ChaTraMue Cafe

营业中

休息中

以後可以嚟沙田新城市廣場呢間Cafe，chill吓嘆吓下午茶，食吓甜品，加埋少少泰菜。本來係一心想食佢嘅泰茶千層蛋糕，但嚟到見佢個 menu 都幾吸引，幾多選擇都中我口味，又有午餐揀，價錢亦合理。於是我叫咗杯泰茶+1件綠茶千層蛋糕。 綠茶千層蛋糕好香綠茶味，佢種香味比較特別，雖然有廿幾層，但係食落口一啲都唔肥膩，非常軟熟，加埋綠茶醬更加帶出綠茶蛋糕嘅香味。朋友覺得佢午餐抵食，叫咗個黃咖喱牛腩飯，份量都好足夠，黃咖喱好特別，好好味，有啲咖喱味又有椰香味，牛腩份量都非常足夠，反而一碗飯唔夠，因為餸多汁多。朋友叫杯荔枝綠茶都非常清新，很適合炎炎夏日, 好有夏天消暑嘅感覺，之後我哋又再追加一個牛角包配綠茶醬。嘩！呢個甜品不得了，牛角包掃咗一層好香嘅蜜糖焗完之後好香脆，再加少少綠茶醬，非常好味，配合得好好。 呢度嘅茶飲我就不用多講，但呢間 Cafe 細細，menu 簡單，但都係啲吸客嘅野食，佢哋明顯重視甜品，甜品的確做得好出色。環境佈置都好有品味，而不是傳統的泰菜館，感覺優雅舒服的，值得推介給有品味人士，會再嚟！

七一長假期阿仔阿女嘈住要飲泰茶、食泰茶雪糕、泰茶千層蛋糕，所以我哋一行四人專登由馬鞍山去新城市廣場第三期的 ChaTramue Cafe 食好嘢。 😁😁 今次係第三次黎食，我叫咗個魚蛋肉碎湯河，湯底係雞湯底，好鮮甜，有啲肉碎有少少通菜，加埋泰式魚蛋，好好味。另外叫咗一個咖喱雞包，啲咖喱好香濃，椰汁味好重，都幾大個，夠我哋一家四口食。 蝦餅好彈牙，蝦肉新鮮，炸得好香口。泰茶好飲就不在話下啦，阿仔最鍾意佢個泰茶雪糕，真係好香濃、好滑口。泰茶千層蛋糕真係好高質，成廿幾片，柔軟可口，不失泰茶的濃香味，坦白呢到嘅泰茶千層蛋糕真係好出色，口感一食就知，好新鮮，軟滑度非常高質，比起一啲名牌蛋糕店可能由中央廚房做永遠好似都唔知雪藏咗幾耐.。 整體我哋全家人都好鍾意黎呢度食野，menu 簡單，雖然不算太多，但品種吸引而質素高，加埋一都係$440，人均消費$110，不算太貴。侍應姐姐話中午有午餐及下午茶餐，我哋下次會再試。

今日下午2:30專登同同事去 ChaTraMue Cafe 食下午茶，$88 包一個主食及一杯$32至$42的任選飲品。好似幾抵，但當然要好食。叫左牛丸湯河，湯底甜，好有牛味，店員話每天用上牛骨及大量牛腩煲，不加味精，的確沒有口渴感覺，牛丸很好味，不會有根，不會太大粒難於入口。同事的香葉肉碎飯亦非常惹味，好有泰風味，但少許微辣，真的很好味，不吃辣的就不要點這個。之後再追加一客泰茶巴斯克芝士疍𣖙，的確是非常出色的甜品，定必會被芝士蛋糕朋友追捧，香濃芝士味但又有濃厚泰茶味，互相配合，非常合親。這裏的甜品無得輸，真的很出色，值得推介。看見他們也有午餐menu, 以他們 cafe 的優質出品再加一杯飲品，價錢是不錯了，過兩天會再試

今日同darling去左沙田ChaTraMue試新品。今次試左上次未食過嘅dishes。我地今次點左老公鐘意嘅黃咖哩雞法包。咖哩味道好濃好smooth，麵包quality 可以媲美高級麵包店出品。 我就點左海鲜粉絲沙律，夏天食泰式沙律就最開胃。小食就叫左沙爹雞同豬， 配特製泰式燒汁 ， 令人食欲大掁， 必食之選！ 飲品就叫左泰式檸檬茶同荔枝茶。味道清新，有層次感，不防一試。最後加上泰茶梳乎厘， 為我哋嘅午餐畫上完美嘅句號！一如過往，佢地嘅食物水準一直保持得好好，份量又夠大，勝價比真係好高。 尤其是set lunch， main course包飲品，都係八十幾蚊。揾日再去

我獨愛佢哋牛肉湯河，牛肉嫩滑，食得出係上品，牛湯底清甜純厚，店長話係安格斯牛，牛骨湯每日熬製兩至3小時，$88 抵食！👍🏻 男友一定要食飯，他叫了泰式海南雞飯，但要求要白飯，雞肉嫩口冇骨，唔錯，但他們的海南雞醬非常獨特，很惹味，食得出不是求求其其做的醬汁。 之前已經試過他們的千層蛋糕很有水準，勝在新鮮日日做，所以今日專登試佢泰茶梳乎厘 pancake 同綠茶梳乎厘 pancake ，真係次次都有驚喜，好唔錯的甜品，用心配搭。首先，soufle pancake 係即叫即做，出嚟仍然熱熱地，疍味濃郁，但仍然動L 𡛺軟，口感非常輕軟的，不會有飽的感覺。他的泰茶梳乎厘 pancake 配上泰茶醬後加上焦糖脆脆，非常合適，味道中和又不甜不膩。而綠茶梳乎厘 pancake, 就配上綠茶醬加斑爛珍珠，本身就很喜歡他們的泰國綠奶茶，現在試他們的綠茶梳乎厘 pancake，感覺良好，因為綠茶醬就有一種綠茶香味，再加上斑爛味珍珠，煲得剛剛好，不太林，有咬口。這裏的甜品真的很不錯，值得再試其他。環境乾淨，但略嫌座位坐得有啲迫！

開張試過，價錢可以，坐得舒服但價錢比較平，泰式飯同湯河都係$88，在其他的cafe 都要過百元，味道亦唔錯，上次試過甜品亦很好，所以今日再黎試。今次又有驚喜，魷魚意粉蒜香好味$108，泰茶Souffle pancake, 兩片大大塊，𡛺軟可口，淋上泰茶醬再加上焦糖，絕配，非常好味，但只係$88，比其他cafe 的 souffléoancake 一般都要$128-158，平很多。另外再試一客綠茶飄雪，亦只係$88，平宜其他店一半，但飄雪份量亦相對比較細，但正合我意，兩個人食，剛剛好。 總括是性價比高，泰菜及甜品都好味，但嫌人手少，要求要多一件餐具，那位肥姐姐要等10分鐘，無辨法，難請人，但會再黎試佢個下午茶餐，好似幾抵幾吸引！

今日同老公帶貓B做手術，難得餘下半日假期，去咗沙田  ChaTraMue, 我本身係蛋糕及烘焙師，所以係好有興趣試吓佢哋嘅甜品做成點，偷下師。先唔好講甜品，叫咗牛肉湯河同冬陰功蝦意粉醫下肚。好有水準，牛肉嫩滑，湯底濃但唔會覺得口渴，冬陰功蝦意粉個汁煮得好惹味，非常泰國feel，蝦爽口彈牙（無理由係新鮮蝦，應該係雪藏蝦，但處理得好好）。重點黎啦，試泰茶千層蛋糕同綠茶奶凍，又真係好高水評喎。 泰茶千層蛋糕非常軟熟，疍味濃郁，唔甜，唔會有油膩感覺，大大件，配上泰茶醬，如果喜歡甜的話，可與泰茶醬一起吃，但精彩的是配上少許焦糖脆脆，簡直是畫龍點睛，很高班。好奇問侍應，原來佢哋有註店甜品師每日新鮮做疍榚及甜品的。與同一商場的一間高級千層蛋糕店，sell 21層，pancake皮很乾，忌廉冇味，一食就知係工場預先做完冷藏，真的不一樣。再講他們的綠茶奶凍，質素亦高，能夠做到很動L, 綠茶味香純，質感幼滑。 店舖環境時尚整潔，員工態度良好，價錢以 cafe來說是比較平，合理的，睇得出佢哋好比心機做，希望香港多啲呢啲有心做食肆老闆，價錢合理，留住香港人，加油！👏🏻👏🏻

今日落左新城市食飯, 見到泰國茶cafe 就試下佢. 空間唔錯, 環境幾靚仔. 佢除左野飲外仲有熱食同甜品。我就叫左個牛肉湯河(幾好食), 仲有叫左個青咖哩金邊粉(真係幾好食)。飲品就叫左兩杯奶茶, 跟到泰國味道(我覺得佢好過泰國, 泰國正常味真係好甜). 我未食過佢甜品, 叫左個疏乎厘, 佢上面有個綠奶茶sauce , 有水準, 佢個soft 程度係恰到好處, 下次試下其他味另外我叫左個沙嗲豬肉, 佢真係同泰國街邊食到個種沙嗲豬肉樣喎, 呢個真係有surprise

本身幾鍾意飲ChaTraMu嘅奶茶甚至仲買咗幾罐茶葉擺喺屋企🍃見佢開咗間Cafe好多款甜品一直都想去雖然有唔少負評，但好奇心驅使都會想試😂✅泰茶疏乎厘班戟 &✅泰茶雪糕窩夫 係幾好食嘅😋疏乎厘&窩夫發揮正常水準配搭窩夫嘅雪糕超正👍🏻👍🏻👍🏻食得出有濃郁泰茶味 哩個位加分🫶🏻但‼️❌泰茶千層蛋糕❌冬陰功炒飯真係伏咗蛋糕食唔出泰茶味 而且好明顯係植物忌廉炒飯淨係得辣 毫無鹹味&冬陰功味 炒得唔夠乾身🫠.🔎泰茶疏乎厘班戟💰88🔎泰茶雪糕窩夫💰55🔎泰茶千層蛋糕💰65🔎泰式冬陰功炒飯💰88.*需+10%服務費*

食完晚餐，轉移陣地試下呢間泰國好岀名嘅手標泰式奶茶，香港其他分店都只有飲品，但沙田新城市呢間就有dinner set 同特色甜品食。八點來到，一個客都無，職員都表示坐位隨便坐🤣但見到餐牌寫人均最低消費，本身都覺得無所謂，但又唔好食，又無服務，樓面同廚房吹水，睇嚟由於最低消費，餐廳都想自我倒閉🤣🤣所以職員都幫拖🫢🫢好員工！叫左個泰茶雪飄，望落去就覺得唔夠綿，食落去完全無泰茶味，一定要加醬先有味，雪飄入口，有一陣水喉水味，之後朋友仲話肚痛，真係無下次。仲叫左個泰茶梳乎厘，聞到好香泰茶同蛋香味，以為有少少驚喜，都真係有驚喜，因為食落去完全無味🤣🤣無辦法啦！有最低人均消費嘛，但其實跟本無人來食，真係伏到極點，餐廳都知大家食一次無回頭，當然要在呢一次盡量賺你錢啦🤑🤑

本人去泰國旅行時，都會光顧這店。當日24/4中午12時與女兒路經。見到有雪糕，當時問職員可否坐下來吃？她說可以在開邊位置坐，當拿到雪糕時四位職員站在旁邊。而店中冇其他食客，他們說你不可堂食。當時很愕然為何雙重標準？而食物方面雪糕冇茶味只有死甜！我應該以後都不會光顧這店。😡

ChaTraMue Cafe身為「叉叉妹」超級fans嘅我絕對係福音！泰國手標茶茶飲店Cha Tra Mue最近喺沙田新城市廣場開左首間cafe，主打泰式刨冰和甜品之外，亦有飯類、小食和沙律選擇，泰式飲品亦可選擇甜度和冰度，當然泰奶不調整甜度是最好的泰式牛肉湯河其實無太大驚喜，湯頭略嫌太淡，水準比出面食泰國粉麵嘅餐廳遜色主打嘅甜品試左幾樣都相當唔錯，所以黎呢度試甜品就夠了-泰式牛肉湯河- 泰式奶茶刨冰- 泰茶千層蛋糕- 泰茶軟雪糕- 凍泰式咖啡- 凍泰式奶茶

剛剛係泰國6日歎完世界返港，仲有些意猶未盡。🤭今日去一田家品部購置些美國碗筷，準備星期日朋友黎食飯用。好不幸運，原來一田家品部已經無開。買唔到廚具都要食飯，唯有附近搵下有咩好食。突然，眼前發亮，見到泰國手標 {CHU TRA MUE CAFE}，泰國情懷立即湧上黎。餐廳裝修簡單清潔餐點款式都好多元化手標招牌奶茶 ，味道跟泰國店一樣，但價錢就貴一倍🤭泰國肉碎煎蛋飯，簡單滋味。綠茶味梳乎厘，需要等15分鐘，即叫即做，熱噴噴，見到都流口水。梳乎厘雞蛋味濃，入口軟軟，綠茶味比較膩，下次要試原味。雖然價錢比較貴，但為左滿足泰國慾，都要一試。🌈🌈🩷🩷🌍🌐✈️ 每次旅行都有一堆美好回憶，幸福感爆炸。

飲品係好飲，雪糕都ok，但係非甜品及飲品類就唔OK🫥🫥🫥叫咗青咖喱雞柳飯、蝦多士、2杯飲品、雪糕個青咖喱水汪汪…不過味道都ok嘅… 但啲雞柳真係唔掂，冰鮮雞肉擺咗好耐嗰種🫠，食得出唔係舖頭自己整，似係食緊平時7仔叮叮飯/ 即食咖喱餸包🫠 呢個價錢但係咁嘅質素 （$78）沒有信心再試蝦多士麻麻地，一咬成口油咁，呢個價錢寧願食第二度嘅蝦多士。例如大飯糖個蝦多士仲正仲抵食泰式奶茶綠茶雪糕好食，不過偏甜

見呢間泰茶竟然開埋cafe，好奇試吓。除咗有招牌唔同口味嘅泰茶，仲有泰式船麵、泰式小食、泰式甜品，都幾多唔同野食。坐低之後用qr code落單蝦多士唔係好脆，都幾油，同埋唔係好香好有蝦味泰式炸蝦餅，都有啲蝦味，但都唔係太脆同埋都幾貴，$78係出面泰國餐廳起碼有double份量嘅蝦餅泰國龍眼蜜忌廉原味梳乎厘班戟$78價錢還好，個班戟上枱仲係會好動L不過食落入面有啲痴牙個龍眼蜜好濃龍眼味，不過都頗甜，配埋忌廉會好少少總結啲食物都係一般，唔算係好食，而且幾貴，作為cafe價錢係通常會高啲，但入面都唔係太cafe feel，都係普通，加一服務費基本上淨係比侍應送餐比我，其他全自助