Cafe Whale

营业中

休息中

聽講Cafe Whale專出一D新奇有趣嘅Burger，就以魚柳包為例，佢地唔會甘心用普普通通嘅魚柳黎整，反而用咗相對比較外間少見嘅龍躉開魚柳黎做，除了高成本D之外，備料功夫亦都多D，真係一個有姿勢又有實際嘅Burger。龍躉魚析一D都無將價就貨，食落去係幾厚身，炸魚嘅粉漿好薄，一啖咬落去啖啖魚肉，食嘅時候不單止無雪藏味，而且仲食得出魚嘅鮮味，佢個秘製醬汁唔係一般嘅沙律醬千島醬，好似叫蔥油他他醬，綠綠地色，估計就係D蔥嘅顏色，美味度極高。加碼跟餐叫多份特色香辣薯條，薯條係即叫即炸嘅，雖然叫香辣但係其實又唔會好辣，跟餐有一個罐裝或紙包裝飲品。

封門柳黑牛吐司，睇落去好似唔係好大份，實情就係超級飽肚，我覺得比漢堡包更飽肚，不過切開咗方便兩個人share。選用竹炭吐司令到呢個菜式顏值加分。封門柳牛肉味濃，加上條條牛肉都呈現紅紅地色，生熟度掌握得唔錯，無血水但係夠嫩。加錢轉特色薯條餐，而特色薯條就選擇咗呢個火炙明太子薯條，呢個薯條真係有啲料到，第一次食到呢個配搭，喺幾款特色薯條之中呢個性價比最高。跟餐飲品就可以喺雪櫃任揀，除咗一般嘅汽水之外，竟然有紙包裝烏龍茶或者茉莉花茶，健康啲嘅選擇。

嚟呢間西灣河太安樓第三街嘅cafe除咗要食漢堡包之外，其實魚湯烏冬係仲有炸魚薯條系列都係一樣咁精彩，所以今日就冇食漢堡包，反而叫咗一個魚湯烏冬同埋一份炸魚薯條。魚湯烏冬有四款，我就揀咗最基本嘅魚蛋魚片魚湯烏冬，$76一份，除咗個魚湯烏冬之外仲有一份小食同埋飲品，小食成日都唔同嘅，最常見嘅就係話梅浸蕃茄仔，不過今次就有呢個醃蘿蔔，另外傳說中做緊一個麻辣魚扣。魚湯烏冬最精彩嘅部分就係個魚湯，飲落去就知道真材實料用新鮮魚淆製，真係唔好嘥嘢個湯一滴都唔會淨返。至於炸魚薯條就要咗炸魚仲，薯條仲可以唔使加錢轉做番薯條，認真貼心。

📍Cafe Whale (西灣河)西灣河筲箕灣道57-87號太安樓第三街A61 A&B號舖在西灣河太安樓裡的一條街角，藏著一家低調卻令人驚喜的餐廳——Cafe Whale。一推開門，迎面而來的是一股溫暖的氛圍，每一處細節都流露出店主的個人品味與熱愛。無論是傳統的和風布簾，還是櫃子上擺放的收藏品和動漫角色模型，每一件物品都訴說著店主的故事。讓人彷彿進入了一個溫馨又獨特的小世界，既有日式的典雅，又帶著個性化的溫度與巧思。推薦 - 秘製鮮魚仔湯烏冬鮮的魚湯作為基底，融入秘製湯料，湯頭鮮甜而富有層次。滑溜的烏冬吸收湯汁的精華，每一口都讓人感受到海洋的鮮味與湯料的獨特風味。魚蛋爽滑彈牙，每一口都帶著鮮美的魚香，讓人回味無窮。湯底的濃郁程度恰到好處，不會過於厚重，反而有一種清新的鮮甜感。 推薦 - 吉列炸蠔 (5隻) 其外層裹上金黃酥脆的麵包糠，輕輕咬下去便能聽到令人滿足的咬碎聲。裡面的蠔肉嫩滑多汁，保持了蠔的鮮甜原味，既不過於油膩，又恰到好處地展現了海洋的風味。這種外酥內嫩的口感，讓人一口接一口欲罷不能。 龍鳳薯條（薯條+蕃薯條）傳統的薯條和香甜細膩的蕃薯條，呈現在木製托盤上，充滿自然的

一夜干馬友魚柳包真心佩服廚師的手藝和創意，最重要是味道很好，馬友以一夜干處理後其魚味更突出，上餐時更配一小瓶花雕酒，從而加強一夜平的效果。漢堡包可加$45轉配有特色薯條和汽水的餐，在多款特色薯條之中我選了火炙明太子薯條，很惹味，火炙了的明太子加上蔥花，是意想不到的美味感覺，是一出色的配搭。另外再多點了一份炸雞鎚，一份有5件，味道亦不錯，旁邊的沙律菜亦出奇新鮮。飲品有Soda Water，是比較健康的選擇。

之前常吃漢堡！沒有味精的魚湯烏冬也十分好吃，湯頭鮮味濃厚，烏冬彈牙滑順，值得推介！近來愛上他們的炸魚，用的魚選擇很多，龍𧄌、白鱔、懵仔魚⋯今日揀了店主推介的馬友一夜乾，加上薯仔切粗條炸成的薯條，一試難忘！這小店值得大大力咁撐佢！😋👍

呢間Cafe嘅食物真係新奇有趣，次次嚟親都有新意思，就好似今次就試咗佢哋用白鱔做嘅炸魚薯條。件白鱔都幾厚身，用兩支竹籤穿住令佢炸嘅時候唔會捲埋一舊，可以做到成塊白鱔扒咁樣。白鱔都新鮮Juicy，面頭嗰幾片係蒜片，炸過之後好似食薯片咁樣。個汁一定要點，係用豆豉自家製嘅，老闆話要還原返豉汁蒸白鱔。薯條同埋半碟嘅沙律菜都好新鮮，薯條都係新鮮炸出嚟。上次嚟試過魚湯烏冬覺得個魚湯好正，今次就可以獨立嗌一碗魚湯，入面有少少海帶， $25好抵飲。

Ordered 手打騸牯牛漢堡, 火炙明太子薯條,花尾龍躉片魚湯烏冬魚湯真係非常新鮮，質地creamy 濃厚，龍躉片都好滑，住家嘅味道！騸牯牛漢堡都十分Juicy，雖然牛味唔重，但係有好豐富嘅牛肉汁！我哋係第一組客人，等大概15分鐘食物到齊，師傅果然係落足心機，下次一定會再encore 試埋個炸魚Ordered hand-made wagyu beef burger, flame-grilled mentaiko fries, and fish soup udon with grouper slices.- The fish soup is really very fresh, with a creamy and rich texture, and the grouper slices are very smooth, just like home-cooked flavor!- The wagyu beef burger is also very juicy; although the beef flavor is not strong, it has a rich beef jui

余均益辣椒醬絕對係共中一個本土名物品牌，食落去先微酸然後先走出陣陣辣椒嘅香味(不過確實又唔係好辣嘅)，童年食豉油王炒麵嘅回憶即刻返晒黎，估唔到衣家唧咗落去呢個雞扒漢堡度又會出奇地夾。真身件雞扒係超勁大嘅，闊過個包好多。而且件雞扒仲有返咁上下厚度。咬落塊雞扒外層非常脆口，入面就好多肉汁，但係又無油淋淋嘅情況出現。另外再加了一份小食，呢個吉列炸蠔都幾好食，隻蠔嘅味好真，唔會成舊粉又唔會係千年急凍蠔，所以真係唔錯。

前排睇完YT 介紹太安樓推介，就想試吓個魚湯烏冬同埋fish and chips間餐廳不愧叫Cafe whale，入邊嘅裝修同裝飾有大量鯨魚，連隻碟都係有鯨魚公仔叫咗花尾躉魚湯烏冬，余均益蛋黃醬三黃雞漢堡同埋蘋果煙燻黃立䱽ge fish and chips魚湯嘅味好濃郁，好好味黃立䱽一上碟嗰陣，已經聞到好重嘅煙熏味，食落去都仲係好Juicy余均益嘅辣椒醬再配合三黃雞好match值得一試

咁大個女真係第一次食用白鱔嚟做嘅炸魚薯條，佢個炸粉漿好薄，所以一啖咬落去嘅時候唔會食到成口粉，而相對地入面嘅白鱔肉味道就更加出，食嘅時候有一種魚油喺口腔入面爆發嘅感覺，始終白鱔係真係比較多魚油嘅。佢個口感非常好，脆得來白鱔嘅肉又非常有彈性，另外佢嗰個特別為炸白鱔條配嘅蒜乾豆豉醬亦都係非常出色，豆豉味唔會太搶，所以食嘅時候又食到豆豉味又食到白鱔嘅鮮味。仲有要讚一讚佢啲薯條同埋沙律伴菜都非常新鮮，薯條應該係新鮮炸嘅，沙律菜亦都係好fresh好有水份。

午餐想吃漢堡包，在googlemap找了找附近的食店，找到這家以鯨魚為主題的cafe，再看看餐牌，有我喜歡吃的蕃薯條呢。前一天，午飯時間經過太安樓，順道找找這店，見到店內的空間比想像中的大、舒服，坐滿一半人，不用等位，於是第二日的午飯時間就決定去嘗試一下。進去後，自己選位置，自助拿餐牌，到收銀處點完要吃的，付錢後回到坐位，食物預備好後，會有店員送到你枱上。cafe內主要以粉藍色鯨魚做裝飾，挺可愛。點了安格斯珍實牛肉漢堡$94，加$15選了蕃薯條、無糖可樂。飲品、餐具是自助的。蕃薯條先上，新鮮炸，熱熱的，外脆內軟。等了約10分鐘，漢堡到，賣相很不錯。包面上印有鯨魚和whale cafe，牛肉厚身，溶化的芝士。咬進口，很juicy！牛肉像7、8成熟，軟身好咬。菜是沙律菜，足料。吃完蕃薯條，吃完一半漢堡，開始覺得飽。這cafe很chill，有音樂、輕鬆悠閒，吃得舒服。除了牛肉漢堡，有雞、有魚、有軟殼蟹，還有鮮魚烏冬。是一間可以吃完再去吃的食店。

呢個余均益辣椒醬雞扒漢堡真係幾好食，首先係件雞扒新鮮Juicy多汁，炸得好香但係又唔會油淋淋，塊雞扒好巨型，仲大過個漢堡包。余均益辣椒醬聽就聽得多，不過食就真係第一次，都食到佢個辣椒香味，不過又唔係好辣，對於唔食得太辣嘅我黎講真係唔錯。封門柳竹炭吐司又好睇又好食，啲封門柳好濃牛肉味，中間仲紅紅地證明個生熟度控制得唔錯，啱啱好無出血水係正嘅。睇落去好少野其實食落都幾飽，加$8就有埋野飲都幾抵，性價比高。

今天來到呢一間太安樓名物食Burger，佢有好多款Burger，最後揀咗Classic的和牛Burger，啖啖和牛，超多肉汁，一咬落去D和牛牛油滲晒出黎，大滿足。和牛都幾鮮味，就連Burger入面D菜都好新鮮，可以平衡返和牛嘅油膩。食Burger又點可以無薯條呢？呢度有好多特色薯條，例如麻辣、黑松露、地寶魚、腐乳，不過我就揀咗比較邪惡嘅火炙明太子，原來明太子嘅味同薯條都幾夾，真正做到又邪惡又肥爆但好好吃。呢度嘅飲品除咗一般嘅汽水同紙包飲品之外，竟然有呢D迷你罐Ginger Ale，飲落無咁罪惡內疚。

Ordered 手打騸牯牛漢堡, 火炙明太子薯條, 花尾龍躉片魚湯烏冬- 魚湯真係非常新鮮，質地creamy 濃厚，龍躉片都好滑，住家嘅味道！- 騸牯牛漢堡都十分Juicy，雖然牛味唔重，但係有好豐富嘅牛肉汁！- 全套餐加個特色薯條，試咗最新推出嘅明太子味，超配襯，但下次都會試埋其他味環境都屬於係自助，睇得出都照顧有小朋友嘅家庭，有唔少嘅兒童餐具，非常貼心！我哋係第一組客人，等大概15分鐘食物到齊，師傅果然係落足心機，下次一定會再encore 試埋個炸魚😻