CURATOR Art & Café (已結業)

Curator By Lex Art Cafe☕成日經過k11 musea都見到呢間好靚嘅cafe, 一直都想試下，今次終於約到朋友同我食❤️Cafe嘅裝修係歐陸風，入面有好多非常可愛嘅畫同裝飾，睇住黎食都開心啲。我同朋友分別叫左一個波隆那肉細通心粉($158), 一個慢煮西班牙八爪魚（$68）同埋到份酥脆雞錘配水牛芝士醬（$58）,飲品方面就叫左一杯mocha同一杯greentea latte.肉醬通粉味道都唔錯，唔算好突出，醬汁係蕃茄肉醬，酸酸地都幾開胃；慢煮八爪魚配埋沙律，都幾新鮮，但口感就硬左啲；雞錘係我個人覺得最好食嘅，上面有芝士醬，非常可口。我特別鍾意咖啡上嘅拉花，非常適合打卡！

自己一直都有放工去開尖沙咀食飯嘅習慣，之前食咗稻埕，今日就決定去試網上熱烈推介嘅藝術咖啡，我哋訂咗6:30嘅枱，店員一早就已經準備好。我哋兩個人叫咗一個套餐：前菜係超甜番茄沙律配堅果、清新柚子醋。番茄汁嚟到嘅時候，係原裝一大隻，去晒皮，凍凍地，少少硬，但保存着勁多嘅番茄汁，另外加咗有子醋嘅沙律菜，變得冇咁苦，再配上堅果，甜甜地，連埋沙律菜一齊食，感覺就一啲都唔Dry。之後就係嚟佢哋嘅主菜：香煎慢煮三文魚扒配鑽石米字粉。起初一睇到嘅時候，我真係以為盤上面嗰啲係飯，但一食落之後先發現原來嗰啲係通粉嚟嘅😅😅三文魚扒煎得非常香脆，外層亦都有用椒鹽調味，三文魚扒亦嫩，唔會因為煮咗好耐已變得好老。之後就嚟咗兩杯咖啡，一杯係笛子咖啡，另外一杯係3D打印藝術咖啡。笛子咖啡底層係好豐富嘅牛奶🥛，飲落去嘅時候好順滑，夜晚飲極都唔會太怕，因為唔會太影響睡眠。3D打印咖啡喺呢度嘅招牌， $89一杯，我揀咗梵高嘅Starry Night圖案，但後來問店員先知，原來自己帶相黎整其實都一樣得，亦都唔會另外收費。圖畫其實係用食用色素整成嘅。最後嚟嘅就係甜品：由於嗰日餐牌上嘅甜品賣晒，所以餐廳就俾咗另一款甜品我地食。我

不久前買過呢度嘅外賣，覺得食物水準質素都幾高，所以今次就決定再次來食呢間cafe！Classic Caesar Salad生菜都幾新鮮，麵包粒好香脆可口，雞胸肉醃得幾入味！Linguine Aglio E Olio唔同於有醬嘅意粉，呢個意粉嘅口感並不creamy，而係乾炒過嘅質感，所以食落好爽口，香蒜與橄欖油嘅味道十分突出，滲入到意粉之中，水準不錯！Tiramisu頗有水準嘅Tiramisu，每一啖都十分順滑，Cream嘅甜膩與微苦嘅可可粉平衡得幾好，再配以風乾左嘅香橙，味道中加入左一絲酸澀嘅果香！Green Tea Latte別緻嘅拉花配以少女圖案嘅咖啡杯，賣相幾吸引，味道不過甜也不太苦，剛剛好！

K11 Musea 裡面既餐廳都好特別, 呢一間真係好吸晴裡面擺放左好多可愛既小擺設, 第一眼望落去既感覺都已經好吸引晚餐會有set dinner, set dinner包括左沙律, 主菜, 甜品同飲品超甜蕃茄沙律配堅果新鮮既沙律菜, 配上清新柚子醋, 酸酸甜甜好開胃, 另外仲額外加左橙肉落個沙律入面令到食落去味道豐富D, 個橙肉好甜!!主菜我地揀左煙燻雞肉, 豪華豬肉捲, 上菜時真係覺得廚師既擺盆好有心機顏色配搭得好靚最後就係甜品, 係自家製樹莓特濃朱古力慕絲蛋糕用士多啤梨砌成玫瑰形狀, 上面仲加左金箔, 賣相已經滿分整體唔算好甜, 味道唔錯最後就係飲品, 連飲品同埋杯碟都充滿藝術色彩主打當然就係呢杯 Starry night, 靚到唔捨得飲呀

招牌墨西哥式煎蛋早餐太陽蛋煎得好好，白雪雪嘅蛋白包住圓碌碌嘅半熟蛋黃，一切金黃色嘅蛋汁慢慢流出嚟，好吸引！法包外脆內軟，上面搽滿牛油果醬，配搭埋香甜嘅櫻桃小蕃茄同香酥脆嘅粟米片，味道清新，口感層次豐富。香蒜橄欖油意粉意粉軟硬適中，入口好香松露味，仲有好多新鮮蘑菇，味道帶有少少辣，香口惹味，再加上一塊帕馬森芝士脆片，更添風味！玫瑰樹莓卡布奇諾入口滲透住陣陣玫瑰花香，同時亦散發出淡淡嘅raspberry味，味道幾特別。

又係一間適合打卡的餐廳Set dinner 🥘 前菜，沙律🥗喜歡它的柚子醋，好清新又健康🥰Main course 要了煙燻雞肉、豪華豬肉卷配健康殼蔬。雞肉小有許煙燻香味，雞肉味道較為淡，中和了較重口味的豬肉卷。豬肉卷原條上🤓豬肉卷有肥有瘦，油脂豐盛🤣好邪惡！特濃朱古力慕絲蛋糕。蛋糕上面有好多cream，但食落竟然一啲都唔會覺得好”漏”，而且唔會太甜，啱晒我口味。主角來了，餐廳可以打印喺飲品上面，好靚牙！唔捨得飲。我呢杯係朱古力，好濃味！好好飲，又五會太甜！

今晚唔係好肚餓就嚟食一餐輕食嘅晚餐啦 呢度已經係第二次嚟㗎啦 今次見佢多咗個set dinner喎 下次嚟試吓先今次一於就試吓其他嘢啦 先叫咗個元氣精華 食落去真係好有早餐嘅感覺呀 喺腸仔蛋多士 佢仲有啲蕃茄仔都有煮熟到架 經典早餐配搭味道冇得輸跟住叫咗個香蒜橄欖油意粉 入面就冇肉嘅 主要係一啲菇 食素嘅人都可以食呀 好健康嘅感覺 海鹽朱古力香蕉冰雪世界係一杯熱朱古力 飲落去仲有一絲絲嘅香蕉蓉 有少少海鹽係面 鹹鹹地估唔到原來都幾夾wo 朱古力唔係話非常之甜我鍾意呢個味道 最後點少得甜品呢叫咗佢招牌嘅Tiramisu同平時食開一杯杯一件件唔同㗎 呢個係直接用手指餅砌出嚟㗎 有少少咖啡味 食埋呢個真係大滿足呀

好回味佢個tiramisu，所以今次帶屋企人黎試，感覺好似遜色左，唔可以話好好食，中規中矩。而且如果你冇訂位嘅話，星期六日要等起碼一個鐘以上，下次我諗我唔會等😂所以一定一定要記得訂位，佢嘅用餐時間只有75分鐘。.1.綜合芝士燻肉拼盤配麵包棒及吐司HKD1882.酥脆雞鎚配水牛芝士醬HKD583.慢煮西班牙八爪魚HKD684.大蝦意粉HKD1785.Tiramisu HKD686.Artsy print coffee (cold) HKD887.Espresso Macchiato HKD39.味道 ★ ★ ★ ☆ ☆芝士拼盤好食！有3種唔同芝士，水牛芝士個隻最好食，因為軟身好似入口即溶既感覺。燻肉都唔錯，唔會太咸。麵包吐司都唔會好硬，皮脆但包係鬆軟。酥脆雞鎚肉係好嫩滑嘅，都炸得好鬆脆，似韓國炸雞咁，幾好食，美中不足嘅係我覺得佢嘅水牛芝士醬唔多。慢煮八爪魚係咁多道菜入邊比較份量少嘅一碟，八爪魚得幾粒，多嘅係沙律菜，Ying覺得八爪魚有任何特別嘅味道。大蝦意粉都唔錯，佢都有好多隻蝦，番茄醬味道適中，意粉軟硬度都適中。Tiramisu 好食，同傳統嘅Tiramisu唔同，佢係用蛋糕做底，唔係

最近經常流連係K11 Musea, 閒逛下都覺得幾舒服，有時特登去買GC 牛角包。今晚順便係果度搵間餐廳食，k11 Musea既好多餐廳都好有自己的特式，感覺唔似其他大型商場全部係連鎖餐廳買處都有。 Curator 就係其中一間頗有特色餐廳，裝黃好搶人駐腳觀賞， 餐廳有大大小小的櫥窗擺放不同的特色創意物品，色彩繽紛，可供食客拍照或購買，牆身亦掛左不同好有藝術氣息的畫作，相信引唔少少女來打卡影相。當然我來係食好嘢啦，叫左一入凱撒沙津，味道正常，同其他西餐差不多，小食係雞錘配水牛芝士醬，味道還可以，不過水牛芝士太乾有點兒多餘，好似就咁擺塊芝士係雞錘上， 另外叫左一個肉醬通心粉，略嫌肉醬太少同埋酸，通心粉份量也好少。雖然餐廳最出名係藝術咖啡，但我沒有叫，因為感覺只是叫來影相打卡，於是隨便叫左杯抺茶拿鐵，味道正常，但價錢就不便宜啦， 整體來講可一試影相打卡，食物賣相都唔錯。

小王子下午茶，提早一個月book位，落訂。因為當日限聚令仍然in place。為了隆重其事，我還替胖胖穿上了小王子bodysuit，胖胖亦因此成為全場焦點。盛載著下午茶的是一個復古行李箱，當中有Vanilla & Lemon Macaroons, 士多啤梨custard tart, Chocolate tart, Signature Tiramisu, 雞肉牛油果醬sandwich & mini burger。最吸睛的要數用上片片新鮮士多啤梨砌成的玫瑰 tart了，配上金箔，完全是小王子故事裏美美的主角，而且味道不錯，酸酸甜甜的，最重要的是撻皮仍脆。朱古力撻也一樣，tart皮脆外，朱古力味很rich，厚厚的mousse很有口感。喜歡macaroons的我，覺得這個檸檬味很清新，外層比我想像中薄，包裹着軟糯的夾心，口感有層次。其餘的鹹點味道也不錯。 雞肉牛油果醬sandwich 還辣辣的。整個下午茶有齊「甜酸苦辣鹹」，配合其Life is a Journey 「人生五味」的主題。飲品方面，有兩杯 Artsy Coffee或Chocolate，可自選小王子圖案printing。但因為打印關

CURATOR BY LEX - ART CAFÉ 早前嘗試過了在堅尼地城的Lex coffee，知道在尖沙咀K11 Musea設有分店，尖沙咀分店貫徹藝術的氣息，在光線明亮的白光燈下，擺滿不同的藝術品，配上沙發座椅和雲石桌子，典雅氛圍濃厚。招牌莎樂美腸薄餅大大片的莎樂美腸佈滿整個餅，下層是香濃的番茄醬，酸酸甜甜的味道，頂部有微微溶化的芝士，有拉絲和鹹香的效果，再加上九層塔的香味，薄餅餅底是薄身，入口鬆化而且非常脆口。超甜蕃茄沙律配堅果、清新柚子醋原個去皮蕃茄，蕃茄口感不軟不硬剛好，配上果肉味道酸酸甜甜，再配上堅果、沙律菜，吃起來是有層次，柚子醋亦帶來清新的口味。香煎慢煮三文魚扒配鑽石米型粉超厚身的三文魚扒，慢煮帶來非常嫩滑的魚肉，魚皮香煎得脆口，鑽石米型粉第一次嘗試，感覺就像意大利飯，相當特別。自家製樹莓特濃朱古力慕絲蛋糕超有藝術感的一款甜品，首先以草莓切片砌成的草莓花，甜品像提拉米蘇造型一樣，可是頂層是香濃的白朱古力慕絲，再用餅乾夾着自家製的樹莓醬，酸酸甜甜，一食就停不了。意式泡沫咖啡最後來一杯特濃咖啡味的靚靚拉花咖啡。

Curator by Lex Art Cafe 一向食物美、打卡一流🤩▪️超甜蕃茄沙律配堅果、新鮮柚子醋開胃前菜，酸甜醒胃🤤蕃茄鮮甜又大個👍🏻▪️煙燻雞肉、豪華豬肉捲配健康穀蔬擺盤精美😍豬肉捲表面以為非常多肥膏，但切完就知原來是以肉為主，入口香而不會太肥膩，特別欣賞外皮十分香脆😋雞肉帶淡淡的煙燻味，但肉質略嫌少許乾。▪️蛋糕面層用草莓切成片再拼湊成一朵花，加上金箔十分精緻💕下層味道類近Tiramisu，帶酒味的長條形蛋糕，中間加上雜莓醬，二人分享份量剛好👍🏻▪️3D打印圖案朱古力🤩打卡必點！為了可以打印圖案，上層奶泡比較厚。朱古力甜度適中，整體中規中矩。▪️咖啡拉花不錯，朋友說入口頗香。

.尖沙咀.<CURATOR BY LEX ART CAFÉ>Afternoon TEA Set ~368$~for Two好有藝術🎨氣息既下午茶係「在阿爾的臥室1887」上擺放左好精緻既甜點🍮咸食，仲有藝術打印既咖啡☕️同朱古力添。而飲品上面既同樣都係有名既藝術作品，除左賣相吸引，凍飲🥤味道都好好，配合甜點進食。-鬆餅配士多啤梨🍓果醬及忌廉Classic Scone既結實質感，配上果醬及忌廉😋-🍔迷你安格斯漢堡小小漢堡，牛肉味都好出-Parma Ham脆筒配牛油果醬🧇好特別既一個配搭，調左味酸酸甜甜既牛油果醬，中和返風乾火腿既咸味-Macarons(香橙朱古力, berries, 雲尼拿, 青檸拖肥) 嗜甜既朋友應該會鐘意，個人比較鍾意香橙朱古力，其他味道略微過甜-果撻奇異果🥝同士多啤梨🍓 果撻好出色，新鮮果香，係清甜既Cream上面，被餅底包圍住，好味😋

位於尖沙咀梳士巴利道18號 Victoria Dockside K11 Musea B1樓 B113C 號舖的 CURATOR by LEX ART CAFÉ ，主打西式菜。餐廳的裝潢相當有格調，而且還在櫥窗內展示了不少有名藝術家設計的用品。今次和朋友試了小王子套餐，包一客前菜、主菜和甜品，價錢約三百多元一位。整體來說，菜式的賣相也十分精緻，充滿心思。火箭菜沙律配鮮柳橙、西柚和合桃Rocket Salad with Orange, Grapefruit and Toasted Walnut廚師在沙律頂部放了兩朵可食用鮮花，頓時令賣相變得更加美艷。爽脆清甜的合桃令沙律的口感更加豐富。鮮柳橙和西柚也細心地去掉核子，白色的衣，留下多汁的果肉。香煎三文魚扒配提子莎莎醬Pan Seared Salmon with Grapes Salsa三文魚扒的外皮煎得相當脆口，而裡面的魚肉也頗為嫩滑。提子莎莎醬的感覺夠清新，而且醬汁的味道不會過分濃烈，完全蓋過了三文魚扒的味道。自家製樹莓特濃朱古力慕絲蛋糕Homemade Raspberry Espresso Chocolate Mousse Cake小王子

喜歡奈良美智、村上隆、Kaw嘅朋友應該一早留意到呢一間在K11 Musea 嘅藝術風餐廳！不單止牆上掛滿名畫及展品，更有展出文具及藝術品可以供客人購買！客人都一一仔細欣賞！呢度藝術品及食物都非常精美，而且味道都不錯，簡直係視覺味覺雙重衝擊。🍝卡邦尼培根意粉 $158呢個長通粉比想像中有咬口，而且醬汁非常豐富，有培根、蛋黃、帕馬森芝士，長通粉可以做到掛汁效果，非常好味！而且西班牙香腸切粒，煙煙韌韌的非常惹味，配搭長通粉味道一流！🍗酥脆雞鎚配水牛芝士醬 $58首先上菜外貌非常之吸引，水牛芝士雞鎚非常脆口而且又不太辣，加上水牛芝士能帶出雞嘅香味！🥖呢度嘅特色麵包睇落都非常吸引，今次就叫咗一個「斯人若彩虹，遇見方知有」嘩！淨係個名都夠晒詩意！入面有朱古力榛子醬、士多啤梨、杏仁片、棉花糖同鮮花裝飾，靚靚的打卡一流！☕️🍵 抹茶拿鐵以及咖啡拿鐵拉花非常之美麗，抹茶拿鐵好creamy, 與抹茶味道平衡得很好，朋友都大讚好味！而我呢個咖啡控對佢嘅咖啡拿鐵都非常滿意，咖啡味濃郁而且奶味香濃，很是不錯！這類嘅食物同環境都好像藝術品一般，在這裏晚餐像在藝術館一樣，十分有格調，呢度最出名嘅打印咖啡同下午茶，下次