Dan Ryan's Chicago Grill (已結業)

剛剛有同事升職請食晚飯咁我就諗咗黎呢到食但只有3人第一次黎感覺真係好好因為近helloween 既緣故, 裝潢好有feel 先值得一讚...再來是食物, 今次先小試牛刀...叫左一個蜆湯, 一大個麵包包住好好味本來想成個麵包清左佢, 但同事話留肚食其他嘢...muffins同法包都好好味(這個是座低就會送來的食物, 好香好脆, 正!) 之後叫左ceasar salad, 呢個比較多芝士同沙律醬, 唔係太健康, 算ok肉類叫左baby ribs - half slab 肉好嫩, 離晒骨好正!!! 小食叫左海鮮藍, 勝在有幾種海鮮咬下唔錯唔錯有機會一定會再去食我諗helloween既時候超正, 氣氛好好..

好細個已經跟亞爸亞媽星期日來dan ryan 食bunch,嗰時有汽球送，食得好開心架。以前佢地既侍應主要係西人多，後來都轉咗晒香港人，可能係成本關係，所以之後感覺好似親切咗啲。自從嗰時已經久唔久就來，到愛係佢地既buffalo wings, 其它地方都食唔到咁好味，而且一碟又有好多隻，一次可以食過夠。佢地既扖好本人覺得好味，因為有水準，要幾熟就來幾熟，都未試過失手。我好鐘意佢既bbq ribs, 因為啲汁真係好好味，酸酸甜甜，而且啲肉都好"林"。另外呢到既hamburger都係好出名架!呢到係我其中一間最喜歡既餐廳之一!

16/8 （Tue）Lunch第一日返新工，食lunch時亞頭行埋0黎問食咩好，就係咁...我同同事就跟0左佢出去食飯喇...3個人叫0左3樣野share：Potato Skins、木瓜沙律配蝦同海鮮意粉。未有0野食前先上0左一籃包∼勁脆！牛油好味！正！木瓜沙律配蝦﹣成盤0野真係無樣唔好食。木瓜新鮮非常，自製沙律汁好好味，但食唔出由咩溝出0黎。希望下次食得出∼Potato Skins﹣無想像中咁好食，可能整0左一段時間，薯皮已經唔脆，好彩酸乳酪味點醬補償返，未至於太失落。海鮮意粉﹣有Ｄ飽意，再好食都食唔落。順帶一提，我覺得果度夠資力0既員工真們無乜禮貌。

開頭有法包同cake, 個朱古力muffin有合桃, 我唔鐘意nuts... 所以一般啦, 朋友就好鐘意caesar salad, 大碟到喊... 好似食極都唔完咁, 不過幾好味, 好fresh;個湯3個人share都嫌太多... 奉勸大家唔好叫;meatball pasta, 上次食過, 一樣咁正, 尤其係上面個garlic bread, 哈哈;baby ribs, 朋友必叫, 我自己就鐘意食薯條多d, 如果係薯角仲正, 個baby rib 其實幾好味, 個味係好似燒汁咁!

前些日子試了九龍塘那間,今次就試下金鐘了.羊架實無走雞,蠔杯今次係坐上客.唔知係咪多外國客人,賣相同味道和九龍塘有少少分別.羊架五成熟,肉汁多,香草味撲鼻.dressing 也較仔細.蠔杯中的生蠔肥美,加上己調味的茄汁,酸酸甜甜帶少少辣,很醒胃.鬆餅又俾我食清光.

20050709 3.30pm跟男友到英國領事館有點事要辦, 去前食個tea, 因為一朝11am食o左pizza(!) 做早餐, 唔餓, 所以索性直接食tea skip o左lunch.2人吃-* apptizer combo - 有水牛雞翼+薯皮+洋荵圈, 除洋荵圈比較正常外, 水牛雞翼個汁好似中式辣椒醬, 同埋好乾, 唔掂, 薯皮好硬, 又係唔掂.*clam white sauce pasta- 男友好想食返泰國La Gritta o既味道, 所以pick o左白汁...... 當然失望而回. 味道不過乜失, 蜆係急凍拆肉果隻, 好韌, 白汁煮得唔掂, 有麵粉糰.* iced mocha x 1 - 男友飲, 佢話好推介叫我影低o架wor.* coke light x 1只贏在份量大, 食得好飽lor, 晚餐都唔洗食. 反而餐前飽有o的驚喜, 件合桃cup cake 勁正! service 差極, 我唔知o的waiter 係summer job 定咩, 人就多, 後生果o的, 個個都行行企企遊魂, captain樣果o的又忙到踢晒腳咁款, 想搵個人埋單招手都招o左10分鐘. 不知所

時間: 01/07/2005 19.00環境: 很好，很有氣氛，而且不會太嘈吵。味道: 如其他網友所說，muffin 很松軟，很好味。二人點了兩道菜，分別是BBQ ribs(half) 和Appetizer Combo (有薯皮、雞翼和洋蔥圈)。BBQ rib 燒得十分好，加上肉質有口感，十分出色。Appetizer Combo 的薯皮味道夠濃，不錯。雞翼就較一般。洋蔥圈很新鮮。服務: 雖然很多客人，但效率仍很高。侍應態度有禮、親切。抵食: 雖然價錢並不便宜，但以這樣高的水準來算，當然是抵食。乾淨: 地方很整潔，餐具亦很乾淨。

之前同朋友黎過一次食晚飯order左一個長通粉同一個salad味道平平唔可以話好突出但勝在用料新鮮salad 既蔬菜唔錯配上酸酸甜甜既汁幾好但最令我有深刻記憶既係佢送既muffin雖然size不大但味道真係好好又唔會好油正!

晚上難得有一點空閒和朋友來一個晚餐, 出門前一刻鐘才決定到金鐘的太古廣場, 餐廳內幾近乎滿座, 起初侍應帶了我們到一張二人檯, 要求之下轉了一張四座的卡位檯, 感覺比較上舒服和自然.先來了兩個蠔杯, 蠔香味適中茄汁醬料偏酸和帶有微辣; 半客墨西哥烤玉米脆片, 玉米脆片十分香口, 但半客的份量仍然偏多, 最後仍剩下不小; 最後來了的是至愛迷迭香燒羊架, 剛剛好五成熟, 肉汁豐富而且香滑, 肉味適中不用再多加醬料, 羊羶味偏於輕清, 和自携來的奔富聖亨利切粒子紅酒十分配合; 羊架比上次的做得出色得多, 相對來說水準不太穩定; 起初還想點一個意大利芝士餅, 可惜已經飲飽食醉, 再無空位容納甜品和咖啡.個別侍應十分有禮~

今日有人請食飯, 真係好好味,不過係極之濟,可能全部都油炸.澱粉質&芝士, 但朱古力真的好捧,不過已經飽到嘔了~綠色的汁是牛油果醬,好正架,叫了3個菜+1甜品,仲有muffin 勁正呀!!! 3個人食$510,我覺得都頗貴呀,但真的好味!

成班frds都掛住dan ryan既molten chocolate cake就黎左呢度宵夜lak我地除左order molten chocolate cake+ vanilla icecream之外，仲叫左個nacho~個nacho好好味呀~~雖然我唔係太知個d sauces係乜有好大pat 既綠色sauce，其實個樣好ugly ga~~但係酸酸地好好味呀個molten chocolate cake~簡直係quality assurance~唔使2minutes~我地5個女仔就消滅左佢la~~

金鐘呢間Lunch就食過幾次，dinner就第一次食。我o地將d麵包換晒d muffin，因為muffin熱所以好食lor，其實仲有好多好食過佢。其實每次都會叫番以前食過d野，potato skin、caesar salad、papaya salad with chicken同baby ribs每次都一定叫，今次都唔例外。potato skin細塊左又薄左好多，而baby ribs個size亦都細左，叫了個full的都冇以前咁大條，烤得唔乾但唔入味，要點番d醬先至夠，連配碟d薯條都唔脆又唔熱。除了以上外仲order了炸洋蔥圈、Rib Eye Steak同蒜蓉雞肉長通粉，洋蔥圈炸得夠脆夠熱，點埋茄汁更加好食。個steak要5成熟，睇落似8、9成，雖然我冇食到，但聽番d fd反應就麻麻地。而長通粉味道唔錯夠彈牙，可惜雞肉少d同埋d白汁都幾溜。最後係甜品先係我的主菜，molten chocolate cake加雪榚及tiramisu每樣各兩客，因為分量唔細，所以我o地8個人都夠分，我仲可以食多一份tim。molten chocolate cake如果再熱d就更加好，流出o黎d朱古力都幾香，就

我覺得幾好..格調好好..so comfortable....d 野都幾好味...我好中意

昨晚和辣椒女來金鐘,之前看過這裡不錯,所以決定來.炸雞件的確唔錯,可惜熱氣少少;伴碟o既薯條真的好好味,差不多全部吃完.Muffin最好吃,只是如能再熱一D就更好了.NY cheesecake,都唔錯,但太飽了,吃不完!男幾特別,很舊美國feel的感覺.

同朋友睇完戲, 轉個彎就走入依度食dinner~ 今晚係Halloween, 個個侍應都扮鬼扮馬, 好得意~兩個人叫o左一客炸雞, 一個千層闊麵加一杯iced tea~ 食物唔錯, 特別係炸雞, 雖然好大碟, 但兩個人竟然食得晒, 連伴碟o既薯條都好好味~ 埋單$29X~