CHOO CHOO (已結業)

位於深水埗的CHOO CHOO，是一間以火車為主題的餐廳。在深水埗離地鐵站的遠處，需步行一段距離。長沙灣順寧道364-368號昌暉大廈地下1號舖炭燒非洲雞配紅椰香醬 $108大大隻雞呈上時令人食慾大增，撲鼻的椰香香噴噴雞肉上滿佈橙紅香料和醬汁，切下雞肉，容易雞骨分離。雞肉嫩滑，但不太入味，沾上椰香味濃的醬汁會較好吃。可加$12/$18配飯/意粉，細食的媽媽也覺得要加飯才飽哦微辣蜆肉白酒意大利面$148價格非平宜的意粉，配料十足大量大量的蜆肉，海鮮控會滿意份量的。以白酒調味，嗆口程度高，但不算辣，意粉量不太多，但鮮味不錯。L.J.K.$98為甜品而來的我們，當然要點。一個球狀的波波是芝士蛋糕，稠密滑身，芝士味重，但不膩口。切開是流心的雜莓醬，酸酸甜甜，酸度頗高配上芝士蛋糕減底膩感，加上啫喱，為三道菜最岀色的。

八號風球後的下午致電餐廳詢問當晚會否開店，得到的回覆是晚上照常營業！於是下午六時半左右和友人到達餐廳，由於時間尚早，只有我們一檯乘客呢！是次點了seafood platter、非洲燒雞（唔記得個名）、兩杯飲品及L.J.C。Seafood platter有大蝦、三文魚、魷魚、帶子和青口，底下是沙律菜。三文魚同帶子都好味，三文魚係half-cooked，入面仍然好嫩。帶子冇煎得過熟，不錯。另外大蝦好大隻，唔霉，但冇乜味道。魷魚同青口都係冇乜味道。非洲燒雞係一隻大雞脾，個汁有椰香，幾特別。不過原本預期非洲燒雞會好重香料、好惹味，呢個又唔係；同埋雞脾黎講d肉又唔算滑，所以呢碟性價比低了點。（掛住食沒有拍照）由於係慶祝生日，點都要叫返個甜品既Book檯時講埋birthday msg，order甜品就會寫埋落碟啦呢款甜品個cheese ball配合raspberry味道幾夾，同埋賣相100分！美中不足係d honey crumbs有丁點兒既苦味呀，可能煮得太耐了今次係第二次黎ChooChoo用餐，上次試過慢煮三文魚好好味呀，下次黎要試埋個牛肩肉！我覺得呢間餐廳好唔錯呀，雖然價錢唔平，不過食物質素同

係明愛醫院附近的小西餐店，入到去見到兩邊4個行使中的火車窗口，彷如登上穿梭瑞士鄉郊的火車一樣，很有特色。餐牌雖然選擇不多，但食物質數才是重點，叫了個慢煮三文魚柳，係慢煮的方法，用50至60度溫水慢泡最少半小時，將魚肉泡到半熟之間，再快速煎香表皮上碟，配上清新沙律菜，肉質嫩滑，係心機之作。煎牛肩扒配鮮盧荀及大啡菇，扒的上面曬上香草牛油絲，肉質特色是較爽及結實，油脂較肉眼西冷少，中間會有1條膠原連接，不過唔係韌既，火喉控制不錯，因為呢種肉一過火就會好韌，今次就處理得不俗，啡菇一如期待多汁嫩滑。另一個是非洲雞配椰香白汁，烤雞上鋪滿蕃茄醬，雞肉好嫩滑，烤得好香配上香濃椰香汁，急不及待加個白飯! 廚師推介今日既特色甜品，話係新品推介，餐牌都未有架，lucky , 係綠茶朱古力口味既甜品，擺設好靚，一大隻朱古力蛋，打開見到放滿綠茶 mousse 綠茶蕨餅同柚子雪芭，外面曬上綠茶白朱古力，好豐富既配搭呀，每款都好有水準，希望遲d 餐牌上可以再叫啦！ 同埋如果出一d set dinner 配餐湯餐包或飲品會更加好，只是得散叫未夠完整。

做了一星期工作，我決定今天要吃好一點，預定了公司附近一間小餐廳，已經留意左佢好耐，平時無訂台都好難吃到，所以簡定了這個星期五。 內面裝修得不錯，好細緻，看得出係有用心弄的，值得欣賞，雖然感覺就有點逼夾，可能係因為我地得兩個人，所以安排了坐入面，同隔離嗰台實在太近了，講咩都會聽到真係。 我先叫一杯嘢飲先，鮮果汁既混合，好清新，好健康咁，還有一點點既渣，帶有一點點既口感，咁熱既天氣飲，爽呀。 牛肩胛配蘆筍黑松露波特菇，好可口，蘆筍爽脆，波特菇藏有蒜，超香口，菇十分多汁，超軟身，牛表面煎得帶點脆口，叫左五成熟，都是剛剛好，好有牛香，肥美另外叫了一個餐，墨魚筒西班牙海鮮飯，真係差不多成只墨魚咁，滿滿的墨魚汁，食落口成口黑晒，哈，墨魚超易咬口，不韌，海鮮飯粒粒都被汁包圍住，好好味，層次豐富。 我們就是不夠時間試甜品了，是一個遺憾。

周日與朋友到長沙灣D2 place選購手工飾物後，本來打算直接在商場內吃午飯，誰知朋友早有預準，打算帶我到一間以火車為題的主題餐廳用膳。餐廳位於順寧道，由D2 place出發，步行不需10分鐘，幸好這天天氣不太熱，即使10分鐘路程，亦不得很遙遠。餐廳的內外感覺真是天淵之別，單單看外表，你只會覺得只是普通的cafe餐廳，但當把躺門推開，內裏竟然是另一個小天地，在這個時候，你已經不知不覺進入了火車車廂。 說實，這裏的裝修可說是一絲不苟，感覺與真實的車廂沒兩樣，由車卡上的行李架，到窗外風景都應有盡有，而抬頭一看，就可以見到店名"CHOO"字眼，感覺非常有心思。 不過，我是一個蠻貪心的食客，用餐時除了要求環境要舒適，對於食物質素亦非常講究，餐廳所提供的食物款式不算很多，不過，基本的小食及主菜還是可以吃到，而這天我們點了set lunch，沒有餐湯，但就包括1杯飲品，想豪氣一點可以加錢upgrade其實飲品。 先來墨西哥辣肉醬粟米片配酸忌廉牛油果醬，雖然用上墨西哥辣肉醬來煮成，但味道一點都不辣，相反，蕃茄的味道極重，味道有點像蕃茄肉碎汁，不過，內裏放了芝士，所以用粟米片蘸上醬汁時，很容易就會出

老公話帶我去坐火車吃好東西，以為食甚麼要特別坐火車去新界那麼遠，但卻約在長沙灣等。原來他說找到間以火車做主題的餐廳，好像頗特別，一於去試試火車餐。餐廳與地鐵站有一段距離，走路約10分鐘到達。餐廳門口打了投影器，內𥚃左右兩則牆身各掛上熒幕，播放著模擬火車經過見到外面的畫面，2個熒幕前後同步播放，哈哈，真心認為像真度頗高。其他地方亦掛上皮喼、明信片等跟旅行有關的裝飾物，餐牌上也貼上真的火車票。食物選擇不算多，侍應推介了海鮮拼盤及牛肩胛，後來選了海鮮拼盤及西班牙海鮮飯。海鮮拼盤有大蝦、帶子、尤魚、青口、三文魚扒。海鮮烹煮熟度剛好，保持著海鮮之嫩滑感，尤其大愛三文魚扒。再來西班牙飯，飯咬感豐富，充滿橄欖味道。魷魚加了墨魚汁再焗，整隻變成了黑色比較特別。最後試了另一餐廰推介之甜品gold rush。上枱時其實真的看不懂是什麼，經過侍應解釋才知條狀的是榛子朱古力條，旁邊橄欖形的是焦糖朱古力，透明的是冧酒啫喱，上面再加上果仁及食用金箔。wowww.....好名貴，有金箔！特別試試只食金箔，原來金箔是無味道的，但加上金箔後，整道甜品賣相升級了。所有甜品材料看似簡單，但經過特別處理後，竟可做出其他型態，

第二次來呢度食飯，因為係公司附近。白酒煮蜆多士好喜歡呢一個份量！好特別嘅組合，，多士烘得啱啱好，脆卜卜！蜆肉好大粒， 陣陣嘅白酒香味。清新紅蘿蔔蘋果汁一上枱嘅時候真係覺得好得意，用燈泡裝住嘅果汁！第一次飲。呢一個組合嘅鮮榨果汁，完全冇想像中嘅難飲！反而好清甜，健康嘅飲料。北京鴨卷西式味道嘅中式食法！ 好得意， 感覺上有啲似食緊墨西哥卷，但咬落去味道好似平時喺酒樓食緊片皮鴨。。好鍾意呢個組合特別介紹的甜品你一個甜品由老闆特別介紹！甜品嚟到嘅時候其實真係完全估唔到係乜野，一條條綠綠地色好似青菜。原來係朱古力，用詞更敲碎銀色嘅朱古力蛋殼，裏面充滿綠茶嘅味道，口感好豐富！包括友係日式甜品對面食到軟糯嘅小丸子 等好喜歡呢份驚喜！

一個人來到長沙灣走走，皆因遇上朋友臨時失約，午飯時間只好一個人。走進餐廳就像登上一輛火車，令人心情頗為舒暢。餐廳的牆上是不斷流動的影畫。午餐價錢合理，選擇也多。櫻花蝦乾雅支竹青醬全麥意粉。上枱時香氣相當濃郁，滿滿青醬的香氣，意粉彈牙掛上濃厚的青醬。櫻花蝦咸香豐富，雅支竹爽甜清香，意粉有滿滿的蒜片和蔬菜，每一口都非常滋味，意粉炒得乾身不太油膩，份量剛好。加錢選配特飲Mix Berry。莓粒加果汁打得清香清甜，入口帶點點果肉粒，酸香甜美味道頗是健康。

外公入左明愛醫院 和家姐探完病 去附近食個lunch 隨意openrice一下 見到好近有間叫Choo Choo的餐廳 都幾多好評 咁近 即管去試下。餐廳地方小小 好彩未到1點午餐時間 我們食食下 後來坐滿曬 有幾group人都冇位 失望而回。Choo Choo最特別的地方 是令人好像置身火車廂中 一邊食飯 一邊睇風景。我隨口問下侍應 風景的地方係邊度 佢話 原來佢地去旅行既時候都會錄下沿途風光 帶返黎俾客人欣賞。頓時覺得巧感動 可以看到別人眼中的風景。世界這麼大 漂亮的地方實在太多 自己未親身領會之前 來choo choo走一遍浮華大地 是一個不錯的享受。美麗的景色 令人心曠神怡 我和家姐都胃口大開。炎炎夏日 家姐率先點了一杯消暑飲品。<Mix berry energizer>冰凍 口感有點像smoothie 用新鮮berry做的 莓味很香濃 酸酸地 唔會太甜！「北京鴨卷」鐘意食片皮鴨的朋友 不容錯過。鴨肉香而嫩 配上爽脆青瓜 洋蔥 甜醬 口感豐富 而且洋蔥的辣好刺激 好醒胃。連伴碟的沙律菜亦很新鮮。「芥末籽燒雞牛油果沙律配溏心蛋」首先要讚一讚燒雞 做

住長沙灣的朋友介紹我去CHOO CHOO，所以同老公提早訂位食晚飯，CHOO CHOO位於順寧道，有Google Map導航，由長沙灣C2出口行十分鐘左右就到餐廳以火車為主題，隨處可見Ticket Label等等的小裝飾，店內的電視螢幕會播放風景片段，猶如置身係列車入面，好特別餐牌，每樣都想試法國啤酒炸石頭魚柳配薯格$148賣相一流，炸石頭魚柳份量十足，外皮炸得金黃香脆，魚肉十分嫩滑，而且真係食到淡淡的啤酒味，好正！至於薯格味道有別於快餐店，薯味出眾，成個菜都好好食因為魚柳同薯格都屬於煎炸食物，食食下覺得熱氣？唔緊要，CHOO CHOO特別配上蘋果沙律，酸酸甜甜，既開胃又清熱，可以減去油膩感，好有心思，值得一讚黑墨魚筒西班牙海鮮飯$198海鮮配料超多，有青口、帶子、大蝦、黑墨魚筒，每樣海鮮都好新鮮，完全唔會有雪藏味，特別要一提黑墨魚筒，滿滿的墨魚汁蓋上墨魚筒，好容易切開，好鮮味！西班牙海鮮飯調味適中，加上黑橄欖，好好食今餐非常滿意，但CHOO CHOO座位較少，想食的朋友記得訂位呀！

難得與久未露面的好友相約，當然要找間好餐廳相聚一番。預先BOOK了吃晚飯，做了晚市第一枱客人，享受了一會兒包埸的感覺  餐廳裝修成火車內部，風景會一直改變，也會有停站，很有創意。 先上的頭盤血橙蟹肉沙律，橙香味很突出，以往對於以橙作食材並無特別好感的我有點喜出望外。蟹肉和沙律菜新鮮，沙律醬份量適中，未有搶去沙律菜和蟹肉的風頭。很開胃的前菜，份量大約每人吃幾口就吃完。3至4人用餐的建議可以多叫一份沙律，以免唔夠喉！主菜炭燒非洲雞配紅椰香醬，雞肉肉質嫩滑，椰香味極濃。醬的味道我不欣賞，吃完覺得有點嗆喉，完全能喝掉一杯水的程度。朋友覺得味道味道一般，雞肉未有吸收到醬汁的香味，吃起來比較像平常的焗雞。從主題到裝修都能感受得到餐廳的誠意，希望在食物味道方面可以有所提升。

長沙灣有幾間質素高的café，choo choo絕對係其中一間，而且有特別既裝飾。Choo choo以火車為一個賣點，火車推門入café，牆身更有螢幕顯示火車的外景，休閒的氣息不斷，叫人不禁放下手上手機、煩事，享受這一個moment。Set lunch黎講我地叫左一個炭燒非洲雞配紅椰醬、慢煮三文魚柳配法式芥末醬、芥末杍燒雞牛油果沙配糖心蛋同埋蜆肉意大利麵。非洲雞有別與平時食開既燒雞，一個脾都好大隻，肉質比較實，很有咬勁，配起特別醬準紅椰醬，將醬汁滲入肉中，我就大口大口不停地吃。慢煮三文魚可是我最喜歡的，慢煮烹調方式令到三文魚十分鬆軟，用刀的時候已經要小心翼翼，因為太鬆軟的關係，呷一口，入口即溶，而三文魚皮煎得香脆，魚肉跟魚皮相映成趣。燒雞沙律也不錯，雞皮很脆，沙律新鮮，有牛油果和溏心蛋是最好的配搭。蜆肉意大利麵很驚喜，兩樣比例差不多是50 50,是一口大蜆肉一啖意麵，而且意麵彈牙爽口，大大推介。價格便宜，質素高，值得推介

今次同另一半去左一間可以彷如在火車上進餐的餐廳。餐廳牆身裝飾得好像是火車內部一樣，好像可以邊進食邊看車外風景。旁邊的小窗一路播放著一些風景，讓客人好像坐在火車車卡裡一樣超浪漫，令我回想起今年新年，同另一半喺歐洲嘅美好時光！法國啤酒炸石斑魚柳配薯格 用石斑魚炸成的魚柳，外層炸得香脆，炸粉唔厚，內裡肉質嫩滑。魚肉滿滿啤酒味，食落無油膩感。而薯格炸得十分香脆，伴碟蘋果碎，好清新，中和炸物的油膩感。牛肩胛配露筍黑松露波特菇牛肩胛上菜時香氣四溢，賣相好精緻，一絲絲刨出來原以為係芝士，入口才發現原來是牛油！露筍很嫩沒有多餘嘅纖維，而且充分吸收哂牛肉的鮮味。牛肩胛是用慢煮的製法，所以外層微焦，內層很嫩，外脆內嫩肉汁豐營口感十足，很完全不韌！波特菇，超厚肉，吸收左肉嘅味道！回味中L.J.K.甜品其實係一個cheese cake，最上面頂層係雜莓，一放入口濃濃嘅味道出返黎！底層係雜莓軟心，酸酸甜甜的。旁有有我最愛的焦糖脆脆，超有層次！

冒着狂風大雨都堅定衝出comfort zone去到工廠區荔枝角食好嘢👍🏻以火車為題嘅CHOO CHOO餐廳地方雖小但有幾張4-10人枱歡迎你分享walkin經驗-摸門釘🙈所以去之前記得訂位☎️由上至下左至右推介脆皮豚肉配胡椒番茄汁～「😋😋😋」豚肉好冧身🐷牛肩胛配露筍黑松露波特菇～「😋😋」隻牛有輕微overheated但個黑松露portobello mushroom係好味嘅（個人口味係鐘意黑松露醬）😁炭燒非洲雞配紅椰香醬～「😋😋😋😋」雞有雞味但個香醬係超！好！味！配飯一流連個鴨胸我都係咁點汁。個waiteress想收起都被我地阻止😂煙鴨胸柚子沙律～「😋😋」酸酸味味囉！沙律菜係新鮮嘅👍🏻法國啤酒炸石斑魚柳配薯格～「😋😋😋」魚有魚味。但我最歡喜嘅係個配菜蘋果粒配薯格好好味！未試過！幾特別！薯格唔一定點茄汁🤔泰式軟殼蟹羅勒葉墨魚麵～「😋😋😋😋😋」軟殼蟹外脆內熱配上微辣乾身墨魚麵。必食之選🙌🏻壓軸推介甜品L.J.K同GoldRush好味加特別程度爆燈💡💡💡💡💡

位置並不方便但仍會推薦給朋友的餐廳，食物質素很好。我吃晚餐的那一晚人不多，可以讓我們靜静的吃。餐牌上未有餐酒可提供與食物相配，有所欠缺。火車上的晚餐，整體感覺不錯。