ChaTraMue Cafe

营业中

休息中

沙田新城市有好多嘢食，想食泰國嘢，見依間咖啡店嘅嘢食幾吸引咁，又有甜品，就入咗去食啦😆依日係平日晚餐時間，QR code點完餐後等咗好耐都未有嘢食！🫣睇吓隔籬枱，好似係依個冬陰功炒飯等得特別耐😯等咗超過20分鐘🙂‍↔️味道都正常冬陰功味，唔係特別重口味，同有啲唔夠熱😂另外嗌咗泰國奶茶(💲38)，佢係冇餐嗌嘅～嘢飲就好快嚟，嗌咗少冰，但都好多冰咁～味道幾甜，都啱我口味😬本身仲嗌咗個九層塔薄餅，但話要等30分鐘，咁就唔食啦😂後來嗌咗個泰茶梳乎厘班戟，但係20幾分鐘都未嚟，最後冇食cancel咗就走咗😯所以淨係食咗個炒飯同飲咗杯奶茶～好彩本身兩個人都唔係好肚餓🫣

今次係第x訪，次次都覺得有驚喜, 我上次覺得肉碎飯好食，所以今次都係一定要encore, 香葉肉碎飯都keep住係炒得好食喎, 今次人多左, 試埋個新的豬手飯(上次都仲未有), 真係有水準喎, 味道好local thai style, 真係推薦, 我見佢都有其他item , 熱食同蛋糕都有除此之外, 今次叫左叫巴斯克芝士蛋糕, 我食落感覺落左少少thai tea 的粉, 呢個mixture 個味好恰當, 兩個味道都幾夾喎

上星期試過呢度嘅安格斯牛肉湯河，性價比之高，驚為天人，已經張呢間店mark 咗為自己必選餐廳。今日試佢嘅海南雞飯, 男友又食香葉肉碎飯，真係要寫一寫幫佢加分。 海南雞分量十足但飯畧少，雞肉真係嫩滑好味有雞味，唔係淡淡白白嘅白切雞，飯的分量約一碗，但用米上乘, 飯煮得軟熟可口，點埋碟雞醬，好開胃，好快食唒。 另一碟香葉肉碎飯亦係我同男友至愛，肉碎功力炒得唔錯，惹味辣味都平𧗾，亦都係冇得輸。最後再加多一件椰子忌廉蛋糕超正，蛋糕好香椰子味，不太甜，而椰絲有咬口，好味。呢餐好完美, 每次係度食嘢都好充實又好味，黎呢度食嘢我同男友都好放心。 侍應親切有禮，坐得舒服的。

好幾個住沙田區嘅朋友都推介過叫我哋去呢間位於沙田嘅ChaTraMue Cafe ，週末專登去探訪一下，順便行吓街。其實真係好舒適嘅地方，環境俾人一個好舒適輕鬆，泰國feel的 Cafe，而食物質素真係好唔錯，價錢又唔貴。ChaTraMue 泰茶有幾好飲就人人都知，試過 Cafe 嘅嘢食，有驚喜所以要幫手寫下咁有心機做飲食嘅店舖。 安格斯牛肉湯河超好味，牛肉湯真材實料，安格斯牛肉質素極高，入口嫩滑，但咁高質嘅一碗牛河都只係$88。 泰式滷水豬髀飯啲豬髀已經炆到好腍好入味，配上少少甜酸菜加蛋，好開胃。 泰式海南雞飯，雞肉嫩滑可口，有雞味，又大大份，啲自家雞醬汁好特別，絕配。泰式海南雞廚師事先已經細心嘅起咗骨食起嚟啖啖肉，好正。我哋再加多咗一份泰茶疏乎厘pancake，超好食，我哋個個掛住搶食，唔記得影相，但真係要推介一下呢度嘅甜品真係好正！

沙田新城市廣場開咗呢間ChaTraMue Cafe 一直都有朋友讚好，但直至今日做完gym同幾個朋友一於去試吓。 餐牌簡簡單單一睇落去價錢都唔算貴。泰茶有幾好飲就不用介紹。 我叫咗個安格斯牛肉湯河, 班friend分別叫咗一個香葉肉碎飯, 豬頸肉飯同泰式海南雞飯。之後再加咗幾個甜品，泰茶巴斯克芝士蛋糕椰子蛋糕同埋 Waffle. 安格斯牛肉湯河，牛肉有牛肉味，入口嫩滑，湯底清甜，係好食㗎，只係$88。班friends 嘅海南雞飯都好味，海南雞做得好，高質雞肉，入口嫩滑有雞味，香米飯都係優質香味入口軟熟。個friend話佢個燒豬頸肉飯非常好味，豬頸肉醃得入味，燒得又好香口，佢叫我要大大力去讚吓佢個點豬頸肉醬汁。 另一個朋友話個香葉肉碎飯炒得都非常香口好有泰國feel。佢哋主食質素高班，大部分都係$88，抵食。甜品真係有驚喜，巴斯克芝士蛋糕茶味同芝士味非常平衡，鍾意食芝士蛋糕嘅人肯定鍾意。但係驚喜嘅係佢嘅椰子蛋糕有濃郁嘅椰香味及忌廉香味，蛋糕軟熟幼滑加上一絲絲椰子好有咬口，呢個係我個人最喜愛嘅！另外一客嘅Waffle新鮮整出嚟好有蛋香味，食咗一啖係會唔停口。店舖環境優雅乾乾淨淨員工都好有禮

新城市廣場人流稀疏，阿妹喺加拿大返嚟，問點解香港而家搞成咁。我哋途經呢間 ChaTraMue Cafe, 阿妹話裝修得幾靚, 同阿妹、妹夫坐低食吓嘢。佢有張poster貼咗個牛肉湯河，應該係招牌菜，所以我叫左試吓，湯底濃但清甜，牛肉幼滑有牛味，不愧係安格斯牛，加上少少配菜，例如牙菜、新鮮紅蔥片、乾蔥碎，令到整碗牛肉湯河很有層次感，非常可口。妹夫叫咗個泰式滷水豬髀飯，滷水味道溫和、豬髀已經炆到好腍，感覺充滿骨膠原，配上小小甜酸菜在旁，仲有半隻滷水蛋，都係$88，抵食呀！阿妹叫咗碟豬頸肉飯，豬頸肉好入味，非常之有泰式感覺，燒到香香地，要來點豬頸肉嗰碟醬汁，更加有驚喜，微微辣，但係好有層次感，豬頸肉點咗之後更加好食。我哋再叫多一件巴斯克芝士蛋糕，三個人分。芝士味好香，但又不失又泰茶味，呢個甜品非常成功。我哋食得滿足，整間店舖環境乾淨，服務態度良好，氛圍也好，我哋會再嚟，值得推薦。安格斯牛肉湯河 泰茶巴斯克芝士蛋糕

我coweater 試完呢度嘅牛肉湯河真係著迷，今日同呀媽女友再試下其他嘢食。我再點安格斯牛肉湯河，真係冇得輸，湯味非常鮮甜，牛肉入口幼嫩，好正。女友點咗個泰式肉碎玉子湯粉絲，雞湯底都係非常鮮甜，唔係啲乜乜化學湯，味精味重，食完口渴嗰種，配搭有豬肉碎，少少芽菜及通菜，成碗粉絲湯好開胃好味。阿媽碟海南雞飯都好唔錯，好有雞味，入口軟滑，要特別推介係佢嗰碟海南雞嘅雞汁，好惹味好開胃。佢哋啲甜品好似幾出名，嚟到梗係要試吓啦。叫咗一件椰子蛋糕，表面鋪滿粗粗椰子絲，口感非常好，食落椰子cream味好重，而蛋糕又好幼滑。另外一件係牛乳蛋糕，牛乳味非常濃厚，好好味，表面鋪上一些杏仁碎片，有着濃郁嘅牛乳同忌廉味，好明顯佢哋唔係用啲cheap cheap嘅植物忌廉，非常有心做蛋糕。女朋友話佢裏面嘅唔係海綿蛋糕，我淨係知道佢哋好幼滑，甜品的確係好出色。三個人叫咗三杯嘢飲平均每人約 $120-150。以後我多咗一個最愛美食嘅地方，呢度嘢食性價比高，質素好環境舒服又有得泊車，極力推介俾鍾意去性價比高餐廳嘅朋友！

周圍都等位，見呢間有位入去trytry。坐近門口位置，張枱同櫈矮到爆，坐得勁唔舒服🫤叫左個海南雞飯同泰茶疏乎厘，餐具黎到冇抹過咁，真係好污糟🤦🏻‍♀️全部水漬係上面好似冇洗過咁😵海南雞飯份量好少，雖然佢俾咗雞髀位我，但係真係勁薄同埋好多筋😥兩塊青瓜仲要變左味⋯⋯好彩最後個疏乎厘拯救咗我既心情😮‍💨甜品吾錯，下次都係黎食甜品就算了。

不得不大大力讚賞一下佢呢度牛肉湯河，上次食完心思思再返黎，都係為咗佢哋入口軟滑，牛肉味豐富的安格思牛肉，濃濃牛肉湯底我飲唒，今時今日，一碗咁高級數的牛肉湯河只係 $88，吃完之後非常滿意，牛肉湯河水準非常穩定，唔會失望。朋友的香葉肉碎飯都非常出色，用料上乘，炒得出色，非常惹味，好好送飯，停唔到口，好味。 食完主食，黎得呢到，當然一定要食埋佢地甜品，今次我哋要咗個西多加綠茶雪糕，非常滿足。西多新鮮軟熟，食得出用牛油煎，好香口，熱辣辣，但每一口多士又配一啖綠茶雪糕，超級好食。次次黎親我同朋友、屋企人，都食得好開心。除咗穩定的泰式主食，每次食完，都可以即時點一些精緻甜品，感覺圓滿，環境都坐得舒服，清潔衛生各方面都不錯，侍應斯文有禮，所以令我對呢間 cafe 加分再加分，highly recommend. 👍🏻

上次行過新城市，見到這間café 。大家有看過我寫的食評，都知我一定要試飲品的。何況，這間的泰式奶茶，基本上全香港的泰式奶茶茶底都是用這間牌子，一定要試。在café 食的，有個好處是可以慢慢來，想清楚要什麼的奶茶。今次我選了加珍珠，想不到d珍珠是綠色的～ 而且這冷飲的珍珠是暖的，有分加而個飯，牛是一口牛，薯仔有煎過的，個汁有加椰漿的，很有東南亞的風味。最可惜是個飯，它是冷的。應該是放在電飯煲外一段時間了，可惜。

收工行過  ChaTraMue Cafe, 入內點了上次來沒有吃的牛肉湯河及一件泰茶千層蛋糕，再加一杯泰式檸檬茶。 可能已經 9點，上菜很快，不得不讚賞一下，所以馬上動筆。牛肉湯河的確是非常出色，送上來的時候湯是很熱的，我把一片片牛肉慢慢從半生浸熟，牛肉是非常優質級數，入口溶化，牛肉味濃郁，牛肉湯底亦非常鮮甜，更有不同層次，配上新鮮蒜片及蒜蓉香，口感絕配。他們附上一個醬汁用來點牛肉片，這個牛肉醬汁非常獨特及精心炮製，整個牛肉湯河絕對稱得上是「米芝蓮」級數！ 👍🏻 泰茶千層蛋糕亦是非常高班，口感𡛺軟，帶著悠悠的茶香，不會太濃烈而掩蓋忌廉香味。 泰式檸檬茶亦有著他們自己的泰國茶飲特色。我來過這裏數次，喜歡他們的 menu 簡簡單單，適合我這種有選擇困難症的客人。然而過去數次試過他們幾款不同食物，都發覺他們非常用心做食物，很欣賞這種小小Cafe認真做食物的態度，質素非常高。 本人很討厭一些餐廳，很多花巧餸菜，只為推高價錢，而食物質素只是一般！

今日係沙田新市行完街後, 我同個朋友提議去ChaTraMue 食個lunch。原來距離上一次黎已經有一段時間, 今日午都多人不過好彩唔洗等位, 兩個人即刻有位。我地叫左個肉碎飯好惹味, 另外就係牛肉湯河(好好食), 今次仲試左個新野係粉絲沙律, 個調味都啱啱好唔會太辣，酸酸地非常開胃我地2個人唔係食左好多野但係好滿足❤️味道：⭐️⭐️⭐️⭐⭐️CP值：⭐️⭐️⭐️⭐️環境：⭐️⭐️⭐️⭐服務：⭐️⭐️⭐⭐️

朋友極力推介叫我嚟試吓呢度嘅牛肉湯河，因為識我嘅人都知道我係專攻牛河嘅，唔理你係日本牛肉烏冬，越南生牛河，泰式牛河，都係我所愛！ 當牛河送上，首先要讚就係碗湯熱辣辣, 上面鋪左大概六至八片牛肉片，配上新鮮紅蔥片、芽菜、爆香咗嘅紅蔥片同埋蒜蓉，成碗牛肉湯河嘅賣相都好靚仔。牛肉湯河的確係好好食嘅，同侍應傾偈，知道佢哋每日以大量牛骨,  牛腩及牛肋條熬製慢火熬煮而成。配料就有安格斯牛肉、慢煮牛腩及牛肋條同蘿蔔，安格斯板腱牛肉片口感嫩滑，肉味香濃,  清甜軟腍帶牛湯底香氣～ 幼河粉好滑，掛湯度十足，一入口係滿滿牛香。好好飲的泰式奶茶,奶同茶比例岩岩好, 泰茶茶香又帶微微苦澀味恰到好處就係呢種味令到好多人好迷痴！埋單$120 要加一，以呢個價錢我可以享受到一碗咁高質牛肉湯河同泰茶，我個人認為超值！ 👍🏻

朋友相聚，想食少少嘢，之後又坐得舒服傾吓偈，食完咸又可以食甜，朋友於是提議去呢間泰國Cafe。我叫咗一個雞絲湯河，個湯底明顯唔係化學湯，非常鮮甜，味道好真，我個friend話，佢哋係每日用好多料煲嘅雞湯，怪不得個雞湯底真係零舍唔同。我朋友點咗佢哋嘅「時令單點」，一個叫咗泰式青咖喱海鮮金邊粉，青咖喱好惹味，食落令人好開胃，好容易唔知飽，會食晒，very good。另外個朋友叫咗個海鮮粉絲沙律，呢個簡直有驚喜，佢撈出嚟嘅粉絲好清新可口，夏天食好開胃，好味。跟住我哋叫咗三個甜品share，一個係巴斯克芝士蛋糕，個味道好有New York cheese芝士蛋糕嘅濃香，但又不失有啲泰茶味，感覺好好。另外試咗佢哋個泰茶白奶凍奶，個奶香味好濃郁，非常滑溜，但係上面放咗泰茶奶醬，再加左有少少焦糖脆脆，令到個甜品好出色。綠茶千層蛋糕有著清香綠茶味，入口柔軟，感覺非常新鮮。呢度疍榚比幾間有名氣的疍糕店，水準更高一班。 👍🏻 聽聞佢哋蛋糕同湯都係日日新鮮做嘅，真係好唔同，新鮮即時新鮮。不過我都知佢哋呢到嘅甜品係好唔錯，係好有心做個種。呢度地方環境好舒適，幾個朋友坐低，食吓野傾吓偈，非常chill。我自己都好

呢間餐廳開業都未有時間試吓，門口係開放式，好有泰國feel，環境感覺舒適。睇餐牌價錢中規中矩啦，用啲餐具都幾靚。香葉肉碎炒飯香葉肉碎份量都好多，調味都好有層次，唔會好辣，但開胃，炒得好香口惹味，真係好食值得一讚！泰式牛丸湯河呢個牛湯底超甜, 搵佢個店長問問, 怪不得, 原來係自己店日日新鮮煲嘅, 湯冇味精口渴嘅感覺, 牛丸都好好食, 店長話牛丸都係泰國嚟嘅。 👍🏻蝦多士而家唔多地方有蝦多士食，好食嘅！ 蝦肉夠新鮮彈牙，塊多士又炸到好香脆。泰茶疏乎厘pancake呢個真係有驚喜, 仲熱辣辣, 可能因為係新鮮做，好好食, 味非常香濃，質感柔軟，配上焦糖脆脆及少許泰茶粉，絕配、絕配！👍🏻👍🏻凍朱古力最後都要特別講一講佢哋嘅凍朱古力，係我人生中少飲過咁好飲嘅朱古力，香濃朱古力味，入口幼滑，非常高班。佢唔止泰茶好飲，其實凍朱古力都一樣咁出色。