Chatterbox Café (圍方)

营业中

休息中

大圍新地標"圍方" 開幕第一日至今每次經過呢間餐廳都係好多人喺門口等位今日嚟品嚐下佢地嘅新加坡菜式果然有水準．食完就明白點解每日都咁受歡迎除咗肉骨茶之外．串燒都好多人食．好吸引✨文華海南雞飯最鍾意海南雞啖啖肉，一條骨都無最重要肉質非常軟滑配上帶有薑味嘅飯湯裡面仲加上豆腐同生菜，非常清甜✨星州海鮮炒貴刁即叫即炒嘅貴刁．色澤豐富唔會太鹹加上爽口鮮蝦大大粒厚厚嘅帶子魷魚都好新鮮．足料又豐富以後嚟大圍想食新加坡菜又多個選擇喇

今次我去咗位於大圍的Chatterbox，一間主打新加坡菜的餐廳。佢係由新加坡文華大酒店旗下的Chatterbox Cafe開設，以出名的海南雞飯聞名。我點咗四樣菜式，分別係文華海南雞飯（轉做雞髀）、香脆腐皮卷、美祿恐龍同仙草豆漿。以下係我對每一款菜式的評價：* 文華海南雞飯（轉做雞髀） * 這個係佢地嘅招牌菜，我特別要求用雞髀代替雞胸肉，因為我覺得雞髀比較嫩滑多汁。果然冇令我失望，個雞髀煮得好入味，肉質彈牙，同三款醬料（薑蓉、辣椒同黑醬油）都好夾。個油飯香口又唔油膩，同雞湯都好出色。如果你鍾意食海南雞飯，呢個一定要試。* 香脆腐皮卷 * 呢個係一款小食，炸至金黃香脆。加上甜酸醬更添風味。* 美祿恐龍： * 呢個係一種新加坡特色嘅冰飲，由一杯冰鎮嘅美祿上面灑上未溶解嘅美祿粉末。呢個飲品好適合夏天飲，因為佢好清涼解渴，又有濃郁嘅巧克力同麥芽味。個未溶解嘅美祿粉末仲可以增加口感同驚喜* 仙草豆漿 * 呢個係一款將仙草同豆漿結合嘅創意飲品。個仙草係用黑糖煮成，甜而不膩，同豆漿嘅香滑互相襯托。仲有啲仙草凍條係入面，增加咗層次感。呢個飲品適合想飲啲清淡啲嘅人。總括而言，我

第一次黎大圍圍方，商場比我最大感覺係間間餐廳都要排隊😂擇左呢間chatterbox 好似唔太貴又幾好食。好耐之前尖沙咀食過都幾唔錯。。🥢星州海鮮炒貴刁 $128呢個星州海鮮炒貴刁啲海鮮有蝦、帶子、好新鮮、肉質飽滿，同埋加入啲辣椒炒出嚟嘅味道真係令人回味無窮。。🥢咖哩豬肋骨煲配白飯及香脆薄餅 $142豬肋骨煮到好嫩，配上香濃嘅咖哩汁，同埋秋葵茄子，真係令人食到停唔到口。白飯同香脆薄餅仲可以增添不同層次嘅口感。

大圍新商場圍方有好多嘢食，呢間專食海南雞飯嘅餐廳都開咗嚟呢度。一於去食下😋夜晚好多人喺度等位，人氣相當高。我哋叫咗一個文華海南雞飯$138、一個白胡椒肉骨茶配白飯$132。海南雞飯我轉左雞髀，雞皮夠光澤，而且雞肉嫩滑，有薑蓉、醬油、辣醬三款醬汁。鍾意海南雞配油飯，油飯夠香，不自覺地食晒成碗飯🙈除咗海南雞飯，白胡椒肉骨茶都唔錯，白胡椒味夠香，肉骨茶幾好飲。仲配有非常夠脆嘅油炸鬼。啲豬骨夠腍身，而且份量都幾多。

Chatterbox Café 進駐大圍圍方，位於3樓304號舖。在新加坡文華大酒店的Chatterbox Café， 必點著名海南雞飯。 店內的裝修跟K11 Musea 相似， 以花園城市做主題， 園林風格，寬敞明亮。晚飯 ～ 文華海南雞飯$138、 香炒河粉燴牛肉$128。 ▪️文華海南雞飯 ～ 海南雞皮爽肉嫩，有薑蓉、 辣椒醬和特製雞飯醬油， 提升雞肉的鮮味，配上美味的雞油飯，千祈唔好錯過。 ▪️香炒河粉燴牛肉 ～ 河粉很滑溜， 牛肉片入口嫩滑， 加上濃稠的醬汁， 很美味。 很喜歡這裏的文華海南雞飯， 每次必點☺️。 🏷️溫馨提示～ 整個用餐體驗均屬個人分享意見， 只作參考😊。

終於有時間去大圍新商場行下原來圍方都開左呢間新加坡餐廳水準同K11 Musea分店相若 走入餐廳 四周擺設都好有南洋嘅風格🔸香炒河粉燴牛肉 $128呢碟香炒河粉燴牛肉，河粉爽滑韌口，牛肉嫩滑多汁，入口即化。河粉經過熱炒，散發出香氣，配合牛肉的鮮味，帶來一種濃郁而滿足的口感體驗。🔸鹹蛋黃雞翼 $128呢款係雞全翼，炸得外脆內嫩，鹹蛋黃香濃濕潤。雞翼咬開時時，鹹蛋黃爆開，釋放出濃郁嘅蛋香，與雞翼嘅肉汁交融，好邪惡！🔸黑醬油炒鮮蝦蘿蔔糕 $96蘿蔔糕切成粒狀，炒至外層微脆，內裡軟綿，與鮮蝦嘅鮮甜味道相輔相成。黑醬油嘅香味融入其中，鮮蝦又夠晒彈牙，好惹味

Chatterbox Cafe...号称在新加坡比PS Cafe更火红的餐廳，香港首店座落围方，据说海南鸡饭一绝，每日午市排大隊令我却步。今日下午3pm去吃，还好沒人，但领班居然说下午休3:30pm，令我驚讶不矣，居然下午茶休息，有$也不赚？还好我們吃得要快，那赶紧入座。打开餐牌，价$比一般南洋餐廳贵的，招牌海南鸡饭，居然边上加上(文华酒店)，顿时明白了！这cafe后厨班底，必定是文华厨师，海南鸡需平民东西，但文华酒店的海南鸡饭，驰名国际，我当年94年上海吃，也要FEC 95 +15%，即当时人民币160/份，这几年在上海也是专门去吃多一次。所以立即下单，果然是文华味道，才＄135/份，良心价，只是沒用泰國絲苗米，唯一批評。但肉质，沾料，口味，果然好味，而坡佬炒飯也非常丰富，一份炒饭要25分鐘制作，不是快餐做法。反正如果近期新加坡去不了，这边味道準正宗了！

選擇了一款排骨茶，可能是該店選用冰鮮排骨的關係，完全冇肉味，肉質又太硬，更冇胡椒味，比起星加坡出品，此間品質絕對不合格。另外咖哩豬排飯，亦因肉質選料問題，並不好吃。總括而言，絕無下次光顧。

今日又去左圍方行街街，突然想食海南雞飯，就去左chatterbox啦，平日晚上都多人，要等等位先入到去食。圍方分店大又寬敞，坐得舒適。文華海南雞飯一如水準，雞肉嫩滑，皮彈牙！油飯吸收左雞油同蔥蒜精華，好好食！仲有可以豉油、薑蓉同辣醬，撈埋飯食又得，就咁食都好食！星加坡炒飯炒飯上面係隻太陽蛋，炒飯有好多蝦，好彈牙，另外仲有塊蝦片，蝦皮盛住飯食又幾好食！脆炸腐皮卷腐皮卷炸得香脆可口，仲有泰式辣醬！充滿新加坡風味既晚餐🇸🇬

黎到呢個新商場人群湧湧 等左好耐終於可以坐低食飯🍱•文華海南雞飯依舊叫海南雞飯雞好滑 加埋油飯加湯但覺得K11 MUSEA果間好食啲•沙嗲串燒拼盤 雞豬牛串燒熱辣辣黎到點埋個沙嗲醬肉仲好滑 好味•鹹蛋黃雞翼一聽見有鹹蛋黃整既野又係不得之了雞翼沾上鹹蛋黃 超惹味 好入味 必食🫶🏻

今日去到新開嘅大圍圍方，Shop完平就去食晚飯，咁見到呢間Chatter box係新開嘅分店，見到都幾大，而且入面都幾有garfen feel。咁我地叫左少少野，有以下:文華海南雞飯：個定價可覺得都ok嘅 ，食到啲海南雞算幾滑，其實呢個海南雞我覺得佢啲味道都夠，不過如果大家 鍾意點醬嘅話都可以點，其實我自己覺得呢個雞味都夠，食埋佢啲油飯，我覺得兩樣嘢都幾夾。招牌雞肉喇沙 呢一個喇沙係我朋友order，咁我食過佢個粉都ok嘅，雞肉都幾白滑，因為呢一間嘢我覺得係出名係啲雞，所以唔錯呀，湯底味道都濃味，不過唯一要改善嘅就係我覺得佢個湯唔係太夠，如果添加多啲湯會更加好。最後我同朋友飲埋杯錫蘭奶茶就閃人,overall其實呢間嘢啲嘢食質素我覺得都唔錯,所以如果大家行去大圍呢一頭大家可以試下呢間餐廳。

今次講講新加坡文華東方酒店，第二間喺香港開嘅 Chatterbox Cafe. 主打海南雞飯和喇沙。今次就試吓佢嘅海南雞，睇吓有幾出色。首先講講佢嘅擺盤， present得幾靚幾精緻。海南雞排得好靚。醬汁有三款：甜豉油、薑蓉、酸辣醬。飯係雞油飯。湯係一啲椰菜湯，有1件豆腐喺裏面。雞海南雞望落去好靚仔，色澤偏黃。咬落去口感偏林，冇乜嘢雞味。但勝在刀法好好，每一件嘅雞厚薄好均勻。雞髀雞胸大約各有五六件，份量適中。飯跟餐嘅係雞油飯，好香香料味，唔太油，冇落黃薑粉，唔會好似某啲餐廳嘅海南雞飯咁樣黄禽禽。醬料甜豉油甜豉油喺三款醬油之中我最喜愛的。豉油本身好厚身，甜度適中，好掛身。薑蓉薑蓉來講，比較失色。薑蓉切得好溶，浸喺油裏面，但一啲薑味都冇。甜酸醬甜酸醬又唔甜，又唔酸，又唔辣，麻麻哋。

圍方開幕已經大半個月，平日人流依然興旺。這是Chatterbox cafe在香港的第二間分店。 之前曾在K11食過，一試愛上。文華海南雞飯 ($138)海南雞肉質除咗滑同彈牙之外，入口真係留有雞味，上面塊雞皮仲好薄，食多幾塊都無乜罪惡感，可謂一分錢一分貨。醬汁看上去就是平時會見到的三款醬料，辣醬辣得開胃；薑蓉磨得好細，主為辛辣，無多餘調味；黑醬油濃稠鮮甜。附上的清湯，菜味較濃，裏面有塊滑豆腐，亦加入少計炸蒜增添香味。香炒河粉燴牛肉 ($128)一坐低就聽到呢個菜式快售罄，唔執輸叫返個。整個份量感覺足夠兩個女仔食用。外貌似炒濕河，牛肉軟腍且爆多!! 河粉粗度是陳村粉級別，啖啖掛汁；醬汁濃而不鹹。夏日刨冰配雪糕 ($68)夏天食刨冰係一種幸福。 冰略嫌有少許黏在一起，但見成個刨冰砌得好靚就原諒佢啦。配料有涼粉、紅豆、亞答子，混入淡奶，最頂有個大大的雲尼拿雪糕及加入花生碎。亞答子是我看menu才知道其名，口感Q彈。紅豆略甜，但跟冰一起就剛好。

Chatterbox 繼尖沙咀後落戶大圍圍方，對我沙田友黎講簡直喜出望外，因為我地一家都係海南雞飯fans。開業咁耐，成日人山人海，今日平日5:40 去到，剛剛好可以直入，過多陣已經要等位啦。黎到Chatterbox 無理由唔叫海南雞飯，講真雞，醬汁同湯都無令我失望，但唔算驚喜，而令我驚喜既係碗香飯，唔油得黎，真係粒粒都有雞油香味。另外叫左碟海鮮炒貴刁，講真仲驚喜過海南雞飯，一上枱已經被佢既香味嚇親，入口簡單4隻字真係好味，帶子大大粒，蝦仲脫埋殼，正。菠蘿芒果梳打正常咁好味同解渴。最開心係qr code 見唔到menu 既荔枝刨冰配雪糕，多口問下，話如果我地想試，可以整杯。有幾好味我唔講，留俾大家試下啦，但service 真係值得一讚。

Chatterbox Café 是人氣新加坡海南雞飯, 多少總會有點期待, 我兩位長輩從7:45取飛, 直至我放工8:15到達, 還需要多等半小時才能入座, 新商場人流果然很多以手機點餐, 可能時間關係, 沒有太多選擇, 幸好還有文華海南雞飯, 3款醬料味道不錯, 而油飯也很好, 很香卻不會太油膩, 至於雞則較為普通; 其中一位長輩不想食飯, 所以點了炒星洲炒貴刁, 不過味道與賣相卻似乾炒牛河, 還好配料是海鮮, 一眼望去也未至於令人誤會總體來說, 味道可以, 但以價錢來說偏貴, 既然是人氣食肆, 一試無妨Chatterbox Café 是人氣食肆， 可惜的是，這一間圍方店以新開業的食肆來說，服務完全不合格。而導致兩位長輩需等候1小時，其實並非因為完全沒有四人檯可以安排給我們，而是食肆內某男店員安排入座的意志。我們一行三人，親眼看見有兩張相連的二人檯，以及門口的四人圓檯，均同時有食客結賬離座，當我們以為侍應清潔後，便可以入座時，最後卻見侍應將兩張二人檯拆開，由三組二人食客入座，即四人圓檯亦只有兩人使用。長輩們隨即向女接待員查詢，她卻說是某男同事指示。高人的想法，我個子小，當然摸不著頭腦