DALLOYAU

营业中

休息中

餐晚飯食唔飽，於是甜品既胃又開始啟動，行過Dalloyau，見到有個黑松露雪糕，一直都未試過黑松露既甜品，所以買黎試下。軟雪糕有2隻味，除左黑松露，仲有榛子味，因為未食過，所以揀左扭紋，貪心d~ 榛子味好似食緊金莎甘，幾好味；至於黑松露味，松露味好出，好似食緊凍既黑松露risotto，好得意不過建議食是但一隻味，扭紋好似唔係好夾，因為食果陣會分開食到兩隻味，而唔係好似朱古力+雲呢拿甘夾埋一齊。軟雪糕都幾幼滑，而且都幾大杯，隊長食cone的，行左幾個圈先食得晒。

同朋友喺海港城行到攰想搵地方坐下傾下計，經過見倒間店裝修好靚～啲蛋糕望落又好吸引，就決定試下啦！點左個棋子蛋糕同期間限定嘅熱伯爵朱古力～棋子蛋糕外型好可愛呀～食落都好好味，朱古力味好濃郁Hot earl grey chocolate ($50)本身都鍾意飲earl grey, 加chocolate 又未試過喎！個感覺好特別，飲落去有陣淡淡的earl grey 味碟同杯嘅花紋好優雅，忍唔住影多幾張相見倒其他人叫左下午茶set 都好吸引！下次黎要再試下

男朋友因為激嬲左我，所以專程去咗尖沙咀買咗兩件蛋糕氹番我。呢間蛋糕我從來都冇食過亦都冇見過，根據男朋友嘅說法呢間野喺尖沙咀。佢個包裝都幾靚，幾高貴。綠茶嗰款蛋糕好好味。首先，我先試左少少綠茶mousse，佢有好香既綠茶味之餘，又唔會太苦澀，味道恰到好處。不過當時心諗，如果多少少奶味就好。食多兩啖之後發現內有乾坤，就係原來入面有紅豆！正呀，我好興奮！啲紅豆蓉絕對係襯托緊個綠茶mousse！再試埋白色嗰舊，落落以為係普通cream，食落又令我好開心，類似白朱古力mousse咁既野，又係好好味！就咁食會甜左少少，連埋綠茶食就絕對係perfect！就達成左我頭先諗既如果奶味多少少就好既願望。最後上面塊綠茶朱古力就有少少苦。呢個朱古力棋盤蛋糕都好味。不過我唔鍾意係上面嗰層透明嘅嘢，唔知咩嚟嘅，我將透明嗰層成層掉走咗。呢個好有層次，第一層係朱古力片既物體，好似食緊kinder，但又唔會好甜。之後有朱古力mousse、白朱古力mousse（好似係）、朱古力蛋糕、nuts、朱古力。食落好滿足，唔膩，都唔算太甜。個白朱古力棋仔都好好味。

上次朋友生日帶來Dalloyau蛋糕, 食後感非常良好, 時刻心掛掛這個大囉柚.   自上年聽聞Dalloyau La Boutique推出松露雪糕, 至今終有機會品嚐, 松露意粉/松露risotto/松露湯就食得多, 究竟松露造成甜點仲要係雪糕味道如何呢?   松露和榴槤很像, 我不是說其味道或形狀, 而係那股獨特既味道, 喜歡既就愛, 相反就係恨.   這間Dalloyau La Boutique較4樓那間小型, 雖沒有那種華麗高貴裝潢, 但卻予人較親民, casual relax tea吓抖吓感覺.雪糕分別有原味(松露)/朱古力松露/混合味 各$50.  雪糕有3圈半份量不少, 食到最後筒內仍充滿雪糕,  未食已傳來濃濃松露味, 就是這股香氣, 喜歡既我就頓時吞嚥, 不喜歡既朋友就說"電油味".    初時還以為只含松露香油加強味道, 食落才知啖啖松露碎粒, 有香味之餘也有口感, 絶不欺場, 貨真價實.    黑朱古力既甘苦味接近70%, 正好緩和松露既濃烈味道, 可稱得上prefect match, 雪糕質感幼滑, 威化筒脆口.   可再encore!另外買了兩件甜點回家, 兩

之前食過朱古力味既黑松露雪糕 今次encore試原味黑松露雪糕 果然原味黑松露味雪糕黑松露味濃好多 味好出 非常好味 最後都忍唔住叫多杯朱古力黑松露雪糕 本人都係偏愛朱古力味黑松露雪糕 因本人喜歡黑朱力味 特別是朱古力味濃個d 呢杯做到左

Truffle icecream and truffle chocolate icecreamTruffle icecream好濃郁既黑松露味 店員話真係一片片磨出黎 好似飲緊黑松露蘑菇湯既感覺Truffle chocolate既朱古力味會比較濃 有啲蓋左黑松露既味道

Dalloyau旗下的Epure最好dress up先去，否則就破壞了那兒高貴的氣派，亦失禮自己。但這邊廂就不用那麼拘束，可在店中坐下吃tea set, 又可外賣$50的松露朱古力紐紋雪糕，邊走邊吃。雪糕吃入口每一種味都性格鮮明，而且真材實料，黑松露味會吃到松露顆粒，底味是牛奶，松露味道十分強横，感覺是像吃甜及凍的松露湯，有些人未必習慣。同時，黑朱古力味醇厚，不太甜，也是好吃之選。不過，不建議混合兩種味一起吃，因松露味會像突然失蹤似的。也不建議只買一種味，因只吃一種味，會有生厭及沉悶的fu!

1月2日是我老爸的生日, 不知從何時開始, 生日沒有生日蛋糕的陪伴。 自從我13歲那年生日要求不吃生日蛋糕後, 它就沒有被我們寵愛過了, 大家都用晚飯來取代它。老爸的生日他提議一起到南生圍踩單車, 可是一向不喜歡到郊外的我, 如果不是去影文青相，大部份我都會拒絕，這次都不例外。所以我很快地拒絕老爸的邀請, 獨自一人到尖沙咀過一個悠閒的下午。🍦扭紋黑松露朱古力雪糕(HKD 50)我特意選擇扭紋因爲我覺得只有朱古力黑松露，松露的味道不太出，再加上這樣可以滿足貪心的我。我決定選擇堂食，去好好享受一下，但是原來堂食要收加一，這一點大家要注意，既然要好好享受我也不吝嗇了。黑松露味果然很濃郁，上面的朱古力牌馬上讓這杯雪糕升價十陪。喜歡黑松露這種香味的人，也必定會喜歡這杯雪糕，再配上非常濃郁的黑朱古力，層次馬上豐富。整體上不太甜，不喜歡甜點的人都會喜歡這個。尖沙咀有三間分店，但只有港威商場這一間才有雪糕，其他分店沒有喔！剛好隔離的客人正在high tea，我也不好意思拍照。不過眼看都好吸引，而且價錢也不太離地，可以約三五知己higt tea。但是門口都偏向開放式，比較大，而且距離門口較近，所以都比較

一向都鍾意食大蘿友的甜品，又靚又好食。今次路過佢間cafe有新發現，推出了軟雪糕！身為軟雪糕控的我當然要試吓啦。雪糕有朱古力同埋第一次見到的松露味，我就要咗扭紋，一次過試哂2款口味。松露味同朱古力味都非常特出。平時松露都是配咸食，今次第一次食松露雪糕感覺很特別，這裡的朱古力味還要比G字牌的還要濃！脆筒亦很香脆。但軟雪糕是比軟icy的質感，論滑就不夠G字牌了。雪糕份量亦ok。喜歡試新口味的可以一試。

黑松露雪糕（$50）👅黑松露原來除左咸食，都可以變成雪糕😍😍一拎係手已經聞到好香☺️估唔到個黑松露味食起黎比想像中出👍🏻👍🏻食落又唔會覺得奇怪喎😋😋不過雪糕冰感重，唔算好滑😗😗我就試一次滿足下好奇心就算啦😎😎😎始終覺得咸食係好食啲🤔Dalloyau有幾個舖位嫁，雪糕記住係三樓個間呀🙆🏼

有時候，滿足非常簡單。 兩個人行行下街，女孩說:我好肚餓。 男孩說:我好飽呀，不過，我可以陪你吃呀。 男孩還想陪她到citysuper 買點鹹點吃，女孩說，我想說點甜的東西啊。 當然男孩從不喜歡甜吃，在她建議下，本來想去那個cha cha 吃雪糕。 不過男孩的朋友F先生曾經對他說過，那個Dalloyau好吃到不行。 於是佢提議唔好食cha cha，吃下大蘿柚。 軟雪糕有黑松露，黑松露朱古力味，混合合味，有筒有杯裝，五十多元，和Godiva差不多的價錢。 我當然要雙打，男人喜歡貪心嗎，不要唔會，雙打意思，係2 become 1。 女孩聽到，應該立刻甜到入心。 黑松露味勁濃，朱古力的甜度適中，雪糕軟得來很滑很甜。 威化甜筒的鬆軟，是近來吃過最好的。 男孩記得，那天下午，是最美好的時光，那幸福就是這樣簡單。 不過，幸福就是從來短暫的，或者，只能好好記得那快樂的感覺和味道吧。 男孩每次看到Dalloyau，還是會記得你的好。 DALLOYAU 尖沙咀廣東道17號海港城港威商場3樓GW3220號舖

上次男友專程帶我到此食出晒名既黑松露蛋糕，可惜去到時已經賣晒，心裡一直記掛！今天我們到尖咀行街，經過甜品櫃發現了它！即時排隊等食必叫期待已久既黑松露蛋糕，當然不夠喉吧，多點了黑松露雪糕凍朱古力特飲，由於不好凍飲車望可以走冰，但服務員說冰塊是用來承載住雪糕的，當我感到無奈之際，他提議凍朱古力走冰，雪糕另上，非常的細心，我當然讚成！男友再點了咖啡師推介的伯爵朱古力（熱）！蛋糕軟林中帶實感，黑松露味道濃郁，凍朱古力掛柸香滑，甘甜香苦一次過往味雷進攻，很喜歡這感覺！雪糕order了2味（白松露+朱古力）仍香味十足，如單味應該更正吧淺嚐了男友那柸，滿滿的伯爵茶味能沖淡口中濃厚的味道，而且沒有普通朱古力的飽滯感!!good match~~^^滿足了肚子便繼續今天行程了！

路經看見松露雪糕內心覺很奇異( 沒有留意過有關資訊😂) 選了原味來試試外形看來像cookie and cream 但你放近鼻子時就陣陣松露香了🙊質感比較多水份不是厚身creamy 那種雪糕從前吃的松露都係跟開咸味今日跟左甜味，係好新奇又係幾夾架喎會是那種食一次就夠的甜點😛

今天只有半小時食晏，唯有買外賣。路經這法式名店，居然有特惠午餐。計計數，堂食要百多元，而外賣只要75！一於買招牌龍蝦包試試看，另送餐飲或湯，而我要了湯-今天是粟米湯。粟米湯：一入口，不得了！是我飲過之中最好味的粟米湯！這湯好creamy, 是粟米茸打成的！味道香甜，質地滑而且顏色淡黃，好好味呀！推介！龍蝦包：有女仔的手掌大，麵包暖暖的，質地軟熟富牛油香。而龍蝦已切成碎粒，混合洋蔥同紅椒，拌以沙律醬，味道不錯, 但龍蝦味道唔強烈，以簡餐而言，實在不錯。下次要試試三文魚包包同咖啡。

天氣有點涼，但也敵不過心魔。午餐食得唔夠飽，便想起這兒的雪糕！happy Friday, happy treats!我點了黑松露味同黑松露朱古力扭紋雪糕筒。一嗒下去，嘩！好好味呀！黑松露味道好香濃，配上朱古力好夾！朱古力味好香濃，是黑朱古力味，甘甘地又透出黑松露香，質地比較水感，無Godiva 咁重奶味，感覺無咁膩質地輕盈一點。而黑松露雪糕則相對地淡口少少，帶D呍喱嗱味同松露香。個脆筒好脆，無haggendaz 咁實淨但還是不錯。食罷好滿足而個口的松露味久久不散！推介！