cafe TOO

港島香格里拉自助餐Cafe Too 今次好特別，將香港幾間人氣食店集合埋一齊，仲要任食！由12點食到3點～自助餐主打任食米芝蓮一樂燒鵝任食西貢海鮮任食低調高手雞蛋仔+格仔餅燒味- 1個人食左2隻一樂燒餓髀，好滿足～海鮮- 第一次係自助餐睇住海鮮由活魚池捉上嚟整，好新鮮甜品- 低調高手雞蛋仔係出面次次食都要排隊等一輪，今次可以食返夠本，特登睇住佢一整起就拎，拎左幾轉❤️ 仲可以配Haagen-Dazs 雪糕一齊食！睇返啲食評先知原來佢蛋撻係泰昌蛋撻，但係我一個都冇食到😂我今次嘅湯係個湯係胡椒豬肚雞湯，好重胡椒味，好岩我飲品區有果汁，果茶同珍珠奶茶任飲，但唔建議飲珍珠奶茶，勁淡其他熟食、刺身就正常味道可惜游水龍蝦係Dinner buffet 先有，如果你係鍾意食龍蝦記得夜晚先嚟

甜品都是偏向東南亞口味， 甚少西式甜品， 有點失望。 但海鮮量多， 而且十分新鮮。 飲品選擇算多， 而且任飲。 侍應態度良好， 環境也不錯。 食品整體質素高， 當天總算enjoy。

今年生日決定係港島香格里拉食自助餐，六點半第一場，平日星期四睇落有9成入座以上。我哋去嘅時候$808一位，去到先知仲有8折，開心！今期自助餐係賣海鮮主題。龍蝦、青口、蝦、蟹、蜆等海鮮就係基本啦，另外有避風塘蟹鉗，魷魚，烤魚等有烹調過嘅海鮮，可以換下口味。拖羅限時供應，質素唔差，值得一試。熟食方面有點心，飯，麵，湯，雞，牛，串燒，車仔麵等，我就無乜點食留返個肚。今期有一樂燒鵝嘅燒味，推介叉燒，唔肥唔瘦，岩岩好！但我鍾意食嘅燒肉就唔見有喇。記得聽到鐘聲去排老火湯，我哋拎左兩盅，胡椒豬肚雞湯，胡椒味唔算重，清清地，加上岩岩滾起，鍾意飲熱湯可以去拎返盅試下。甜食方面有少見嘅雞蛋仔、格仔餅、泰昌餅家嘅蛋撻(八點左右先出)等，個人覺得好食過好多雞蛋仔店，師傅剪開每一份4至5粒，唔會食飽個肚，夠細心！另外有榴槤蛋撻，我就無食喇。飲品方面選擇唔算多，除左果汁，仲有三款口味嘅珍珠奶茶: 原味、芋頭、蜜瓜，無得揀甜度。另外每位有一杯飲品，不過差唔多食完有職員黎落單先知，叫左一杯凍檸水就算喇。因為生日，枱面嘅餐枱紙都有寫happy birthday，仲送左個約6寸嘅生日蛋糕，好有心但真係食唔落，最後成個打包

上次去Cafe Too 食buffet已經係幾年前嘅事。因為知道餐廳最近攪咗個海鮮街嘅主題，所以吸引我再一次訂枱試試。網上訂咗6月尾平日dinner buffet, 當晚個場都算Full晒， 証明呢個海鮮街主題都幾有吸引力。入座後我第一時間行一轉睇吓有乜嘢食， 除咗冷熟海鮮 ，吞拿魚拖羅外， 其他冷盤，熱葷，燒烤，甜品對我其實不算十分吸引。凍海鮮方面，可能人多關係，好多凍海鮮俾客人攞哂後，補充速度會比較慢。 呢個級數酒店來講，要客人等食物，應該需要改善。凍海鮮中，我較喜歡係有多款唔同種類嘅蟹。 懶碌蟹殼嘅會有一個蟹肉沙律，蟹拆咗肉， 啖啖肉食得更方便。 凍蝦甜但蝦肉唔爽。青口，蜆唔錯。魚生方面， 吞拿魚大，中拖羅當然會係最受歡迎。自助餐來講拖羅質素相當唔錯， 但好可惜八點半後已再攞唔到。 其他魚生如三文魚，油甘魚等都肥美。清蒸/蒜蓉蒸開邊即劏龍蝦， 我每款各食咗兩隻， 個人會比較喜歡清蒸。當晚燉湯好似叫五指毛桃燉瘦肉， 湯清但不太甜。 相反熱葷中嘅大㷛湯比較更好飲 。熱葷方面款式選擇算多，各式其式。當然不會全部都啱囗味，我估我試咗當中大概六，七成左右。但大部分受歡迎嘅熱葷食物其實過咗8

-Cafe TOO最近身邊朋友不約而同介紹我食港島香格里拉酒店自助餐推出全新主題「海鮮街：香港滋味的自助餐盛宴」概念係將餐廳化成海鮮市場 呈現最上乘的本地海鮮將海洋既鮮味直接帶到面前 確保每啖都係最新鮮🥰另外重點係有同一眾本地老字號食店攜手合作限定推出一系列馳名地道美食 可以一次過試匀一樂燒鵝 + 低調高手大街小食雞蛋仔 + 泰昌餅家🥳🥳🌟Dinner buffet ($808/mon-thu; $868/fri-sun, ph)🌟重點推介 - 馳名地道美食 🌟+一樂燒鵝估唔到可以唔洗排隊都食到米芝蓮一樂燒鵝既招牌脆皮燒鵝 皮脆肉嫩 油香滿滿 配一樂秘製酸梅醬同區仲有鵝油炒飯 可惜當日太飽食唔到🥹🥹+ 茅台炒醉蝦用上茅台王子去快炒大蝦 呢個堅係好好味 大大隻 新鮮爽口彈牙仲炒得非常入味 茅台香味濃郁+ 泰昌餅家曲奇蛋撻蛋漿香濃軟滑 曲奇皮底香脆+ 低調高手大街小食雞蛋仔聯乘推出多款特色口味 仲可以配Haagen-Dazs 雪糕一齊 ✨海鮮區+ 凍海鮮區包括雪場蟹腳 / 花蟹 / 麵包蟹 / 瀨尿蝦 / 凍蝦 / 翡翠螺 /蜆 / 青口 每次一有蟹腳就好快比人拎哂 好彩餐廳都密密手Ref

六月嘅工作天終於完結啦😀今晚同事請我哋食buffet，對於我呢個海鮮精嚟講好豐富呀😋😋推介熟食，蒸大頭蝦🦐同埋蒸龍蝦🦞我食咗17隻大頭蝦🦐2隻龍蝦🦞全部都爆哂膏😻蒸得啱啱好，啲膏仲係腍腍地，唔會過硬，真係膽固醇之夜啊🤪其他熟食同埋甜品都好豐富😄飲品自助任飲👍🏻略嫌刺身款式一般🙁同埋長腳蟹好鹹🙁因為夜咗收工嘅關係，7:30左右嚟到，第一輪叮叮叮特別推出嘅拖羅已經冇晒，係唔會再出嘅😭坐低冇耐再叮叮叮第二輪特別推出食品係火焰雪山，有點火表現睇😜如果係蝦精同埋龍蝦精嘅朋友絕對值得嚟食👍🏻👍🏻

自助餐唔平質素一般食個名賣點聯乘一樂燒味，低調高手雞蛋仔，茅台醉蝦，太昌蛋撻枱與枱之間非常迫，似去了快餐店驚喜是生日唔係送朱古力牌， 是成個蛋糕。因為太飽，食唔到，免費打包。蛋糕盒和紙袋浮誇，令你覺得物超所值!廁所非常有氣派，要到此一遊

復活節長假都在K功課的我都沒有去哪玩樂，倒是跟男友跟好友跟同學在香港吃好吃的，復活節假期前就來跟同學們到酒店吃dinner buffet啊 環球海鮮及「港式 · 港食」自助餐 $808/位（成人） $404/位（小童）近十年已經很少吃自助餐也更少到港島區吃自助餐了！這裡的食物款式十分多，擺盤也非常細心安排了一條方便客人由前菜、主食到甜品的動線，可以慢慢選擇想吃的食物～ 刺身鮮味種類多，藍鰭吞拿魚大量供應啊！海鮮類一向都是最受歡迎的食品，晚市特別供應原隻波士頓龍蝦，還有麵包蟹、凍蝦跟青口等源源不絕送上，吃過個人最愛的龍蝦跟麵包蟹，前者肉質爽甜後者是滿滿的蟹膏量很好吃！ 款款熱葷類都是令人垂涎欲滴，來重點推薦一下：木瓜雪耳燉湯夠香甜滋潤味道很好，要留意燉湯會以響鈴的方式通知客人到食物台領取，而燉湯款式會每月不同可以留意一下；鐵板黑椒和牛也要吃，原條和牛肉用黑椒調味再用鐵板香煎再按客人需要的份量切開，和牛肉味濃郁入口軟嫩，黑椒味偏重夠惹味！同學推薦這裡的鵝油炒飯，炒飯粒粒分明油香撲鼻會令人想一口接一口～ 而甜品類別就因為臨近復活節而有所調節，色彩繽紛又有特色，大堆芋頭紫薯蛋糕跟桂花奶茶慕絲蛋

最近朋友生日已經去過二次午餐，食物同環境都好好，服務態度真係有心嘅，佢哋會準備生日牌同原個生日蛋糕🎂·好貼心啊·食物非常多總類，有海鮮區、粥麵區、燒烤區、燒味區、熟食區、刺身區、甜品多到不得了、各種味雪糕、仲有泰昌蛋撻、凍飲果汁、咖啡熱飲就係叫上嘅、座位舒適嘅空間，坐得舒服嘅．仲有三個鐘頭嘅免費泊車·食物質素非常好·整體比九龍香格里拉更好·就算唔揸車搭地鐵都好方便，金鐘站直上就到·一定會再次訂枱啊·

若果你係海鮮控，我諗港島香格里拉 Cafe Too 一定可以滿足你。酒店大堂一角，擺放了兩個大魚缸，內裡全是鮮蹦活跳的波士頓龍蝦及大頭蝦，夠吸引了吧？原先放燉湯的位置，已經改為擺放蒸好的龍蝦。游水龍蝦兩食（清蒸及蒜蓉）每次只能取半隻，但係可以無限再拎，仲要有清蒸及蒜蓉兩種口味，新鮮貨肉質有幾嫩彈，大家心中有數，最好係逐次拎，保證新鮮熱辣。白灼游水大頭蝦同樣係另一亮點，因為好多都有膏，拎上手仲熱，肉質爽彈盡在不言中。白灼螺當然係新鮮貨，煙韌的口感好正，可惜無兒時最愛的鴛鴦色紅黃甜辣醬。茅台炒醉蝦係鐵板燒位置，有堂弄炒醉蝦，放火版本令酒味四溢，又點可以錯過？其實港九兩間香格里拉都有同本地品牌合作，Cafe Too就有一樂燒鵝同低調高手。中環一樂燒鵝一向出名，仲要係米芝蓮榜上名單，家陣不單止無須係人地門口排隊食塵，仲可以任食加任意挑選部位，真係無得輸。而鵝油炒飯更加係錦上添花之作，好香鵝油味之餘，粒顆分明有嚼口，有水準。刺身每晚7點半左右有即切大拖羅，食多兩片已經係回本位。本身亦都有阿根廷赤蝦、希靈魚、三文魚、油甘魚、甜蝦、中拖羅及象拔蚌，又係一個食完想再食。而壽司有鰻魚壽司、三文魚壽司、鯖

香港人引以為傲的美食文化,融合了各地的烹飪風味,孕育出獨特的"廣東菜"。如果您想一次品嚐香港本地人最愛的各式美食,這家自助餐絕對是您的不二之選。熟食區匯聚了各式海鮮佳餚,包括避風塘炒蟹鉗、粉絲蒸龍躉、清蒸龍蝦、蒜蓉蒸龍蝦 蒜蓉調味能夠很好地突出龍蝦的甜美鮮味 還有為人熟悉粵式經典菜式 一樂燒鵝 估唔到自助餐都可以試到！海鮮刺身款式眾多 定時有即切藍鰭拖羅 肥美多汁,入口即化！旁邊亦有多款日式串燒 我就比幾款玉子燒吸引住😋甜點區則有低調高手雞蛋仔、格仔餅和泰昌蛋撻,都是香港人的最愛 兩樣都係即整好新鮮！甜品櫃亦提供多款西式甜點 檸檬撻同朱古力片好吃！值得一提的是自助飲品吧選擇很多 竟然還有珍珠奶茶供應 大人細路見到都心心眼整體來說,如你喜歡品嚐海鮮同試到香港特色美食 值得來一試啊！

同家人慶祝節日，最好去吃自助餐，而cafe Too是我近期心水推介，食物種類選擇多又高質，地方寬敞，坐得舒適﹗巨型竹簍內盛著新鮮切割的龍蝦，以大蒜和荷葉蒸煮而成，另有原味清蒸，龍蝦鮮嫩爽甜，絕不能錯過。鮑魚、蜆、海螺、蝦、魷魚等海鮮，再運用不同烹調方法，炮製出白灼羅氏蝦、白灼螺、金銀蒜粉絲蒸龍躉、椒鹽鮮魷、椒鹽鮑魚仔。還有果皮蒸魚、必食酒香醉人的茅台炒醉蝦，好惹味，旁邊鐵板海鮮也不能錯過。和風美食區也大受歡迎，刺身方面非常多選擇，甜蝦、希靈魚、吞拿魚、三文魚、油甘魚、 北寄貝、赤貝、阿根廷紅蝦，最吸引是中拖羅及大拖羅，入口即化，油脂豐盈。即製日本串燒、章魚燒、玉子燒、箱壓壽司、花雕醉鮑魚等等，旁邊是預伴沙律、芝士拼盤及麵包等。冰鎮海鮮區有雪蟹、麵包蟹、花蟹、瀨尿蝦、熟蝦、翡翠螺、蜆，定能滿足海鮮迷。切肉區的烤牛肋骨及烤羊腿，肉味香濃美味。湯品川貝雪梨南北杏瘦肉燉湯、清補涼、西式南瓜湯。燒味區的叉燒油雞固然美味，米芝蓮星級食府一樂燒鵝也不能錯過，皮脆肉嫩。熱葷滋味蠔皇鴨掌蝦子燴海參、煎魚配紅花汁、愛爾蘭燉肉、燒鵝清湯意大利雲吞、牛油雞、沙拉骨等等，即蒸饅頭、蝦餃、燒賣。超足料的竹笙瑤柱豆

選擇自助餐最緊要是什麼？平當然可以吸引到不少人，但一分錢一分貨，對有點要求的人來說，就未必會有興趣了；那食物水準出色、CP值高、選擇又多的，好自然就會想起最近食過的這間。😋這間餐廳，不但地點方便(就在金鐘地鐵站附近)，而且食物水準超高，還有多款凍海鮮、刺身、熱葷、新鮮海產 及 甜品，要回本應該不是難事！🤔咁有什麼高質食物？首選當然是藍鰭金槍中拖羅和大拖攞，這樣昂貴的吞拿魚，在自助餐是比較少見的；其次是新鮮嘅海鮮，包括：龍蝦、鮑魚、蜆、海螺、大頭蝦等；廚師更會即場蒸煮，確保食物能盡快送到客人面前。熱葷也有多款食物，例如：蒸龍蝦、蒸魚、一樂燒鵝、鵝油炒飯、烤南瓜、煎魚配紅花汁、愛爾蘭燉肉、燒鵝清湯意大利雲吞、南瓜湯、烤牛肋骨、烤羊腿、叉燒、油雞、滷水蛋及豆腐、清寶涼、牛油雞、藏紅花飯、蝦餃燒賣饅頭、黃金茄子、沙拉骨…等。自己最喜歡當中的蒸龍蝦及一樂燒鵝，龍蝦有原味及蒜蓉兩款，原味可吃到鮮甜爽彈嘅蝦肉，而蒜蓉味道香濃，更顯滋味；燒鵝皮脆肉嫩，油潤甘香，如拿到脾位，啖啖肉口感更佳。師傅即場製作的「茅台炒醉蝦」，大蝦在熱騰騰的鐵板上清炒，已聞到淡淡的香味，當茅台被點燃及灑上鐵板時，立時火花四起，

今天是父母的結婚紀念日所以請父母嚟食香格里拉午餐自助餐應該係最近做緊海鮮主題嘅午餐自助餐，所以今日嘅主要食材都係海鮮為主基本嘅長腳蟹啊，凍蝦，青口，田螺都係正常水平本人極力推薦嘅，就係佢嘅刺身本人好鍾意食油甘魚，佢哋油甘魚都好新鮮冇雪味。一流🤤🤤🤤🤤🤤🤤🤤🤤🤤🤤另外就係熟食啦，佢熟食係好多嘅，中式，西式啦，泰式款式好多。熟食方面佢都有點心嘅，但係蝦餃嘅皮呢就偏厚，但係燒賣呢就不錯。另外就有好多唔同嘅小炒，有酸梅骨，叉燒，燒味。講真佢叉燒真係幾好食。亦都有馳名嘅燒鵝。另外牛朳羊朳都唔錯。今日仲有避風塘蟹鉗，好食🥰🥰🥰🥰🥰甜品方便呢佢有即整嘅雞蛋仔啦同格仔餅仲有昌記嘅蛋撻咁因為我係香格里拉會員嘅關係，新入會嘅時候有七五折嘅coupon，所以我今次同爸媽嚟食呢個結婚紀念餐有七五折優惠🤗🤗🤗🤗🤗下次都會再黎食🤗

🌟餐廳：cafe TOO📍地址：金鐘金鐘道88號太古廣場港島香格里拉7樓💰價位：～$200 - $400⏰營業時間：星期一至日12:00 - 22:00📱電話：28208571忙足一個星期，又到happy Friday可以約班朋友仔出嚟見見面鬆一鬆😍😍咁多人食自助餐就啱晒💁🏻‍♀️朋友仔就特登訂咗位於港島香格里拉✨cafe TOO✨呢間五星級酒店嘅自助餐一向出品高質，環球海鮮多不勝數👍🏻食物款式眾多，啱晒同成班朋友仔大刷一番，夠晒盡興💖💖———————————————————🔹日式刺身區高質嘅自助餐，日式刺身當然與別不同！首推藍鰭吞拿魚，師傅即叫即切，質素媲美高質日本菜，赤身、中拖羅、大拖羅任君選擇，必定推介大拖羅，入口肥美甘香，油脂感爆燈，自助餐有咁高質素嘅刺身，令人回味無窮！🔹自助沙律及凍盤區自助沙律區提供嘅蔬菜選擇眾多，包括深受歡迎嘅凱撒沙律、日式沙律、各款沙律配料及醬料，款式夠晒多！凍盤區除咗供應一系列嘅Cold cut之外，亦有多款芝士供應，啱晒鍾意食芝士嘅我，超級推薦！🔹海鮮區 海鮮控至愛！自助餐供應既新鮮凍海鮮超多選擇，有齊雪蟹、麵包蟹、花蟹、瀨尿蝦、大蝦、翡翠螺及蜆，淨食