cafe TOO

营业中

休息中

五月頭去左九龍香格里拉大酒店Staycation，等我地五月尾黎返個港島香格里拉大酒店Staycation先！呢個酒店Staycation package包24小時住宿體驗（適用於周五至日及公眾假期之退房）加二人早餐同$1000酒店消費額，總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客，不過Staycation都係第一次。Cafe TOO係過去十年我最常黎既酒店自助餐餐廳之一，真係見證住呢度越做越退步。不過今次帶住小朋友，都係食自助餐好d，所以都係黎呢度食個lunch先check-in！一齊睇下有咩食啦！呢度d野食分好幾區。一入門口就見到呢個色彩繽紛既沙律吧。開頭仲以爲係display，之後先發現原來係食得既！不過上面個行真係display，下面個行先食得。沙律吧有好多唔同種類既新鮮沙律菜，亦有粟米，車厘茄，西蘭花，椰菜花，意式黃瓜等等，新鮮健康。沙律吧隔離都有d溝好左既沙律，例如烤南瓜沙律，豆角等。沙律醬有三款。仲有凱撒沙律。沙律區轉角就係魚生區。魚生只有四款，即北寄貝，金槍魚，三文魚，八爪魚，要等師傅切或者攞俾你。Cafe Kool

已經好耐冇嚟呢度食buffet喇，因為疫情啲人吾能夠外遊，造就咗本地staycation 風，睇啲食評話呢度因為staycation包晚餐，質素將價就貨，吾掂……但我啲朋友都話半信半疑，所以我哋都照book dinner buffet ……我6點9去到，都係同以前一樣好多款食物選擇，如有蝦餃、片皮鴨、燒牛肉、燒雞翼、义燒、天婦羅、湯粉麵、咖哩嘢、凍盤有蟹腳、螺、凍蝦、刺身有三文魚、吞拿魚、八爪魚、，先飲個老火湯，好飲，之後7點半就出燉雞湯，呢個都好好飲，蟹腳、藍青口好鮮甜，冇咩海水鹹味、凍蝦都好食，刺身鮮味肥美，之後攞咗蝦天婦羅、蕃薯、秋葵天婦羅，d食評話必食，但我覺得天婦羅個脆漿炸得吾夠薄、脆，麻麻地......甜品都有好多款，但我都係揀左3款同雪糕，因為都已經飽了9成，我對甜品都冇咩特別喜好，揀左CHEESE CAKE、啫喱同埋似鳥結糖的東西，不過個鳥結糖好硬，吾太好吃....呢度坐得好舒服，3個人坐4人枱，張枱好闊落，枱與枱之間的隔板實淨做得吾錯，固定的stand都印有酒店名，吾會搖搖慾墜，好穩陣，5星即係5星....服務都吾錯....

港島香格里拉staycation既自助早餐餐廳係七樓坐LIFT或者係大堂搭扶手電梯都可以到達咁話晒都唔係去旅行當然唔會好似去浸溫泉咁落到游個早水啦不過我地都差唔多九點落左去食早餐但因為復活節關係已經排晒隊都有職員遊說排隊既客人可以上56樓食入lounge定petrus食我就唔清楚但我唔想今日食兩餐都同一間餐廳當然係繼續等其實都係等左大約十分鐘左右就入得都去過唔少自助餐餐廳但港香呢間真係有d唔同淨係個門口都已經有台形如果淨係計自助早餐黎講我覺得呢間cafe too真係好高質食物種類多味道唔差尤其係張二人檯大到好到張四人檯咁可以坐得舒舒服服真係無得輸早餐仲有益力多而且仲有用冰黎凍住沙律麵包蛋糕選擇都唔少亦都因為疫情關係有位姐姐係專人派碟好過好多餐廳成日無晒碟唔知去邊搵熟食種類都多仲有蒸爐都有四五樣點心揀有廚師即場煮蛋拎個牌番去就會有侍應送過黎唔洗企係度等麵檔雖然選擇少但唔似九香果邊9流流粥檔係有師傅即場煮而唔係就咁擺兜粥係度睇得出呢個場都算係有心做呢張就係我見過最大張既二人檯如果係其他酒店真係放多兩張凳坐四個人都仲得而且檯面仲有盒紙巾都無幾多餐廳有咁鬆手一樣有單點coffee or tea

十年前食過晚餐後回味無窮，燉盅湯、中西甜品，其他雖然不太記得但印象良好，今年母親節總動員全家去食中午自助餐，價錢已經變成以前晚餐價錢，首先講湯，冬陰功得個辣字，少少椰奶都無，辣椒溝水，我留下泰國鋪都好飲過佢，酸辣湯酸到阿媽唔認得，飲唔過3啖，蘑菇湯天然蘑菇但唔記得放鹽感覺，主打燉湯，失望到極點，水同肉粒，味道好明顯水多肉少煲出黎架味，淡而無味，數到熱盤，叉燒睇落好鬆軟，第二啖我已經咬唔到，我覺得最奇怪係日式豬扒三文治，感覺下午茶，其他熱盤失控好咸，咸到要勁飲水，鐵板即炒龍蝦又霉，數到甜品，無一樣中式都幾失望，每件細cake睇落多款，但味道好似一致咁，只有布朗尼最好食，唯一要贊麵包，麵包最好食，我比咁多錢食麵包真係奢侈，今次會係我最後一次食香格里拉CafeTOO.

老公生日所以訂位來這裏慶祝。來前知道full booking但晚飯時又唔算好多人，疫情關係座位都算寬敞，坐得舒服環境幾好，request左window seat話應該安排唔到，但入位時都比到我，開心食物總類唔算好多但都算新鮮。好鍾意佢個燉湯，是日燉湯係海底椰子煲雞，燉湯係限時限量供應，好多人排隊，好清甜。另外麵包蟹都好味，好多蟹糕。唯一覺得甜品不足，只有7-8款蛋糕有點少，又唔算好食（覺得唔需要留肚食甜品）但雪糕ok，cookies and cream, 抺茶同朱古力味都好食，仲有人筆埋你比唔洗咁辛苦

老闆請食午餐，和同事到香格里拉酒店享受buffet😋😋雖然今個月已經食咗幾次buffet，但係今次仍然有少少期待，尤其是食物嘅質素。咁我先講講佢個海鮮，蟹腳味道一般，而三文魚同埋壽司係值得食，我尤其是覺得佢個小壽司有心意，整得好靚。鍾意食壽司嘅我就一定會推介俾大家。蝦，青口，巴拿馬火腿，我比中評（其實係好食嘅，但我唔覺得好突出）熟食方面，印度咖喱，馬鈴薯，豬扒，仲有茄子🍆，同埋燒肉都推介！尤其是馬鈴薯，一粒粒細粒咁樣，好煙銀！而且佢有中式點心！蝦餃最搶手，我搶唔到，食咗燒賣！好味甜品方面，芝士撻，馬卡龍，雪糕，朱古力泡芙，我係最推介嘅！其他嘅話我就覺得有啲樣係靚，但味就好奇怪，例如嗰個檸檬西檸白朱古力杯，食落好似黑人牙膏，完全唔夾。另外有一個紅色嘅，車厘子味嘅小蛋糕，都唔好食。總括來講雖然佢調味好多選擇，但真正好食嘅就唔多。環境大致上都係有中國特色，環境大致係清靜，雖然我哋去嗰日係好多人，但大家都唔係好嘈。

又食自助餐喇, 雖然無生蠔任食, 但係有長腳蟹同麵包蟹補返數長腳蟹海水味好夠, 但唔會好似其他個D咁咸, GOOD, 麵包蟹主要係食膏架啫, 所以專夾D少肉既位置, 以免大嘥, 雖然自助餐本身都較浪費食物既, 所以每樣都盡量試少少, 遇到岩食既先再ENCORE, 仲要即場拉既蘭州拉麵, 哩款係新既, 不過味道就似較淡味既肉燥麵不得不提既係佢既三文魚, 本身我係吞拿魚控黎, 不過今次三文魚既味道真係好突出, 好重魚味之餘唔會腥, 軟滑得黎唔會好油.每款芝士都各有所長, 濃淡適中, 有款仲有少少咸魚味咁, 連平時叫開佢做臭芝士既藍之士, 都無左個陣發酵既臭味.泰國食品區比較新穎, 辣味粟米沙律, 又辣又甜幾醒胃, 青蘋果同青芒果沙律, 2款爽脆得黎, 帶點酸辣味, 又係前菜佳品. 巴馬臣芝士沙律菜, 佢係放左係個大型芝士入面比食客夾既, 重點係煙肉碎同芝士粒係可以任落既.天婦羅蝦有醃過, 所以有少少咸味, 但係質感就有少少膠膠地. 聽到有食客大讚大板燒, 仲話食左好幾件, 所以都試下拎一件試下, 不過感覺居然好似蘿蔔糕, 又唔係話好差既, 不過同其他日系食堂相比, 始終係爭D羊扒比較遜色,

以冇凍龍蝦供應，問下d侍應，叫我地寫信反應一下，真系笑了，求其將隻波龍半隻芝士焗，仲要d肉碎上撈埋其他配料，一人每次限取半隻，生蠔每人兩隻，食完拜拜，燉湯派一轉收皮 ，熱食得幾款，仲要系普通到吾普通嘅款式，個片皮鴨仲大獲，包鴨個塊皮d邊乾晒，咁嘅價錢，我洗乜系度食，最衰個樣就系同朋友點左個任飲酒個package，同朋友開心飲多左少少，個女部長走埋黎比d説話我地聽，意思就系話我地飲咁多，以幫襯佢地好多年，今次之後同佢地講拜拜。

With COVID-19 cases greatly reduced lately in HK, we decided to go for lunch buffet to celebrate Easter. It has been a long time of eating at home so the whole family was looking forward to the lunch buffet. I have always enjoyed Island Shangri-la Cafe too buffets as the selection is a lot more than other 5 star buffets I have been to. It is pricey but I think worth it even though I don't think I ate anywhere near how much I paid for. It was really the experience and the option to try different

復活節預訂了近三千元的Staycation，滿心期待當晚的復活節自助晚餐，怎料食物款式大失所望：海鮮欠奉，蟹腳又瘦又細，刺身款式又少，連元貝都冇，最基本的生/熟蠔都搵唔到，帶子刺身，凍龍蝦，鵝肝也欠奉。。 所謂的鐵板龍蝦也是用來龍蝦肉碎釀成的，亦不見有用鐵板煎，只是用火槍燒燒上面的芝士就算！ 再講燉湯，一晚只出了一次，湯料只有海底椰及瘦肉，味道一般。 印象最深刻的就是車仔麵檔的龍蝦丸，爽口彈牙，令我一次過吃了兩碗。

呢排不停去staycation，港島數一數二嘅酒店都去過，見佢ISL今次包自助晚餐及自助早餐，覺得質素唔會差得去邊啦！咁咪book囉！以前都唔係冇食過Café TOO，點解而家可以差到咁！食物質素係低到，就算你冇去過其他酒店冇得比較都覺得過分！完全係因為staycation而調整你哋嘅食物級數，我覺得好唔尊重你哋自己嘅酒店品牌。首先講刺身類：冇帶子刺身唔緊要，八爪魚係唯一彈牙新鮮之選，吞拿魚又暗又出水！係中檔酒店都唔會供應嘅質素！海鮮類：要鬧嘅係焗龍蝦！個感覺係全部龍蝦起肉切碎，再狂醃同那走晒啲肉味　！擺明係因為啲龍蝦又瘦又唔新鮮先咁樣處理！　唯一令人地期待嘅貴價海鮮都整到咁！　好cheap！天婦羅普通到不得了，食材算新鮮，但唔覺得佢識整天婦羅！炸漿厚度酥脆度等等都係俾返中低檔自助餐嘅誠意，要讚嘅係沙律🥗section，非常新鮮同種類多！其他嗰啲泰式吧就普通、唔提乜罷另一個令人食到嬲嘅位就係甜品🍮！不知所謂！！見到個玻璃櫃係呀好似好澎湃好多款　，但其實近啲望已經見到唔對路！樣樣都好似啲cheap餅店會整嘅款式咁！食落除咗甜、乜都食唔出，真係難食過啲呃錢hightea！我差唔多全部款試咗

正所謂沒有對比沒有傷害，食過同佢金鐘灣仔一帶酒店午市自助餐都俾佢好。甫踏進門口，甜品🍮區一大個櫃展示多款精美糕點，甜品，非常吸引眼球😍有數款甜入心的馬卡龍、養生之選芝麻撻、芝士餅荔枝士多啤梨餅、白朱古力紅莓🍓、泡芙、黑朱古力車厘子🍒、白桃伯爵茶慕斯🔥全部甜點唔掂覺另一份仲有水果🍉任拎。雪糕有八款都係大路野，有曲奇雲呢拿、芒果🥭、士多啤梨🍓、綠茶🍵、紅桑子。小籠包好多人都會錯過咗，你會見到一個個祝龍仔，是上海小籠包，但今次完全唔好食，有點偏乾肉質，皮厚而且不夠湯汁，完全做唔到辣口嘅效果😅點心區域直頭係普通貨色，全部都蒸到過晒龍，不值。海鮮方面：有吾夠肥美麵包蟹、瘦削長腳蟹，螺肉同青口，同埋好難脫殼的蝦。真心差，瘦而無味。最值得再次食係泰國區域，有海鮮沙律🥗、木瓜沙律、豬頸肉沙律、萬金葉、蝦片、大蝦沙律🥗，全部都好辣，好有泰國地道風味。仲有我至愛鳳爪沙律🥗。😍刺身同壽司🍣：壽司有數款，大多數都用牛油果做主調、味道一般。刺身有八爪魚北寄貝吞拿魚但味道一般唔夠新鮮。總結：值得回味係泰國區域和甜品海鮮刺身質素有待改善 整體質素下降

早幾年一年都去幾次，近2年就冇去嘅。 早排就book枱去食啦，早一星期book有枱嘅。去到唔使點等就入得，窗邊嘅，雖然冇乜景，但坐得都好逼，同隔離兩張枱都好近，行出行入要側身先過倒。因為坐得近，其實聽倒哂隔離枱講咩嘅。今次訂晚市，先發現原來冇龍蝦。雖然之前都係咋野凍龍蝦，但而家668蚊一個連cheapcheap凍龍蝦都冇又真係好唔抵喎。海鮮佢得青口，麵包蟹（唔好食），凍蟹腳（咸但唔鮮）。Sosad佢有個泰式沙律吧，有青口墨魚呀豬頸肉個啲，酸酸辣辣唔錯嘅。佢啲壽司就不嬲都唔太吸引，冇試。魚生今次都冇食到。個川貝燉湯係得個咸字，都唔清甜嘅。沙律吧度有驚喜，菜嘅種類幾多。個燒味部冇左乳豬，得雞同叉燒同變左滷水野。滷味佢一碗碗執好，一舊鴨，紅腸，墨魚，豆腐。冇得比人揀囉，明明我唔食紅腸。麵檔我冇試，有啲唔多肥嘅和牛，個樣唔多吸引。試左個蕃薯天婦羅，新鮮炸野即拎正常嘅。個天婦羅蝦可能炸起一段時間，林嘅，唔得囉。隔離有燒龍蝦拎，一試點知係起哂肉加洋蔥同其他野加好多醬去焗，成隻得個3粒龍蝦碎，真係唔該哂。仲要勁咸。試埋佢個鐵板炒龍蝦烏冬啦，好香口嘅，但咸好痴線。冇試到咖哩，但試左個冬陰功湯，正正常常

已有一段時間沒有吃過自助餐或放題了始終人來人往的取食物，是有一定風險趁著日子很慢的向好的方面走去，稍為放鬆一下緊張的心情，在做足潔淨措施的情況，試試新模式的自助餐。選擇自助餐，酒店式比放其他餐廳較給予人安全感。地域方面，港島區比起九龍、新界有安心感。當然價錢亦會較貴。之前以為是Semi-Buffet，一度猶豫要否去試。後來在confirm booking時再次確認，知道是full buffet就維持決定了。這次是環球美食主題：海鮮有麵包蟹、長腳蟹腳、青口、海螺、煙三文魚、Parma ham等；沙律有泰式沙律、凱撒沙律、華都夫沙律、螺絲粉沙律等；湯有冬蔭公湯(不覺得辣的微辣)、忌廉湯、中湯、還有川貝燉湯；魚生有三文魚、八爪魚、金槍魚、以及各款壽司手卷；熱食有燒味、切牛肉、雞胸、意大利雲吞、點心(蝦餃、奶皇包、餃子、燒賣、小籠包等)、咖喱(牛、雞、芝士、雜菜配薄餅)、大阪燒、湯粉麵、小炒等；甜品有雪糕、雜莓Macaroon、各類Patries、麵包布甸、生菓等。食物不論種類及味道都很大路，中規中矩的水平。沒有太難吃，也不是特別好吃。自助餐也不過是如此就可以滿足了。環境為這場環球美食加分，

Staycation 包既自助早餐完全無諗過早餐可以款式多到咁😂早餐時間14號當日，由06：30am-10:30amps: 唔知係咪公眾假期先有咁豪華，所以訂購之前最好問清楚酒店，免得到時有爭議因為我食得太開心，都忘記左問服務員平日係咪都係咁多款式😅首先門口，超級colorful，好有彩虹開❤️感覺一坐低就會有熱茶，奶茶，咖啡等提供，因為一入到去見到有果汁之類飲品，所以沒有浪費額外點選熱飲介紹一下個自助早餐有咩咁特別先啦蝦餃，燒賣，中式包點等。。。煎蛋，炒蛋，烚蛋，奄列都有（奄列配料任選幾款），還有就是奄烈唔洗企係到等嫁，服務員會比個牌你，轉頭整好會送上坐位，夠晒貼❤️湯粉麵，雞粥，生滾粥，肉骨茶，炒菜，東巴牛肉，薯餅，yogurt，煙三文魚，沙律菜，凍盤腸，煎香腸，炸雲吞，麥皮，西式麵包，生果等。。。。。。多到都數唔晒😂，生果杯，沙律杯唔係一堆嫁，擺到靚靚任攞👍👍👍飲品有，鮮奶，西瓜汁，西柚汁，橙汁等。。。。。都算超多選擇真❤️真係超多選擇，第一次自助早餐款式多到咁😂真係唔hea做足100分既早餐👍👍👍我離開時間差唔多十點，一出門口，有一條龍😱，早餐時間至十點半，我都唔去8怪佢地趕唔趕得切