影片
营业时间
今日营业
12:00 - 21:00
星期一
全日休息
星期二至日
12:00 - 21:00
以上资料只供参考，请与餐厅确认详情
相关文章
好多人话呢间Cafe嘅鱼柳包好正，所以慕名而来，嚟到先知原来佢鱼柳包都有三款鱼，分别系沙巴龙趸、白鳝同埋马友，我就拣咗最Classic嘅沙巴龙趸汉堡。佢个龙趸柳都几厚身，同埋佢𠮶个葱油他他酱几好味，真系食得出有葱嘅味道，另外佢入面啲沙律菜都几新鲜几爽脆。汉堡包加$25就可以有埋饮品同埋炸鸡锤两件，呢个鸡锤都几好食，质素唔错。饮品就可以喺雪柜任拣，入面除咗有一般嘅汽水之外，仲有好多纸包饮品选择，而我就拣咗麦精维他奶，因为好似好耐冇饮过。
继续阅读
呢间西湾河太安楼餐厅个名叫做Cafe，不过入面一啲都唔Cafe，就好似今日我哋食咗一个日式丼饭，再加啲西式小食同埋fusion小食，味道唔错，而且可能喺太安楼入面呢一间系坐得最舒服嘅一间餐厅。呢个系和风牛肉丼，佢啲饭真系用日本珍珠米，牛肉切薄片而且一啲都唔肥，加埋就温泉蛋，喺食之前拮穿佢兼捞匀佢超正。佢有个小食跟埋，应该系话梅蕃茄仔，酸酸地几开胃几好食。佢哋嘅丼饭系跟埋嘢饮嘅，雪柜入面任拣。佢啲小食都几正，所以叫咗三款，分别系吉列炸蚝、麻辣薯条同埋火炙明太子薯条，三样都好食，最邪恶一定就系火炙明太子薯条啦，但系佢个明太子同啲薯条嘅味道真系好夹，成完先再减肥啦。
继续阅读
本来谂住食汉堡包，但系见到有呢一个别注卤肉饭，仲要系同太安楼嘅一间好正嘅台湾饮料店cross over，梗系要叫嚟试下啦。88蚊，有一碗卤肉饭，饭入面打埋只温泉蛋，再加一碗花之丸同鱼蛋嘅汤，性价比极高。首先讲个卤肉饭啲卤肉，感觉几新鲜，而且非常香，食嘅时候除咗肉碎之外，仲食到应该系切碎咗嘅猪皮，当然猪嘅脂肪点都有少少嘅，难怪碗饭咁香，配𠮶只温泉蛋捞云嚟食超级滋味。至于𠮶碗花之丸鱼蛋汤配住上，好有台湾便当嘅感觉，而且碗汤畀台湾食到嘅便当嘅汤嚟得大碗，呢一个set果然有料到，应该要配埋𠮶间台湾饮料店嘅台式饮料就perfect。
继续阅读
人地又系吐司，呢度又系吐司，不过呢间餐厅的吐司无论系卖相同味道都真系好讲究，系食得出嘅诚意料理。呢一份就系呢度No 1销量嘅吐司︰封门柳黑牛吐司。睇得见D封门柳个芯仲系pink pink地就知好野，D封门柳牛味香浓，够晒咬口，唔系好多脂肪𠮶D部位一咬落去软淋淋𠮶种，如果唔钟意𡁻野嘅朋友就建议佢地唔好食呢款，都系叫返和牛算数。我自己就比较钟意封门柳，因为无咁肥，唔会成口油。呢个鸡锤嘅味道都唔错，叫吐司时加$25转做餐，就有埋鸡锤同饮品，饮品我在雪柜拣了纸包装麦精，正呀喂﹗
继续阅读
终于试得到呢个拎得上手嘅羊腩煲Burger，真系好好食，中间的羊肉汉堡扒都几Juicy，加埋佢有一块脆炸枝竹，真系好似食紧枝竹羊腩煲咁样。Burger可以加$15转餐，有一份细Size蕃薯条再加饮品，都真系几抵。另外再叫多一份炸鱼薯条，呢度D炸鱼都几特别，有黄立仓、慒仔鱼、马友、沙巴龙趸同埋我拣咗嘅白鳝炸鱼薯条，佢呢个炸白鳝做得好好食，咬落去有爆鱼油嘅感觉。值得一赞系佢个酱，系干蒜片再加豆豉酱，好似食蒜蓉豆豉蒸白鳝咁样。我地最后仲叫多一碗鱼汤，因为都系呢间野出名嘅食品，新鲜美味，好似饮紧好多条鱼嘅精华。
继续阅读