Dazzling Cafe (The ONE) (已結業)

台灣過嚟既dazzling cafe 真係充滿粉紅少女心 今次係佢裝潢完我和朋友仔第一次去裝潢完 出面佢轉左好多矮枱 面內面就多左梳化位 有幾個打卡位 充滿粉紅少女心而加佢地落單都比較特別 無餐牌或iPad ,而佢地會比個QR code你 自己上網落單 ，所以店內既‘女僕’就無以前多 Dazzling cafe一定要每人叫一杯野飲1）水果茶 聞落去好香 但無咩水果味 所以佢叫自己香氛茶 但有奶有糖 重有粒棉花糖配埋 都幾多配搭2）芝士烏龍茶 不過不失 本身無我較甜度 我地都怕會好甜 但還可以野飲唔係特別好飲 但價錢唔平都45-56 一杯 重一定要你叫 明太子意粉 好好味因為明太子分量多 味道好 但粉既份量就唔多水牛城芝士雞翼 我覺得味偏濃同辣但個芝士汁幾特別 似係blue cheese 最後必食推薦窩夫 但一定要加$15 加麻糬 但食過兩只味 本人就覺得朱古力味比較好味

早前嚟呢間餐廳食過 嗰時已經覺得呢度勁可愛 係滿滿嘅少女風入嚟真係好似後生咗幾年於是今日又諗住再去試嘅時候 先發現原來裝梗修 摸門釘不過唔緊要 我一樣好想同大家分享上次食嘅感受不得不提 呢度嘅嘢飲同間餐廳一樣 賣相都係極好爆谷味嘅嘢飲 以為會好伏啦 點知嚟到嘅時候不單止眼前一亮 飲落去仲要係一種前所未有嘅口感同味道簡單啲講 佢係真係將完整嘅爆谷味變成液體 但效果又唔會好奇怪 大家有機會真係要試吓而佢一到嘅軟殻蟹比較油身 吾算脆 不過我覺得亦都係好好味嘅如果大家有機會 真係要試試

上網睇到呢度新裝修咗所以就突登黎打下卡順便晚飯。一黎到見到好多粉紅色已經心心眼，充滿少女味。除左環境靚之外，食物都一樣咗靚，部份店員係台灣人，好有禮貌，仲好用心咁教我地點樣用手機點餐。Order左幾樣野試試100%現榨柳橙草莓汁 $55 - 一飲都飲得出係鮮榨果汁，好清新嘅味道，上層係士多啤梨，下層係橙汁，加埋一齊都絕對冇違和感。佛羅倫斯花枝干貝麵 $98 - 帶子大大粒，彈牙有咬口。意粉好濃味，整體味道不錯。經典蜜糖吐司 $88 - 金黃色嘅吐司粒又脆又鬆軟，每粒都卜卜脆，加埋吉士醬同香滑嘅雲尼拿雪糕，甜度適中裝修後既食物水準依然保持不錯👍🏻值得一讚

跟女朋友們一起到dazzling cafe tea, 點了我們都愛吃的食物，再談天說地，好享受😊水果茶的味道 甜甜的 又不會太過膩，喜歡💓還有那碟我們都讚口不絕的明太子意粉😋😋😋意粉質地很彈牙，一粒粒的明太子跟白汁伴著意粉一齊吃真的配合得很！💖其他的食物質素都很好！已經想要再回來吃東西了😋

呢到嘅甜品賣相好吸睛 賣相滿分👀個「綿綿珍珠奶茶鬆餅🥞」($88) 老土d講句 真係外脆內軟 珍珠質素一般 但配埋奶茶雪糕 真係幾夾 好似變咗「食」珍奶 另外「榛果巧克力蜜糖吐司🍞」($98) 係🐰小編鍾意嘅台式甜品 因為小編鍾意食包 又鍾意食甜野 又鍾意食雪糕 所以呢個甜品真係啱哂我 爆哂carbs🙉🐽！忌廉唔會死甜 而係好滑丶好香牛奶味 朱古力味雪糕香濃 配埋香脆多士就岩岩好～約埋想扮貴婦嘅fd子一齊去啦！tag你個裝開b嘅朋友啦😏Bookmark🔖!注意⚠️：佢最新有個「仕女伯爵珍珠流心蜜糖吐司」🍞🤤($168)-The desserts are delicate and catchy👀. The bubble tea waffle with marshmallows ($88) is crispy outside while soft inside. The quality of the babos is fair, but it matches with the waffle and the milk tea icecream perfectly ! Another desse

仲記得係讀書時期，台灣呢種女僕CAFÉ文化開始流行，DAZZLING CAFÉ可以話紅極一時，直頭係始祖。當年去台灣，DAZZLING CAFÉ更係一個必到的CHECK POINT，因為食物好味，賣相又靚，餐廳環境又舒服。黎到2019年，呢種文化己經無咁流行，但DAZZLING CAFÉ仍然係咁多人！無他，因為Ｄ野真心唔錯。今次同朋友點左個草莓麻糬WAFFLE做下午茶，佢一上台，忍唔住就要打返張卡，因為個賣相實太夢幻太少女心！WAFFLE底可以揀加唔加麻糬，我就推薦必加麻糬，因為煙煙韌韌口感一流！WAFFLE有好明顯既切口比你自己分開八件，每件有一粒士多啤梨同足夠既CREAM，可以再點唔同既醬一齊食。士多啤梨醬、糖漿同鍊奶，其實三個醬都各有特色，但我最鐘意都係糖漿，SIMPLE IS THE BEST！另外，雪糕口味同樣係士多啤梨味，味道同HAAGENDAZ既士多啤梨味 一樣味，所以兩個宇，好味！由於佢最低消費係一人一飲飲品，一杯飲品平均都要40蚊左右，所以計計下其實就咁一個下午茶都要$100左右，唔平架！

有一段時間沒有踏足尖沙咀，便相約朋友到位於The One 的Dazzling Café。從未在這楝商廈用餐的我，先選這家試試!餐廳地方濶落，有歐陸式的裝潢，有落地玻璃的座位可看到彌敦道街景，餐廳內的裝潢和餐桌椅的用色和諧，桌椅也有不同的款式，感覺舒服雅致。入座時店員已說明用餐時間為一個半小時，用餐必須包括一杯飲品。黑松露意大利麵 ($118) 未吃經已聞到黑松露的陣陣香味，香味亦非常持久，醬汁味道濃郁，只略嫌稀了一點，兩種不同菇類厚切味道鮮甜，意粉韌度尚算適中  若份量多一點會更加好!檸檬薑Mojito ($45) 味道清新涼快大馬士革玫瑰茶 ($45)  茶壺份量有兩杯，有淡淡的清香玫瑰味，附帶一粒棉花糖京都宇治抺茶紅豆鬆餅配麻糬 ($100) 單是賣相已經十分吸引，抹茶味非常濃郁，紅豆及奶油的甜味與抹茶的帶苦味融合，鬆餅配麻糬的質感富嚼勁，在口裏咀嚼可辨別出麻糬與鬆餅混合後的軟硬度，非常有趣和好味用餐時間足一個半小時後店員會將完整單據奉上，提醒食客用饍時間完畢。沒想到時間過得這麼快，這裏確實是與三五知己聚餐的好地方，難怪深受食客及 KOL 的喜愛。

最初 Dazzling Cafe 係台灣引入香港，日日大排長龍，可惜而家太多競爭，已經冇以前咁多人去食啦不過佢哋幾樣嘅食品，始終冇其他食店可以代替習慣咗每次都會叫嘅 Rose latte 👍🏻👍🏻好彩係同朋友share嘢食，叫咗個軟殼蟹沙律都幾大碟㗎，而且啲菜都好新鮮，軟殼蟹係炸嘅mix 落咁新鮮嘅沙律菜度，一啲都唔油膩另外我哋仲叫咗個黑松露意粉，因為Share嘅緣故我地分左兩碟先記得要影相，太心急啦，黑松露意粉除咗有濃郁嘅黑松露味之外呢，仲有好多蘑菇 on top 當然咁鍾意食黑松露嘅我哋,梗係一定叫個黑松露薯條啦，除咗上面on top有黑松露之外, 仲另外有個黑松露沙律醬同茄汁俾你點添所以對我黎講，雖然話有其他嘅餐廳係付近越開越多，但係呢幾樣食品呢，我覺得冇其他餐廳可以代替嘅不過話雖如此，我始終覺得 Dazzling Cafe有一樣野要真正改善, 就係佢哋嘅service，因為有某d waiters/ waitress 既態度認真係麻麻地, 我估呢一樣野唔止係我呢一個食客留意到，希望呢方面佢地有待改善

同朋友黎食，叫左明太子意粉、柚子雞翼、軟殼蟹凱撒沙律同埋朱古力窩夫。意粉還可以，不過柚子雞翼同個沙律麻麻，沙律唔夠沙律醬，份量唔大。食正餐食左一個鐘後，侍應已經走埋黎話半鐘後要還枱。我地叫多左個朱古力窩夫，一般餐廳如果見你叫甜品都唔會準時個半鐘講你走，但係呢間野真係會。當時食完大概8pm 左右，其實出面只得三圍人等緊（仲要係星期五晚），已經冇以前咁多人黎食。服務麻麻，食物比新開時差左，唔太抵食，冇咩都唔會番黎食。

Dazzling Cafe去過幾次了雖然菜單冇變過，但有多菜式揀，小食同甜品又好好食，食幾多次都唔會厭正餐我地叫左黃金烏魚子蒜香意大利麵 $118啲魚子夾埋意粉真係好食，仲有股蒜香味，好可口，雖然略乾黎到呢度 點可以唔食佢地出名嘅鬆餅呢!我地就叫左個經典朱古力鬆餅整到好靚，呢個形又好易切配埋cream同朱古力一齊食，簡直絕配下次要再試下其他味，因為食親都叫呢隻味食😂兩杯沙冰都好好飲，好鮮甜，不過我就中意草莓味多啲，芒果味就有啲似某隻芒果橡皮糖嘅味呢度嘅職員仲要著到好似女僕咁，幾有趣，又好食嘅一間台灣cafe

每次到dazzling cafe都會必叫黑松露薯條、黑松露意粉因為真的超！推！介！如果你也是喜歡吃黑松露的話，一定會食過翻尋味！而甜品今次叫了這個窩夫，配紅豆綠茶雪糕，可以加麻薯，美中不足就是叫了加麻薯，到來了的時候裏面沒有，侍應落漏了，不要緊，還是這麼好吃。黑松露薯條真心不錯，炸得剛剛好，不會太硬，可以沾沙律醬也很不錯！黑松露的份量也適中。黑松露意粉，黑松露味道剛好，配意粉比長通粉好吃，意粉吸引了黑松露汁，真的一流！

今日約左朋友行街，之後想搵個地方食下野傾下計就尼左dazzling cafe佛羅倫斯花枝干貝麵 兩隻好大粒帶字，超厚肉，好鮮可惜面比較淡無咩味 但配菜例如西蘭花都好濃味水牛城辣雞翅 水牛芝士係另外一碟將經譯本身就列可以選擇點像或者五點 佢係單邊雞翼所以食得好方便 但係比較細隻榛果朱古力蜜糖吐司 唔係幾抵食因為吐司其實係一隻白色物體入面有少少朱古力 上面嗰隻就好似cream咁 吐司入面有三層 然後入面有啲方塊吐司有啲榛子醬 感覺好似冇咩料但就要百幾蚊桂花烏龍茶 奶蓋超厚但唔可以就咁食因為實在太happy 同埋落個唔係整得比較唔係整得好好 因為唔係用曬仲有少少粒粒

忍唔住專登寫個post黎俾個劣品！話說一班frd係尖沙嘴，諗住搵個方便既地方hea下，明明成間鋪頭無咩人, 都要限時90分鐘，每人要起碼叫杯嘢飲，同行6個人基本每人叫咗樣嘢食，有個frd唔舒服，剩係可以飲熱野，叫咗2樣menu上既飲品都無，同服務員解釋，話問下經理，個經理先經典，剩係識講普通話，英文中文都唔明，堅持逼我地叫杯野飲，我地話唔想曬野，問收返charge都聽唔明，態度又串，剩係識黑面，我諗佢地剩係做啲講普通話既人既生意就夠，我就唔會再幫襯了！

早幾日講起好想食意粉。一諗就諗到要去dazzling cafe食佢既明太子義粉！真係十分出色，我每次黎都一定會叫呢個義粉！😍😍佢義粉上面會放少少紫菜，個味道仲好夾！最後仲叫職員比多少少紫菜我😍😍😍

行街行到攰就打算同朋友係cafe食啲野，補充完體力之後再繼續戰鬥。餐廳下午茶時間都要排隊等位，大約排左15分鐘就入得啦。每位客人最低消費要點一杯飲品，限時食90分鐘。我朋友兩人一共點了兩杯飲品及兩份食物。凍水果茶 杯入面事先已經放左唔同水果，有蘋果粒粒、提子同埋橙，所以茶沖出嚟好香生果味。飲落微甜，茶味不濃沒有蓋過水果味。一壺水果茶大概可以沖到3-4小杯，飲到埋單之前都仲飲緊，非常抵飲啊！草莓繽紛冰淇淋鬆餅 $95 (加麻糬 +$15)鬆餅賣相好精緻，上枱即刻幫佢影左好多寫真。本身怕面頭的士多啤梨會好酸，好彩食落很甜。切開鬆餅個陣已經知道佢外脆內軟，而且我地加左麻糬做餡，每小塊入面都見到有麻糬係入面，所以外脆內煙韌的對比口感更加強烈。鬆餅旁邊放有三款醬料(草莓果醬、蜜糖同煉奶)比食客自由去點嚟食，草莓果醬酸酸甜甜好開胃，令你食完咁鬆餅都唔覺得好濟。鬆餅仲附上一球草莓雪糕，入面有好多士啤梨果肉。雪糕偏重奶味，唔會死甜且帶點乳酪同果酸味道，係我喜歡的口味。松露薯條 ($58)薯條炸出嚟已經聞到好香的黑松露味，食落口亦都非常香脆。餐廳提供左基本的茄汁同埋松露醬，松露醬的味道不算濃烈，稍稍帶有