Cafe Zense

营业中

休息中

好難得係銅鑼灣會搵到cafe有埋室外空間，位於謝斐道Cafe Zense就係其中一間，室內有多張雲石餐座，而室外就有藤椅同裝飾，兩個環境截然不同👍🏻食物得單點，不過價錢唔貴，同埋份量都幾足－－－－－－1. 招牌芝士薯條 $58 9/10非常高質同埋抵食既芝士薯條🥰芝士醬係額外上，唔會令到薯條變腍，薯條炸得金黃而不油膩，芝士醬調得好好，芝士味香但唔會好膩，食咩都可以蘸2. 鹽燒厚切牛脷 $78 8.5/10每件都好厚身，口感柔軟且不韌，味道唔會過咸，仔細咀嚼出絲絲牛味😋3. 黑松露雜菌薄餅 $138 9/10薄餅放涼左都仲係咁好食👍🏻雜菌份量唔少，黑松露味亦幾突出，熱食仲有少少拉絲🤤邊位非常脆，但冇燶底，麵粉味好香，好值得一試4. 德式班戟 $88 7/10甜品要預15分鐘去製作，店員好貼心，見我地差不多食完就幫我地去準備，上菜時鐵鑊非常之熱，真係即叫即製☺️不過睇落有點燶，有燶邊，雪糕同忌廉溶得好快，好快就變成液體，班戟偏煙韌，味道同想像中有少少出入

朋友話俾呢到個pancake吸引到😋所以就帶咗我去食🤣女人幾易氹🤣環境: 7.5/10以黑色為主，柔和嘅光線，仲可以坐Outdoor，餐廳唔算大，但係感覺好舒服👍🏻食物: 7/101️⃣德式班戟伴冧洒脆糖香蕉·朱古力碎 $88Signatures dessert一定要試啦，超大份3個人都食唔晒，pancake好軟熟，熱辣辣，加埋雪糕剛剛好。2️⃣海膽溫泉蛋意大利麵 $148本人係海膽愛好者，呢到都海膽份量都算多，撈埋蛋汁，好creamy👍🏻3️⃣Zense雜錦併盤 $138次次諗唔到食咩都會叫個小食併盤，唔洗煩又好食，要讚嘅係個蜜糖芥末雞柳串，雞夠滑，汁好果🤪4️⃣香煎北海道帶子墨魚汁意大利飯 $148一直都比較喜歡意大利飯軟身一點，帶子唔會overcook，everythings just perfect 👌🏻 5️⃣芝麻豆腐沙冰 $52超大杯，芝麻豆腐味都幾香不過略嫌淡一點。6️⃣夏威夷果仁咖啡 $44咖啡不俗的☕️，口味也挺多🤩⠀⠀⠀⠀⠀💰性價比 :7/10 ($250-300/人)，整體都不錯，可以encore的cafe👍🏻

這間餐廳之前都有黎過，感覺環境舒適，而且除了有室內座位，也有還有室外的，感覺寫意！他們的lunch set除了有主菜，還有湯或沙律和飲品！餐湯是甘筍湯，湯內有不少甘筍蓉，味道帶甜，口感豐富!慢煮加拿大黑毛豬鞍扒，豬鞍由於是用上慢煮的方法烹調，所以肉質鬆軟嫩滑，而且幾juicy！而醬汁用上蘋果醬，酸酸味味，不會有種好漏的感覺！而這個餐還附有炒菜，咸咸香香，味道不錯！香辣茄蓉煙辣腸大蝦扁麵 ，扁麵帶有少少辣，有蕃茄的味道，亦有好香三色椒味！大蝦爽口彈牙，份量都有幾多！而扁麵軟硬適中，食落爽身，而且可以掛汁，有種開胃的感覺!這裡的奶茶是自行加奶的，所以調教適合自己的口味!而冰茶是芒果冰茶，帶有淡淡的芒果香!

去到銅鑼灣選擇太多，經過小巷大廈樓上間隱世小清幽餐廳，環境舒適仲有戶外比三五知己一齊傾偈唔錯嘅選擇✨香辣茄蓉煙辣腸扁麵Order 咗份set lunch配西蘭花薯蓉湯，口感綿綿食落去有一粒粒西蘭花碎，薯蓉打唔會太傑又唔油膩今次我就揀扁意粉咗配左蕃茄酸酸甜甜車打芝士仲有煙辣腸非常濃郁，上面配襯番紅花襯托，大蝦🍤非常彈牙爽口，加埋三色椒帶少少甜味，層次感好豐富呀，好好味✨慢煮加拿大🇨🇦黑毛豬鞍扒(蘋果蓉醬)黑毛豬仲要用咗慢煮方法烹調忍唔住同朋友order試下厚厚黑毛豬肉質超嫩滑勁juicy側邊仲有少許肥肉念著瘦果一邊感覺上好似溶化嘅感覺，口腔滿滿油脂分布，秘制蘋果蓉醬，簡直系perfect match，超有驚喜✨荔枝薑梳打平時冬天我都會飲薑茶或者黑糖，荔枝薑梳打我就好好奇想試嚇，荔枝真系有果肉㗎，仲要原粒果肉有一絲絲薑片微辣得嚟，甜度適中梳打配荔枝果然系清爽✨抹茶豆腐沙冰另外朋友好鐘意飲抹茶，所以佢就揀咗杯豆腐未做嘅沙冰，豆腐打爛之後唔會有渣，抹茶味甘香唔會苦澀，最令我驚喜就系個沙冰打得比較細冰，食落去唔會話食到一粒粒好大粒冰，好清新夠清爽

Cafe設有室外露天坐位，氣氛悠閒舒適，空間感十足。精選餐湯熱騰騰的忌廉蘑菇湯入口綿滑香濃，有少許蘑菇蓉，菇味濃郁。蟹肉意式辣肉腸汁扁麵伴巴馬臣芝士 ($138)一上桌即傳來陣陣香氣，加入了三色椒令顏色豐富起來。蟹肉份量不吝嗇，非常足料，三色椒味道清新爽脆，令整體口感大增，扁麵軟硬適中，彈牙有咬口，入口帶點微辣，香口又惹味。曲奇朱古力沙冰 (+$26)沙冰口感幼滑清爽，入口陣陣香濃朱古力味，甜度得宜。

銅鑼灣西餐推介💛 位於謝斐道一間裝修得幾靚既樓上西餐 仲有室內室外位 宜家涼涼地坐室外都幾舒服👍🏻前菜我地揀左鹽燒厚切牛脷 牛脷好腍😍 有好多件 用鹽同黑椒調味再燒 所以外皮幾香口 好食😆主食呢到主要係Risotto and pasta 我地就試左芥末籽忌廉蟹肉雜菌意大利扁麵同海膽温泉蛋意大利麵🍝 芥末籽忌廉蟹肉雜菌意大利扁麵超多雜菌😍 忌廉汁好濃味 意大利粉偏硬身好有口感👅 海膽温泉蛋意大利麵海膽鮮甜 意粉掛上蛋汁好好味👍🏻最後當然要試埋呢到既特色飲品 Tofu Smoothie 🤩 我地揀左抹茶豆腐 飲落有淡淡既豆腐味 refresh哂意粉醬汁可能帶泥既膩 好清新好冰涼🌟

星期日放假，朋友揀左呢間樓上Cafe 食lunch。環境都唔錯，靜靜地，仲有露台位置可以坐！我地揀左個Holiday Lunch Set 加多個意粉Share！🔸燒紐西蘭肉眼漢堡伴辣根蛋黃醬配招牌薯條套餐連埋餐湯，今日嘅餐湯係蘑菇湯，用新鮮蘑菇打碎，好有質感、蘑菇味十分濃郁😍另外仲跟一杯咖啡或茶，我地揀咗一杯冰茶，味道調校得適中，唔會太甜👍🏻個漢堡登場😍擺盤幾靚！個包有烘過，咬落外脆，仲有牛油煎過既香味！特製蛋黃醬，應該加咗啲芥末，所以食食吓覺得有少少辣，但係幾正😋啲牛肉肉質嫩滑👍🏻好有牛味🐮同埋份量都好多！啲薯條炸得好香脆！🍟🔸芥末籽忌廉蟹肉雜菌意大利扁面😍呢個都好好食！意粉炒得好香，同埋都好足料，雜菌同蟹肉嘅份量好多。意粉軟硬度適中，我鍾意佢用扁麵，幾有咬口。兩個人share都好夠食👍🏻我幾鍾意呢度😎叫咗兩樣食物，質素都好好，同埋喺銅鑼灣來講呢個價錢食西餐一啲都唔貴。最緊要環境舒適，靜靜地，係同朋友傾偈嘅好地方！

The environment is so neat and clear with Mable table which I like haaa, and there're outside green area for you to choose tooo not bad haCreamy photos soup is quite rich with strong flavour, the texture is smooth too, which is nicee haa, the toast is too salty laaaBaked Norwegian Salmon Fillet with roasted vegetables, cooked with butter sauce, so tender and soft, i love the texture with slight spicy flavor, the seasoning doing quite right, but somewhere too salty, guess add salt randomly loll,

有一段時間沒有過來吃飯，今日到來感覺依然舒服，柔和嘅燈光，不過仍然沒有機會坐室外，下次吧。今日餐湯是忌廉粟米湯，喜歡佢較杰身嘅質地，飲落比較有口感，而且味道唔會太淡。 附送嘅一小片麵包仍然香脆。主菜方便，同事點的是「鹽燒盲鰽魚柳配燒雜菜」（$148），有兩大件魚柳加上杰身嘅些利醋汁，都幾開胃好味。我點的是「風乾蕃茄羅勒巴馬臣芝士雞肉長通粉」（ $128 ），芝士味唔算好濃烈，長通粉軟硬適中，雞肉OK。午餐叫特飲可以半價優惠，不過我們還是要普通的檸檬水和咖啡算了，過了一個寧靜可以傾偈嘅午餐時間，而且還不收加一服務費呢！

《 嘴 賤 朋 友 》 相信大家都有啲嘴賤朋友？ 我同我朋友都係哩類型嘅人，因為想同朋友講下是非，所以就提議去Cafe度食晚飯。我地就揀左一間樓上cafe食飯講是非。嗌左一個小食拼盤，蕃茄大蝦魷魚意粉，煙三文魚pizza同豆腐Oreo奶昔，薄荷朱古力。🌀小食拼盤（$138）拼盤有薯條、雞翼、雞肉串燒同腸仔。薯條同雞翼都幾好食，一來新鮮整起，二來夠香脆，薯條又有落蜜糖，食落鹹鹹甜甜；雞翼就入晒味皮又夠脆。雞肉串燒其實都唔錯架，新鮮燒起，不過可能就稍微味道淡咗少少，如果調味濃番啲就好食啦。🌀蕃茄大蝦魷魚意粉（$128）初初諗住叫蕃茄意粉唔會好伏就算，點知原來又幾好食。蕃茄醬辣辣地夠惹味，海鮮亦比得好大方，睇相就知比得勁多蝦同魷魚啦～🌀 煙三文魚pizza（$138）佢係薄皮Pizza所以烤起好脆，加埋煙三文魚嘅香味鹹味，食落啖啖魚香味。🌀豆腐Oreo （$44）豆腐Oreo係呢間Cafe最高質嘅，奶昔用真豆腐代替豆漿。豐富左個豆味，配埋Oreo，令到成杯味道好平衡。🌀薄荷朱古力（$44）佢好香薄荷同朱古力味，但只係偏淡嘅普通朱古力，有啲失望。整體來講呢間餐廳我都推薦，叫咗五樣嘢，除左杯朱古

最近鐘意搵唔同既cafe 食dinner，呢晚就決定幫襯黃店 樓上cafe Zense餐廳除咗室內座位，仲有户外部分，户外比室內稍微闊落啲，坐落好好風好舒服。因為兩個人晚餐，又唔想食主食，所以點左一啲小食，落單時侍應仲友善提醒我哋會唔會叫太多，原來佢既小食都好大份，真心良心黃店凱撒沙律🥗正常水準，份量十足。Zense 雜錦拼盤驚喜之作，特別係蜜糖雞翼，juicy得黎帶點甜。炸魚薯條薯條係我中意既幼身，炸得剛剛好又唔會太燶；魚柳竟然有兩大條，一樣係外脆內軟！兩杯飲品：花茶同芒果乳酪沙冰沙冰份量十足，食咗成餐仲有半杯可以慢慢嘆。Zense室外座位慢慢坐都幾chill，成個環境都好舒服，適合想係鬧市搵間餐廳食下傾下chill下既人

在銅鑼灣返工真係好幸福，因為真係好多餐廳選擇，這天想食好d，就去了這間舒服寧靜的cafe～入到去感覺好舒服，好似遠離左城市咁餐廳還有戶外位的，還有些植物，感覺很清新。想不到lunch都頗多人，才坐下不久，就坐滿人了。餐廳好貼心的提供口罩封套。lunchtime可以點lunch set，或散叫食物set lunch有沙律/餐湯同飲品。🍏青蘋果薯仔藜麥沙律：以薯仔、青蘋果同藜麥mix埋黑醋同沙律菜，有別於一般沙律，感覺好refreshing。🌟慢煮黑毛豬鞍扒伴咖喱中東米 ｜粉紅胡椒白菌忌廉汁：選了這個set lunch，單看外表已好高質，材料都好好！可能是慢煮的關係，黑毛豬鞍扒肉質軟和juicy，配上睇到又食得嘅粉紅胡椒白菌忌廉汁，味道好香，吃過後胡椒味慢慢滲出來。旁邊配上細細粒、充滿咖喱香味的米，好特別🌟海膽溫泉蛋意大利麵：賣相相當吸引的意大利粉，而且製作都用心，每一口都吃到海膽和海膽的香味慢慢滲出來，旁邊的是辣粉，如果喜歡辣可以點一下，帶來味覺的多重享受餐廳帶來的體驗不只味覺享受，還有的是美、舒適的感覺，已入favourite list😝

第二次嚟呢度 依然冇令我失望! 今次叫咗個北海道帶子墨魚汁意大利飯 同埋意式香草大蝦魷魚扁意粉 飲品方面 叫咗一杯豆腐抹茶同一杯海鹽焦糖咖啡☺️個人比較鍾意墨魚汁意大利飯 帶子燒得啱啱好 意大利飯好有鮮味 重點係個飯唔會太淋 好食! 不過都有少少漏😝 而大蝦魷魚扁意粉係紅汁 所以好開胃!!!🥰飲品方面 咖啡不過不失 但抹茶豆腐一定要!!!!好濃嘅豆腐味同抹茶都好夾😋😋On my second visit here, this cafe didn’t disappoint me still. We got a Squid Ink Risotto with scallops and a linguine with shrimps and squid in tomato sauce. For drinks, we ordered a matcha tofu and a salted caramel coffee. I personally like the risotto. The scallops were well grilled. The risotto was full of swe

這裏是朋友的午飯食堂，位於銅鑼灣的內街裏，位置都尚算易找。 餐廳的內籠比較大，更有一個個大大露天位置，假日來到應該會十分嘆。午市menu都有挺多選擇，而且lunch還有湯、餐包及飲品，以銅鑼灣價錢來講十分實惠。點了香煎北海道帶子墨魚汁意大利飯，飯粒偏軟，很合我口感，不會太硬，每一啖都食到墨汁的香氣。帶子厚肉，煎得不錯，不過配上了芝士及調味後卻有少少過火，鹹了點。另外也點了個中東米配豬鞍，有兩大塊豬肉，肉質厚實，啖啖肉，不過豬鞍比較大塊所以比較難煎，面頭那一層有點鞋口。第一次吃中東米，飯粒比較細粒，不會太難消化太滯，配上份量十足的豬鞍，中東米的份量剛好。

被芝麻豆腐沙冰种草，但是點了以後真的有點失望，雖然份量十足，但是口味太淡了！意麵點了芥末籽味道不錯，醬料十足，小吃拼盤的薯條好吃，炸雞塊和雞翅都很一般，飯後甜品蘋果金寶竟然不如city u的食堂也不如我自己烘焙的，環境服務過得去