影片
更多
2020-11-25
107 浏览
《 嘴 賤 朋 友 》 相信大家都有啲嘴賤朋友？ 我同我朋友都係哩類型嘅人，因為想同朋友講下是非，所以就提議去Cafe度食晚飯。我地就揀左一間樓上cafe食飯講是非。嗌左一個小食拼盤，蕃茄大蝦魷魚意粉，煙三文魚pizza同豆腐Oreo奶昔，薄荷朱古力。🌀小食拼盤（$138）拼盤有薯條、雞翼、雞肉串燒同腸仔。薯條同雞翼都幾好食，一來新鮮整起，二來夠香脆，薯條又有落蜜糖，食落鹹鹹甜甜；雞翼就入晒味皮又夠脆。雞肉串燒其實都唔錯架，新鮮燒起，不過可能就稍微味道淡咗少少，如果調味濃番啲就好食啦。🌀蕃茄大蝦魷魚意粉（$128）初初諗住叫蕃茄意粉唔會好伏就算，點知原來又幾好食。蕃茄醬辣辣地夠惹味，海鮮亦比得好大方，睇相就知比得勁多蝦同魷魚啦～🌀 煙三文魚pizza（$138）佢係薄皮Pizza所以烤起好脆，加埋煙三文魚嘅香味鹹味，食落啖啖魚香味。🌀豆腐Oreo （$44）豆腐Oreo係呢間Cafe最高質嘅，奶昔用真豆腐代替豆漿。豐富左個豆味，配埋Oreo，令到成杯味道好平衡。🌀薄荷朱古力（$44）佢好香薄荷同朱古力味，但只係偏淡嘅普通朱古力，有啲失望。整體來講呢間餐廳我都推薦，叫咗五樣嘢，除左杯朱古
相信大家都有啲嘴賤朋友？ 我同我朋友都係哩類型嘅人，因為想同朋友講下是非，所以就提議去Cafe度食晚飯。
我地就揀左一間樓上cafe食飯講是非。嗌左一個小食拼盤，蕃茄大蝦魷魚意粉，煙三文魚pizza同豆腐Oreo奶昔，薄荷朱古力。
🌀小食拼盤（$138）
拼盤有薯條、雞翼、雞肉串燒同腸仔。薯條同雞翼都幾好食，一來新鮮整起，二來夠香脆，薯條又有落蜜糖，食落鹹鹹甜甜；雞翼就入晒味皮又夠脆。雞肉串燒其實都唔錯架，新鮮燒起，不過可能就稍微味道淡咗少少，如果調味濃番啲就好食啦。
🌀蕃茄大蝦魷魚意粉（$128）
初初諗住叫蕃茄意粉唔會好伏就算，點知原來又幾好食。蕃茄醬辣辣地夠惹味，海鮮亦比得好大方，睇相就知比得勁多蝦同魷魚啦～
🌀 煙三文魚pizza（$138）
佢係薄皮Pizza所以烤起好脆，加埋煙三文魚嘅香味鹹味，食落啖啖魚香味。
🌀豆腐Oreo （$44）
豆腐Oreo係呢間Cafe最高質嘅，奶昔用真豆腐代替豆漿。豐富左個豆味，配埋Oreo，令到成杯味道好平衡。
🌀薄荷朱古力（$44）
佢好香薄荷同朱古力味，但只係偏淡嘅普通朱古力，有啲失望。
整體來講呢間餐廳我都推薦，叫咗五樣嘢，除左杯朱古力其他都冇乜中伏位。
豆腐Oreo & V
$44
5 浏览
0 赞好
0 留言
蕃茄大蝦魷魚意粉
$128
3 浏览
0 赞好
0 留言
小食拼盤
$138
6 浏览
0 赞好
0 留言
煙三文魚pizza
$138
62 浏览
0 赞好
0 留言
张贴
