先算。坐低即睇menu 叫嘢食，見到有個chocolate waffle 好似幾吸引喎，便即order啦。叫waiter 嚟，問佢可唔可以唔要 cream, 佢竟然話「不可能」「做不到」。我再重申，我唔要遮、都唔得？佢話幫我問吓，再來是reception 那位，又再重䨱頭先果D説話！Holy Shit!!! 如果有人對某些材料有敏感，唔要，都唔得？！好吧！唔得嘅，我自己撥埋一邊算吧！好了！上菜了，我叫的是chocolate waffle ，我認為應該是全個waffle batter 是朱古力的，怎知原來只是有chocolate dressing on top ! ! 喂！呢個唔可以叫 chocolate waffle 囉，氣得我一肚氣！不會再來再受騙⋯⋯😡😡😡😡

女人得閒有咩做？來來去去都係咁上下啦買，食，瞓..... 呢D基本條件星期六要Hea就是要食，挑選左DazzlingCafe一試兒來兩杯其貌不揚既飲品，對我來論簡直係摸不著頭腦既飲品外表。心諗既係可以拎走塊應該無擦過貼了防腐的果皮，跟著俾大杯D我嗎？我估。。。。。我應該不是唯一一人既想法吧而味道上係不錯既，始終係新解生果打成的，而且沒有再加獨多人工糖，所以算係健康飲品茄汁蝦意粉，睇個樣都覺得好味。的確地，味道真係幾好，不錯！意粉不太硬不太軟，蝦已挑走蝦腸，加上濃濃茄汁底及芝士粉，幾正！而類似格仔餅既甜點，有不少輕多啤梨伴住，Cream不太多，有3種味道既果醬選擇。但就覺得比起意粉失色左少少喇整體合格

之前已經試過尖沙咀分店，今次第一次黎銅鑼灣分店，環境比尖沙咀店更大更靚，最重要係可以唔駛等位就可享用到晚餐 坐低之後，叫了黑松露意大利麵及芒果探戈丹麥吐司(夏季限定)同朋友share食， 之後再各自叫了杯Dazzling Garden特調冰茶及香草抹茶歐蕾(要留意每位客人都要叫一杯野飲，就算叫了野食也不可以代替)~ 第一樣黎既食物係意大利麵，麵質偏硬有口感，黑松露醬亦有很多，好香~ 但問題係雖然之前食過都知唔大碟，唔知點解好似比之前細左ge，食左幾啖已經ko左個麵，心諗食完之後要去邊到搵野食~ 好彩之後個甜品上枱令到我個胃立即有滿滿既感覺，麵包烤得好脆，少少微溫，聞落去已有香噴噴既麵包味，配上帶有酸酸甜甜的芒果醬及芒果雪糕，令麵包香得黎又帶濃濃既芒果味，十分開胃又令人十分滿足~ 如果鍾意食甜d既話，配蜜糖更加一流~ 特調冰茶既味道有種似曾相識既感覺，但想了很久都唔知係咩野味道，味道唔太差，但又未去到覺得好好飲既地步~小編見識少，起初唔知歐蕾係咩野，上網查閱後先知係牛奶~ 由於怕夜晚訓唔著，所以唔叫咖啡要左依杯香草抹茶歐蕾~ 抹茶味都幾香濃，但牛奶味則唔算突出，質素算ok~ 入黎前已經知