CHICKEN CHIKO

营业中

休息中

北角隱世韓式小店，空間相當闊落，電視上仲會播韓國綜藝，好有韓劇入面大家聚埋一齊飲酒食嘢傾計嘅感覺！甜辣炸雞&乳酪洋蔥炸雞炸雞都非常推薦，無骨得嚟份量相當大方，就算係輕盈版都好夠，想試多啲味可以嗌輕盈版。今次就試咗兩個皇牌：甜辣炸雞同乳酪洋蔥炸雞，炸得好酥脆，肉汁好多完全冇雪藏味，兩款醬汁都好味，個人會更加鍾意乳酪洋蔥味，食落清新唔會膩。韓式魚糕湯嘅調味啱啱好，唔會太鹹，魚糕真係有魚味，個煲仲有火不斷熱住，暖粒粒，絕對係飲完酒想暖下個胃嘅不二之選。韓式辣豬肉紫菜包飯，份量好有誠意，足足有成十塊咁多，辣豬肉好惹味，好下酒！