Comfy by Chef's Stage (東廣場)

营业中

休息中

講起下午茶，自然會想到炸雞脾紅豆冰，花生醬西多士，奶醬多加司華力腸，公司三文治等。今日的下午茶有；黑松露炒蛋牛角包，炸意大利燒烤菇配松露蛋黃醬，巴馬火腿辣肉腸簿餅，飲品是熱玫瑰茉莉花茶，薑王檸檬薑茶。如此新穎又美味的下午茶，想起都心花怒放。新潮餐廳非常明亮寬敞，綠色自然裝修風格，感覺清爽舒服，餐桌旁還有個大狗陪伴你我，遞起手仔賣萌。必食餐1，炸意大利燒烤菇配松露蛋黃醬，新鮮的的大啡菇包了薄薄的脆粉，炸得外脆內軟，鮮嫩香滑，比肉更好味，難怪說菇菌是素中之葷。必食餐2，黑松露炒蛋牛角包，炒得嫩滑的松露蛋放在烤熱的牛角包中，散發出陣陣香味，再配上新鮮炸好的松露薯條🍟，食得十分滿足。😘兩大壺花茶晶瑩剔透，花香縈繞，既清爽解膩，又健康防疫，為漫長的抗疫生活，加添了滿滿的正能量。

平時好少約人去觀塘食飯，因為大部份餐廳都好迫，坐唔得耐又趕你走。最近喺東廣場發現咗一間好正嘅Cafe，唔止近地鐵站，個vibe好田園風，用咗好多木系嘅傢俬，座位好舒適，啱晒同朋友一邊食一邊傾偈。我哋一行兩人叫左三樣嘢，同埋每人一杯飲品。嘢食上得好快👍🏻前菜係烤南瓜藜麥沙律配蜜糖黑醋汁( $98)，南瓜烤得好香，唔好睇佢好似份量好細，因為有好多藜麥，仲有好多舊西蘭花，所以都夠飽肚。第二個小食係炸意大利燒烤菇配松露蛋黃醬 ($68)，好似四至五件，大菇咬落去超爆汁，而且外皮炸得好厚好脆，我地一致覺得好好食，黑松露醬係畫龍點睛。至於主菜，我地叫左香煎美國雞胸 ($138)，雞胸嚟講算嫩滑，但肉汁就唔算多，薯仔同配菜都好入味，不過不失。因為近排天氣太熱，所以我哋都叫咗奶昔飲，分別係牛油果香蕉奶昔( $46)同曲奇奶昔( $46)，份量比我想像中的骰。但要大力推介牛油果香蕉奶昔！口感好綿滑，清清甜甜，一啲都唔heavy，啱晒我呢啲牛油果控。最後埋單$435，晚餐Cafe嚟講算正常價，仲可以坐得好耐，抵讚🫶🏻

呢間Cafe位於觀塘一新式廣場內，半開放式，空間夠曬寬敞，裝修以木制為主，簡約得來又不失文青風格。簡單翻閱了一下門口的餐牌，便感興趣入嚟了。餐廳一邊係廚房和水吧，同樣是半開放式設計，環境衛生必須有一定程度要求。收錢枱下係一排入牆裝飾櫃，排列整齊的飾品加上燈光效果，更加加強文青feel。薑黃檸檬茶熱$38 凍$42餐廳用QR code手機落單，我和朋友各自點了薑黃檸檬薑茶，一冷一熱，凍茶是外賣膠樽裝，方便飲唔曬拎走都得，熱茶用木制托盤盛載，突顯格調。薑黃茶具抗炎效果，也能促進消化，提升免疫力，正是抗疫最佳飲品，味道少少甘香極微苦，容易入口，飲完齒頰留香。紐西蘭肉眼扒$168肉眼扒七成熟，厚度一般，盛在夠大塊，兩個人share食剛好，肉質鮮嫩，不鞋口，配菜有青菜、紅蘿蔔和蕃茄仔，增加色相和營養元素。黑松露雜菌意大利飯$118意大利粉粒粒分明，飯粒吸收雜菌同黑松露味，好creamy 好香濃，每一啖飯送入口都有香口撲鼻的感覺。配上一塊多士，充滿牛油香味，特別開胃。餐廳服務到位，有帶位和主動提供清水。期間亦有耐心交代掃QR code點菜。後來才見到餐廳採用日本蘭王蛋。下次可以試吓午餐先。

第三次食這間店了，因為想試完全它每一道菜式。暫時來說每道菜都好味。今晚也是點了3道菜加飲品。意粉批蕯必吃，再加牛扒一份，很滿足。服務員服務正常。還會再來的。謝謝

📸 @comfybychefsstage 數唔清第幾次黎Comfy食野🤣位置都算方便係觀塘地鐵站一出行2-3分鐘就到店舖空間十足 唔會話坐得好逼貼心位：每張枱都設有差電位可以用usb/插頭拎埋電腦黎chill住做野都唔驚🤪🍴 芒果蟹肉牛油果沙律 $128💛8.5/10真係推薦大家試🥰最底層係芒果 中間夾住蟹肉頂層係牛油果沙律單食牛油果比較膩配上芒果 酸酸甜甜啱曬解膩蟹肉份量重手 食落去擔擔都住蟹肉💛冰磚鴛鴦都好特別冰磚係用咖啡雪成再加入凍奶茶 沖成鴛鴦好飲得黎又打卡able🤤#wwh必食之選#wwh食勻觀塘

今日又去到 KT 食野~因為天氣不太隱定,所以都想搵連接MTR 既地方~東廣場就連接觀塘廣場,所以都好就腳同方面~COMFY既裝修不錯,比起COFFEE ART 就高級D、似咖啡店~其實個環境都不錯。今日就睇中飲 DIRTY~因為係現場先好飲既,佢既份量不錯,而且有咖啡豆既香氣~逐樣講下~明太子帶子意粉就好 CREAMY~係我鐘意食既味道同口感~牛油果沙律都整得好有口感~新鮮好味~之後就是 BURGER~個漢堡就細D,不過有兩塊~都可以接受,不過好似煎得濃左D~甜品 TIRAMISU 幾不錯~有咖啡的香氣~夾得幾好~依間想再食~

觀塘東廣場係美食雲集既地方，但係呢度既鋪頭大部分係地踎小店，而呢間餐廳就特別有格調，裝修俾人一種十分chill既感覺。適逢星期三返工返到好攰，就索性黎呢間餐廳chill下！估唔到呢度d食物都很不錯！忍唔住要推薦下！芒果蟹肉牛油果沙律🥗呢個沙律好refresh，上面係一餐好滑嘅牛油果醬，中間係一層蟹肉，最下面係芒果，原來呢三樣食材夾埋一齊係咁好味！我同朋友都好喜歡，一上菜即刻清曬！秘制美國炸雞翼配蜜糖芥末醬配薯條🍟呢個雞翼好特別，外層被一層好鬆化既麵包糠包裹，裡面既肉質非常鮮嫩，配上蜜糖芥末醬簡直一絕！薯條都係粗身大條既，外脆內軟既！不錯！明太子海鮮薄餅🍕呢個薄餅都幾大份，我地2個人都食唔曬，餅底又薄又脆，上面啲料都好足，蝦呀蟹柳呀芝士呀等等鋪滿成個表面，而最上面既海苔可謂點睛之筆，可以令個pizzw多左一層口感，食落唔會太寡淡。飲品我同朋友就叫左一人一杯奶，我既紫薯奶可以選擇甜度同奶既種類，除左全脂/脫脂之外，仲可以選擇燕麥奶或者杏仁奶，細節滿分！朋友既蝶豆花芝麻奶就好想芝麻味！兩杯都好好飲！大家經過不妨去chill下呀！個人認為佢係週末聚腳飯聚既好地方！

今日比朋友拉左黎e 度打卡食飯，雖然商場唔係好高級，但餐廳環境的確係幾唔錯👍🏼👍🏼文青風，枱凳都好寬落餐廳都幾特別，分開左兩part😯入面有個自助區，但其實佢d service 都好到位，坐低就已經有水有餐具～正餐其實仲有個menu 的～～超好食，又抵。咁多蟹肉同牛油果先一百頭！底仲有d 芒果。通常e d 菜式嘅蟹肉同牛酒果份量都好少。牛油果入面都混合左牛油果粒，全部都熟左，食落唔會硬。依個菜式好評！薯條份量又係好足，又熱又脆仲唔油！雞翼入面都好嫩依個係雞胸，本身朋友order 個陣都怕雞胸肉會事柴，但係放落口真係同相象中太大出入。食落的口感同juicy 程度同慢煮有得比。而且，份量真係再一次-好足朋友叫左士多啤梨梳打，靚我的係牛酒果香蕉奶昔。本身以為有牛油果，質感會好厚實，但原來又唔會。飲得出有牛油果同香蕉味，仲有種好清新嘅感覺。上面嘅cream 唔會太甜，幾唔錯，可以試下

煙肉及意大利豬肉腸花椒忌廉汁扁意粉估唔到花椒都可以配意粉，而且仲要咁夾！惹味得嚟中和咗忌廉汁嘅‘漏’紫薯鮮奶有香濃紫薯味，唔會太甜，而且賣相靚夠打卡able👍🏻Overall嚟講，價錢唔貴，餐廳環境幾簡約幾靚，食物唔錯，性價比高！

一早訂枱，今晚請老公食生日晚餐，叫咗三個主菜， 加一杯飲品，埋單四舊水。😅訂枱先至有i pan凳坐呀，大家記得嘞-😆南瓜汁雞肉意大利飯烤雞pizza美式炸薯條雞翼玫瑰鮮奶咖啡

老公話要試呢間餐廳， 我哋就嚟試下啦， 估唔到啲嘢食又幾好味喎， 唔怪得咁多年輕人去啦，果然係多年輕人去嘅地方一定冇錯， 啲嘢食一定會有番咁上下水準。我哋叫咗一個意粉，一個日式丼定食， 兩杯嘢飲，加埋飯後甜品，都只係五百蚊有找。每樣東西都好好食，特別想讚下呢度啲服務生態度好好，因為呢我哋自己掃碼點餐嘅時候， 點錯咗熱飲薄荷朱古力， 但係服務員都冇怨言幫我哋更改為凍飲， 值得一讚， 下次我哋會再嚟幫襯，試埋去其他嘢食。

最近多咗去觀塘食飯，今日就揀咗位於就近觀塘港鐵站嘅東廣場呢間Comfy by Chef’s Stage。呢度餐廳設計都幾靚，部份餐枱仲附帶有叉電位，設計真係好貼心。首先我哋揀咗甜薯條，番薯金黃色，而且好甜，外脆內軟，口感一流，唔使點茄汁都咁好食。朋友鍾意食蟹肉，而我又想叫個沙律，於是就揀咗芒果蟹肉牛油果沙律。上層係牛油果醬，而下層就係用蟹肉包住芒果肉，旁邊仲有火箭菜，確係一度好開胃嘅菜式。晚餐當然要食個飯，我哋就選擇咗燒美國安格斯牛腹柳日式丼飯，夠晒豐富。牛腹柳切成薄片，而且用醬汁煮過，夠晒入味。餐牌上已經標明佢哋係使用日本蘭王蛋，所以蛋黃非常橙紅，而且仲好有蛋香。仲有牛蒡同泡菜做伴菜，夠晒醒胃。想飲咖啡又驚瞓唔着，所以就叫咗呢個雪糕特濃咖啡，貪佢有雪糕中和返特濃咖啡嘅味道。咖啡真係超濃郁，旁邊仲有幾粒烘焙過嘅咖啡豆，非常脆口。另外見到隔離枱叫咗紫薯鮮奶好吸睛，所以我都叫番杯，少甜嘅紫薯鮮奶特別好味。呢度仲有自助區，可以自己斟水，最驚喜嘅係佢竟然有Sparkling Water免費提供，真係喜出望外。仲有好多乳酪杯，喺附近返工嘅朋友就幸福啦。

呢間西餐開係東廣場既正中間，行入啲就會見到，因為佢算係商場佔地最大既餐廳，望落特別氣派。東廣場係觀塘地鐵站行5分鐘就會到，都算方便。今次同朋友黎叫左一份沙律同一份主食，加多兩杯野飲同甜品。先上菜既係芒果牛油果蟹肉沙律切開黎睇顏色好豐富，食落都好清新，啲蟹味咸咸地又幾夾芒果既甜味，因為有牛油果，食完都有啲飽。之後上菜既係美國香煎雞胸，佢伴碟既汁好香，配埋隔離啲蔬菜食，感覺健康又入味，雞胸煎得好脆又唔會好鞋，岩晒中意健身既朋友。仲要好大塊，一個人應該食唔晒。飲埋個羽衣甘藍汁同香蕉牛油果奶昔，真係飽晒，兩杯飲品都唔會好甜，飲得出係生果鮮榨，無溝好多糖。最後食埋個tiramisu收尾，咖啡味濃郁，成餐都好滿足，食完之後比我既感覺係，佢啲既食物同飲品都係健康清新，唔會重甜又唔會好咸，味道岩岩好，一定會再去埋單兩個人每人200幾蚊左右，值回票價，餐廳既侍應服務都好周到，換主食同甜品都會係上餐前幫你換好新既碟

<讚👍🏻>‼️用QR code自己下單‼️.🥣軟殼蟹番茄忌廉汁扁意粉🥣：💰$128軟殼蟹原隻上！炸得幾脆，有片蒜蓉包，意粉份量都多，番茄醬酸酸甜甜少少creamy，可以解到番茄癮！仲有番茄仔粒！🥣炸意大利啡菇配黑松露蛋黃醬🥣：💰$68有六大塊炸菇，菇汁仲鎖住入面，但炸皮偏厚，沾埋勁濃既黑松露醬正🤤推介！🥣鮮果蜜糖穀物乳酪🥣：💰$98配蜜糖，覺得乳酪太酸可以落蜜糖🫢有唔同水果片，整碗係一半希臘原味乳酪、一半脆脆穀類，穀物好多堅果同提子乾，因為偏多要咬既食物，所以好快有飽肚感！🥤熱玫瑰茉莉花茶🥤：💰$38熱茶係一壺茶上，係茶包泡無糖茶，可以沖兩轉左右，清清地咁解下濟。.好味程度：⭐⭐⭐⭐抵食指數：⭐⭐⭐環境指數：⭐⭐⭐⭐

在人多車多的觀塘開源道一帶返工的我 , 不幸地今晚又遲收工 , 就諗住同同事附近食埋個飯先走人工業區呢帶食肆林立, 但只不過係限早餐,LUNCH,下午茶時間 , 實際此區會做晚市的其實少之有少就去附近東廣場 多選擇D睇睇到達見到Comfy by Chef's Stage , 裝修西式簡約悠閒風 , 又差不多爆場 , 就決定一試在場幫襯差不多全部後生仔 , 令文青悠閒feel更重 , 令人容易放鬆 chill既感覺如圖, 斜對面也是舖頭範圍環境乾淨衞生 , 硬件亦見新淨店員殷勤有禮遞上餐牌並略為推介叫左5min後就上菜 , 都幾快煙三文魚凱撒沙律 ($118) - 沙律清新 , 微鹹的煙三文魚配以"漢"過的面包,芝士,煙肉碎及菜佐以入口食材相輔相成 , 味道細膩 , 三文魚方面亦不忘擺盤 以花形狀示人秘製美國炸雞翼配蜜糖芥末醬配薯條 ($68) - 薯條食得出原個薯仔處理 , 熱辣辣重薯味有咬口 , M記薯條果D無得比而雞中翼有4舊 , 炸得恰到好處 , 內裡雞肉頗滑 , 口感類似譚仔土匪雞翼既升級美式版 , 唔錯香煎美國雞胸 ($138) - 伴菜為薯仔, 車厘茄及紅蘿蔔蔬菜 , 雞胸