Cafe Paradise (已結業)

一早聽同事講過太子的Café Paradise水準不錯，說是食物製作挺有心思的，這次就來到長沙灣分店一試究竟。 Set Dinner 除了這頁餐牌上的選擇外，餐廳方面亦主動告知 Pasta & Risotto 均可附加相應價錢升級做 Set Dinner，看來這裡的運作滿有彈性，適合愛自由配搭的香港人，不用只局限於7-8個晚餐選擇中。 蘑菇忌廉湯這款湯菇味香濃，而且蘑菇份量十足，磨得不會太細碎，入口依然咬到粒粒蘑菇蓉，是一個蘑菇比例大過忌廉的配搭。 田園沙律份量不少的一份青BB沙律，沙律菜新鮮爽口，配合不造作的黑醋醬汁，口味清新，作為一個開胃前菜就最適合不過。 烤美國豬鞍配蜜糖燒烤汁 $188花了大約15分鐘才上到檯，原來豬鞍這麼厚身，難怪要花上相應的時間去將之烤熟。一刀切落豬鞍中就發現一點也不難切，頗驚喜的，本以為如此厚肉的豬鞍要煮得熟透的話必定又鞋又硬，想不到肉質還挺軟身的，咬落還有一些肉汁，而且充滿燒烤的味道，外圍都脆脆的。 從橫切面可看到豬鞍有多厚肉。另外有點必須要提的，是side dish薯蓉，它的黑松露味非常強勁，我是一路食一路流露出bling bling眼的。 玫瑰鮮奶加

話說收工去搵野食，行行下經過一間店鋪，我被它門前的木馬同摩天輪吸引了。。。當我看完後發覺原來這裡是一間餐廳。看過menu好像也不錯，所以便入去試一下。坐低後，店員很詳盡地介紹menu。我聆聽後，始終都係覺得set dinner 最好。因為我有一點選擇困難症。越多野俾我揀，我會越係不知怎去揀😅餐湯，沙律，主菜，甜品，餐飲全部都有，滿足了我所有慾望😁餐湯係粟米湯。味道還不錯。沙律都算頗大碟。沙律菜很新鮮爽脆，配上了沙律醜，感覺很清新健康呢肉眼扒出場的時候，我心中不禁哇了一聲😆因為塊扒比我想像中的要大。我今次叫了7成熟。每次切開牛扒的時候，總是會擔心過熟or過生。今次切開後，見到肉質還是帶一點點粉紅色，知道一定會好好味。第一啖食，就當然要什麼醬汁都不點。發現已經好好味😋。牛扒煎得很香。肉已有點鹽調味。肉也充滿了肉汁，也充滿了肉的香格。而且一點也不韌！正呀。就連薯蓉（帶點黑松露香味），蕃茄，露荀也很好味好搞笑的甜品。係花師奶😂賣想一流。由於我平時不太吃太甜的東西。所以呢塊小蛋糕我只吃了一大半就放棄了。這裡的咖啡尚算不錯。

女人閨蜜小聚，咖啡店一定係唔錯嘅選擇！這間試業中的咖啡餐店晚上都好多人，食品主要西式食品為主。 飲品的選擇好多，有好多已經settle的套餐，亦有部份單點食品可以轉變為套餐，餐牌上沒有寫但是職員介紹了。 我最愛食的天使麵選擇了套餐，價錢適中，跟特飲加＄15。 首先套餐的是日餐湯為南瓜湯，味道比較香不過不算太濃郁，原本帶點甜味，南瓜已經全部溶掉，可以加上黑胡椒。 田園沙律有一啲沙律菜比較苦澀，不過整體都小清新，不知為何番茄有少少蝦味？如果多一點醋會更加好味。 煙三文魚海蝦黑松露天使麵＄128 黑松露在三文魚表面，三文魚不算太鹹口味適中，黑松露攪拌之後全部天使麵都很香，主要汁在底部，攪拌後之後進食會比較好，比較濕淋淋～整體香氣迫人，天使麵口感也不錯。 是日甜品為菠蘿慕絲蛋糕 菠蘿味普普通通吧，大致上吃得出是菠蘿味，主要是慕絲反而蛋糕比較少，最有心思就是擺設，如果生日來可以叫他加一些生日字眼，又不用另外加錢！（用朱古力粉整成） 軟綿綿朱古力跟餐加＄15 女人有些時間不能夠飲凍飲，軟綿綿朱古力表面有很多很甜的棉花糖，朱古力味很香濃，冬天中的一點甜。

話說呢。聽人講長沙灣新開咗間cafe 入面d野食好似ok喎。咪同朋友去試下個午餐。一入到間餐廳見到個環境被人一個好舒服嘅感受。仲以為今次無介紹錯啦。點知呢個先係惡夢嘅開始。當我同朋友已經選擇好要食d咩嘅時候。咪舉手示意侍應過黎。點知無一個人留意到我地係度叫人。足足等咗五分鐘都無人理過我地。之後終於有人過黎問我地要咩。仲要一臉不耐煩的樣子。吾係應該我地生氣至真咩。之後我點了一個黑松露意大利飯我朋友點了一個西冷牛扒五成熟配意粉。好快就有湯同餐包餐湯就一般不過不失只係咸咗少少還可接受就餐包就完全接近焦了一樣。（好苦）之後到主菜黎到。見到個賣相就普普通通啦。應該吾差嘅。點知換來嘅又係一個失望，黑松露意大利飯個飯質偏硬，味道太淡就像無調過味一樣。只有少許黑松露嘅味道，可能係煮嘅時間太耐d飯係一舊舊。再加上個飯太乾了。完完全全係失望。之後到朋友嘅西冷牛扒。一切開發現完全無五成熟的樣子，完完全全熟了。都算了因為價錢吾算太貴所以沒有當場投訴只係想快d食完就走，但係牛扒就好似石頭一樣完全切吾開。我試咗一口。好似食緊香口膠一樣。之後都算了。正想叫人埋單嘅時候。侍應小姐就一直用不友善嘅眼神望住我地。好似想催

荔枝角地鐵站行5分鐘就到呢一間西餐廳，外面門面不算特別，但一入到去感覺好舒服。咖啡室俾人感覺好舒服係好重要，因為可以坐好耐，而且背景音樂好舒服，服務員招呼好週到，亦都好有禮貌。晚餐有好多款，每款大約都係100至200幾蚊，有扒有意粉等等，價錢非常合理忌廉蘑菇湯雖然賣相不太吸引，但非常非常足料，每一啖都有大量磨菇粒，所以好香菇味，非常鍾意個口感，有好多磨菇，粒味道到調校得好好，like肉眼扒配燒汁通常我叫肉眼扒都要七成以上，今次也不例外，有時七成以上會比較乾身，但呢一個肉眼扒一啲都唔乾身，外面煎得好香，一切肉汁標晒出嚟，入口有好多肉汁，而且佢輕輕調左味，加左鹽同少少黑椒粉令到肉眼扒嘅味道好出，唔點燒汁都夠晒味。配料做得非常出色，尤其個薯蓉，個薯蓉好滑好香，而且加左蟹籽喺上面，口感一流。冧酒朱古力蛋糕甜品一望到就好開心，餐廳好有心思，如果男士們夠鬼馬的話，可以叫餐廳寫一啲特別嘅字眼，俾個驚喜另一半。冧酒朱古力蛋糕好香，朱古力味濃，蛋糕底用咗朱古力餅做，係朱古力愛好者必食之選熱朱古力淨係睇個拉花都值回票價，朱古力味濃而且好香滑，加＄15就有呢一杯朱古力非常抵飲

好姊妹生日，當然要揀個好環境好地方同佢好好慶祝下，揀左呢間係荔枝角既cafe，無論環境同食物質素都令人滿意，慢慢咁渡過左一個輕鬆既晚上呢到既晚餐都係大眾化既牛扒羊扒等，但我其實係為左呢到馳名既德國豬手而黎架哈哈，所以一坐低已經揀定左呢個非試不可，紫薯控見到有紫薯意大利飯即刻心郁郁！！可惜點餐時岩岩賣哂，無計啦，比左個理由我下次再黎最後叫左墨魚汁意大利飯同黑松露薯條~跟餐既湯同沙律好快就黎到，成日都覺得磨菇忌廉湯其實都好可以睇到一間西餐廳既質素同誠意，好多時食主菜前黎個所謂既忌廉湯，但實情係得水一啲都無忌廉味既湯，已經扣左好多分，呢到忌廉湯唔太重忌廉味，但反而蘑菇粒粒好多，令每啖湯都有少少口感同埋香濃蘑菇味，唔錯！反而沙律其實只係菜，雖然新鮮但略為單調，好彩有甜甜地既黑醋汁平衡返。黑松露薯條$38：黑松露竟然三十幾蚊就食到，薯條份量一啲都唔少！最令人興奮係黑松露忌廉醬仲多過啲薯條囉條條薯條都可以盡情點醬，黑松露味好濃，加埋類似沙律醬咁質感，好想知有無得單買呢隻醬薯條屬於粗條，未算好香脆但熱辣辣算唔錯！以呢個價錢黎講已經係超高質墨魚汁意大利飯：小女好中意墨魚汁，但通常墨魚汁都係配意粉，意大

行開呢頭見到呢間餐廳係社企，呢間餐廳係呢區最ok，餐牌吸引種類多又有我啱食嘅，環境又ok，所以就一試～入到餐廳見到有個我挪亞方舟嘅位，好特別有心思，不過要多人同埋要一早訂先可以坐呢個位～晚餐種類好多，樣樣都想試， 可以自由選擇跟餐沙律，湯和飲品～ 蘑菇湯，好香滑，沙律陪埋啲醋汁好好味，好新鮮爽口～美國頂級肉眼扒＄208，好大份，好香，肉質軟硬適中，仍有肉汁鎖住，值得推介～美國豬鞍蜜糖燒烤汁＄188，又係好大份，烤得好香，好味～意式香辣茄汁煙肉長通粉＄58，又係好大碟，通粉煮到啱啱好彈牙，不過可能因為胡椒嘅關係所以真係比較香辣，好味，我鍾意！！薄荷朱古力咖啡加＄15，好香濃～最後原來有埋甜品，blueberry cheese cake好軟熟，好味～特別一讚啲員工服務好好，好有熱誠～

這次是友人帶我來這吃環境相當不錯但因為冇訂位等了20分鐘才有位想不到這家小店也幾有人氣我地點了兩個餐白汁香菇雞柳天使麵和柚子蜜燒焗厚切美國牛仔肋骨白汁香菇雞柳天使麵份量不小我本以為會似西餐一樣意粉類的份量只有碟中心咁大一上到桌就聞到好香的白汁和菇味道食材的份量也不小最喜歡的地方是他的汁相當的多食落不會覺得好乾味道來說是對得起這個價錢柚子蜜燒焗厚切美國牛仔肋骨的份量也不小有2塊咁多相比起扒,我更喜歡肋骨肉質彈牙又有咬口兩個都是很大的份量最後我地2個都食到飽哂想不到是最後還有甜品送上份量不是很多不過因吃了不少肉這甜品正好幫我吸一吸D油整體來說都不錯

同學聚會選擇去一間比較靜的餐廳餐廳的地點不是在市區中心落左MTR都要行一段路不過這樣幾好因為環境就比較靜岩我地呢D老野傾下計吹下水餐廳不大但裝潢很有特色原本我們想坐中間的那張特色桌但因為有人坐左所以我地只好坐其他位置我地嗌了香脆豬手配燒汁和頂級肉眼牛扒配燒汁豬手上到台望落唔算大隻但食落先發覺原來好大隻 幾個人SHARE都仲得肥瘦分佈好平均廚師手勢好 隻手好易切同一切就切得到D肉出黎唔會食得太肉醜值得加分既係個醬汁同個肉好MATCH味道上黎講算係幾高質值得推薦我地再嗌左個頂級肉眼牛扒配燒汁一上台的時候都忍不住哇左一聲超大+超厚肉應該有兩隻手加埋咁大一個人食絕對食唔哂的好彩唔會好柴同好多根我覺得呢個同fd子share一個係完全冇問題因為咁大塊食得頭 個尾都已經凍左haha

放工和朋友往荔枝角café paradise食dinner, 我們點了280克頂級肉眼牛扒配燒汁, 法式香草檸檬燒雞、辣辣芝麻雞翼和凍奶茶。280克頂級肉眼牛扒配燒汁,肉汁鮮嫩,燒汁好香,肉眼份量適中, 入口即熔, 而配菜薯條炸得香脆脆和茄子煎得好香；香草檸檬燒雞雞肉鮮嫩爽口,香草味濃香, 而配菜薯條食落爽脆可口；辣辣芝麻雞翼, 雞翼份量適中, 味道雖少少辣, 但食落好惹味, 而配菜火箭菜好新鮮爽口；飲品奶茶, 茶味好香濃, 味道不錯；餐廳食物質素不錯,坐位好舒適, 格調一流, 朋友聚會好地方。

老婆鐘意食Brunch，見咁多兄弟姊妹比Like就即管試下，Lunch 所以比較多人，當日叫左兩個All day breakfast 叫full paradise，老婆加左$5 轉左個窩夫，野食黎講環顧四周其他客人同自己點嘅presentation 就幾好，但食材就真係中下質素，個All day breakfast 一句講晒，［著左件靚衫嘅大快活］，仲有千祈千祈唔好轉窩夫，又硬又甜咬左一淡放棄左

就黎去大阪，依日同我朋友黎傾行程朋友屋企附近搵間cafe傾見門口好光猛門口放左個小小的旋轉木馬同埋摩天輪望到我目不轉睛等左一陣就入得座平日夜晚都算好滿座估計星期六日可能要排隊小妹同朋友點左兩個晚餐套餐share食套餐包括有沙律、餐湯、主菜、飲品、甜品餐湯係「吞拿魚湯」入面有好多吞拿魚肉雖然係忌廉湯，味道唔算好濃，唔會太膩「白酒海鮮紫薯意大利飯 」紫薯控當然覺得個飯好靚啦輕輕的白酒味道同海鮮味好夾，沒有嗆左紫薯味因為用紫薯煮既汁拌勻成個飯所以整個飯都有帶有澱粉的紫薯汁，真材實料「280克美國頂級肉眼牛扒配燒汁 」不愧係主菜肉眼扒份量都唔少肉眼牛扒熟度岩岩好唔韌而且咬落多汁配埋旁邊既茄子、翠肉瓜唔會淨係食肉咁單調而飲品朋友選左「洛神花茶 」原價$48（跟套餐另加$25）我就飲「黑朱古力沙冰」 原價$38（跟套餐另加$15）沙拉賣相造型夠浮誇當然相機食先不過影要快，如果唔係會融因為係黑朱古力沙冰，所以唔算好甜跟餐的甜品有草莓慕絲蛋糕除左跟餐的甜品外我地加左$25 有原價$50 甜品 - 「Affogato」最初唔太熟悉依個名字雲呢拿雪糕再拌埋咖啡同 Balieys 酒一齊食唔太鍾意飲酒既小妹

突然間想食意粉, 上OpenRice Search 見到呢間Café有意粉食, 而且種類都幾多下, 就去試下佢地門外既擺設好靚, 店內環境都唔錯, 幾有格調同氣氛煙三文魚蜆肉天使麵👉🏼煙三文魚本身已經偏咸, 個汁煮得比較淡, 天使麵混埋個汁同三文魚, 味道岩岩好, 而且天使麵都好入味, 一啲都似出面啲餐廳咁, 撈下個汁就上菜香草忌廉野菌天使麵👉🏼 天使麵好入味好彈牙, 啖啖都好香香草忌廉果個醬汁味, 而且啲野菌都好好食, 好爽口, 好香長沙灣屬於工業區, 估唔到有咁好水準既Café, 而且價錢一啲都唔貴

有一晚約左個女仔friend去呢間cafe食飯gathering，位置好易搵，由荔枝角地鐵站B1出口一直沿大馬路行就到。我地8:30pm左右去到，餐廳唔算好大間，星期六晚好full要等位，好彩等左一陣就有人埋單啦。睇Menu見到佢地有Set dinner，但亦有好多款小食同主菜都好吸引，為左可以試多D野，我地最後決定叫一個Set dinner，另外散叫兩個小食同一個主菜。黑松露薯條 $38小食方面，有得薯條既話我係絕對忍唔到手！呢到既薯條幾粗身，岩岩新鮮炸起熱辣辣夠哂香脆，點埋黑松露醬黎食真係好好味！我地三兩下手就食哂！辣辣芝麻雞翼 $45呢款雞翼雖然話係辣，但其實一D辣都無，唔食得辣既人都唔洗驚架。雖然佢完全唔辣，但外皮炸至脆身，上面仲有好多芝麻，食落好有芝麻香，入面既雞肉仍然保持Juicy嫩滑，非常滋味！白酒海鮮紫薯意大利飯 $118一坐低就睇menu，見到set dinner有我最愛既紫薯！我二話不說已經指明一定要試呢款！呢個risotto會跟餐湯、沙律、甜品，仲有一杯咖啡/茶。餐湯同沙律不過不失，無咩特別。成個飯都係紫色，真係超靚啊！上面仲見到有吉列炸蝦、青口、沙律菜，賣相非常

估唔到長沙灣都有間格調唔錯既餐廳, 食物價錢仲唔太貴添! 呢日就同媽咪嚟嘆返餐!叫左2個dinner set, 甘荀湯同餐包先送到。甘荀湯好滑又唔太杰, 唔會好膩, 清甜好飲! 餐包熱辣辣又軟熟, 好難唔好食。沙律撈得太多油醋, 所以油左少少, 但沙律菜都幾爽脆。除左set, 仲叫左芝士焗扇貝。帶子肉鮮甜彈牙, 但芝士味比較淡, 滿足唔到我呢個芝士怪。羊膝好鬆軟, 幾乎唔洗用力就可以切開, 入口都幾juicy, 羊味唔太濃, 但有淡淡紅酒味, 整體都唔錯。豬鞍好厚身, 可惜太硬實太嚡, 幾乎咬唔入, 但肉味就相當濃, 配埋蜜糖燒烤汁, 味道唔錯但質感就麻麻地。最後以一間簡單既菠蘿芝士蛋糕作結, 軟滑不過略甜, 而且芝味不足。呢區同類型餐廳唔多, 呢度食物款式多, 價格合理, 相信有幾高既競爭力。