Chalet (已結業)

今天陪媽媽去荃灣添置日常用品，在福來邨逛逛，想不到附近也有西餐廳，而且環境都不錯，午餐價錢亦選合理，可以一試。今天餐湯挺開胃的，是蕃茄雜菜湯，蕃茄酸香的味道實在，裡頭的雜菜鮮嫩好嚼，愈嚼愈香，熱呼呼的沾著麵包吃，十分美味。紐西蘭青口配香草醬意粉深受媽媽的喜愛，香草醬應該以羅勒葉，蒜頭等配料打製而成，濃郁香氣在口中餘韻不絕，忍不住吮指回味。青口雖細小，卻鮮味十足。香煎法國白雞配中東米及沙律，白雞煎得色澤金黃，表皮酥酥脆脆的，一上桌就聞到它的香氣。雞肉肉質細嫩，口感無比滑溜，美味多汁。中東米吸收煎雞精華，再加點醬汁，味道香得讓人一口接一口停不下來。最後當然也要吃甜品~芝士蛋糕餅底的厚度均勻的程度可以看出餐廳的一絲不苟，味道上不膩味不過甜，不容易散開，芝士味濃厚。潔白的奶凍，看似平凡無奇，不過它的牛奶味道好香濃，而且奶凍很綿密，入口即化，添加咖啡漿後更為滋味。

星期六就想逛逛，去到愉景新城附近。就看到環境不錯的餐廳。❤️平時在辦公室都困得多了。我要坐窗邊！！ 😎其實mocktail 跟餐都係加38蚊，不過起身第一餐真係飲唔到。先黎雜菜湯，包，沙拉。包看來很乾吧。但味道不錯，雜菜湯多料到一個點喜歡重口味既我好喜歡呢個意粉，好多蒜片。蒜+辣 非常香口。意粉硬度又剛剛好。❤️❤️❤️青醬意粉同青口好夾呀。明碼實價，沒有加一服務費的。其實一個set lunch都真係算抵。仲貼心地有抽獎卡❤️好cute 呀

Chalet一間喺荃灣既西餐廳 環境舒服 以啡色格調為主 配上黃色燈飾 而行入去會見到bar枱 bartender整緊各式各樣既cocktail晚餐都係以dinner set為主Dinner set Moroccan harissa yellow chicken breast with couscous摩洛哥香辣醬雞胸中東米 用左摩洛哥特色辣醬整 少辣 又帶點酸辣蒜味 香料味充足 將醬料落落去黃油雞雞胸上面雖然係雞胸 但雞皮同雞肉都好嫰滑 連埋 中東米 中東米好細粒但比較乾身 再加上香料同青紅椒 好夠口感 同雞胸好match Daily soup 雜菜湯 198 蚊Daily soup雜菜湯 雜菜湯紅色比較啖色但蕃茄味道夠入味 雜菜雜豆落足料 仲有青瓜食落好有口感 側邊既麵包脆卜卜 點埋蕃茄湯汁一流Appetizers香煎帶子配紅花汁以洋葱同葱花加上紅花汁做裝飾 外表美觀 帶子有兩粒 都幾厚肉 燒到半生熟 食落口感幾好 同新鮮 唔錯甜品Cheese cake 側邊用朱古力畫左公仔幾靚。 cheesecake好有口感 芝士味濃 甜度適中 配以新鮮士多啤梨 好味Spanish iber

本身呢頭附近返工，跟同事去食一間新開嘅西餐廳，睇落似係酒吧，但裝修比一般酒吧講究，高級西餐廳格局，最欣賞枱與枱之間空間感十足，香港人，住已經係住窩居好慘，出黎食飯想舒舒服服咁食一餐，平衡返嘛。熱朱古力：我地不約而同揀左熱朱古力，朱古力已調較好甜度，甜度適中，朱古力質感濃厚，味濃，忌廉幼滑而不膩。另外仲比左每人一大杯暖水，唔駛成日叫人黎添水，我buy！蕃茄雜菜湯打得細滑，蕃茄味突出，個人幾鍾意，飲完有啲意猶未盡，沙律菜細細碗但多樣性，夠新鮮，用黑醋調味酸酸地開胃。香煎法國白雞配中東米及沙律$78: 切開雞肉，見到色澤粉嫩，熟度控制得好，口感相當嫩滑，但食到有少少雪味，公平啲講，呢個又因爲佢調味好輕，所以遮蓋唔到雪味。中東米質感好有趣，細細粒像米蓉咁，唔似食緊米飯，份量偏少，好似肉多過米。香煎大蝦蒜片辣椒欖油意粉$88: 個意粉睇同埋聞都充滿蒜香蒜片，非常吸引，一口就咬落去，個味道果然好蒜，意粉都煮到剛好，保持幼身口感，係出色嘅。只可惜三隻作為主角嘅蝦，質感空虛，蝦味欠奉，不新鮮，實在令人失望。甜品加+$15揀左芝士蛋糕，碟上畫左好靚嘅致瑰花，只係lunch嘅甜品都咁有心思，加分，芝士蛋糕

荃灣早輪大水浸, 先發現公司附近開左新餐廳, 今晚放工無野做, 就過黎食下先.環境暗暗地, 幾好FEEL, 分上下兩層, 環境好大, 有個大bar枱, 唔食野都可以飲杯輕鬆下.SET DINNER由百幾至二百幾不等, 另有其他主菜小食.SET既是日餐湯有蘑菇湯,  湯夠稔, 有一粒粒菌肉, 特別有咬口. 濃郁既菇菌香, 夠creamy. 送湯既餐包熱既, 外皮微脆但麵包入面好軟熟, 剩食包都好正.SET仲有appetizers, 二選一揀左煙三文魚薄片, 三文魚新鮮唔會太薄, 上面加左乾蔥香草帶出清新既口感, 很開胃.SET既主菜要忌廉海鮮長通粉, 海鮮配料有青口, 蝦, 帶子, 都好豐富. 青口夠肥美煙韌, 漲卜卜, 蝦同帶子好爽口彈牙, 而且微微煎香, 長通粉軟硬度適中, 食落煙韌, 忌廉汁夠creamy, 令到長通粉唔會太乾, 非常讚.另外仲要左西班牙黑毛豬鞍, 肉質豐厚, 但切落非常軟, 慢煮既時間配合得非常好, 所以入口特別軟腍, 而且富肉鮮味, 鍾意較濃味可以點少少燒汁吊下味.最後有芝士蛋糕做甜品, 芝士味唔會太濃, 甜度適中, 質感亦唔會太鬆散.食物質素好滿意, 服務亦十

聽日佛誕放假就諗住同成班同事搵間西餐廳鋸下扒飲下酒吹兩咀黎慶祝下呢個重大節日，有位同事就介紹左呢間新開無耐既屋仔酒吧。開頭聽到係岩岩新開都怕伏伏地，但當我地去到餐廳既時候，見到餐廳既裝修好特別同好舒適，有種令人置身於另一個空間既感覺。低調既門面特別既屋仔設計又香又濃既蘑菇味令人未飲就已經食慾大增，一啖又一啖既蘑菇湯再加上外脆內軟既餐包，真係令人回味無窮！墨西哥粟米片份量適中，溶左既芝士好昋好濃配搭埋粟米片味道岩岩好，可能我地都太餓既關係，唔駛一陣就俾我地ＫＯ左。經理推介既乳豬味道真係唔錯，皮脆肉嫩又多汁。一啖乳豬一啖薯蓉，兩種味道配搭令人唔會覺得太油膩。北海道蟹肉意大利飯好香好濃，蟹肉既鮮味滲透落每一粒米度，令每一啖都充滿住鮮味。好多同事試完都即刻俾個，我地都估唔到個飯會咁好食，完全係意料之外。平時係出面食開既豬鞍通常都會比較乾身，但呢個豬鞍多汁肉嫩唔會太乾，配搭埋個蘋果蓉甜甜地好開胃，配菜薯仔亦都好甜好入味，唔會太淋同太軟。西班牙紅酒燴牛尾煮得好淋，有種入口即溶既感覺，微微既紅酒味配搭埋餐包食落口，令呢個菜式別有一番風味。最後到甜品有芝士蛋糕同布丁，味道不過不失，值得一讚既係拉花拉得

今日中午去了間新開既西式餐廳，一入去格調及環境已相當不錯，坐位不算鋪排到密麻麻，都很舒適，而價錢亦相當大眾化，不算昂貴，我叫左個牛扒午餐，5成熟，賣相已相當不錯，配料有用冬菇絲調汁，所以汁相當香及濃味，而且牛排也相當夠嫩滑配上濃汁，夠晒好味，而朋友就叫左個羊架餐，亦都是5成熟，肉質相當有口感及嫩滑，不會過份蘇有小小肥沾住，可以香口一點，加上賣相也相當吸引。另外，特別要激讚個餐湯，真的不會欺場，用摩菇摩到碎粒，再加忌廉打造，夠晒香滑，又有粒粒摩菇肉，超好飲

五月份，只要放多二號一天就有整整五天的長假期，決定找一天預先慶祝母親節，給媽媽一個驚喜。以往一般慶祝母親節不是飲茶或吃中式晚飯，今年就想特別一點，找一間閒適的西餐廳享受一個溫馨的下午。餐廳外貌給人一種小鎮的氣息，小信箱放有menu 可供參考。餐廳分兩部份，一入門囗就放有數張木枱和高腳椅，感覺比較輕鬆，很適合上班族放工後來飲吓嘢，傾吓計。經過外面數張枱後，有一道門入到餐廳和酒吧區。這𥚃的用餐區有另一風味，適合情侶、家庭聚會，或三兩知己約會。擺設也給人一種軽鬆的感覺。西冷牛扒配黑醋燒汁（$118/lunch set)西冷牛扒多汁軟滑，配上黑醋燒汁令牛扒一點也不覺膩，薯角則外脆內軟，小露荀新鮮爽脆。香煎大蝦蒜片辣椒欖油意粉（$88/lunch set)大蝦肉質鮮美，意粉保持al dente 口感，香草、蒜片和辣椒，特別一提是這個辣椒，恰到好處的辣味，令整個意粉生色不少。餐湯及沙律餐湯的蕃茄味很突出，沙律菜配黑醋，最好味的是餐包，又脆又熱，還散發一點蒜味。餐飲奶茶和咖啡，最欣賞他們用的糖，不是包裝糖，而是方糖。午餐價錢由$68-118, 不用加一服務費，媽媽都給個。

不嬲荃灣食嘢我都唔會有特別嘅要求純粹為咗食下地道嘅小店或者之前下新開嘅特色非連鎖店今日嚟到呢間新餐廳呢度嘅前菜賣相唔錯喎見到佢嘅菜同埋湯味道都非常唔錯咁好興致，決定杯啤酒啤啤佢！清熱解毒老婆鍾意食黑松露意大利飯，因為有咬口，同埋黑松露好香！我就鍾意食佢啲creamy嘅口感呢度個意大利飯唔錯，而且份量都幾多！另外叫咗個牛扒牛扒質素唔錯我叫左五成熟，佢拎出嚟嘅時候仲有少少血水佢嘅配菜都唔馬虎我都同老婆講值得再嚟！

住係荃灣咁耐，終於有間特別既西餐廳可以叫d fd過黎食啦！撘巴士經過見到新開，裝修又幾好就黎試下。特別係入面對木門同上面招牌，真係好似木屋咁，聖誕節有棵聖誕樹，氣氛實無得頂。（自我幻想中）2個女仔叫左鴨腿同豬鞍（都係肉），份糧夠，配菜都好好味，一定要試！Bar枱後面見到好多酒，呢到環境飲酒都吾錯！（可惜今次無飲）聽講西班牙乳豬同蟹肉意大利飯都超正，下次要試其他先得！總括而言，各方面都吾錯，希望可以帶旺荃灣啦！

放工鬆一鬆 ☺每日返工放工，生活真係好繃緊，好鬼死攰......人生吃喝玩樂，冇得玩樂，唯有吃喝啦....返朝十一晚九嘅我 ， 唔好話玩樂，有時吃喝都冇時間 ，放咁夜又冇曬朋友，唯有一支公周圍揾飯食，喺荃灣見到間有格調餐廳，門口又有位熱情女侍應話係新開，咁就入去試下支持下。一個人食飯， 想叫多兩款都唔得，唯有只叫個羊架。估唔到咁都有驚喜， 荃灣區都可以有咁高質嘅食材， 一份羊架四支骨， 估唔到分量咁大之餘又好味， 叫咗個三成熟一啲偏差都冇， 跟手叫咗杯紅酒， 夾到啪啪聲， 食完想叫其他野個胃都冇位擺，好飽! 值得一提係， 店員埋單送咗張刮刮卡畀我， 原來獎品係免費晚餐一份， 估唔到呢個世界， 原來真係有免費餐食， 下次可以帶埋阿媽嚟慳番一個人錢。

呢碟飯有超濃嘅蟹肉味，對於一向偏重口味嘅我真係覺得好正，旁邊友人就覺得比較濃左少少，不過都證明用料充足嘅。一黎到果下第一個反應係超級多料，平時我麻麻地青口，不過呢碟嘅青口我覺得好好食，我諗係因為夠新鮮嘅關係。Cheese cake味道就正常啦，我比較想知朵花畫左幾耐，超靚前菜揀左煙三文魚，份量都算多呀，味道唔錯。呢份好大碟，小食黎講兩個人食就多左啲，所以好抵食，不過有一點係啲芝士會痴住下面張牛油紙，所以拎果時有啲麻煩Set Dinner有湯，揀左蘑菇忌廉湯，好正嫁，不過影得唔靚所以唔post了

朋友生日飯， 地點由壽星仔發板， 佢話喺facebook見到一間荃灣新開餐廳， 話係平民fine dining ,幫我地慳下錢。一坐低睇餐牌， 唔似中環嗰D造作餐廳，淨係得英文menu， 而且店員親切又有善， 令我朋友度過咗一個難忘又開心嘅晚上。呢間餐廳喺愉景新城對面， 裝修一啲都冇畀商場餐廳比下去，反而坐得更舒服， 啱曬朋友聚會， 可以舒舒服服慢慢食慢慢飲。食物Menu 款式不算太多, 但好多款正合壽星女心意, 飲品方面較多選擇， 價錢亦不貴， 正正符合佢哋所講嘅廉價fine dining 。先叫左支New zealand sauvignon blanc 醒胃，再配個炸物先， 經理推介係camalari ,一食又真係冇介紹錯，層粉夠薄，食材又夠新鮮👍🏾。四個人好快就清左支酒同碟野，決定揀支紅酒入main course, 因為食紅肉，所以揀返支丹寧重D嘅chateau haut bages 配返斧頭扒。 不得不提， 佢哋個斧頭扒只係賣六百幾蚊， 我喺全香港都未試過見到有一間平到咁樣，真係抵食。是日埋單二千有找，飲飽食醉，真係新界價錢香港區質素，冇得頂!

見到佢地出面裝修得幾靚，就被吸引咗入去。好鍾意佢地有半室外嘅環境，好舒服。因為要等齊人先嗌嘢食，所以我地諗住飲杯嘢先，跟住個經理走過黎介紹唔同嘅cocktail俾我地，佢話佢地有五款cocktail都係自家獨有，咁我地就嗌黎試下，點知又真係幾好飲幾有驚喜!!!唔係平時出面會飲到嗰啲!幾有新鮮感。呢杯係唔知咩咩flower我唔記得咗其實有乳酪嗰杯仲好飲不過無影低外觀都好靚，又好啱女仔飲~食物方面，小食就叫咗魷魚圈、德國腸同水牛城雞翼。魷魚意外地係好新鮮，同出面餐廳食嗰啲好唔同，無諗過食炸魷魚圈竟然會食到咁新鮮lol不過啲炸粉有少少散唔夠實，但個味就幾好嘅。德國腸就正正常常，我鍾意佢唔係太油。雞翼嗰兩個醬好特別！又係平時好少食到嘅味，係好味的！因為我地三個女仔，main dish淨係叫咗一個。但重點黎喇....我地嗌咗個crab risotto...好好味!!第一啖食落去好味到嚇親😂無誇張..佢係好濃味，蟹肉鮮味好出，啲飯好有口感。之後經理講返話原來大廚每日都會買隻長腳蟹返嚟，都feel到佢地啲食材真係用新鮮嘢，其實好容易食得出係有分別。總括黎講，我都俾幾高評價，特別係cocktail同意

辛辛苦苦做咗成個禮拜嘢， 梗係要食番餐好西😆， 之前朋友食過話好好味， 等我呢個大胃王黎試試先。一入門口就畀佢裝修吸引住， 因為大部分裝修都係木為主， 感覺簡單又舒服👍。睇下餐牌有乜好食先， 好多嘢都係肉類， 啱曬我呢個食肉獸， 話曬都係新餐廳， 都係問一問店員有咩好食先， 佢哋推介餐廳嘅斧頭扒 ，乳豬， 黑毛豬鞍。好! 就試下你個乳豬有乜嘢特別， 因為之前喺九龍區酒吧街食過西班牙乳豬， 感覺一般， 希望今次唔會中伏啦! 另外朋友鍾意食牛尾, 所以 order 左一份 。 上餐時間比我預期中快， 支紅酒未抖夠氣已經上曬菜，好野👍🏾。 意想不到嘅係， 乳豬做得比西班牙餐廳好， 皮脆肉嫩， 一食就知道食材係貴價貨， 另外牛尾亦好吸引，因為煮得好鬆軟😋。 最可惜係今次只係同一個朋友黎試唔到更加多菜式， 下次一定叫曬成班老友過嚟食飯吹水試多D 。最好笑係埋單嗰陣， 經理送咗張擦擦咭畀我，話下次可以用， 食飯食到有獎抽我真係第一次試😆， 食物用心製作又有驚喜， 平民貼地高質餐廳，十個叻👍🏾。