Crumbs (已搬遷) 新店位置

說出Frozen Yogurt一詞~身邊未必個個理解是甚麼東東~~但只要說多句”呢~~~阿波羅個d呀~~”~得左! XD 所以~~這個item對於香港人來說一點都不陌生~只是最近都以西式新派光鮮格局出場~開業第一天時試食過~但當時胃納和時間都不容許小比吃一杯yogurt~所以乾脆這天就以一杯yogurt作為晚餐~把carbo. quota都給予它~~花多眼亂~但帶水份和軟糯的配料一般都不會選~總覺得會影響了整杯的texture~多數會選乾爽硬脆的東西配上幼滑yogurt~來得Crumbs~當然要試House Crumbs~有如壓碎了的蘋果肉桂味energy bar~~大杯裝可選2種配料~沒有選granola是避免太相似~見藍莓大大粒又飽滿~就斷然要了這個~Yogurt與配料間住間住地放~有如McDonald double新地~乳酪吃起來比YoMama等來得硬身~沒那麼細膩沒那麼易溶~但乳酸度則較低~眼光沒有錯~藍莓果然新鮮乾爽~在口裡”pop”~應聲爆開~而且份量絕不少~~要知道藍莓的成本相對其他bear bear糖~mochi等高很多~~house crumbs份量下得夠~能夠充份拌

Yo-ho! The hottest (and coolest! read on...) street snacking sensation is coming to town! A brainchild of the sister of artiste-turned-entrepreneur Erica Yuen, CRUMBS offers a freshly baked alternative to your usual King Lung Street diet of chips, skewered offals and Taiwanese teas. No-one can resist the aroma of buttery scones right? No wonder the little cheery-yellow shopfront is always packed. Their signature piping-hot scones are constantly being chruned out from the kitchen, and are swept u

由於工作關係，常常都要由一間學校趕去另一間學校。今次咁啱轉車站為銅鑼灣，當然要buy time 去crumbs買好好味嘅scone啦！買了六個raisin scones ($36), 俾完錢之後，望一望錶，仲有時間喎！即刻俾錢買多杯frozen yoghurt ($28) 歎吓！男店員好好人，有禮貌，又好笑容。女店員 (應該係老闆娘)都好好人，好有禮貌。raisin scone 水準不變，香濃鬆軟！賣相金金黃黃，甚是吸引！提子粒有咬口。至於個frozen yoghurt呢...都係好正！$28係細杯，不過都好夠食。尤其係咁凍天氣，細杯都好夠了。質地軟軟滑滑，味道又酸酸地。我揀咗oreo 做配料，份量好多，絕不姑寒。個雪糕食到尾都仲有好多oreo。

專登去CRUMBS 買鬆餅食, 睇下係咪真係有歐洲口味.....去到, 剛剛提子鬆餅出燼, 可惜聞唔到香味....枱面有得試食, 一拎起, 出醜.....件鬆餅散晒....唔好意思0甘拎住少少放入口.芝士味濃而不香, 有D乾, 因為D個原因決定買了3個提子鬆餅, HK$18/3個.一心諗住可能之前試食, 鬆餅切得太細, 所以散, 拎起一件, 一咬, 結果又係散晒.唔覺太油, 直程有D乾. 唔甜....食唔到提子.失望!

近日見openrice 好評颾升，果日出銅鑼灣，就一心尋找Crumbs！雖然店子細細，但有個鮮黃招牌同大大隻易拉架，都不難搵～店內，收銀旁有個七彩繽紛的櫥櫃，放滿配搭乳酷的配料！幸好把持得住無叫到乳酪，差點破壞了減肥大計原來論鬆餅店裏只有兩款～食物選擇不多但一直人來人往地好生意～我和朋友點了３個芝士鬆餅和３個提子鬆餅這個可以自由配搭，要２個芝士加一個提子都得～但一買就要買３個！　芝士鬆餅：芝士味不算濃，可能睇完食評寄以太多厚望；餅很鬆軟，但沒有過多牛油的油膩感注意：非常易碎！原先想分小塊吃的，但一禁落去就碎開啦！都係唔好顧儀態成舊咬落去比較原汁原味　提子鬆餅：上者屬咸鬆餅，這則是甜鬆餅；提子好大粒，有咬口多汁！本身鬆餅也是微甜的，加埋提子也沒有過甜，反而有點清新果香；這個餅較芝士的 "實淨"，味道方面亦可以話無咁寡～可能自己愛甜２選一我會中意提子多Ｄ～下次再出去要試下乳酪～實花多眼亂唔知揀邊款料好啦

上黎睇到食評，好想試下！仲捉左一位剛o係M記食緊軟雪糕同萍果批既朋友仔去食！有試食都唔試就落order！(但等得奈…所以都偷試左一小塊scones)Order左3件Scones(朋友唔鍾意食芝士，所以1芝士、2提子)，同一杯大的frozen yoghurt，加2款toppings: 藍莓 x 士多啤梨。首先講Scones，兩隻味都好好，但個人嫌太"鬆散"！"鬆軟"係好，但太"鬆散"…如店方考慮賣埋原味更加好！(因為佢地做個牛油味本身都好正！)frozen yoghurt，夠凍唔太硬~水果好新鮮！而且唔"孤寒"！唔會食到一半已經無晒配料！抵讚！可惜係我一心試個homemade crumbs，睇之前既食評話新張期送既，當我接到既時候見無就問店員(應該係老闆娘)，佢話加4蚊，無問題！但我個杯裝滿晒野，都無位再加啦…以為已經送完，唔緊要啦~都會再去食過！但今日見有其他食評都係果日既都有送！姐係點？選擇性送？呢樣有D唔開心播…

上星期行過銅鑼灣, 見到近期係OPENRICE 勁HOT既CRUMBS, 立即一試因為以前係UK食過唔少SCONE, 香港有間半主打賣SCONE 當然要一試啦~!好, 有試食, 兩隻味都食晒, 分別不大, 只可以話一個甜一個咸的. 牛油份量真啲太多, 難怪咁香~可以有改善空間, 因為SCONE 唔應該咁油.不過, 都可以叫好食既 YOGHURT OVERALL 都好食,FRUITS+CRUMBS+YOGURT 個TEXTURE 好好, 幾飽肚子夏天可以當LUNCH!! 如果水果OPTIONS 多啲仲好, 夏天應該有多啲生果選擇既!, 佢地可以考慮吓MALTESERS !!

一直有睇開erica (袁彌明) 個blog見佢0係blog 度宣傳佢家姐同朋友0係銅鑼灣開左間Crumbs是晚經過專登幫襯買左2個提子1個芝士scone最後食食下先發覺比左1個提子2個芝士, 唔知係唔係都應該收$19讚：- 服務好, 有禮貌, 雖然唔係等左好耐(要等佢出爐), 但係收銀果位哥哥都係咁講唔好意思- 一直都以為scone 好硬, 原來都可以好似cookie 咁咁鬆化, 一咬就散開- 超香, 就算放左入紙袋再放入袋, 都散發出好濃0既牛油香味彈：- 紙袋太薄, 而牛油多, 攪到成個紙袋都滲哂油, 拎起上0黎好唔方便建議用厚身0的唔易滲油0既紙袋總結：下次有機會一定要試下yogurt不過今次負責整yogurt 0既姐姐清潔緊野, 唔得閒比0的我試味

其實都2、3星期前食的了，但因為真係值得讚，所以補回食評一篇~一向小儀都得別愛食scone，抹上厚厚的cream或者在新鮮出爐時光塗上牛油，已經叫我食指大動，也為此很捨得到不同酒店high tea，只求一件好scone。這次在銅鑼灣街頭有得買，而且才$6件，真的非試不可!去到雖然沒什麼人龍，店員很大方的請我們試食2種口味的鬆餅和乳酪，由於是熱辣辣，真的很香很好味~提子的是香甜鬆脆，芝士的是咸香誘人，雖然不是和cream一起serve的scone，但如此價錢可以一解心隱和滿足一下不餓又為食的時候~~真好^^

一月二十二日 (星期五)和老公仔吃過澳門茶餐廳,因為沒飯落肚,所以我仍覺有點餓剛巧記起附近有人氣小食店Crumbs,決定順道試一試乳酪Crumbs是明星袁彌明的姐姐開的,並親自落場已經是晚上九時許,仍然是客似雲來很多人都是等待新鮮出爐的提子鬆餅我們之前吃過,的確很鬆軟,很香口...今晚我們決定試Crumbs的另一款美食-Yogurt可以選多款配料的,有我最喜歡的Oreo,而老公仔就選了棉花糖乳酪本身很滑很香,並且標榜是低脂的,最適合我們這些貪吃的人由於老公仔不太好乳酪,大部份都是我獨佔的鋪賣的食品款式不多,但就勝在貴精不貴多只要是好東西,香港人一定懂欣賞!

我地已經幫襯過呢間舖幾次架啦~第一次食係因為係佢門口等人, 諗住買d scones黎做第二日既早餐於是買左3件提子scones點知放左一晚, 都好好食!!佢好香濃牛油味, 好乾身, 仲好"鬆身", 一咬落去就散開其實我都食過好幾間高級餐廳/餅店既sconesCrumbs其實真係拍得住酒店級水準!! 甚至比某d貴餐廳做得好!第一次之後, 就週不時黎買鬆餅, 會即食, 又會放一晚做早餐下次要食埋佢個frozen yogurt~ haha

今日想食甜野!今日想試新野!來到了這裡要了一杯大的frozen yoghurt~加了2款toppings: blueberry x mochi, 還免費附加了homemade crumbs!本身喜歡yoghurt甜甜地加微微酸, 加上3款甜甜toppings, 很match!店員都好細心去向客人講解佢地既產品, 親切是也!如再到CWB, 會考慮再來一杯!

這家新人氣之小食店, 雖然開張不久, 但我已經品嚐了數次.第一次到這小店時, 老闆娘非常熱情的給客人試食, 無論是提子鬆餅還是芝士鬆餅, 還有FROZEN YOGHURT, 都很大方的給客人試食. 這店就在我家的附近, 所以買完即回家, 做一杯英式奶茶後就馬上品嚐這提子鬆餅, 真非常鬆軟, 又有提子. 提子很軟, 沒有硬硬的感覺, 很好. 老闆娘很好, 可以給我買2個提子加1個芝士($19). 這樣2款都可以試了. 芝士鬆餅充滿牛油及芝士味, 喜歡CHEDDER AND PARMESAN 的人就不容錯過.第2天吃餘下的一個提子鬆餅, 仍然保持水準!

19-1-2010又要等朋友落堂一齊食 dinner, 又來未夠鐘就餓得發慌, 嚟到新開的呢檔人氣 scone 店, 買幾隻芝士味的試試 (scones $21 for 3, 無得逐個買).唔係新鮮出爐, 不過都叫微暖, 打開紙袋 (好多油漬喎...) 已聞到好香芝 (cheddar?) 味, 幾吸引. 食落芝味一樣香濃, 無油, 乾身, 質感有點似食緊 cookie,「剝落」成 crumbs 的程度亦幾嚴重, 結果食到一街都係碎 平均 $7 一隻, 值得試試.下次食 frozen yogurt

星期一，距離BB出世嘅日子越來越近。筆者與太座嘅心情不但沒有半點緊張，等了十個月，等到有點不耐煩，希望BB快一點出世。這夜，準舅父從銅鑼灣一間叫「Crumbs」嘅新店買來幾件士干。雖然剛吃飽了飯，筆者還是忍唔住拎咗一件芝士味士干嚟食。講起士干，就不能不提「文華」了。此新店嘅士干，充滿了濃郁嘅牛油芳香，論程度不比「文華」的遜色，而且質感是更加鬆軟的，是青出於藍勝於藍嘅出品。不過，以此便否定「文華」尚早。如果加了獨家製嘅果醬，「文華」又稍勝一籌。如果此店嘅某女星老闆可以動一動腦筋，研究加入果醬，與「文華」一決高下，勝負未可料。以「Crumbs」為名，字本身解作餅碎，有心思，是好吃得連餅碎都唔放過 (當然令一個意思係灑在乳酪上嘅餅碎啦)。十八蚊一件士干，「文華」嘅餅店負責人，小心了，後來者是來勢洶洶的。