CHOO CHOO (已結業)

之前上網見到呢間餐廳環境好特別好有心思，今日就黎試一試！餐廳唔算好大，但員工有四五個，人手好足。坐底發現原來DISPLAY播既兩邊風景同時同步行走，可以邊食邊欣賞山區風景，仿如置身瑞士火車廂入面。講返食物本身，呢度餐牌食物種類唔多，可能因為火車車廂可以準備既食物有限，哈哈。但至少豬、牛、雞、鴨、魚、蝦、蟹、帶子、魷魚、蔬菜...總有一款岩你。最後我叫左 北京鴨卷 同 牛肩胛黑松露波特菇，先講呢款鴨卷，其實用片皮鴨食法再加薄餅包住既混合體，有的似食卡巴卷，皮好煙韌帶的脆，方便食時一咬就開，入面加埋有生洋蔥同青瓜，鴨肉好味同有醬汁，每一口都好爽脆同有的辣味，而本身的醬汁有多的話可以用黎點薯仔食都可以。至於牛肩胛賣相比我上網睇時更加吸引，最底係大大只波特菇，中間係露筍，跟住係牛肩，最面係黑松露牛油。牛肉本來想叫佢整medium，但怕有少少血水所以最後聽廚師建議整七成熟，其實七成剛剛好岩我口味。牛肉上面黃色既係牛油，開始食時牛肉表面的溫度剛好令牛油碎開始溶，呢個時候有的香味再加本身黑松露香味，已經忍唔住要動手食！牛有肉味同肉質剛剛好淋淋地，好juicy ！一個字“正”！我覺得下面波特菇加黑松露

經過勞碌一天，必須要食餐好西滿足一下自己，所謂辛苦得黎志在食。先黎吃份沙律，牛油果燒雞沙律配糖心蛋。羅馬生菜配芥末籽係頗新鮮既配搭，又無辣既味道，牛油果係健康之選，而雞扒係燒得幾乾身，配糖心蛋口感夠滑。第一道主菜係炭燒雞原隻上，由於雞夠細細隻，肉質夠嫩，而皮就夠香因為用上炭燒煮法，肉汁唔會流失咁多，醬料就有椰香味道，所以同炭燒雞好夾。最後一道係海鮮拼盤，聽落好似普通，實際上係多種海鮮美美的拼在木板上。用木板好處係唔會令溫度流失。煎帶子用上香草更香，魷魚筒原隻煎好再切開一小片，易入口之外口感會更爽滑。虎蝦原隻炭燒令蝦肉更香，手掌咁大大隻。三文魚與青口加了檸檬汁外，份外香甜與清新，三文魚煎得頗香脆，肉質更是分明。

友人之前來過這裏吃晚飯覺得好好味, 雖然位置有點徧 (不過在我家搭巴士去都很方便啦) , 但今晚時間許可, 就同友人來試一試. 入內有點像Bar 的格局, 但旁邊有兩組電視, 模仿搭火車望出去的情景, 哈哈, 令大家好像真的在火車餐車上吃. 而menu 也設計得頗有心思, 不過食物的種類就不算多/ 就鮮來個脆皮豚肉配胡椒番茄汁(HKD158) , 豚肉外皮燒得香脆鬆化, 而且啖啖肉, 配上微酸的蕃茄汁加上香而帶點辣的胡椒, 非常野味. 炭燒非洲雞配紅椰香醬(HKD108) , 非洲雞的size 似燒春雞, 而上面佈滿了蕃茄, 洋蔥, 橄欖及香料, 而非洲雞嫩滑有質感, 加上椰奶的醬汁, 有點似吃東南亞菜式的味道, 不錯. 而我最期待的就是這個甜品L. J. K. (HKD98) 啦, cream cheese 球裏面有紅莓藍莓醬等, 一切開裏面的莓醬流出來, 與質地creamy 像雪糕一樣 的芝士球一起吃, 酸度十足的醬打成泡泡狀, 令整個甜品吃上來之令芝士都變得輕盈了不少, 所以好快我地就K.O 哂. 望住 ‘車外’ 的景色, 真的好想去旅行啦~

除咗喜歡四出食好野外，個人最鍾意去旅行，所以今晚朋友投我所好，帶我黎試吓呢間好出名嘅餐廳，令我可以去一個短trip兼嘆美食！未入到餐廳，已經見到有一個旅行箱作擺設；入到餐廳，見到所有裝修都係火車內嘅造型，令我感覺好似上咗一架小火車，可以沿途欣賞唔同嘅風景，感覺非常relax！至於食物方面，朋友事先已經做好準備，睇咗網上唔同嘅食評及推介，所以，我哋叫咗三款食物，份量啱啱好，2個人食好滿足！黑墨魚筒西班牙海鮮飯 $198墨魚夠彈牙，配上濃郁嘅墨汁，令墨魚鮮味更加提升；加上有鮮蝦、青口同帶子，食飯之餘仲可以食到啖啖海鮮，鮮味十足。脆皮豚肉配黑椒番茄汁 ，158豚肉夠厚身，一層肥肉一層瘦肉， 夠分明，而且表面香脆，配合黑椒番茄汁一齊食，味道好夾。不過豚肉嘅份量唔多，兩個人食先啱啱好。牛肩胛配蘆筍黑松露波特菇 $228呢個菜式可謂呢間餐廳嘅招牌菜，我見10個食評9個都話好食。今次一嚐,真心推薦！因為牛肩胛嘅肉質肉質夠腍，而且牛肉味濃，雖然我點左7成熟，但都絕對唔韌，仲有少少肉汁添。另外波特菇亦都好特別，蒜片、黑松露鋪滿波特菇，令菇香同黑松露香味一齊散發出來，香味濃郁，配合蘆筍一齊食，絕對係非一般

今日同男朋友慶祝週年紀念 book左呢間以火車旅程作主題的餐廳食飯好有情調 光線製造浪漫氣氛Menu首先點左個Africa Chicken($108)雞肉夠淋 無肋 啖啖椰香 上面一層薄蕃茄 為甜椰香又添上酸的清新shoulder of beef ($228)牛肩肉夠淋 肉汁一咬滲入口中 加上陣陣牛油香 亦帶小小香菇味道pineapple coconut ($48)飲品造型可愛 口感似smoothy 應該係有鮮果肉 淡淡酸甜 又有椰香 十分醒胃special dessert ($98)晚餐以店員推介的份子料理作結lychee sphere一層層薄薄的咬開 滲透出甜酸果味 但太易穿有點可惜加上greek yogurt sphere 味道十分配合果香 唯lemon yogurt sauce 有點太酸pink guava qrantice 令甜品好似藝術品 十分精美 可以影相留念

今日係長沙灣見完客，上網搵搵長沙灣有咩好西食，咁就比我搵到呢間餐廳。真係幾特別。門口睇落冇乜特出，但一入去，個感覺好似去左地球既另一面，我係咪去左歐遊？！呢間野真係用火車做主題。好似坐緊火車，仲有靚靚既侍應幫我點餐。叫左個非洲雞黎食。第一次食非洲雞，原來個味道係咁香架，濃郁既椰香味，加埋甜甜又鹹鹹地既醬汁，成個味道好有層次感。雞肉整得好滑，好好味。以為呢d主題餐廳野食會麻麻，原來係高質野！之後叫左個北京鴨卷黎食。發覺間野都幾fusion菜色wor,呢個北京鴨卷同傳統既唔同，用左kebab個皮黎包住個鴨肉，蔥等等。好特別，有創意！叫左個泰式軟殼蟹墨魚麵。上菜已經聞到香味。鍾意辣同開胃既人一定鍾意呢個墨魚麵！辣辣地，好香好開胃。軟殼蟹好新鮮，真係好fusion好正！以旅遊為主題既餐廳真係啱曬我！今日就食左非洲，北京，同泰國野食！好滿足！

火車之旅話說諗住去到先搵位啦，點知full booking ，不過等一陣到都已經可以入去啦🤓 環境好唔錯，好似坐緊係火車度。兩條友叫左3樣野2杯野飲橙血蟹肉沙律 賣樣好fresh,食落都好唔錯。 啖啖肉同埋菜都好新鮮。燈泡杯好可愛呀。我就中意左手波羅椰子多d 波羅味比較重😋右手芒果香蕉就蕉味比較重。一定要試佢呢set野飲呀喂呀 火箭菜係好新鮮 但好似太多啦係個面度 我handle 唔到 個批邊同埋燒得燶左d。但個面d餒係好食的。白酒峴意粉有無見到肥嘟嘟既峴呀。個醬汁好食呀 不過咁清既味如果小d辣就好啦。大家下次叫試下問下佢唔辣得唔得😛個粉軟硬適中👍🏿

深水埗長沙灣一帶美食多人人知曉，最近在附近工作，總會上網搜尋一下有什麼可以試，這夜來了這間。走過工商大廈，來到了這間的式的西餐廳，沒想過不太方便的路程，仍是座無虛席。肚子不太餓，就點了一客沙律和炸魚薯條。芥末籽燒雞牛油果沙律配糖心蛋，名字長得有氣勢，味道同樣不俗。沙律醬混了芥末籽，帶點酸和辣，零舍開胃。燒雞肉嫩又不肥膩，糖心蛋蛋黃呈半流心狀，沒想到味道如此夾。法國啤酒炸魚柳配薯格，這配搭乃首次嘗試，薯格炸得鬆脆，本身就加了香料，沒有茄汁也好味，份量多得驚人。主角炸魚柳大大的一條，表面薄而脆，魚肉尚算嫩滑，肉沒有散。甜品是廚師設計的，中間加了咖啡，朱古力焗製而成，吃上去有點似梳乎厘，有點似忌廉的熱食甜品，也是不錯的新嘗試。

剛完成手上的project, 近二星期絞盡腦汁，日日做到無停手，要幾慘有幾惨，於是襯今日有暇約友人去聞說好有氣氛的西餐廳……Choo Choo去分享佢旅遊見聞並取經去計劃我的悠長假期。從地鐵出來行少段距離便看見温色橙的店面，再看到門外田園feel的木櫈上放着敞開的旅行喼，心鼓動，高唱我要去旅行…………真神！開門我一刻以為如願，雖事前已被友人告知這餐廳是以火車廂作裝飾有車窗，木枱，頭上仲有行李的行李架……但沒想到兩旁窗外竟是郊外綠悠悠的境色間或見湖境，仲要係車行移動mode。未食飯、心情便愉悦起來。點菜的menu都好有旅行feel耶，先點道清清的前菜血橙蟹肉沙律。賣相好醒胃，血橙我是首次見，點這道菜多少因為佢。 沙律菜好新鮮，入口有火箭菜獨有味道是我喜歡的，更有蟹肉的鮮美、醃漬橙特有微甜酸、鮮橙皮、橙汁的果味，好豐富的層次感。再來客白酒煮蜆配多士好清香的蒜味來自鮮蒜片、以白酒、新鮮的香草(甚麼來着……可能是basil吧)煮，帶出蜆的鮮美。我同友人摩打手清碟連白酒汁都唔放過。早知這汁咁正就加小小錢跟意粉或珍珠糙米飯來撈汁啦、失策添。主菜來客牛肩胛配露筍黑松露波特菇厚厚的鮮波特菇釀有滿滿的蒜

如果朋友唔係住付近,都唔知有間好食到咁隱蔽餐廳好似置身係火車中,好有格調,真係拍拖或生日飯首選$148 fish & chips炸魚固之然係主角,但薯格真係無得輸好鬆脆香口$48 mango banana好似糊仔咁杰,好重香蕉味同芒果味,正$148 香蒜蜆肉意粉越簡單越考技巧香蒜香口微辣,意粉軟硬適中,蜆肉鮮甜彈牙完全可以比美高級餐廳,精緻甜品,賣相同味道完全一流綠荼雪糕甘甜,帶少少荼苦澀配合高濃度朱古力,真係不得了差D唔記得自己係長沙灣,質素絶對超班

老公位於長沙灣的新寫字樓終於可以正式入伙，作為「跟得夫人」的我，當然要去八卦一吓。探完班後，兩口子打算先到附近找個地方吃頓晚飯才回家。由於大家對這區都不太熟識，所以決定先上網做吓 Research，找到這間風評不俗的餐廳《CHOO CHOO》，原來店子是以火車旅行為主題，而且提供多國西餐菜式，感覺幾特別，決定一探究竟。沒想到原來餐廳門面咁搶眼，以鮮艷奪目的橙色為主調，不過店內環境很細小，只有 22 座位，相信如果全部坐滿客人的話，應該都會幾熱鬧嘈吵。安頓後，趁食客不多，先細看店內裝潢，原來店裡的木製餐桌後面，安裝咗好幾個屏幕用作火車車窗，而且「車窗」外的流動風景精彩多變，令人有恍如置身在火車車廂內的感覺。拿起檯面的餐牌看看，選擇不多，只得兩頁，不過個 Menu 幾有特色，走 Fusion 路線，食物主要分為幾大類，包括 Group Tour、Lone Travellers From The Land、From The Sea、Carb Up For The Long Trip，與餐廳的旅遊主題互相呼應。老公想吃  Pizza 而我就對香口的炸魚塊情有獨鍾，決定所點一客。先送來的法國啤酒

有朋友生左BB,同男朋友探完佢地之後就系附近搵野食,行行下見到地下有個時鐘既投影,覺得好得意,之後行過去睇下個menu..原來呢間係食西餐,望到入面差唔多坐滿晒,應該唔差,就同男朋友試下啦!!入到去眼前一亮,好得意好有意思!!有4部大電視播放住火車望出去既街景,配搭窗簾營造出坐系火車上進餐既感覺,佢地勝在位置唔係好多,感覺更加逼真。Mango Banana HK$ 48叫左個mango banana energizer，好得意用燈泡裝住，飲落有香濃既香蕉味，混合埋芒果既香味，非常香～相信係鮮炸而且無溝水，好健康!!!!白酒•蜆配多士 HK$ 128白酒蜆多士一上菜就已經聞到陣陣既酒香，飲左啖湯汁，嘩！好鮮甜既海鮮味，加上白酒既香味好正!!!!多士烘過有牛油香味，點埋湯汁味真係無敵！白酒•蜆配多士 HK$ 128蜆肉都好大粒好鮮甜，咬落去有汁咇出黎。Shoulder of beef HK$ 228叫咗一份煎牛肩，裏面係呈現粉紅色，食落去好有口感同埋幾juicy!!!唯一美中不足嘅地方係有少少筋，而佢嘅蘆筍幾嫩口。另外有一個大磨菇，好大好juicy!!!加埋少少蒜蓉嘅香味，食完絕對想再

火車上每是帶给我的愉快回憶，經多次book 位，终於能在這晚試試這餐廳，入內坐下後，覺坐位有點窄，但好彩有些風景片在轉動而移了視線，真的彷如在火車上，有些在放假感覺,還有本人喜歡那些實木椅，看餐牌後，首先選了個 牛油果燒雞沙律， 燒雞整得香口 牛油果也新鮮，沙律菜較失色，不是高質素的菜，但最特別是那個檸檬，煎後覺極多汁，帶起整碟菜的評分，第二樣 叫了海鮮拼盤，當中有虎蝦、帶子、青口、魷魚和煎三文魚，整體也做得不錯，最正是煎三文魚，香口美味，還叫了甜品是L.J.K.不知是甚麼，纯因賣相而叫，入口有些甜，但帶有芝士和雪糕，還加些焦糖，果溶，口感非常美妙，飲品order了杯光芒果香蕉汁，材料新鲜，不俗， 整個晚餐 果然能留給我一些美好的回憶。

之前係Facebook同Instagram見到好多人推介呢間餐廳，而望過下Openrice啲評論都唔錯，就約咗朋友一齊嚟試😍呢到同地鐵站都有一段距離，不都唔會太難搵～我地大概7點到，見到好多位都已經比人留咗，好彩仲有一兩張枱，唔洗等位👍🏻一入到去就見到兩邊牆上嘅火車窗口嘅裝修，好特別😱好似坐咗係火車入面，望住窗外嘅風景不斷改變！好有去旅行嘅感覺！令人覺得好舒服，好放鬆～不過可能我太專注咁睇，睇到有啲眼花😂 （可以落窗簾😂）我地都唔算太餓，因為嚟之前有食tea，所以只係叫咗一個飯，一個甜品同埋一人一杯野飲～飯就叫咗黑墨魚筒西班牙海鮮飯（＄198），賣相就好吸引，仲好多料😳墨魚筒多咗墨汁味，而且啲飯仲沾到，撈埋一齊食好香！口感方面，墨魚筒好煙韌彈牙，啲帶子又大大粒～個海鮮飯唔會太硬，煮得啱啱好，好啱我口味👍🏻甜品方面，我地就試咗呢個賣相勁靚勁吸引嘅L.J.K！呢個係一個cheese ball嚟，入面係流心，係raspberry味嘅soda，仲有啲莓味嘅粒粒同焦糖脆脆😍一切開就即刻流心！芝士好smooth，入口即融❄️❄️芝士味唔係太濃而蓋過其他野嘅味，甜度適中！呢個甜品唔止得個樣，而且仲好好味

長沙灣這裡有不少食店，雖不近地鐵站，但為了美味的食物也值得跑一趟！今次來到 Choo Choo，好幾次經過門口，想食真的要預先訂座。餐廳座位不多，主題就是在火車廂內用餐，感覺幾新鮮，兩旁不時看到動態風景，就如置身於火車內。Menu 也很別出心思點了 set lunch，Latte 及 Cappuiccino 各加 $12就可品嚐，拉花工整精緻，呷一口幻滑奶泡後就是香濃咖啡，而後者的 Cappuccino 更有朱古力粉佈置，別出心裁。脆皮豚肉加胡椒蕃茄汁 $158顏色又紅又綠，賞心悅目，不過只有4塊pork belly就貴了少許。Pork belly 煎的香脆肉腍，約1cm的肥膏，油脂散發的香味，更有肉香味及嚼勁。這道菜的胡椒蕃茄汁也是不可缺少，味道酸中帶甜，十分開胃，加上有胡椒香味，還有鮮甜的蕃茄、菇類，令人吃個不停。白酒蜆意大利粉 $88朋友很喜歡吃蜆，所以我就知道她一定會點~~感覺到辣味十足，我們認為是中辣或大辣，並不是Menu 所寫「微辣」感覺。而蜆肉大隻，煮得時間剛好，嫩滑入味，吸收白酒的香味，意粉伴著帶點牛油香味的白酒汁，雖然味道很辣，但也忍不住慢慢吃完。上次經過就是這個令我