CHI Tachinomi (屯門市廣場) (已結業)

今次又到屯市食野， 見到最近新開左間日式居酒屋， 食下串燒同飲下酒咁！之前屯市冇呢類餐廳嫁！今次就揀左下午茶時段食，成間鋪都冇乜人，靜靜地傾計都幾好！雞蠔肉係雞既稀有部位黎，外國唔少高級餐廳都會用黎做料理，係好滑同嫩既！今次就食到雞蠔肉串燒， 燒得有少少鞋，但肉汁都多，好香雞味！唔錯燒雞皮成日係香港食燒雞皮都驚啲粉太厚，但呢間又唔錯，食得出好脆既卜卜聲，同埋份量都唔少！啤酒（白）今次有白啤，黑啤同黑白啤揀， 咁我唔太中意重口味，所以都係揀左白啤， 黎到凍冰冰，夏天飲真係岩晒！

想試呢間串燒店好耐，放工後終於可以黎試下～土手燒，即係大阪牛肉小食，都幾多湯汁，口感似牛腩，好林，有少少肥膏，好香口，幾惹味！燒日本味醂魚干，超好味，燒得好軟熟，唔會硬掘掘，好味道～鹽燒牛舌，燒得好香，肉質結實得黎好爽脆，一串有4粒，都幾大舊！燒雞翼，燒得好靚，火喉掌握得唔錯，外皮好香脆，入面肉質好嫩滑，燒完之後仲保持到份清淡嘅感覺。蜜糖西班牙午餐肉，原來午餐肉都有得燒，好大磚，外皮搽滿蜜糖，又咸又甜幾特別，特別叫多個飯糰一齊食，原來個飯糰都係燒出黎，飯粒經過調味，外層燒成脆脆飯焦，幾特別！燒鰻魚，鰻魚汁超濃厚惹味，肉質軟熟，如果整成鰻魚飯一定好好味～整體質素唔錯，串燒種類都幾創新同特別，一試無妨。

朋友話屯市開咗間日式串燒店，門口唔顯眼，要係蘇寧果邊行出去先見到，全黑色嘅外牆，估唔到入邊裝修真係好似去咗日本咁，有汽水箱整起嘅枱😛叫咗幾款串燒同朋友吹下水鹽燒牛舌係好厚身嘅牛舌，熟度剛剛好，入邊仲有微微粉紅色，外邊只係用鹽調味，口感同味度都好正店員推薦嘅燒蠔餐牌上冇嘅，$88/6隻都ok, 新鮮夠juicy, 如果可以表面稍為再燒焦少少就perfect 燒鰻魚+日本飯晚市冇丼飯，店員話可以咁樣match 個飯出嚟🤣🤣 都真係幾work，鰻魚值得推介，肥美油香無骨刺，配飯一流燒雞泡魚乾呢個係用嚟送酒吹水慢慢食，好香好好咬口，吹水一晚應該可以食幾碟😋😋最後當然唔少得啤酒，呢度係有suntory嘅生啤，要咗黑啤，配濃味嘅串燒，爽！仲做緊promotion 有卡片套送，又食又拎🤪

今日同老友一試呢間CHI Tachinomi，餐廳位於屯門市廣場地舖，位置相當易搵，屯門站行幾分鐘已經去到。呢間舖雖然唔算話十分之大，不過店內間隔大致分開咗兩個小空間，上面係一張bar枱，食客可以正面望住前面嘅師傅處理食材，至於下層就係普通餐廳嘅格局。我呢一晚揀咗坐下層，因為想多啲私人空間可以吹下水。值得一提，餐廳裝潢同埋餐具都幾有日式風格。玉子燒$28 好想試嘅一款小食，上枱仲熱，夠晒蛋香。燒鰻魚($55)鰻魚邊位微焦，面頭少量蛋絲，食落好香口。 鰻魚醬汁調味唔錯，唔會搶咗鰻魚本身嘅鮮味。燒雞翼($48)兩隻大大隻燒雞翼，鎖得住肉汁，肉質嫩滑，相當香口惹味。牛肉串($38)燒牛肉串嘅火候唔錯，唔會太過熟。肉質唔差，食落口好有肉味。燒菠蘿($38)呢份燒菠蘿反而有驚喜，微微燒焦後，同菠蘿嘅口感同甜味好夾。甘栗紫薯餅($38)外脆內軟，紫薯甜甜地，口感好正！

屯門📍日式串燒店🇯🇵🍡💛最近迷上咗日本野🤣 係咁食🤤平時都好少去居酒屋 今次嚟咗依間又近又幾唔錯嘅小店try try佢😎特盛大阪牛肉飯 $98份量超大🤣🤣同fd兩個share食都食唔哂 佢啲牛肉全部都大大舊總要勁淋身🤤有啖啖牛肉送飯食大滿足😚～依個價錢總要包埋一個小食同飲品😋💯芝士年糕 $32 👍🏿大大大推芝士年糕😍身為芝士控嘅小編完全抵抗唔到🤤🤤啱啱炸起嘅年糕QQ彈牙 加上流心芝士無得輸玉子燒 $28有微微嘅炭燒味～正正常常燒生蠔 $58依個係menu上面冇嘅！係聽職員推介就叫咗 依個有啲腥 小編唔太鐘意🥲燒三文魚鰭 $68 👍🏿好食！！每一個舊魚鰭都好有肉地 同炸得香脆 連魚皮都食得😆點吓啲汁食 酸酸甜甜都開胃牛肉粒 $38 幾Juicy～側面總有啲七味粉點嚟食 又係另一番風味✨整體上我比較鐘意佢哋嘅lunch定食Set🤙🏻特盛嘅選擇啱哂比較大食嘅朋友仔🤣 夜晚雖然都有相同嘅單品 但就會冇咁抵啦🍡～食物：👍🏿👍🏿👍🏿環境：👍🏿👍🏿👍🏿👍🏿價錢：💰💰💰服務：👍🏿👍🏿👍🏿👍🏿👍🏿性價比：👍🏿👍🏿👍🏿*滿分：👍🏿👍🏿👍🏿👍🏿👍🏿

喺屯門市廣場行行吓，有少少肚餓，但又未到晚飯時候，就走咗去樓下間串燒店度食，每次去銀行攞錢，都見到呢間舖，今日終於去試吓🤭一去到坐低，個侍應就好熱情咁介紹佢哋有咩特色串燒，佢話有兩款串燒係餐牌上冇嘅：燒生蠔、燒翠肉瓜我地就叫左：1. 𥕛煮鮑魚（78HKD）2. 京蔥雞俾肉（38HKD）3. 豬腩葡萄卷（42HKD）4. 鹽燒牛舌（48HKD）5. 玉子燒（28HKD）6. 牛肉粒（38HKD）7. 燒生蠔8. 燒翠玉瓜（28HKD）9. 燒雞翼（48HKD）1. 𥕛煮鮑魚（78HKD）呢個冰鎮嘅𥕛煮鮑魚，如圖片一共有三隻鮑魚，凍冰冰非常之適合夏天食！佢調味加埋檸檬汁酸酸味味，非常開胃🍋2. 京蔥雞脾肉（38HKD）呢個雞肉配埋京蔥黎燒非常之香口！呢個串燒加埋佢嘅醬汁非常配搭3. 豬腩葡萄卷（42HKD）青提子配豬腩肉嚟燒，呢個食法我都係第一次試，提子嘅酸味帶起左我哋嘅食慾！4. 鹽燒牛舌（48HKD）牛舌燒到非常Juicy!而且調味充足， very good5 牛肉粒（38HKD）呢個牛肉粒非常新鮮，所以佢用咗原味嘅方法嚟燒出黎，等我哋食到牛肉嘅原汁原味6. 玉子燒（28HKD）玉子燒

呢間個名好難讀唔知叫咩名係屯市開咗一段時間，佢地係中環碼頭都有間可以望到海景，但屯門呢間就無佢個位置係以前許留山個位一入去要量體溫嗰啲野先然後好似以前許留山咁要落一層餐廳上面好似居酒屋咁下面位子唔算多但都會坐得舒服既禮拜五一點鐘左右去到7成空枱咁但陸陸續續都會有客人入黎食坐下面落單會有啲唔方便因為職員係上面做野唔係下下都會望落黎如果可以俾客人自己手機掃code落單就好晏晝有lunch set食 去到5:30每一個餐包一個小食，但得玉子燒同雞肉丸係免費再包野飲麥茶/玄米茶/煎茶係免費，得麥茶有凍既要再加一鰻魚飯$85 一上到黎其實望落真係好細但食起上黎真係好飽好濟鰻魚飯我夾硬食 對我黎講真係太多同埋我叫咗多汁但啲汁都係唔夠⋯⋯如果可以再多啲就好🥲朋友叫咗個牛肉飯$68 上到黎啲牛肉真係好多比鰻魚仲要多食落去個感覺似牛腩咁朋友都叫咗多汁 真係勁多汁 食曬啲飯都會見到好多汁至於小食方面個人覺得玉子燒抵食過雞肉丸 因為玉子燒有兩舊同埋唔會好似出面嗰啲咁甜 超推雞肉丸就唔算大粒同埋得三位 無咩特別所以個人撚推薦玉子燒多啲咁多野賣單計埋加一都係$168日本野呢個價係屯市黎講算抵食題外話開頭睇好多食

Weekday去到屯門搵食，見到間新日本餐廳試吓，點左大阪牛肉飯套餐,套餐包括一份小食同埋飲品，我就選了玉子燒同埋一杯麥茶。你食落去口感係比較軟諗，牛肉經過一段時間慢煮啦，老人家冇牙都可以食到啊，如果佢個飯多啲肉汁就會更加好食呀撈飯一流。玉子燒就正常啦，口感冇乜特別我覺得佢煎得乾身左啲，我覺得咬落去唔算juicy。餐廳環境就有少少特別嘅係因為入去餐廳用膳嘅時候要行一條提及先落到去，裝修風格就行居酒屋路線。

呢間餐廳嘅座位有啲搞笑，有兩張檯係明顯地坐得無咁舒服，我哋入座後共有3對食客要求換位。另外，食物選擇唔算多，價錢方面我亦覺得偏貴。.「京蔥雞髀肉」$38「玉子燒」$28🍽：玉子燒好味😋內裡仍然食到蛋嘅滑嫩。京蔥雞髀肉呢個價錢得兩塊肉，真係貴！.「土手燒」$38「日本米飯」$18🍽：晚市係無供應餐，如果想食飯，職員提議可以咁樣配搭。個人推薦土手燒，好入味，肉質亦煮得啱啱好。.「飯團」$42🍽：無咩特別，有啲似食緊煲仔飯啲飯焦咁，但無咩味道，所以可以唔需要試。😂.「牛肉粒」$38🍽：燒得火候好好，外層有啲脆，裡面充滿肉汁。👍🏻.「芝士年糕」$32.「日式炸雞」$48

屯門有間新開既串燒鋪，行過見到環境唔錯就諗住入去試下。入座係2點零左右，入到去就開始叫野食，首先叫牛舌&牛肉粒，店員話賣哂，當下好失望..... 咁唯有叫住雞翼、玉子燒先，再諗諗叫其他。眼見既年青侍應們掛住傾計，水又唔斟 紙巾又唔放埋黎，要叫先識斟水比客。(不過後來有位男侍應識自動自覺加水既) 客人坐哂樓下，但兩位少女就係樓上不停孖住傾計。加單時諗住叫雞蠔肉、京蔥雞髀肉但原來呢兩樣都賣哂😓 最後總括只叫左雞翼、玉子燒、豬腩葡萄串、牛肉同埋飯。其實牛舌呢d對於串燒鋪黎講都係好基本既食物....食物質素係唔錯，但服務&食物供應量有待改善囉。作為第一次光顧既客人黎講唔多唔少有d失望，賣哂既食物又唔用紙貼住，要客人逐樣逐樣問先知賣哂，然後失望。果日係星期六客人都唔少，起碼聽到左右兩枱都想叫牛舌但賣哂。另一個角度諗應該係好好食先會賣哂，但係果陣先係下午茶時間就賣哂幾種熱門食物，到底仲點經營到夜晚？

餐廳都幾難揾，要喺屯門巿廣場一期地下蘇寧隔離出口出先去到～入到去就感覺到濃濃居酒屋嘅感覺鰻魚飯(細) • HKD$65細嘅份量都成碗飯咁多，大就成個拉麵碗咁大鰻魚少少焦香，d汁又唔會太甜～而且有得揀蔥同汁嘅量，好貼心大阪牛肉 • HKD$38個牛肉汁好濃，好好味肉質都好淋，熬到入晒味食到連d汁都撈晒飯食燒菠蘿 • HKD$38呢個就有少少失望，個菠蘿比較乾而且偏酸，可能因為唔係當造季節P.S.週末及紅日冇套餐架，平日食抵d架～

中環有分店既日式居酒屋，開到黎屯門啦！決定要去試一試🤪平日午市暫時唔多人，唔洗等位，用手機掃QR code落單，好方便👏🏻午市定食🍱每款定食都會包一個主食+小食+飲品都幾多選擇，小食簡玉子燒同雞肉丸唔洗加錢😎《大阪牛肉飯》$68 另加一今次試左牛肉飯，配玉子燒，再飲杯凍麥茶牛肉飯係有牛肉帶牛筋，夠淋幾好食，加埋汁，送飯一流呀😋玉子燒黎到熱辣辣，外脆內軟！環境舒服，店員服務唔錯 加分👍🏻下次有機會可以試埋鰻魚飯😆

餐廳空間充足，格構分成兩層，一層是日式傳統圍繞著廚師的餐枱，另一層是四人枱。食物方面主要以鰻魚、炸雞及牛肉為主。鰻魚飯 ($85)• 值得一試的定食⟡ ໋鰻魚上舖有蛋絲，而底下則是淋有鰻魚汁的珍珠米。• 鰻魚肉質十分香腍、燒得均勻，充滿著香濃的醬料味。加上蛋絲的蛋香味，兩者互相配合，非常滋味。• 份量略為少了點，午餐的話建議點選特盛那款應該比較飽肚。雞髀肉 (+$12)• 串燒有點喜出望外，燒得恰到好處，肉質保持嫩滑的同時外層帶點焦香，黑椒味道突出，相當滋味。整體而言食物、環境、服務都令人感到用餐愉快，是間有水準的日式小店。

今日係第三次黎食，平時都係平日黎，所以慣常叫餐。一碗細牛飯+一指定串燒，另加飲品，我每次都係飲麥茶。員工全部係年青人，有禮貌，又快手幫你清番乾淨張枱。平日我就2點幾去唔駛等位，今日我一點幾食完離開都有少少人。今日星期六，冇得叫餐，問番職員話只係一～五先有，所以照舊大阪牛肉細飯，今次另叫溫泉蛋同麥茶，埋單$91.鍾意呢到嘅飯好夠熱，牛肉又軟滑，$55一個細飯，但份量足，唔會話唔夠食，溫泉蛋亦好香。推介試葡萄豬肉串，味道非常夾，但今日冇叫。如果好似我呢d C9,一定會揀平日黎。餐冇記錯$68,加多一串葡萄豬肉串都係一百零幾，實在抵食。

之前行過屯市，見到開左新野，見到傳單，一早已經好想試吓個鰻魚飯，睇到都流口水，而且有串燒食，所以放假終於嚟左裝修比較新式，上層係串燒feel,下層係食丼feel,有卡位，bar枱QR落單好方便，一心唸住食鰻魚飯，但店員推介試吓招牌嘅大阪牛肉飯👉👈，心唸，咁介紹一定好好食，所以最終轉呔了，點了牛肉飯，原來set lunch仲送串燒，價錢好抵大阪牛肉🐂🐃🐄飯～賣相吸引，牛肉超多，差不多見唔到飯咁🤭🤭牛肉超軟身，連住一點筋，入口即溶咁，好鍾意食腩筋，而且又淋，真係不得了，飯係日本米，而且有好多肉汁，連飯一齊食，勁正👍🏿👍🏿思鄉病嘅我覺得好感恩🙏🏿🙏🏿,唯一可改進，就係個肉汁唔太夠味，要加調味料😅😅玉子燒～外脆內軟，熱辣辣，有少少甜，十足日本街頭食嗰d🤩