CHI Tachinomi (屯門市廣場) (已結業)

今日係第三次黎食，平時都係平日黎，所以慣常叫餐。一碗細牛飯+一指定串燒，另加飲品，我每次都係飲麥茶。員工全部係年青人，有禮貌，又快手幫你清番乾淨張枱。平日我就2點幾去唔駛等位，今日我一點幾食完離開都有少少人。今日星期六，冇得叫餐，問番職員話只係一～五先有，所以照舊大阪牛肉細飯，今次另叫溫泉蛋同麥茶，埋單$91.鍾意呢到嘅飯好夠熱，牛肉又軟滑，$55一個細飯，但份量足，唔會話唔夠食，溫泉蛋亦好香。推介試葡萄豬肉串，味道非常夾，但今日冇叫。如果好似我呢d C9,一定會揀平日黎。餐冇記錯$68,加多一串葡萄豬肉串都係一百零幾，實在抵食。