Cafe Whale

营业中

休息中

用新鮮龍躉做Burger都米話唔癲，一啖咬落去嗰種魚嘅香味仲有嗰雒新鮮魚嘅魚油味都真係急凍雪藏魚無可能比得上嘅口感。呢度嘅龍躉Burger入面係有兩件龍躉魚柳，感覺上都算厚，而且魚柳面層嘅炸粉亦都做得夠晒薄，所以食嘅時候魚柳嘅觸碰感特別好。另外值得一提係佢嗰Pat淺綠色嘅醬，除咗有沙律醬嘅味道之外仲有一陣好青蔥嘅味道，連個醬都自家秘製，真心佩服，有時出去食野就係好appreciate呢一種對於烹調嘅誠意。仲叫咗份大薯條，$30，其實Burger本身就可加$15要一份細薯條，不過呢度嘅薯條係即叫即炸嘅，所以就直接叫份大嘅黎食，熱辣辣兼唔算多油，確實係掂。Burger本身就包埋飲品，我揀了Soda Water。

呢間西灣河小餐廳嘅老闆成日都鍾意搞搞新意思，今日去到又有新菜式，就係呢一款花尾躉魚片魚湯烏冬，佢啲花尾等魚片都幾大件。鍾意幫襯呢一間餐廳主要嘅原因就係佢哋嘅食材真係真材實料，你睇相入面嗰舊花尾等魚片就知道。其實佢呢一個新口味就係原本好受歡迎嘅鮮魚湯烏冬嘅變奏，魚湯同埋花尾等魚片都好正。配呢個蕃茄仔小食，都幾開胃。呢個烏冬連一個飲品，除咗平時一般嘅汽水之外，仲可以揀梳打水、tonic water同埋呢一款ginger ale。

已經有好多人叫我一定要試呢一間西灣河小店嘅魚湯烏冬，今日終於試到。見到佢白雪雪嘅魚湯已經知佢有料到，而且因為都仲係熱辣辣，所以聞到D魚嘅香味，我梗係先飲個湯啦，一入口覺得佢幾滑，應該係好次嗰D400次咖啡咁打咗泡。魚湯烏冬有兩款，一款有花膠魚肚，另一款就係普通版，我叫咗普通版，入面有魚蛋魚片同菜，當然有烏冬啦。個魚湯真係好鮮味好好飲，我成碗飲晒。另外叫咗兩個小食，一個係吉列炸蠔，另一個係冰鎮花鵰鮑魚，兩款都好食。吉列炸蠔都幾鬆脆，旁邊D沙律菜都幾新鮮。花鵰鮑魚都整得幾入味，清甜清爽，係夏天唔錯嘅小食。

花雕雞油馬友一夜干炸魚薯條，後面嗰支好似香水嘅就係花雕酒，自己唧。無諗過馬友都可以做炸魚薯條，炸粉一啲都唔厚，唔會食到成口炸粉，魚肉入面好實淨，新鮮就係咁正，啲肉質係唔同啲，一咬落去就知道，呃唔到人嘅。薯條食得出係新鮮即叫即炸嘅。拌碟嘅沙律菜質素都好高，係靚野黎嘅，同埋份量都算幾大份。最後想讚一讚佢個汁，即係白色有個綠色圈嗰碟，白色部份係沙律醬，似係自家製嘅，綠色圈係蔥油汁，又係自家獨家出品，好正。

白鱔食得多，蒜蓉豆豉蒸或者盤龍鱔都係常見嘅，不過今日試嘅白鱔Burger真係第一次，整體味道幾好。佢個白鱔係炸嘅，不過個炸粉好薄，所以咬落去嘅時候係啖啖白鱔肉而唔會成口都係炸粉。個Burger入面件炸鱔比想像之中厚身，所以食嘅時候特別開心，仲有就係一啖咬開件白鱔，佢D魚油都真係幾多，入口真係有好Juicy的感覺。值得一提係佢個蒜蓉豆豉汁做得唔錯，個豆豉味剛剛好，始終有D人係唔鍾意食豆豉嘅，反而個蒜蓉味無乜。最後，以$128連汽水呢個價位喺太安樓黎講真係算高，不過我食完之後真心覺得物有所值，始終唔係好多地方食到呢D唔係千年急凍魚柳嘅魚柳包。

太安樓是西灣河的美食重鎮，好食之徒必定知道，但極少到西灣河的我就幾乎不曾到過太安樓吃東西。不過最近因事要到西灣河的我，就難得地在太安樓的 Cafe Whale 吃了一頓滿意的晚餐。其實這間 Whale Burger在眾多太安樓的食店中都算是其中一間口碑最好的，這晚我初次幫襯，就在店中售賣的多款漢堡包中揀了「珍寶安格斯牛肉漢堡」（$86），另外再加多份健康「雜菜沙律」（$15）做晚餐，至於飲品「罐裝梳打水」則是免費的，不用加錢購買。先說「雜菜沙律」，份量頗多，也夠新鮮，不過盛載沙律的不鏽鋼碟子就太輕身，一不小心就會把它打翻，讓碟上的沙律菜 跌在桌上，而這一晚，我就做了一個完美的示範。主角「珍寶安格斯牛肉漢堡」果然甚好，大大個的漢堡包，不走脆身一路，用的是牛油軟包，夾著的除了大塊厚身的珍寶安格斯漢堡扒外，還有半融的芝士和爽脆的沙律菜，口感挺豐富的，重中之重的漢堡扒，肉汁澎湃，更有秘製的開胃醬汁加持，比連鎖快餐店的漢堡包好多了，份量十足的漢堡包，確是真材實料，在網上得到不少好評，殊非倖致。除了多款吸引的漢堡包外，聽說這小店的兩款「湯鳥冬」也非常之好，而這晚鄰桌的兩位男士也對他們所點的「美國黑

今日黎咗據D Youtubers話係全個太安樓最猛(係光猛)嘅食肆，門口好多燈膽，所以真係好光。叫咗D Youtubers推介(有好幾個)推介嘅黑牛吐司，又真係幾四正兼且味道唔錯。黑牛個「黑」字應該就係代表黑色嘅竹炭吐司，而佢入面D牛肉偏瘦，好啱我胃口，而且相對比較有𡁻口，但係唔係有筋嗰種，所以如果鍾意好似安格斯甚至係和牛嗰種比例鬆軟嘅牛嘅朋友就未必啱食呢個黑牛吐司。之後我仲叫咗個炸蕃薯條，主要因為薯條好多地方都有得食，所以就叫D平時少食嘅野，即叫即炸，熱辣辣。

估唔到呢一間位於西灣河太安樓入面嘅小店，佢個炸魚薯條嘅質素竟然咁高，而且叫咗炸魚薯條之後飲生啤仲可以有半價優惠，真係好抵。呢度嘅生啤係日本Suntory，老闆好有心咁樣將啲啤酒杯說到冰晒，所以杯啤酒飲落去真係好正好爽。呢度嘅炸魚薯條都有幾款魚可以揀逗號我就揀咗懵仔魚，始終happy hour時間唔想食咁大嚿魚呢種細細件魚柳就fit晒。其實懵仔魚好正，魚油非常豐富，另外佢啲薯條都幾好食。跟住要多份炸雞鎚，有五件，配埋沙律菜，新鮮美味，又係飲啤酒恩物。

炎熱嘅星期日lunch time嚟咗呢一間據聞係太安樓最光猛嘅餐廳。雖然佢個名叫做Cafe ，不過佢係食漢堡包為主嘅。芥末蛋黃醬吉列墨魚漢堡嘅吉列墨魚好好食，入面除咗有墨魚滑之外，仲有大粒嘅墨魚粒，咬落去好有層次感。飛魚子蛋黃醬軟殼蟹漢堡真係食到飛魚子卜卜脆嘅口感，另外佢嘅賣相都好勁，成隻軟殼蟹放喺入面，蟹鋼露咗出嚟。兩個漢堡包都加$15轉成套餐，可以揀雜菜沙律或者一份細嘅炸薯條，我哋兩個都揀晒薯條，所以就放埋一齊變咗一份大薯條。

西灣河太安樓隱密小店，$92食一個花膠魚肚魚湯烏冬，非常有驚喜。首先佢用嘅花膠係花膠桶，唔係花膠碎，個花膠桶都有差唔多成隻碗咁大，冇乜魚腥味，食落去有一種好滋潤嘅感覺。魚肚亦都係大大片唔係碎濕濕，呢間餐廳老闆對於食材都有返咁上下要求。不過成個烏冬最精彩嘅部分就係佢嘅魚湯，飲得出真係用魚去淆製而唔係出面啲罐頭嘢，真係一飲就知係龍定係蟲。佢烏冬都爽口彈牙，入面仲有棵娃娃菜，同個魚湯都幾夾。另外會配一個話梅蕃茄仔，味道幾清新。個烏冬連飲品，選擇都幾多。

天氣真係太熱，太安樓入面好似焗爐咁樣，見呢間餐廳幾光猛幾舒適，所以就入咗去坐低涼住冷氣睇吓食乜，因為真係太熱基本上冇胃口食嘢，所以就揀咗一個沙律同埋一個小食。佢有幾款沙律，不過我就鍾情於封門析柳或者軟殼蟹，最後揀咗軟殼蟹沙律。佢啲沙律菜好新鮮好爽口， 啲蔬菜嘅款式都係高級嘢，特別係白色肉紅色邊嗰隻，好似叫做紅皮蘿蔔，幾爽口兼少少辣，好似wasbi feel，幾好食。小食就嗌咗炸雞槌，一碟有五件，面頭有bbq醬，都幾惹味。

位置 🟪🟪🟪🟪⬜️喺太安樓入面 第三街好易搵 一眼就 spot 到環境 🟨🟨🟨⬜️⬜️餐廳唔算大 門口有兩張用 skateboard 整嘅櫈 俾人等位有得坐入面4人長方枱 & 2人圓枱各4張4人枱還好 2人圓枱就稍為細咗d喇餐廳中間有個 area 寄賣寵物零食👍🏿整體食物 🟦🟦🟦🟦⬜️• 竹炭美國小牛柳吐司 • $128睇到餐廳d宣傳相已經好想食驚喜嘅係 真身同相完美還原沒！有！照！騙！個小牛柳好高質 舊舊煎到5成熟🥩中間仲係粒紅色 好juicy 好嫩加埋個酸酸地嘅bbq sauce令到個吐司就算啖啖肉都唔會好 lau / 好油個飽烘得乾身 脆脆地成個吐司好厚 (因為有小牛柳份量超多😎)但係出奇地唔會食到好論盡睇得出係5星嘅心機之作❗️• 蘋果木煙薰黃立䱽配薯條 • $108一上枱超香蘋果木味個魚炸得好嫩 唔重炸粉但係對比起個小牛柳吐司就冇乜驚喜了正常水平 合理薯條可以轉番薯條 脆 熱 (是基本😂)感覺呢個餐未必係餐廳嘅 best 如果唔係特別喜愛蘋果木煙薰嘅話不妨試試其他• vanilla milkshake • 跟餐 $45少少貴 因為唔算大杯係較甜嘅 milkshake不過我自己鐘意食甜

用新鮮魚黎做炸魚薯條似乎有D浪費，不過食落去嘅味道又真係有分別嘅，仲要係好大分別。呢份係炸魚仲炸魚薯條，魚仲即係懵仔魚，魚油比較多，所以唔好睇少佢只係得幾件，食完你就知道其實都幾飽。Close up睇到佢炸皮入面的魚肉，口感同質感同嗰D魚手指都係無得比。佢雖然係炸魚，不過入面嘅肉質都keep得嫩，當然D魚油非常豐富，一咬入口就feel到D魚油滲出黎，超興奮。除了魚仲炸魚薯條，我仲叫多咗一份腐乳薯條，佢最正係薯條上面的乾腐乳，再點埋個腐乳醬就無敵了。

呢個就係傳說中嘅小牛柳吐司，賣相好睇味道又好，份量都有D勁，一個人食都真係幾飽。佢用嘅小牛柳都幾有咬口，脂肪含量比較低，無咁肥真係好事，但係牛味又幾濃。小牛柳煎到仲有少少pink，我自己覺得生多少少似乎會更理想。吐司烘得夠乾身，選用竹炭吐司另到成件事更靚仔，當然竹出吐司同小牛柳嘅味都夾。吐司入面只有少少醬，咁就唔會整濕晒件吐司，我覺得D醬係足夠嘅。我另外仲叫咗一份龍鳳薯條，其實即係普通薯條mix蕃薯條，一次過滿足晒兩個願望，真係飽到上心口。

呢一間coffee shop的老闆真係好犀利，成日都有新出品，今次係個冷盤：花雕醉鮑魚，$68有2隻鮑魚，d鮑魚嘅size目測都有大約6至7cm，而且都幾厚身，佢d花雕酒香得黎又唔好太濃，仲有2粒杞子，一隻一粒掛。其實佢d鮑魚都整得幾林，唔知係唔係用慢煮嘅方法去烹調呢？早知咁林就唔洗叫waiter哥哥幫我將隻鮑魚切開一半啦。佢用黎浸鮑魚個汁其實都幾好味，除咗花雕酒之後帶少少鹹少少甜，其實都幾balance，$68兩隻都算抵食。