影片
更多
2004-01-19
13 浏览
今年公司團年飯由同事投票決定，結果是在這裡吃。都知年近歲晚是一位難求，所以要早個幾月訂定位不特止，仲要落訂金至可以留位，都米話唔厲害。七點開始食到十點半，有同事六點幾來已經在食緊。舊年才來吃過，事隔一年食物也沒有多大改變。沙律選擇仍然多，味道亦不錯。其中比較出色的有泰式豬頸肉沙律同凱撒沙律，前者辣辣地幾好味，後者係即席用羅馬生菜及芝士沙律汁撈的，加入炸麵包粒，都幾有特色。巴馬火腿都幾好，不過就要行過甜品攤位取哈蜜瓜；刺身有八爪魚、三文、立魚、赤貝、吞拿及甜蝦等，都算幾多選擇，試過其中幾款都新鮮，尤以赤貝及甜蝦最好，食刺身有一特色，就係係個師傅唔會就住就住，會一次過俾好多，試過要甜蝦佢一次過俾左十隻有多。壽司種類不少，但一早整定，味道一般，試了一舊就沒有再試；冷盤方面是個人認為其中最出色的地方，生蠔、凍花蟹及蝦都不錯。生蠔不太大隻，屬智利貨色，勝在新鮮又甜美，食左一打有多。凍花蟹亦不錯，雖然中等size，但都實肉又鮮甜，所以又拆左兩隻。凍蝦亦大隻同幾鮮甜，蝦肉爽口彈牙，應不是雪藏貨色；印度食品corner有不同款式的雞肉/牛肉/魚/羊等供應，但個人覺得最好食的反而是咖哩什菜，用來點naa
七點開始食到十點半，有同事六點幾來已經在食緊。舊年才來吃過，事隔一年食物也沒有多大改變。
沙律選擇仍然多，味道亦不錯。其中比較出色的有泰式豬頸肉沙律同凱撒沙律，前者辣辣地幾好味，後者係即席用羅馬生菜及芝士沙律汁撈的，加入炸麵包粒，都幾有特色。巴馬火腿都幾好，不過就要行過甜品攤位取哈蜜瓜；
刺身有八爪魚、三文、立魚、赤貝、吞拿及甜蝦等，都算幾多選擇，試過其中幾款都新鮮，尤以赤貝及甜蝦最好，食刺身有一特色，就係係個師傅唔會就住就住，會一次過俾好多，試過要甜蝦佢一次過俾左十隻有多。壽司種類不少，但一早整定，味道一般，試了一舊就沒有再試；
冷盤方面是個人認為其中最出色的地方，生蠔、凍花蟹及蝦都不錯。生蠔不太大隻，屬智利貨色，勝在新鮮又甜美，食左一打有多。凍花蟹亦不錯，雖然中等size，但都實肉又鮮甜，所以又拆左兩隻。凍蝦亦大隻同幾鮮甜，蝦肉爽口彈牙，應不是雪藏貨色；
印度食品corner有不同款式的雞肉/牛肉/魚/羊等供應，但個人覺得最好食的反而是咖哩什菜，用來點naan很不錯。除了源源供應又新鮮熱辣的naan及不太脆的papadum外，亦有薄薄的蘋果薄餅，芝士加蘋果是想不到的好味，不能錯過。
老實講，比起其他食物，呢度的熱盤是遜色少少，豬/牛/羊/雞/魚都以不同的形式供應，但味道卻是一般。尤其是各款中式點心，實在是水準以下，個人覺得是不吃也罷。亦有淥粉麵及即炒意粉的攤位，但就沒有試了，要填飽肚子寧選蘋果薄餅；
甜品款式不少，林廊滿目，賣相可人。份量亦的的骰骰，可以多試。但好多是樣子漂亮，食落卻是一般。其中不可不吃的是芒果酥餅，芒果香甜又夠有大堆頭，加埋吉士及酥餅底，我們食完又食，食左好多。雪糕有六款味道，比一般酒店自助餐多選擇，要雪糕師傅會代勞，相當方便，加個即製熱pancake就最適合。傳統的甜品反而乏善可陳：沒有芝士餅，tiramisu似朱古力蛋糕多D，可以不吃。唯獨是疏乎厘還有水準，供應亦充足，不似一般自助餐要等餐死至有得食；
侍應服務是一流，有禮貌之餘亦好有效率，收碟收得好快。各類食物refill得非常快，雖然是晚全場滿座，但沒有一樣食物係供應短缺的，樣樣都係食到唔食為止。
包一杯飲品，埋單每位335再加一，雖然唔平，但食物選擇多，味道普遍亦不錯，服務又非常好，地方亦好掂，個人覺得是絕對的物有所值。
张贴