cafe TOO

今天有幸來到港島的香格里拉7樓食自助午餐。老細請客！餐廳內非常寬敞，每張枱都不會太近，坐得舒適。至於食物種類亦非常多，就算每樣試一點點都無可能試得完。選擇多到令人眼花撩亂，多國菜式數之不盡，見到都令人非常興奮！若果是甜品控，真的推介要來試一試，款式比想像多，而味道都不錯。這個櫃就是放滿甜品，不只這一邊的櫃放滿，另外三邊的櫃也同樣放滿。壽司是少不了的菜式，還有刺身。雖然刺身選擇不算多，但質素都不錯，而且厚切。這個迷你刺身飯本來想試，拍下了照片，但卻因為太多食物選擇而忘記了它。下次有機會再試。甜品款式多，值得一試！講到沙律，都不只這幾盤。相裏的是泰式沙律。另外亦有素食沙律，印度沙律等。至於熟食還有很多選擇，串燒，牛肉，扒類，海鮮！海鮮選擇亦有不少。好快就忍不住要試甜品。每件都很欣賞。每款都食得出落了心機去做，無論味道及口感都會食完想ENCORE再食。檸檬撻特別清新，抹茶芝士撻口感濃，抹茶味重，櫻花及紅桑子的蛋糕有幾個層次，還有一款，沒記錯是香蕉杏仁的組合，無諗過味道都比想像的好及夾，有驚喜！朱古力甜品同樣好多款！曲奇味香濃，蛋糕的朱古力味重而不會太流，蛋糕中心有加配酸酸甜甜的果醬及果肉或

已經幾年冇嚟，因為呢間啲食物平平無奇，今次因為有買二送一，所以嚟幫襯食個假日午餐餐廳裝修同幾年前冇大分別食物車有爆谷、炸雞、曲奇等吸引小朋友，可惜當日冇乜小朋友。今次自助餐的新意係有米芝蓮星級食品 -夏宮蜜汁叉燒：肉質同味道都普通。玫瑰豉油雞：雞肉滑，夠入味。兩款燒味同以前食過都差唔多，以前冇標榜夏宮，唔知係唔係同一個師傅！一樂燒鵝：每碟兩件，皮香肉嫩；仲有妹記生滾粥、泰昌蛋撻等。唔使週圍去，呢度坐得舒服，慢慢食多幾碟熱食選擇唔多，醬爆龍蝦，醬汁唔太濃，龍蝦大隻啖啖肉其他真係蒸住嘅海鮮（細瀨尿蝦、大蜆、螺），冇蒸魚，好在新鮮冇沙。唯一要排隊攞嘅燉湯，雖然夠熱，但太清淡了。凍食都係例牌蝦、蟹腳、青口、一般壽司，冇生蠔。梳乎厘似係甜品主角，每次焗好一條，就會有人手搖鐘，叫人去攞。甜甜的，中間夾住雪糕。綠茶撻較吸引我，綠茶味濃，朱古力偏甜。飲品只包咖啡、茶，如果以原價$738嚟講，有些餐廳會包多一杯汽水、果汁或有汽酒，唔使另外加錢。抵唔抵食就見仁見智啦！

港島香格里拉酒店Cafe TOO最近以可持續綠色餐飲自然天成做主題，推出自助晚餐🤗廚師團隊特別到訪本地有機農場，精心挑選新鮮蔬果、香草同合法眷養既肉類產品，打造從農場到餐桌既體驗😘🍀多款自助餐特色菜品亦以依規範捕撈既可持續海鮮、時令鮮魚等優質食材入饌，令大家可以係品嚐美味健康既美食之餘，同時實踐永續生活既環保概念🙌凍盤方面可以任食啖啖肉凍龍蝦同麵包蟹！仲有海蝦、青口、螺等；沙律吧採用本地有機蔬菜，滋味新鮮又健康！❤即切時令刺身十分新鮮，色澤好晶螢，厚身鮮味！仲有深海池魚同油甘魚～連壽司款式都好多，而且造型精緻，搞到K款款都想試下吖🤭最近餐廳仲同本地多間知名老字號合作，將本地人氣美食帶入自助餐😋當中包括米芝蓮星級餐廳夏宮中菜廳既蜜汁叉燒同玫瑰豉油雞、每日新鮮烤製皮脆肉嫩既一樂燒鵝、安利魚蛋粉麵、妹記生滾粥品同泰昌餅家既熱辣辣出爐蛋撻！熱食有人氣既蒸龍蝦🦞彈牙既龍蝦肉鮮味又多汁！咖哩Corner有好多款特色印度食品同埋脆餅＆Nann；泰式火灸焗三文魚鮮嫩多汁😚仲有港式點心等等，都唔錯的～甜品區同樣吸引，一入黎就比勁大個display雪櫃吸引住😚放滿哂色彩繽紛既甜品，款款都好精緻🥰細細件可以

當日主題一樂燒鵝 / 安利魚蛋 , 雖然出名 , 但其實亦只係不過不失 , 簡單D講 , 自己去佢地度食都得啦 , 何苦要去自助餐 , 記憶中一樂燒鵝全隻都只係600咁上下 , 任你再大食都食唔到一隻 , 而且燒鵝肉質唔算嫩 , 水平一般 . 安利魚蛋就更加唔值錢 . 有魚片雲吞牛丸墨魚丸揀 , 當中雲吞最差 , 蝦爽但冇豬肉香亦唔夠味 .海鮮冷盤主打龍蝦 , 但波士頓龍蝦向來味淡肉粗 , 尤如嚼蠟 , 如果可以揀我都係揀蟹腳比較好 . 凍肉盤有3種煙三文魚 , 其中兩款質素比較好 (厚切既黑椒三文魚同紅菜頭三文魚), 但好快就冇再REFILL . 風乾火腿唔錯 , 有油香唔死咸 . 熱食好多款都唔得 , 牛仔肉太硬 , 牛柳亦唔嫩 , 燒牛肉較好 , 但牛肉味不夠 . 比較推薦既反而係即炸魚塊同燒虎蝦 , 炸魚新鮮炸起外脆內嫩同平常炸好多時既完全唔同 .  點心仲有多款 , 但基本上同一般酒樓水平無異 , 但對比起其他自助餐粗製濫做既好 , 有蝦餃燒賣粉果鳳爪牛肉球及幾款包 . 甜品款式雖然多 , 但味道太一致 , 如果盲試既話 , 有唔少款式除左口感唔同之外 , 味道真係分唔出邊款

明明寫住有鴨肝 來到知後突然間話轉左牛因為本人唔食牛 同羊佢問有冇野想食 我當然系想試下佢地的鴨肝 佢哋7:30有燉湯 我排隊排了十分鐘左右回座位一飲 好似飲緊鹽水甘 勁喊同經理反應 佢話佢地湯系甘既味道選擇小就算了還要非常難食 仲衰過三星酒店的自助餐 800蚊一位 比三星酒店500蚊一位更加差非常不知所謂的一間自助餐

📍cafe TOO金鐘金鐘道88號太古廣場二座港島香格里拉酒店7樓其實幫襯過幾次呢間酒店自助餐，但今次卻叫人感到失望了，食物無論種類同水準都大不如前。諗住趁年頭book個自助餐做團年飯，餐廳除了提供一個舒適寬敞的位置供家人用餐之外，沒有甚麼食物叫大家難忘！要是接近$800-HKD一個人的消費，真係覺得差了點！餐廳引進幾個本地餐廳食物，例如燒鵝，魚蛋粉，蛋撻等，感覺有些奇怪。點解餐廳自己唔製造多些自己的特色食物呢？燉湯相當咸😵‍💫只欣賞餐廳的西餅類，賣相造型吸引。

食物選擇少 呢個價錢令人失望用港式做主題 但係乳豬cut左 本身蒸魚亦欠奉 以香格里拉的名號來說 實在寒酸炸物方面 只有炸魚 薯條 過往的天婦羅卻缺席沙律竟然只有凱撒醬 合理嗎？！冷盤方面 有蝦 龍蝦仔 麵包蟹 長腳蟹 算是比較多款式比較合理甜品方面 pan cake 以及疏乎里亦沒有提供 如果主題是香港主題的話 當晚只提供蛋撻以及一般蛋糕 卻沒有雞蛋仔 格仔餅 整體方面 以這價錢來說 食物選擇真的不合格 絕對不值得食希望酒店方面可以反思一下增加食物選擇 例如以往有的乳豬 羊架 沙律醬汁不應該吝嗇

好彩唔係自己畀錢 ,  係人哋請我去,    自己畀錢食d咁嘅嘢,  一定唔嚟! (同場幾個同事都係咁講,    唔係淨係得我一個咁講㗎, 香格里拉品牌夠大,    但啲嘢食唔掂呀)晚上自助餐     起碼都七百蚊以上卦.   唔好意思問人哋幾錢,     但叫得香格里拉    都唔慌平.最頂唔順就係,     竟然係啲cheap到暈嘅食物!   大佬, 食一樂燒鵝、泰昌蛋撻、安利粉麵........我使乜畀幾百蚊喺度食呀? 燒肉類   只得一啲鞋都飛起嘅燒牛肉,   (上面好似話有和牛喎.   但唔見有囉)   好似仲有火雞,    但我真係冇乜興趣.雪糕唔知乜嘢牌子, 冇留意,     但甜到飛起  ,  食過一次已經唔想再食  , 嗰啲甜品蛋糕又係過份甜,   只係攞咗一轉. 生果係一樽樽擺好曬,  冇得揀. 蜜瓜西瓜都唔係甜,     菠蘿酸到爆,   食咗一轉,   咪搞!一大堆蒸瀨尿蝦, 蜆,    花甲,   蒸到冇曬味    食落口都唔知係乜!   竟然仲有蒸燒賣,    大佬,  呢啲燒賣值幾錢呀?   喺呢度食?   真係冇嘢好講!燉湯,   就喺泰昌餅家嗰個位嗰度

港島香格里拉酒店自助餐✨💕🦥《Cafe Too自助晚餐》$708/一位以香港特色為主題的自助晚餐，多款港式風味的特色菜式，亦有環球美食，真是包羅萬有，食物款式多，價格中位數，也算抵吃！❤️更可以品嘗到香港出名的餐廳名物，如：一樂燒鵝、泰昌蛋撻、安利粉麵，夏宮叉燒等。當然不少得自助餐最受歡迎的海鮮類，有龍蝦、麵包蟹、螺、長腳蟹，會不停添加。🦞壽司部也有四款魚生選擇，亦有自家醃製的煙三文魚，有三種口味。🍣餐廳特色，會在指定時間響起鐘聲，表示矜貴的燉盅出爐，是高級的燉盅，是日燉湯是杞子黨參燉雞湯，非常濃味。🍲其他熟食也很多元化，有點心、有中式菜式如東坡肉和獅子球、有海鮮塔、有印度咖哩、有意大利菜如鵝肝多士和意大利雲吞、有安利粉麵自選、有日式炸雞扒三文治⋯⋯⋯等等，最多選擇。👏🏻甜品方面以森林設計為主，多款朱古力的甜品蛋糕，亦有裝成花朵一樣的馬卡龍，有泰昌餅家的新鮮蛋撻，更有水果和雪糕。☘️在較後時段，甜品部亦會響起鐘聲，餐廳最具特色的甜品出場，就是火焰蛋糕！師傅現場進行火焰的製法，讓客人吃得開心，看得開心！👍🏻總結：香港特色與環球美食的大匯集。

好久沒有到cafe TOO食自助餐了，以前舊公司每年都會在這裏做節的。今年周年紀念，再來吃自助晚餐，$788＋10％。 店內環境舒適，燈光柔和，店員服務親切有禮，仲有三個鐘頭免費泊車優惠👍🏻。 自助區有凍海鮮、 冷盤、沙律吧、刺身、壽司、熱熏、 燒味、扒類、 燉湯、 粉麵區、鐵板燒和牛、蒸海鮮甜品和雪糕等等，凍海鮮做得幾出色， 龍蝦🦞肉質鮮嫩彈牙，沒有雪味。 麵包蟹🦀多蟹膏，味道甜美，長腳蟹亦都鮮甜美味。 另外我推介鐵板燒和牛🥩， 牛味重入口即溶的口感， 讚👍🏻！ 甜品做得精緻好味， 因為太飽了，所以沒有食雪糕😅。 整體各款都做得不錯👍🏻， 如果有生蠔就更加理想了。 🏷️溫馨提示～ 整個用餐體驗均屬個人分享意見， 只作參考😊。

今期港香以「港式·港食」做主題，一次過可以品嚐到夏宮、一樂燒鵝、錦豐魚蛋粉麵等名物，另外還有不同海鮮及各式美食，再加推海鮮塔、老火燉湯，如有特式食物推出，職員便會敲鐘示意，大家可出去排隊取，今日有鐵板海鮮塔和老火燉湯，各出左2次。時間由1200-1500，正價$708+10 %再可加$98任飲果汁汽水或$268檳/紅白酒。麵包區：有菠蘿包、芝士包、🥨🥯🥐等約20款以上。凍盤區：螺、蜆、麵包蟹、青口、蝦、蟹腳、壽司、刺身、泰式豬肉碎沙律、泰式海鮮沙律、泰式牛肉沙律、菠蘿沙律給青木瓜沙律、煙三文魚、風乾火腿。*最特別係有2款份子料理，看上來似石春，其實是三文魚/帶子啫哩。*海鮮好鮮甜、無雪藏味、麵包蟹一流又多膏。四款湯：豆腐羹、洋蔥湯、燉湯及冬蔭公。*杞子黨參燉雞，好濃味。熱盤：夏宮蜜汁叉燒/玫瑰豉油雞/子魚、一樂燒鵝/燒鵝炒飯、錦豐粉麵、港式豬扒包/煎餃子、6款大籠蒸的海鮮有瀨尿蝦/蝦/花甲/蜆、印度咖喱雞/雜菜/羊肉/薄餅、洋蔥湯、東坡肉、桂花炒蛋、獅子球、炒牛柳條、燒牛肉、羊髀、意大利雲吞、烤檸檬胡椒雞、煎魚、焗意大利青瓜。甜品：甜品約三十多款左右、供應六款 H 口味的雪糕，有焦糖、

今次自助餐係慶祝結婚週年，而且係免費🤭，因為之前玩比賽贏到禮卷，香格里拉酒店多野食，呢個唔洗講，沙律吧各款各樣既沙律菜，而且十分翠綠，可以隨心選擇自己中意食既沙律菜，刺身有三文魚，八爪魚，金槍魚，甜蝦，十分新鮮，當然少不壽司同卷物，呢個係基本，海鮮區亦包羅萬有，蟹鉗，黃金螺，鮑魚，長腳蟹，青口，大蝦等等，岩哂我中意食海鮮既人，蜜汁叉燒口感唔訓亦不油膩，我老公讚口不絕西式區洋蔥湯，燒牛肉，羊髀，香煎魚柳，洋蔥湯超級好飲，好飽既一個晚上🤓

早排老闆突然請食自助餐，會計姐姐臨急臨忙去找 自助餐， 發現這家有位便book這間， 會計姐姐話這間不便宜啊要八百幾蚊一位。一行十幾人便六點鬆啲，便到這間吃自助餐。 這間亦有做生日優惠免費為當月生日的同事提供蛋糕一個。講番食物供應方面，鹹的食物款式供應方面比甜的較多。 鹹的食物款式，除了自家旗下餐廳夏宮的點心和各款燒味， 亦有一樂燒鵝、 安利魚蛋檔湯麵、 烤牛肉 鐵板燒蝦、自助沙律、凍龍蝦、凍青口、凍海螺、凍蟹、 燉湯、 印度咖哩、西湯等等。 甜的食物 款式有：芝麻糊蛋撻 、各款榴槤品 、 班蘭蛋糕、雪糕和各款迷你西式甜點。我當日因為胃口不佳， 只能挑選幾款鹹的和甜的試試， 其中我試了的烤牛肉、凍龍蝦和鐵板大蝦味道不錯， 叉燒超好吃 。 最不好吃的是他們的燉湯，當日的燉湯是淮山豬肉湯， 不知為什麼他們的燉湯帶點酸味， 可能是他們的淮山貨色不好吧， 湯料亦比較少，只有兩片淮山少許豬肉和杞子， 以酒店燉湯來說 實在過不去。 他們的龍蝦汁魚蛋，亦不好吃 比較鹹。因為他們的點心在蒸爐長期蒸住， 導致包點有點淋。 最令我費解的是不知什麼原因，豆沙包是綠色點點作為標記，麻蓉包的是用紅色點點作為標

9月11日和家人在此吃Sunday Brunch ，本人之前來過這間餐廳幾次，覺得Cafe Too這個餐廳各方面的水準都不錯。所以強烈推薦家人來此餐廳用餐，但很遺憾的是，來了以後讓我覺得除了服務的水準沒變之外，其他食物的種類和品質均大不如前。海鮮的種類少很多品質也很一般，我大約下午2點去取海鮮，只剩下非常少量的蟹腳，非常瘦。還有一些螃蟹，肉質也是很粗，味道也不行。小籠包，一籠一個，皮厚肉質感覺還不如超市賣的冷凍小龍包，另人很失望。魚蛋的品質也是很粗躁，只有雲吞稍微好一點。中菜的種類也不如前，點心只有蝦餃燒賣。龍蝦的味道也是很一般，煮太久肉質比較硬。水果種類也少，果汁更是無味，因為選的水果本身就不好，所以喝起來是無味感。甜點部份種類也大不如前，比以前少很多，令我也很失望。總之，這一餐家人都覺得大失所望。因為以今天的價格每人$708＋10％，雖然我有匯豐信用卡有折扣，折了後每人也$673，以這個價格吃這種品質的自助餐，實在不值。如果是這種水準，實在不需要到五星級酒店吃自助餐。

首先講香格里拉酒店呢個名！五星級酒店係咪！你俾人食既野係低級過3-4星級酒店既食物！先講冷盤海鮮！龍蝦🦞一般！咸！貝殼類！成口沙！麵包蟹還好！好多膏！近門口位置有一堆沙律菜！一樽樽既生果！冇咩特別！蜜瓜係冇既！只得低級水果！火龍果，哈密瓜，勁酸既菠蘿！熱盤～原隻牛扒係一咬落去可以成排牙可以報廢！蒸海鮮最差嘅賴尿蝦～啲肉係梅既！其他貝殼🐚類係成口沙！勁差！跟住唔知點解係冇蒸魚既？居然呢個價錢係食蒸茄子，龍利柳，薯仔粒！四季豆！最莫名奇妙係將2款中湯西湯放係熱盤入面！蒙混過關!仲有！自助餐食燒味嫁！燒鵝 叉燒 鼓油雞！仲有咩鵝肝！腥臭味！食完要飲一杯水！仲有！食咩雞扒多士！基本上就完啦！之後咪食甜品囉！蛋撻有蛋撻食呀！幾巴閉！留意返$788係得2個小時食野嫁咋！準時埋你單！提醒你7:30要離開咁囉！總結！不知所謂既五星酒店！俾呢個價錢食茶餐廳既野！食完2個大人又屙又嘔！！不知所謂！千萬不要中計！🤢🤮🤮🤮🤮🤮🤮