DALLOYAU

营业中

休息中

啱啱個weekend收到friend嘅msg話雪糕買一送一，心諗唔好執輸，即刻約人去試！去到排咗半個鐘到，無Godiva咁誇張！我哋一人一隻味，試咗黑松露巧克力同紅桑子味！黑松露巧克力味勁濃味，未食已經聞到！紅桑子更加正，雪糕入口即溶，勁滑！雪糕筒又勁鬆軟！！！！就算平時無優惠，都想久唔久去食返個！

今日同老婆行街，見到dalloyau門外有一條人龍，八卦心態作祟，走去望個究竟。原來8月19日係「國際軟雪糕日」，所以正做緊買一送一優惠，軟雪糕$50有兩支，咁抵即刻去排隊啦。大約排左15分鐘，一人有一支紅桑子味軟雪糕。賣相咁靚當然要相機食先，紅桑子酸酸地啱晒夏天食，而且味道算天然，奶味唔算好重，感覺唔會太heavy。返到屋企，睇下雜誌，至知道8月每間分店都有限定口味，海港城呢度係紅桑子味，sogo係香桃芒果味，PP係玫瑰味，搞到我心郁郁想襯聽日仲有買一送一優惠食埋其他味先！

行過海港城，有一條長長既人龍，原來軟雪糕既松露巧克力同紅桑子買一送一呀。Dalloyau既high tea就食過幾次，軟雪又真係未試過！平時要$50一杯就真係有啲貴，宜家買一送一就唔同講法！排左十五分鐘就順利排到啦，我同朋友都對松露巧克力心心眼，所以就無試紅桑子啦！大家可以揀杯或者cone，價錢係一樣既。接過雪糕，已經聞到好香既松露味！！食落去松露味比朱古力味更濃，成個口都係揮之不去既松露味，黑朱古力唔會太甜，個筒反而有小失望，有啲淋左，唔夠脆，呢度扣左小小分。食完杯軟雪糕係要即刻飲返杯水既，有啲膩。不過夏天食軟雪糕是常識吧！

法國甜品店 DALLOUYAU繼之前推出「黑松露朱古力雪糕」後，在這個炎炎夏日，新推出了三款夏日限定的雪糕「紅桑子」、「香桃芒果」與「玫瑰花」，在8-10月分別在旗下三間位於尖沙咀、銅鑼灣和金鐘的店舖輪流推出。在8月份，尖沙咀海港城店供應的是「紅桑子雪糕」、金鐘太古廣場供應的是「玫瑰花雪糕」，而銅鑼灣崇光百貨店則是「香桃芒果雪糕」。 對這三款雪糕，雖然最特別的是「玫瑰花雪糕」，但我最感興趣的卻是「香桃芒果雪糕」，不過到最後我吃的，則是對我這個九龍人來說最近，不用過海的尖沙咀店售賣的「紅桑子雪糕」。「紅桑子雪糕」在三款夏日限定雪糕中雖非我的首選，味道可也不錯，酸酸甜甜的味道，水水滑滑的口感，融得是比較快的，特別是我又要影這，又要影那的，到我真正享受我的雪糕的時候，那雪糕的尖端便難免會有少許塌陷了。

Dalloyau新出的紅桑子雪糕（$50）是女生最不能抵抗的粉紅色！！是不折不扣會色誘人的雪糕！雖然好擔心係一杯色素藥水雪糕，但都決定給他一個機會😋😋結果竟然出乎意料的清新，是確確實實的raspberry。首先，雪糕本身的質地稱不上綿密，比較似smoothie。一口雪糕根本不會感受到任何添加的化學成份，或者可以說是就是紅桑子加冰打成，雪糕的夢幻粉紅相信係紅桑莓的自身色素。所謂的“100%牛奶製作”就不太明顯，如果想要感受被牛奶口味包團，小妹還是推介cremia的雪糕。惟雪糕筒令人有點失望，當食完上面的軟雪糕時，下面的筒已經開始變軟。可以說是原全沒有脆脆口感，希望Dalloyau可以換個雪糕筒，才能襯托完美的雪糕。

DALLOYAU係今個夏天推出水果味雪糕🤤🤤分別係玫瑰、香桃芒果、紅桑子三個味道😍我自己就最想試紅桑子味😚.呢間不嬲都標榜用到100%純牛奶去做個雪糕漿今次呢杯雪糕原來為左形造到夏日d嘅感覺唔會愈食愈膩突登無用到重忌廉去整成個雪糕 令到個感覺fresh d😳💕.紅桑子味雪糕 ($50)入口真係好清新好難得水果味做到唔artificial 水果味濃而不膩而奶香係慢慢係口腔入面滲出唔會奶味太重搞到個感覺太heavy😚個texture比較軟身 無冰感好好😂cone就會係普通嘅鬆脆威化cone好想試埋其他個幾款😍😍🤤

這間法國甜品店想試好耐了，昨天朋友請買左幾件蛋糕上黎。揀左他們家原創的 這個蛋糕咖啡味好濃，層次分明，中間夾著coffee cream和黑朱古力，雖然份量看著不多，但因為非常結實，食到最尾有太甜的感覺，有一點"漏"，但總括是值得一試。

今天放假，相約我的吃貨大哥開展一天吃貨行程。先到元朗吃拉麵，然後分別到尖沙律，銅鑼灣，金鐘吃不同囗味雪糕，晩上約其他人吃飯，非常滿足的行程為何一天要走多達地方吃雪糕呢？因為擁有300多年歷史的Dalloyau推出三種夏曰囗味限定雪糕，每間分店供應不同囗味，其後每月輪流轉換。我們想一天吃光三種囗味，便不定遊走港九啦。Raspberry icecream $50尖沙咀分店，八月會推出紅桑子囗味。這杯雪糕是我今日第一杯，也是我人生第一杯Dalloyau雪糕。 源自1682年法國巴黎的Dalloyau，從法國國王路易十四起便封為凡爾賽宮的御用廚師，皇室美食，現在有機會品嚐啦。粉紅迷人的紅桑子雪糕，是每位少女必愛的色系呢。紅桑子味道超級特出，入囗鮮甜滿溢， 果香芬芳馥郁，大有驚喜，值得排隊等侯呢。

長唔過手掌的龍蝦包，嗰包係凍的，饀以蔬菜同醬汁為主，龍蝦肉少。磨菇湯夠熱，量多有菇香，唔係水旺旺，加啲碎切磨菇入湯就更好。呢碗湯賣25蚊，半份龍蝦包係 70 蚊。靜英英時段，明顯見到吉枱枱面，有四散食物碎屑待清理。店員甲在餅櫃招呼客人，店員乙在後排篤手機。堂食要加一，除咗由店員送餐，冇其他服務用到。埋單要自己行出去收銀處刷卡，畀咗錢，成個過程聽唔到一句多謝，要開口問先攞到刷卡收據。尋日去橙色快餐店食早餐，遇到的陌生收銀姐姐同嬸嬸店員都有講早晨同多謝，佢仲幫行動不便的老友記送餐添。

行過又見想食野於是就買了來食。入口好濃味的黑松露，之後才到朱古力味。口感豐富，又咸又甜! 個黑松露係有史以來食過最濃味的，個筒都好食，食都尾仲有軟雪糕。價錢一般。

行海港城行到有啲攰所以就搵間野入去坐下😝😝😝嗰日係下午茶時間 但係人都唔算多唔需要等位糾結咗好耐諗緊飲花茶好但係飲朱古力好🌸🍫最尾叫咗一杯佢哋嘅signature朱古力🍫🍫🍫杯朱古力勁來都已經好香好香好想飲😋😋😋😋😋飲落去個口感好濃郁😋😋😋 唔算太甜而且都幾滑🙈🙈🙈。係我個人好鍾意嘅口味❤️❤️❤️另外有個侍應姐姐請咗我哋食佢哋嘅朱古力蛋糕 都係好好味🍫🍫但係飲完杯朱古力都已經好飽啦😭😭😭order唔到其他野食下次會來試吓佢哋其他食物同埋會order花茶飲😚😚😚😚😚😚

踏入夏天個口特別乾，出親街行下行下都會特別想食雪糕。之前就去開海港城行到悶悶哋，見倒有間好夢幻好有法國風情嘅DALLOYAU有得食雪糕，雖然一睇就知唔平，但都忍唔住試下。遠看三個雪糕SAMPLE 有深黑色，以為是只是黑朱古力，近看Menu才知是黑松露朱古力，另還有榛子及混合口味，售價$50，望落就好靚，所以我同朋友一人一個筒，各點了黑松露朱古力及榛子口味。實物都如圖，我先試榛子口味，榛子味道很濃蓋過了牛奶味，而雪糕質感幼滑，但又不會超級甜，炎炎夏日消暑解渴一流。至於黑松露朱古力我朋友一食就大呼中伏，黑松露味濃到不太食倒朱古力味，吃慣鹹食的黑松露，一時不太能接受它甜的味道，聞落係香，但食落怪怪的。我們都是喜歡傳統味道，如榛子多些。

一路都只食過佢地既松露雪糕, 每次經過見到個蛋糕櫃都好想一試, 今日冇食晏, 同埋俾門口張 poster 龍蝦包吸引左入去坐底....佢地有 afternoon tea set..$536/two person我環望四周, 都唔見有人食afternoon tea set, 同埋俾門口張龍蝦包相吸引, 最後我地點了龍蝦包 (full portion), 佢有有 full / half portion,  full portion = 兩件龍蝦包....等左一陣就黎啦...首先個包唔熱既, 入面既餡係凍既, 包身都叫軟熟, 餡料都算多, 啲龍蝦肉切碎, 撈埋啲西芹, 紅椒粒, 加埋啲沙律醬...味道真係好一般...唔會再有一次食.哩度朱古力出名, 當然係叫返朱古力飲品啦右邊~熱伯爵朱古力 ($50),左邊~ 熱皇牌朱古力 ($55), 如果真係好鐘意朱古力, 我建議飲皇牌朱古力, 因為真係好重好香朱古力味, 但係又不會太甜, 另一款伯爵朱古力帶有小小茶香, 這樣反而令朱古力的香味被蓋過了...因為個龍蝦包令我太失望, 我決定要點返個甜品蛋糕補償返....個名唔記得左啦...但係好好味...

下午蛇走左，唔喺中環出左尖沙咀😎拜會下呢間聽就聽得多嘅餅店，格局係坐低有野飲menu，但嗌cake又要自己出去揀..唔好意思阻人做生意，費事係咁影... 其實餅櫃唔係好大，都冇咩野揀...Drink menu睇都唔洗睇我已經話要Earl Grey Chocolate！Cake揀左用返店名命名嘅「Dalloyau」，係焦糖脆榛子蛋白杏仁餅，榛子碎粒粒都沾滿焦糖，中間係mousse，入面有蛋白杏仁餅。成件一切係散哂，因為蛋白杏仁餅太黏，都唔係咁容易食.. 味道嚟講係非常甜，我個人係ok嘅，唔偏好太甜嘅話千祈唔好揀。見到呢杯野都幾失望下，呢個拉花.... 飲落仲失望，完全唔覺得自己飲緊朱古力，係一杯甜甜地嘅earl grey加奶..... 飲左幾啖就放棄左喇😞呢度唔係特別好坐，食物又唔係特別吸引，價錢係合理嘅，但如果再有機會，一樣價錢好似揀返海洋中心嗰間會開心好多🙊

餐晚飯食唔飽，於是甜品既胃又開始啟動，行過Dalloyau，見到有個黑松露雪糕，一直都未試過黑松露既甜品，所以買黎試下。軟雪糕有2隻味，除左黑松露，仲有榛子味，因為未食過，所以揀左扭紋，貪心d~ 榛子味好似食緊金莎甘，幾好味；至於黑松露味，松露味好出，好似食緊凍既黑松露risotto，好得意不過建議食是但一隻味，扭紋好似唔係好夾，因為食果陣會分開食到兩隻味，而唔係好似朱古力+雲呢拿甘夾埋一齊。軟雪糕都幾幼滑，而且都幾大杯，隊長食cone的，行左幾個圈先食得晒。