Chopsticks Fork n Knife (CFK) (裕民坊YM² ) (已結業)

行開呢個觀塘新商場見到呢間裝修得好靚又有特式野食，未食都已經好期待!日式海鮮沙律朋友減緊肥所以嗌咗個沙律，但佢完全唔係hea做，海鮮係真係用新鮮海鮮制作，唔係普通急凍海鮮，所以蝦肉同埋青口食落口感同埋味道都好fresh又彈牙。菜亦都係夠新鮮同埋洗得乾淨夠爽脆。醬汁另上可以按自己喜好加入菜一齊食，就咁個沙律都好有驚喜!黑毛豬叉燒配飯呢度既招牌之一就係黑毛豬叉燒，我當然唔會放過啦! 叉燒真係每件都肥瘦均勻而且有少少燶邊，真係教科書式既叉燒! 咬落口感一流，肉汁豐富而且夠嫩滑，加上有蜜汁調味，成碗飯轉個頭就食哂!小食拼盤呢個拼盤有齊薯條、雞翼、魷魚圈同埋少少沙律菜。雞翼係水牛城雞翼既調味，辣得嚟帶酸味好有層次，而且都係爆哂肉汁! 魷魚圈既炸衣唔厚，食落唔太油!

《城市綠洲西餐廳🌴》———————————————-#CFK 🍽-觀塘裕民坊新商場真心多好野食，呢間更加係中西式都有嘅fusion菜，迎合到路同口味客人嘅需要😆-小店走文青風，有分室內同室外區域，有唔少綠色植物做點綴🍀 坐落都幾舒服，適合情侶收工過嚟食個晚餐～-🍔 韓式烤肉漢堡呢款相當驚喜，認真推薦比大家🥰 唔好睇少烏卒卒嘅竹炭麵包🥯，質地鬆軟～ 中間夾住大量嘅韓式烤肉同洋蔥、生菜，味道意外嘅夾👏🏻 薯條可以揀選一種醬汁，我哋就揀咗鹹蛋黃醬，但又無好heavy，一啲都唔膩😚-🍝 明太子忌廉意粉明太子份量十足，忌廉芝士夠哂濃厚，意粉口感富有嚼勁，好能夠做到掛汁嘅效果，十分creamy 😝-⭐ 參考價錢︰韓式烤肉漢堡：$148明太子忌廉意粉：$98荔枝梳打：$38柚子梳打： $38🍌 抵deal 指數：8/10💰 人均消費：$180

作為觀塘居民，裕民坊開左咁耐都未幫襯過，今晚終於開齋。安格斯牛肉竹炭漢堡 ($158)大大份好足料，簡簡單單嘅組合，生菜、蕃茄、芝士、生洋蔥等等已經好香口，味道好豐富，漢堡扒夠厚有肉汁。 薯條食到尾都熱辣辣，唔錯。香蒜辣椒蜆肉意粉 ($128)除咗面頭有殼個啲之外，仲額外加咗好多蜆肉，少見地蜆肉仲多過意粉，非常有誠意。 怒加大量芝士粉之後，味道更加昇華咗。香橙紅菜頭醃漬三文魚 ($92)酸酸甜甜好開胃，醃過嘅三文魚依然彈牙有咬口，尤其鍾意啲橙好甜。餐牌有好多選擇，見叉燒同海南雞飯都唔錯，下次可以試吓。

裕民坊個新商場雖然唔大，不過都有唔少野食，今日見到有間餐廳環境好好，有室內又有露天位，人又唔多，好舒服，於是乎同朋友去下午茶chill吓🤣佢嘅餐式好多，中西合璧，都幾特別，連一啲中菜嘅小食同西式嘅前菜都有，主菜又係有好多選擇，例如中式嘅叉燒、海南雞。。。西式嘅扒、意粉、漢堡都有，好啱一堆想食唔同菜式嘅人👍🏻小食拼盤，$108我哋叫咗最適合送酒嘅小食拼盤，都幾豐富，有雞翼、炸魚、炸魷魚、薯條同埋沙律菜。雞翼好多汁好juicy好夠味。炸魚啲魚肉好嫩，外層好脆。明太子忌廉意大利粉，$98推介大家食呢個意粉，好好味呀，好重忌廉味，加埋魚子，好香好入味，我哋兩個搶住食，如果份量再大啲就好啦😆Brooklyn 手工啤，$88店員推介呢款啤酒俾我哋，冇咁苦之餘仲好夠氣，好易入口，好啱女仔呀，手工啤係好飲啲嘅，不過當然價錢亦都高啲，不過咁大杯都算合理。gate of dawn，$56聽個名幾特別，所以試吓，而且係青瓜味，加埋萍果汁同梳打水，真係未試過，佢唔會太甜，不過幾fresh，飲落都幾舒服。餐廳嘢飲選擇都好多，有冇酒精嘅都有，唔錯。地理位置方便、環境一流、菜式同嘢飲都選擇多，好唔錯嘅一間餐廳。

觀塘凱匯又一新食店，中餐西餐都有齊，裝修好新好靚，人唔太多，見價錢合理就入左去！挪威三文魚柳$158🇳🇴三文魚柳煎得好靚！生熟度剛剛好！仲係好juice!塊魚皮脆卜卜!健康之選！明太子忌廉意大利粉$98🍝好多明太子，加埋濃厚嘅忌廉芝士，係邪惡之選！但好好味😋英式炸魚薯條🐟🍟$98炸魚好厚肉，新鮮炸起脆卜卜！點沙律醬一流！觀塘真係越來越多好嘢食！放工開餐又一好地方😸環境同食物都唔錯唔錯！

觀塘裕民坊重建後，面目全非，豎起高樓大廈同新商場。呢日放工去嗰邊行吓，商場啲舖頭開得七七八八。我哋見有間餐廳個名幾得意叫「Chopsticks Fork n Knife」，再睇埋餐牌好似乜都有得食，就決定喺度開餐😃。小店設有室内同室外座位，但室外部份無冷氣，未到冬天就不了🙈。室內裝修算幾四正，並用上綠色植物(偽？)作點綴。餐廳晚市時段都幾多人幫襯，室內部份近乎滿座。餐廳有提供晚市套餐，但菜式只涵蓋西餐。由於我哋唔想食晒一味，所以決定散叫。餐廳名叫筷子刀叉🥢🍽，莫非係指集多國菜於一身，佢確係有賣中菜、西餐同韓國菜等。四川麻辣口水雞($108/例牌)，配油飯($20)，呢碟係中菜嘅代表，小菜款式可加配飯🍚，但我認為有少少貴。圖中嘅口水雞係例牌份量，估唔到都有咁多！🐔雞件經已去骨，食用方便，大啖肉得嚟肉質又夠滑。 口水雞醬嘅味道主要來自面頭嘅椒麻粒粒，辣度一般，同米線BB辣差唔多。麻辣雲耳萵苣($48)，佢嘅份量同樣係意料之外地多，本身諗住幾十蚊嘅小食應該得幾嚿。小食嘅辣味同麻味比起口水雞強，惹味之選🌶，而雲耳同萵苣嘅質感均係非常爽脆兼掛汁，正。明太子忌廉意大利粉($98)，🍝意粉口感富有嚼

裕民坊都開咗一段時間，不過小編都未有時間去，今次就同朋友去咗裕民坊嗰度行吓，順便食下野😋今次我哋就叫咗中西合璧嘅菜式，雞絲粉皮，麻辣雲耳萵筍，安格斯牛肉竹炭漢堡同心太軟配雲呢拿雪糕，兩個人share剛剛好😀雞絲粉皮分量都算大，啲雞肉都好嫩滑，撈埋啲粉皮同埋芝麻醬食好好味，依家天氣咁熱，好適合叫來食😌另外，麻辣雲耳萵筍，通常萵筍都係萵筍片，冇諗過係一大舊，食落去都好爽，麻辣都唔係話太辣，係可以接受到嘅😊安格斯牛肉竹炭漢堡份量都算大，同朋友切咗一半share，另外仲有啲薯條同沙律🥗，食完之後都好飽😋最後有個心太軟配雲呢拿雪糕做甜品作為總結，十分滿足🤣

重建後的裕民坊已經完成不同了，地方乾淨企理，給人一種煥然一新的感覺，今日嚟到就當然四圍走，見到有間可以食到多國菜式餐廳，所以決定入入一試。餐廳裝潢優雅，格調清新，家庭聚餐、朋友、約會都一定唔會失禮。CFK真係提供了多國菜式如：正宗海南雞、明太子意大利粉、澳洲羊架等，真係中餐又有，西餐都有！今回就食個前段中餐，再以西式甜品結尾😋。雞絲粉皮天氣熱辣辣，都想食點透心涼嘅嘢食，雞絲粉皮就正好可以令人胃口大開！冰涼煙韌嘅粉皮，麻香彈牙嘅雞絲，配上麻醬絕對是最佳配搭。麻辣牛展牛展份量不少，口感軟腍彈牙，味道麻麻辣辣，亦非常醒胃！極品黑毛豬叉燒黑毛豬叉燒確有不同，那肉質軟嫩，爽口彈牙，在油脂中食到鬆軟口感，不愧為極品黑毛豬。意大利芝士蛋糕比平常食到嘅有點不同，但食起來質感軟腍，芝士與咖啡平衡得宜，絕對要一試😋。

觀塘市中心重建工作仍在進行中，早前已完工的裕民坊新商場在舊區中別樹一格😳商場內亦有不少新餐廳進註，其中位於L2的Chopsticks Fork n Knife 甚為特別，餐廳分了室內及半室外用餐區，而餐廳的設計亦跟商場融合，以綠色植物作裝飾，而室內的黃光配上音樂及寧靜的環境與繁華熱鬧的觀塘市亦呈現極大對比🌃——————🍔 烤大啡菇芝士漢堡（$108）漢堡用上竹炭麵包，賣相非常吸睛，而漢堡非常厚，大啡菇肉汁豐富，配上爽脆的生菜及清甜的蕃茄很不錯👍🏻如裡面的生洋蔥可以烤一烤減輕辛辣味會更佳🍝 明太子忌廉意粉（$98）整個意粉非常creamy，明太子份量多，但咸度度適中💕推介🍮 朱古力心太軟配雪糕（$80）朱古力蛋糕微溫，中間流心做得不錯，甜度亦剛好，如把外層焗至微脆口感會更佳🍨榛子味雪糕很讚❣️口感軟滑易溶🍷 紅莓汁（$25）酸酸甜甜幾開胃

今日同屋企人黎新開嘅裕民坊商場行下，睇到e間餐廳設計好靚，天花好多綠化植物🌱☘️仲有露天嘅餐桌，客人可以享受日光🌞睇返餐點，發現餐點種類都幾多，有中，西同甜品都有😍我地點左以下：🌼明太子忌廉意粉E碟真係必推😍上枱意粉熱辣辣，條條都沾到忌廉同明太子，口感夠creamy🥰🌼西蘭花炒蝦球西蘭花食落有蒜茸味，軟硬適中😌保持到翠綠。蝦球都幾大粒，口感彈牙。🦐🧇比利時香軟窩夫配雪糕🍦比利時窩夫熱辣辣，雪糕好香牛奶味🍼滑滑嘅😋🍫凍朱古力，朱古力好香濃同埋都幾消暑🥰

裕民坊開咗好多新餐廳呢間餐廳就集合左多國美食包括東南亞美食及西餐 保證有款啱你食成間店舖設計都係草原風格 感覺好有歐陸風三五知己一齊吹水最好不過前菜先來一個雲耳麻辣萵筍 辣汁加蒜頭 令雲耳萵筍更香辣鍾意食川菜 呢個就好啱你極品黑毛豬叉燒$138 叉燒經過香薰肥瘦均勻 而且份量十足 加埋蜜糖味 食落去更加惹味 如果加埋白飯就最好啦！泡菜豚肉嫩豆腐鍋 呢個整得幾好食夠熱有溫泉蛋浸在豆腐湯內 仲有翠玉瓜、豆卜同腩肉泡菜就不在話下 成個湯都偏辣 可以飲一至兩碗😋😋最後口痕叫左甜品比利時香園窩夫配雪糕窩夫焗到有少少過龍 但係都夠熱夠厚雪糕方面有雲呢拿或者榛子味道俾你揀走之前我仲喺門口有部單車打卡影相📸️

Chopsticks Fork n Knife (CFK) 係觀塘新蒲點 YM2 嘅餐廳，佈置用心，餐廳有分室外和室內座位，正如店名一樣，有筷子又有刀叉，中式、日式、東南亞式、西式美食均有提供，款式選擇極多！明太子忌廉意大利粉 $98日式西餐嘅代表作，以鮮味濃厚嘅明太子 mix 忌廉意大利粉，每啖意粉都掛滿忌廉汁同埋明太子，啖啖滋味！日式蒜香牛肉炒飯 $128飯粒炒至粒粒分明夠乾身，配埋炸蒜片同埋牛肉粒都幾香口，而且份量夠多，好飽肚！鎮江水晶肴肉 $52半透明嘅水晶肴肉切得很公整，口感有彈性，鎮江醋真係好香，係成碟小菜嘅精華所在！Fizzy Yuzu $38清爽、甜美又好喝嘅柚子梳打，係開胃解暑嘅良品！

觀塘重建之後，開咗個新嘅商場叫做ym2，成個格調即刻高級咗好多，裏邊除咗有啲舊區重置後嘅小店搬咗入嚟之外，仲有一啲新式嘅西餐廳，果然係新舊交融，梗係要過嚟行下啦😛喺樓下食咗啲舊式魚蛋燒賣之後，上嚟食正餐，見到一間叫做ckf嘅餐廳，裝修好有古典風格，有室內又有戶外嘅座位選擇，環境好優雅，於是過嚟試吓！入到黎之後環境舒適，職員嘅服務態度都好好，而且嘢食嘅種類好多😊首先我叫咗一杯fresh lime soda酸酸甜甜，開胃又解渴🤟🏻嘢食方便叫咗一個安格斯牛肉竹炭漢堡超級高質！牛肉係手打牛肉，漢堡裏面餡料好豐富，有生菜、蕃茄、芝士，食落去好有層次，同一碟裏面仲有薯條🍟另外叫咗一個香蒜辣椒蜆肉意粉🍝個質超級好味！辣辣地，而且蜆肉超級新鮮，超級鮮甜😋

觀塘開左個新商場都係第一次黎😁行完商場買豆漿就順便係呢度食埋飯，見到呢間CFK裝修好靚，餐廳價錢合理就去食🥰🥰餐單選擇有中式同西式，選擇頗多。.🍴極品黑毛豬叉燒$138超好食又厚身既叉燒，完全唔似係普通餐廳既出品，叉燒口感肉質非常細緻，脂肪充滿橡果香，軟嫩多汁帶少甜，真係好好味👍🏻.🍴XO醬鮮菌爆雞丁$108明明話鮮菌爆雞丁，唔知點解想點之後變左西芹炒雞丁😂但都有幾舊野菌既… XO醬香料好香比較濃味，又係一個送飯嘅菜式😬.🍴香煎櫻花蝦蓮藕餅$88蓮藕加上半肥豬肉切粒再加上爽口櫻花蝦煎成兩面金黃嘅蓮藕餅，份量超多又彈牙。.見到好多人都食西餐，下次我都試吓個西餐係咪咁吸引先😆

第一次來到這個新開的裕民坊商場，商場內已經進駐了很多不同的食肆。今晚我選擇了食這間多國菜的 CNK (Chopsticks Fork n Knife)，舖位頗大，有室內及室外座位，簡單的裝修，環境舒服。餐牌上有齊中，西，韓，泰的菜式，選擇頗多，有套餐或單點。點了一客例牌的正宗海南雞飯($108)，另配白飯($15)或油飯($20)。賣相吸引，份量頗大，雞肉嫩滑，配上三色醬(黑醬油，薑蓉及酸辣醬汁)，每款醬都令雞件帶出不同的風味。油飯更是少不了，這裡的油飯不是用黃薑去上色代替，而是食得出用雞湯及香料去煮成，飯粒分明，好味。另外點了一客西式的香蒜辣椒蜆肉意粉($128)，蜆肉份量頗多，乾淨無沙，意粉的軟硬度亦煮得剛好，帶有香濃的蒜蓉味及微辣，十分惹味。